عَمُواسْ 8 - أَتَّوْرَتْ دَ أَنَّبَاوَا

رُعُيَرْ یَیَنْ إِتَاثٜىٰ عَݣُونْدُواْ

¹ سَعَنً عُبَنْ‌غِجِ يَهْوٜىٰهْ يَنُونَ مِنِ وَتَ رُعُيَ؞ عَثِكِنْتَ نَغَ وَنِ ݣُونْدُواْ ثِكٜىٰ دَ یَیَنْ إِتَاثٜىٰ وَطَنْدَ سُكَ نُونَ؞

² سَيْ يَهْوٜىٰهْ يَثٜىٰ ‏«‏عَمُواسْ، مٜىٰ كَغَنِ؟»‏ سَيْ نَثٜىٰ ‏«‏نَغَ ݣُونْدُوانْ یَیَنْ إِتَاثٜىٰنْ دَ سُكَ نُونَ؞»‏ سَيْ يَهْوٜىٰهْ يَثٜىٰ، ‏«‏كَمَرْ يَدَّ یَیَنْ إِتَاثٜىٰنَّنْ سُنْ كَيْ يَدَّ ذَاعَ ثِ، حَكَ ذُنُبَنْ مُتَنٜىٰنَ سُنْ كَيْ يَدَّ ذَاعَ حُكُنْتَسُ؞ ڧَرْشٜىٰ يَذُواْ وَمُتَنٜىٰنَ إِسْرَٰٓءِيلَ، بَذَنْ ڧَارَ ڨَلٜىٰ ذُنُبَنْسُبَ؞

³ أَ رَانَرْ نَنْ وَاڧُواْڧِنْكُ أَ هَيْكَلِ ذَاسُ كُواْمَ كُوكَنْ بَڧِنْ ثِكِ؞»‏ إِنْجِ عُبَنْ‌غِجِ يَهْوٜىٰهْ، ‏«‏غَوَوَّكِ ذَاسُيِيَوَ، ذَاعَ سَامٜىٰسُ عَكُواْوَنٜىٰ وُرِے، بَذَاعَجِ مُواْڟِنْ كُواْمٜىٰبَ؞»‏

ڧَرْشٜىٰنْ إِسْرَٰٓءِيلَ

⁴ ‏«‏كُجِ وَنَّنْ، كُو دَ كُكٜىٰ تَتَّاكٜىٰ مَاسُ بُڧَاتَ، كُنَ هَلَّكَرْ دَ مَتَلَوْتَ نَڧَسَرْ؞

⁵ كُنَثٜىٰ وَكَنْكُ، ‏‹‏يَوْشٜىٰ بِكٍ سَابُوانْ وَتَ ذَيْ وُثٜىٰ، دُواْمِنْ مُسَيَرْ دَ حَڟِنْمُ؟ يَوْشٜىٰ رَانَرْ هُوتُ تَمَكُواْ ذَاتَ ڧَارٜىٰ، مُسَامِ دَامَ مُكَيْ أَلْكَمَرْمُ عَكَاسُوَ؟ ثِكِنْ كَاسُوَنْثِنْمُ ذَامُيِ أَوُاْ دَ وَيُواْ، مُسَيَرْ دَ ڟَادَ، مُبُبُّغَ غِنْدِنْ مُودُ يَدَّ ذَامُ ثُوثِ مَيْسَيَ؞

⁶ أَيْ، ذَامُ عِيَ سَيِ تَلَكَ يَذَمَ بَاوَ دُواْمِنْ بَيْ عِيَ بِيَ أَظُرْڢَابَ؞ حَكَ مَا مَيْ بُڧَاتَ، دُواْمِنْ بَيْ عِيَ بِيَ كُطِنْ تَاكَلْمَنْ كُواْرَرْ شَانُوبَ؞ ذَامُ سَيَرْ دَ حَڟِ مَرَرْ ݣَوْ دَ ڟَادَ؞›‏ »‏

