عَمُواسْ 9 - أَتَّوْرَتْ دَ أَنَّبَاوَا

رُشٜىٰوَرْ إِسْرَٰٓءِيلَ

¹ نَغَ عُبَنْ‌غِجِ أَڟَيٜىٰ وُرِنْ بَغَدٜىٰنْ؞ يَثٜىٰ، ‏«‏بُغِ كَوُنَنْ غِنْشِڧَنْ هَيْكَلِنْ حَرْ تُوشٜىٰنْ غِنِنْ يَغِرْغِظَ؞ ڢَرْڢَشٜىٰسُ دُواْمِنْ غِنِنْ يَڢَڢَّاطِ عَكَنْ كَوُنَنْ مُتَنٜىٰ؞ مُتَنٜىٰنْ دَ سُكَ ڟِيرَا، تَكُواْبِنْ يَاڧِ ذَيْ كَكَّشٜىٰسُ؞ بَابُوَنْدَ ذَيْ غُدُ يَكُٻُتَ، بَابُوَنْدَ ذَيْ ڟِيرَا كُمَ؞

² كُواْ دَ سُنْ حَڧَ رَامِ ذُوَا وُرِنْ ذَمَنْ مَتَتُّو، ذَنْسَا هَنُّونَ إِنْكَامَسُ؞ كُواْ سُنْيِ ڟَلّٜىٰ ذُوَا سَمَ ذَنْ سَوْكَرْ دَسُو دَغَ وُرِنْ؞

³ كُواْ دَ سُنْ ٻُواْيٜىٰ كَنْسُ عَكَنْ بَبَّنْ تُدُنْ كَرْمٜىٰلْ، ذَنْ نٜىٰمٜىٰسُ أَوُرِنْ إِنْكَامَسُ؞ كُواْ دَ سُنْ ٻُواْيٜىٰ دَغَ غَرٜىٰنِ عَڧَرْڧَشِنْ تٜىٰكُ، أَوُرِنْ ذَنْسَا مَثِيجِنْ تٜىٰكُ يَسَارٜىٰسُ؞

⁴ كُواْ دَ سُنْ تَڢِے بَوْتَا عَڧَسَرْ أَبُواْكَنْ غَابَنْسُ، أَوُرِنْ ذَنْ عُمَرْتَ عَكَكَّشٜىٰسُ دَ تَكُواْبِنْ يَاڧِ؞ ذَنْسَا مُسُ عِدُواْ، عَمَّا عِدُوانْ مَسِيڢَ بَنَأَلْحٜىٰرِبَ؞»‏

⁵ عُبَنْ‌غِجِ يَهْوٜىٰهْ مَيْ ضُنْدُنَا، شِے وَنْدَ يَتَٻَ دُونِيَا تَغِرْغِظَ، دُكْ مَذَوْنَنْ ثِكِنْتَ سُكَيِ كُوكَا، دُكَنْ دُونِيَا تَتَاشِ تَسَوْكَ كَمَرْ كُواْغِنْ نِلُ أَ مَصَرْ،

⁶ شِے وَنْدَ يَغِنَ مَتَاكَنْ سَمَّيْ، يَكَڢَ سَرَرِنْ سَمَ عَدُونِيَا، وَنْدَ يَجَٰوُاْ ضُوَ دَغَ تٜىٰكُ يَجُويَ شِ عَبُوسَشِّيَرْ ڧَسَا، يَهْوٜىٰهْ نٜىٰ سُونَنْسَ!‏

⁷ يَهْوٜىٰهْ يَثٜىٰ ‏«‏يَا كُو مُتَنٜىٰنْ إِسْرَٰٓءِيلَ، أَغَرٜىٰنِ بَكُڢِ مُتَنٜىٰنْ إِتِيُواْڢِيَ بَ؞ حَڧِيڧَ، نَڢِتَرْ دَكُو إِسْرَٰٓءِيلَاوَا دَغَ مَصَرْ، بَنْدَكُو مَا، نَكَٰوُاْ ڢِلِسْتِيَاوَا دَغَ كِرِتْ، سُرِيَاوَا كُمَ دَغَ كِرْ؞

