عَمُواسْ 7 - أَتَّوْرَتْ دَ أَنَّبَاوَا

رُعُيَرْ ڢَارِ

¹ غَا أَبِنْدَ عُبَنْ‌غِجِ يَهْوٜىٰهْ يَنُونَ مِنِ ثِكِنْ رُعُيَ؞ نَغَ يَنَ يِنْ ڢَارِ مَاسُيَوَنْ غَسْكٜىٰ بَايَنْدَ عَكَ يَنْكَ أَمْڢَانِنْ غُواْنَ دُواْمِنْ سَرْكِے دَيْدَيْ سَابُوَرْ ثِيَوَ تَنَ تُواْهُوَ؞

² عَثِكِنْ رُعُيَرْ، نَغَ ڢَارِ سُنْثِنْيٜىٰ كُواْوَنٜىٰ طَنْيٜىٰنْ غَنْيٜىٰ عَڧَسَرْ، سَيْ نَثٜىٰ، ‏«‏يَا عُبَنْ‌غِجِ يَهْوٜىٰهْ، إِنَ ضُواْڧُوانْكَ، كَغَاڢَرْتَا وَجَمَعَرْكَ!‏ يَيَ ذُرِيَرْ يَعْڧُوبَ ذَاسُ ڟِيرَا؟ غَا سُو كُوَ یَنْ كَطَنْ نٜىٰ!‏»‏

³ سَيْ يَهْوٜىٰهْ يَثَنْجَ نِيَّرْسَ تَيِنْ حَكَ يَثٜىٰ ‏«‏وَنَّنْ بَذَيْ ڢَرُبَ؞»‏

رُعُيَرْ وُتَا

⁴ سَعَنً عُبَنْ‌غِجِ يَهْوٜىٰهْ يَسَاكٜىٰ نُونَ مِنِ وَتَ رُعُيَ؞ سَيْ نَغَ عُبَنْ‌غِجِ يَهْوٜىٰهْ يَنَ كِرَا وُتَا تَحُكُنْتَ جَمَعَرْسَ؞ وُتَرْ كُوَ تَثِنْيٜىٰ ظُرْڢَڢَّنْ تٜىٰكُ، حَرْ مَا تَنَ ثِنْيٜىٰ ڧَسَرْ؞

⁵ سَيْ نَثٜىٰ، ‏«‏يَا عُبَنْ‌غِجِ يَهْوٜىٰهْ، إِنَ ضُواْڧُوانْكَ، كَبَرِ!‏ يَيَ ذُرِيَرْ يَعْڧُوبَ ذَاسُ ڟِيرَا؟ غَا سُو كُوَ یَنْ كَطَنّٜىٰ!‏»‏

⁶ يَهْوٜىٰهْ كُوَ يَثَنْجَ نِيَّرْسَ تَيِنْ حَكَ، ‏«‏وَنَّنْ مَا بَذَيْ ڢَرُبَ؞ نِے عُبَنْ‌غِجِ يَهْوٜىٰهْ نَاڢَطَا؞»‏

رُعُيَرْ إِغِيَرْ ڠُوجِنْ غِنِ

⁷ غَا أَبِنْدَ يَهْوٜىٰهْ يَسَاكٜىٰ نُونَ مِنِ أَوَتَ رُعُيَرْ؞ أَ رُعُيَرْ، نَغَنْ شِ أَڟَيٜىٰ كُسَدَ وَنِ بَنْ‌غُواْ وَنْدَ عَكَ غِنَا دَ تَيْمَكُوانْ إِغِيَرْ ڠُوجِنْ غِنِ؞ يَهْوٜىٰهْ يَنَ رِڧٜىٰ دَ إِغِيَرْ ڠُوجِنْ غِنِنْ أَ حَنُّنْسَ؞

⁸ سَيْ يَهْوٜىٰهْ يَثٜىٰ مِنِ، ‏«‏عَمُواسْ، مٜىٰكَغَنِ؟»‏ سَيْ نَأَمْسَ ‏«‏إِغِيَرْ ڠُوجِنْ غِنِ؞»‏ سَيْ يَهْوٜىٰهْ يَثٜىٰ، ‏«‏حَڧِيڧَ دَ إِغِيَرْ ڠُوجِنَّنْ ذَنْ نُونَ يَدَّ مُتَنٜىٰنَ إِسْرَٰٓءِيلَ سُنَ كَمَ دَ بَنْ‌غُوانْ دَ بَيْ مِيڧٜىٰ دَيْدَيْبَ؞ بَذَنْ ڧَارَ ڨَلٜىٰ ذُنُبَنْسُبَ؞