⁷ يَهْوٜىٰهْ وَنْدَ يَعْڧُوبَ يَبَاشِ دَرَجَ، يَرَنْڟٜىٰ ثٜىٰوَ ‏«‏بَاشَكَّ، بَذَنْ تَٻَ مَنْتَادَ مُوغَيٜىٰنْ أَيُّكَنْكُبَ؞

⁸ ڧَسَا كُوَ ذَاتَ يِ ضَوَ سَبُواْدَ ذُنُبَنْكُ، كُواْوَ دَيَكٜىٰ ثِكِنْتَ ذَيْ يِبَڧِنْ ثِكِ، ذَاتَهَوْ تَتَڢَسَ تَسَوْكَ كَمَرْ ضُوً كُواْغِنْ نِلُ، بَابُ ذَمَنْ لَاڢِيَ؞

⁹ ‏«‏أَ رَانَرْ نَنْ، ذَنْسَا رَانَ تَڢَاطِ دَ ڟَكَرْ رَانَ، أَنَ رَانَ، دُونِيَا ذَاتَ دُهُنْتَ؞ نِے عُبَنْ‌غِجِ يَهْوٜىٰهْ نَا ڢَطَا؞

¹⁰ ذَنْ مَيْدَ بُكُكُوَنْكُ سُذَمَ أَبِنْ بَڧِنْ ثِكِ؞ دُكَنْ وَاڧُواْڧِنْكُ ذَاسُ ذَمَ وَاڧُواْڧِنْ كُوكَنْ مُتُوَ؞ ذَنْسَا ڟُمُّواْكِ سُذَمَ رِيغُنَنْكُ، إِنْمَيْدَ كَوُنَنْكُ كَمَرْ نَ عُنْ‌غُلُ؞ ذَاكُيِ كُوكَا كَمَرْ إِيَايٜىٰنْ دَ سُكَ رَسَ طَنْسُ طَيَ تَكْ؞ عَڧَرْشٜىٰ، رَانَرْ ذَاتَ ذَمَ دَ طَاثِ ڨُورَيْ!‏»‏

¹¹ إِنْجِ عُبَنْ‌غِجِ يَهْوٜىٰهْ، ‏«‏حَڧِيڧَ ݣُونَكِنْ سُنَ ذُوَا دَ ذَنْ عَيْكُواْ دَ يُنْوَ عَڧَسَرْ؞ بَ يُنْوَرْ عَبِنْثِبَ، بَ نَڧِشِنْ ضُوَبَ، عَمَّا يُنْوَرْ رَشِنْ سَامُنْ سَڧُوانْ يَهْوٜىٰهْ؞

¹² ذَاسُيِ تَكَيْوَ دَ كَٰوُاْوَ دَغَ تٜىٰكُ ذُوَا تٜىٰكُ، دَغَ أَرٜىٰوَ ذُوَا غَبَسْ؞ ذَاسُيِ تَغُدُ غَبَ دَ بَايَ، سُنَ نٜىٰمَنْ سَڧُوانْ يَهْوٜىٰهْ، عَمَّا بَذَاسُ سَامُبَ؞

¹³ أَ رَانَرْ نَنْ ݣَوَوَنْ بُدُرْوَيْ دَ سَمَارِ ذَاسُسُمٜىٰ دُواْمِنْ ڧِشِنْ ضُوَ؞

¹⁴ وَطَنْدَ سُكَيِ ضَنْڟُوَا دَ غُنْكِنْ سَمَرِيَ سُنَ ثٜىٰوَ ‏‹‏نَا ضَنْڟٜىٰ دَ غُنْكِ نَ دَن›‏، كُواْ ‏‹‏نَا ضَنْڟٜىٰ دَ غُنْكِ نَ بٜىٰيٜىٰرْشٜىٰبَ،›‏ إِرِنْ مُتَنٜىٰنَّنْ ذَاسُڢَاطِ بَذَاسُ ڧَارَ تَاشِبَ؞»‏