عَمُواسْ 6 - أَتَّوْرَتْ دَ أَنَّبَاوَا

هَلَّكَرْ إِسْرَٰٓءِيلَ

¹ كَيْتُوانْكُ، كُو دَ كُكٜىٰيِنْ ذَمَنْكُ أَ سَكٜىٰ ثِكِنْ سِهِيُواْنَ، دَ كُو دَ كُكٜىٰجِ كُنَ ذَمَنْ لَاڢِيَ عَتُدُنْ سَمَرِيَ، كُو دَ كُكٜىٰ مَنْيَنْ مُتَنٜىٰ نَبَبَّرْ أَلْعُمَّرْ نَنْ، كُو دَ غِدَنْ إِسْرَٰٓءِيلَ سُنَ ذُوَا وُرِنْكُ نٜىٰمَنْ تَيْمَكُواْ!‏

² كُتَڢِے بِرْنِنْ كَلْنٜىٰ كُغَنِ، كُوُثٜىٰ ذُوَا بَبَّنْ بِرْنِنْ هَمَتْ؞ سَيْ كُغَنْ‌غَرَ ذُوَا بِرْنِنْ غَتْ نَ ڢِلِسْتِيَ؞ كُو كُنْڢِے وَطَنَّنْ مُلْكُواْكِ نٜىٰ؟ كُواْ يَنْكِنْ ڧَسَرْكُ يَڢِ نَاسُنٜىٰ؟

³ كَيْتُوانْكُ، كُو دَ كُكٜىٰ ڧُواْڧَرِ كُكَوْثٜىٰ وَرَانَرْ مَسِيڢَرْ نَنْ، عَمَّا دَ مُوغَيٜىٰنْ أَيُّكَنْكُ كُنَ ڧَارَ كَٰوُاْ رَانَرْ نَنْ كُرْكُسَ!‏

⁴ كَيْتُوانْكُ، كُو دَ كُكٜىٰ ݣُونْثِيَ عَكَنْ غَدَجٜىٰنْ دَ عَكَيِ دَ هَڧُواْرِنْ غِيوَ، كُنَ جِنْ دَاطِنْ مِيڧٜىٰ جِكُنَنْكُ أَ مَنْيَنْ كُجٜىٰرُنْكُ؞ كُنَ تَثِنْ نَامَنْ تُمَكِ دَغَ غَرْكٜىٰنْكُ دَ یَنْ شَانُو دَغَ طَكُنَنْ كِيوُانْكُ؞

⁵ كُنَ رٜىٰرَ وَاڧُواْڧِ دَ كِطِنْ مُواْلُواْ، كُنَ ڟَمَّنِ كِطٜىٰ كِطٜىٰنْكُ إِرِنَّ دَاوُدَ نٜىٰ؞

⁶ كُنَ شَا ضُوً إِنَبِے دَغَ مَنْيَنْ ݣُونُواْنِ، كُنَ شَڢَاوَا جِكِنْكُ مَيْ مَڢِے ڟَادَ، عَمَّا بَاكُيِنْ بَڧِنْ ثِكِ دَ لَلَثٜىٰوَرْ ذُرِيَرْ يُوسُڢَ!‏

⁷ حَڧِيڧَ، كُونٜىٰ نَڢَرْكُوانْ دَ ذَاعَ ݣُوشٜىٰ ذُوَا بَوْتَا، بُكُكُوَنْكُ دَ رَايُوَرْ جِنْ دَاطِنْكُ ذَاسُ ڧَارٜىٰ؞

⁸ عُبَنْ‌غِجِ يَهْوٜىٰهْ دَ سُونَنْسَ يَرَنْڟٜىٰ، شِ يَهْوٜىٰهْ اللَّهْ مَيْ ضُنْدُنَا يَثٜىٰ، ‏«‏إِنَ ڨَمَرْ غِرْمَنْكَيْ نَظُرِيَرْ يَعْڧُوبَ، نَڧِ وُرَارٜىٰنْ ٻُيَنْسَ؞ ذَنْ بَادَ بِرْنِنْ دَ دُكْ أَبِنْ دَيَكٜىٰ عَثِكِنْسَ غَ أَبُواْكَنْ غَابَا؞»‏

⁹ كُواْ دَاعَثٜىٰ مُتُمْ غُواْمَ نٜىٰ سُكَ رَغُ أَغِدَا غُدَا، دُكْ ذَاسُ مُتُ؞

¹⁰ سَعَدَّ وَنِ دَغَ دَنْ‌غِنْ وَنْدَ يَمُتُ، يَشِغَ غِدَنْ دُواْمِنْ يَڢِتَرْدَ غَاوَرْ يَڧُواْنٜىٰ، سَيْ يَيِ تَمْبَيَ كُواْ أَݣَويْ وَنِ عَٻُواْيٜىٰ ثِكِنْ غِدَنْ، يَثٜىٰ ‏«‏كُواْ أَݣَويْ سَوْرَنْ غَوَوَّكِ؟»‏ عِدَنْ أَنْ أَمْسَ ‏«‏بَابُ،»‏ مَيْ تَمْبَيَرْ ذَيْثٜىٰ ‏«‏كُلْ، كَدَ كَعَمْبَثِ سُونَنْ يَهْوٜىٰهْ دُواْمِنْ كَدَ وَنِ أَبُ يَڢَرُ دَمُو؞»‏

¹¹ غَمَا غَاشِ يَهْوٜىٰهْ يَا بَادَ عُمَرْنِ، ذَاعَ ڢَرْڢَسَ بَبَّنْ غِدَا يَذَمَ ڧُورَا، ڧَرَمِنْ غِدَا كُمَ ذَاعَ مَيْدَشِ تُواْكَ؞

¹² دَوَكِ سُنَ غُدُ عَكَنْ دُوَڟُو نٜىٰ؟ كُواْ أَنَ عِيَ نُواْمٜىٰ تٜىٰكُ دَ شَانُنْ نُواْمَ نٜىٰ؟ عَمَّا كُو كُنْ مَيْدَ شَرِيعَرْ غَسْكِيَ دَڢِ، كُكَ مَيْدَ هَلَيٜىٰنْ أَدَلْثِے طَاثِ؞

¹³ كُو دَ كُكٜىٰ مُرْنَ دُواْمِنْ كُنْيِ نَصَرَا عَكَنْ بِرْنِنْ لُواْدٜىٰبَرْ، وَتُواْ وُاْڢِ، كُنَ ثٜىٰوَ ‏«‏دَ ڧَرْڢِنْ كَنْمُ مُكَ ڨُوثِ بِرْنِنْ كَرْنَيِمْ، وَتُواْ ڧَهُواْ بِيُ؞

¹⁴ ‏«‏غَاشِ، ذَنْ تَادَ وَتَ أَلْعُمَّ تَيِ غَابَادَكُو، يَا غِدَنْ إِسْرَٰٓءِيلَ؞ أَلْعُمَّرْ ذَاتَ دَنّٜىٰكُ تُنْدَغَ مَشِغِنْ يَنْكِنْ هَمَتْ ذُوَا ݣُورِنْ أَرَبَ؞»‏