⁹ ذَاعَ رُشٜىٰ وُرَارٜىٰنْ سُجَّدَ عَكَنْ تُدَّيْ نَظُرِيَرْ إِسْحَٰڧَ، وُرَارٜىٰنْ سُجَّدَ نَ إِسْرَٰٓءِيلَ كُمَ ذَاسُ ذَمَ كُڢَيْ؞ ذَنْ تَادَ تَكُواْبِنْ يَاڧِ نَغَابَادَ غِدَنْ يٜىٰرُواْبُواْوَمْ؞»‏

عَمُواسْ دَ أَمَظِيَ

¹⁰ سَيْ أَمَظِيَ، ڢِرِسْتِ نَ بٜىٰتٜىٰلْ، يَعَيْكَ دَ سَڧُواْ ذُوَا وُرِنْ سَرْكِے يٜىٰرُواْبُواْوَمْ نَ إِسْرَٰٓءِيلَ ثٜىٰوَ ‏«‏غَا عَمُواسْ يَنَ ڧُلّٜىٰ ڧُلّٜىٰ عَكَنْكَ عَثِكِنْ غِدَنْكَ إِسْرَٰٓءِيلَ؞ أَبِنْ دَيَكٜىٰ ڢَطِ، ذَيْ رِكِتَرْدَ ڧَسَرْ؞

¹¹ غَمَا عَمُواسْ يَنَ ثٜىٰوَ ‏«‏ ‏‹‏يٜىٰرُواْبُواْوَمْ ذَيْ مُتُ عَيَاڧِ، ذَاعَ ݣُوشِ مُتَنٜىٰنْ إِسْرَٰٓءِيلَ دَغَ ڧَسَرْسُ ذُوَا بَوْتَا أَوَتَ ڧَسَا؞›‏ »‏

¹² سَيْ أَمَظِيَ يَثٜىٰ وَ عَمُواسْ ‏«‏يَا كَيْ مَيْ غَنِ!‏ كَكُواْمَ ڧَسَرْ يَهُودَ، كَتَڢِے كَنٜىٰمِ عَبِنْثِنْكَ أَوُرِنْ، كَيِ تَأَنَّبْثِنْكَ عَثَنْ؞

¹³ عَمَّا كَدَ كَڧَارَ يِنْ أَنَّبْثِ أَ بٜىٰتٜىٰلْ؞ غَمَا بٜىٰتٜىٰلْ وُرِنْ سُجَّدَ نٜىٰ نَسَرْكِے، كُمَ أَنَنْ نٜىٰ هَيْكَلِنْ مُلْكِنْسَ؞»‏

¹⁴ سَيْ عَمُواسْ يَأَمْسَا وَ أَمَظِيَ يَثٜىٰ ‏«‏دَا مَا نِے بَ أَنَّبِے بَنٜىٰ، وَنَّنْ كُوَ بَ عَيْكِنَ بَنٜىٰ؞ دَا مَا نِے مَكِيَايِنْ تُمَكِ نٜىٰ، إِنَ كُمَ لُورَ دَ عِتَتُوَنْ دُرُمِ؞

¹⁵ سَيْ يَهْوٜىٰهْ يَطَوْكٜىٰنِ دَغَ كِيوُانْ غَرْكٜىٰنْ تُمَكِ؞ يَثٜىٰ مِنِ، ‏‹‏تَڢِے، كَيِ أَنَّبْثِ غَ مُتَنٜىٰنَ نَ إِسْرَٰٓءِيلَ؞›‏

¹⁶ ‏«‏تُواْ، يَنْذُ كَجِ مَغَنَرْ يَهْوٜىٰهْ، كَيْ دَ كَكٜىٰثٜىٰوَ كَدَ إِنْيِ أَنَّبْثِ أَ غِدَنْ إِسْرَٰٓءِيلَ، كَدَ إِنْڟَاوَتَا وَ غِدَنْ إِسْحَٰڧَ؞

¹⁷ سَبُواْدَ حَكَ إِنْجِ يَهْوٜىٰهْ، ‏‹‏مَاتَرْكَ ذَاتَ ذَمَ كَارُوَ عَبِرْنِ، یَیَنْكَ مَظَا دَ مَاتَا، ذَاعَ كَكَّشٜىٰسُ دَ تَكُواْبِے؞ ڢِيلِنْ غُواْنَرْكَ، ذَاعَ رَرَّبَشِ، كَيْ كَنْكَ ذَاكَ مُتُ عَڧَسَرْدَ تَڧَظَنْتُ؞ جَمَعَرْ إِسْرَٰٓءِيلَ كُوَ، حَڧِيڧَ ذَاعَ ݣُوشٜىٰسُ دَغَ ڧَسَرْسُ ذُوَا بَوْتَا أَوَتَ ڧَسَا؞›‏ »‏