⁸ غَاشِ، إِدَانُنْ عُبَنْ‌غِجِ يَهْوٜىٰهْ سُنَ عَكَنْ مُلْكِنَّنْ مَيْ ذُنُوبِ؞ ذَنْ هَلَّكَ مُلْكِنَّنْ دَغَ ڢُسْكَرْ دُونِيَا، عَمَّا بَذَنْ هَلَّكَ غِدَنْ يَعْڧُوبَ دُكَبَ؞ نِے يَهْوٜىٰهْ نَا ڢَطَا؞

⁹ ‏«‏غَاشِ، ذَنْبَادَ عُمَرْنِ، أَبُواْكَنْ غَابَنْكُ ذَاسُ رَيْرَايٜىٰ غِدَنْ إِسْرَٰٓءِيلَ كَمَرْ يَدَّ عَكَنْ رَيْرَايٜىٰ يَشِ دَغَ دُوَڟُو، بَابُ دُوڟٜىٰنْ دَ ذَيْ ڢَاطِ عَثِكِنْ يَشِ؞ مُوغَيٜىٰنْ ذَاعَ يَرْ دَسُو، مَاسُ أَمِنْثِ كُمَ ذَاعَ وَرْوَاڟَرْ دَسُو ثِكِنْ أَلْعُمَّيْ؞

¹⁰ دُكَنْ مَاسُ ذُنُوبِ عَثِكِنْ مُتَنٜىٰنَ ذَاسُ مُتُ تَتَكُواْبِنْ يَاڧِ، وَتُواْ وَطَنْدَ سُكٜىٰثٜىٰوَ ‏‹‏أَيْ، بَا وَتَ مَسِيڢَرْ دَ ذَاتَ سَامٜىٰمُ، بَذَيْ مَا كُسَنْثٜىٰمُبَ؞›‏ »‏

ذَاعَ سَابُنْتَا إِسْرَٰٓءِيلَ

¹¹ ‏«‏أَ رَانَرْ نَنْ ذَنْ سَاكٜىٰ تَادَ غِدَنْ دَاوُدَ وَنْدَ يَڢَاطِ؞ ذَنْ ڠَرَ عِنْدَ يَلَلَثٜىٰ، إِنْسَاكٜىٰ غِنَاشِ كَمَرْ يَدَّ يَكٜىٰ أَدَا؞

¹² مُتَنٜىٰنْ إِسْرَٰٓءِيلَ كُوَ ذَاسُ مَلَّكِ دُكْ أَبِنْدَ يَضَغٜىٰ نَ عٜىٰدُوامْ، سُكُمَ مَلَّكِ سَوْرَنْ أَلْعُمَّنْدَ دَا أَنَ كِرَنْسُ دَ سُونَنَ؞ نِے يَهْوٜىٰهْ نَا ڢَطَا، ذَنْ كُوَ ثِكَ؞»‏

¹³ يَهْوٜىٰهْ يَا ثٜىٰ، ‏«‏ݣُونَكِے سُنَ ذُوَا عِنْدَ مَيْ نُواْمَ ذَيْبِے بَايَنْ مَيْ غِرْبِے نَنْ دَنَنْ؞ مَيْ مَڟٜىٰوَرْ یَیَنْ إِنَبِے كُمَ ذَيْبِے بَايَنْ مَيْ شُوكَ نَنْ دَنَنْ؞ تُدَّيْ كُوَ ذَاسُدِنْ‌غَ ظُبُواْوَ سَابُوانْ ضُوً إِنَبِے، ڧأَنَانً تُدَّيْ كُمَ ذَاسُ ظُبَرْدَ ضُوً إِنَبِے كُواْعِنَ؞

¹⁴ ذَنْ مَيَرْ وَجَمَعَتَ إِسْرَٰٓءِيلَ دَ أَلْبَرْكُنْتَ، ذَاسُ سَاكٜىٰ غِنَا بِرَنٜىٰنْ دَ سُكَ ذَمَ كُڢَيْ، سُذَوْنَ عَثِكِنْسُ؞ ذَاسُ نُواْمٜىٰ غُواْنَرْسُ سُثِ أَمْڢَانِنْسُ؞

¹⁵ ذَنْ شُوكَسُ عَڧَسَرْ، بَذَاعَ ڧَارَ تُمْٻُكٜىٰسُ دَغَ ڧَسَرْسُ وَدَّ نَكٜىٰبَاسُبَ؞ نِے يَهْوٜىٰهْ نَا ڢَطَا؞»‏