عَمُواسْ 5 - أَتَّوْرَتْ دَ أَنَّبَاوَا

كِرَا غَ تُوبَ

¹ يَا غِدَنْ إِسْرَٰٓءِيلَ، كُكَسَ كُنّٜىٰ غَ كَلْمُواْمِنْ وَاڧَرْ مَكُواْكِنْ دَ ذَنْيِ عَكَنْكُ!‏

² وَيُّواْ!‏ بُدُرْوَتَ إِسْرَٰٓءِيلَ تَڢَاطِ، بَذَاتَ سَاكٜىٰ تَاشِبَ؞ أَنْ بَرْتَ عَݣُونْثٜىٰ عَڧَسَا، بَابُوَنْدَ ذَيْ تَاشٜىٰتَ؞

³ غَمَا إِنْجِ عُبَنْ‌غِجِ يَهْوٜىٰهْ، ‏«‏بِرْنِنْدَ يَڢِتَرْدَ سُواْجُواْجِ دُبُو، غُدَا طَرِے نٜىٰ كَثَلْ ذَاسُ كُواْمُواْ!‏ بِرْنِنْدَ يَڢِتَرْدَ سُواْجُواْجِ طَرِے، غُدَا غُواْمَ نٜىٰ كَثَلْ ذَاسُ كُواْمُواْ!‏»‏

⁴ إِنْجِ يَهْوٜىٰهْ، ‏«‏يَا غِدَنْ إِسْرَٰٓءِيلَ، كُنٜىٰمٜىٰنِ، ذَاكُ كُوَ رَايُ؞

⁵ عَمَّا كَدَ كُنٜىٰمٜىٰنِ تَوُرِنْ غُمَكَ أَ بٜىٰتٜىٰلْ، كُواْ كُوَ كُشِغَ غِلْغَلْ، كُواْ كُڧٜىٰتَرٜىٰ ذُوَا بٜىٰيٜىٰرْشٜىٰبَ؞ غَمَا مُتَنٜىٰنْ غِلْغَلْ، ذَاعَ ݣُوشٜىٰسُ بَوْتَا بٜىٰتٜىٰلْ كُمَ ذَاتَ ذَمَ أَبِنْ بَنْظَ؞

⁶ كُنٜىٰمِ نِے يَهْوٜىٰهْ، ذَاكُ كُوَ رَايُ؞ إِنْ بَهَكَبَ، ذَنْ ٻَرْكٜىٰ غِدَنْ يُوسُڢَ كَمَرْ وُتَا، وُتَرْ ذَاتَ ثِنْيٜىٰ بٜىٰتٜىٰلْ؞ بَابُ مَيْ عِيَ كَشٜىٰ وُتَرْ!‏

⁷ كَيْتُوانْكُ، كُو دَ كُكَ جُويَا شَرِيعَرْ غَسْكِيَ تَذَمَ دَ طَاثِ غَ تَلَكَاوَا، كُنَ دَنّٜىٰ أَدَلْثِے حَرْ ڧَسَا!‏»‏

⁸ وَنْدَ يَحَلِثِّ ڧُنْ‌غِيُواْيِنْ تَوْرَرِنَّنْ كَظَ دَ یَیَنْتَ دَ كُمَ مَڢَرَوْثِ دَ كَرٜىٰ دَ ذُواْمُواْ، وَنْدَ يَمَيْدَ بَڧِنْ دُهُ سَاڢِيَ، وَنْدَ يَمَيْدَ رَانَ دُهُ، وَنْدَ يَكٜىٰ جَنْ ضُوً تٜىٰكُ يَجُويَ شِ أَ ڢُسْكَرْ ڧَسَا أَمَڟَيِنْ ضُوً سَمَ، سُونَنْسَ يَهْوٜىٰهْ نٜىٰ!‏

⁹ يَكَنْ كَٰوُاْ هَلَّكَ غَ مَيْ ڧَرْڢِے، دُواْمِنْ هَلَّكَ تَرُشٜىٰ بِرَنٜىٰ مَاسُ كَتَنْ‌غَ؞

¹⁰ كُو جَمَعَرْ إِسْرَٰٓءِيلَ، كُنْڧِ مَيْ ڟَيَاوَا عَكَنْ أَدَلْثِے أَوُرِنْ تَارُوَ عَڧُواْڢَرْ غَرِ، دَ مَيْ ڢَطِنْ عَيْنِحِنْ غَسْكِيَ؞

¹¹ حَڧِيڧَ، كُنَ مَڟَا وَتَلَكَاوَا لَمْبَ، كُنَ تِلَسْتَسُ سُبَاكُ عَبِنْثِنْسُ؞ سَبُواْدَ حَكَ كُنَ غِنَا ݣَوَوَنْ غِدَاجٜىٰ دَ دُووَڟُنْ دَ عَكَ سَسَّڧَ، عَمَّا بَذَاكُ ذَوْنَ عَثِكِنْسُبَ؞ كُنْ نُواْمٜىٰ ݣَوَوَنْ غُواْنَكِنْ إِنَبِنْكُ، عَمَّا بَذَاكُ شَا ضُوَنْسُبَ!‏

¹² نَسَنْ يَوَنْ ذُنُبَنْ غَنْ‌غَنْثِنْ دَ كُكٜىٰيِ، دَ كُمَ غِرْمَنْ ذُنُبَنْكُ؞ كُنَ وُلَڧَنْتَ مُتَنٜىٰنْ كِرْكِ، كُنَ ثِنْ حَنْثِ؞ كُنَ حَنَ عَيِ وَمَرَسَ ڧَرْڢِے شَرِيعَرْ غَسْكِيَ أَوُرِنْ تَارُوَ عَڧُواْڢَرْ غَرِ؞

¹³ حَڧِيڧَ، أَ لُواْكَثِ كَمَرْ حَكَ، مَاسُ حِكِمَ سُكَنْ كَمٜىٰ بَاكِنْسُ، غَمَا مُوغُنْ ݣُونَكِے نٜىٰ؞

¹⁴ كُنٜىٰمَ يِنْ أَبِنْكِرْكِ، بَمُغُنْتَابَ، دُواْمِنْ كُرَايُ، دُواْمِنْ يَهْوٜىٰهْ اللَّهْ مَيْ ضُنْدُنَا يَكَسَنْثٜىٰ دَكُو، كَمَرْ يَدَّ كُكَيِ مَغَنَ؞

¹⁵ كُڧِ مُغُنْتَا، كُسُواْ أَبُ مَيْݣَوْ، كُكَڢَ شَرِيعَرْ غَسْكِيَ أَوُرِنْ تَارُوَ عَڧُواْڢَرْ غَرِ؞ وَتَڧِيلَ يَهْوٜىٰهْ اللَّهْ مَيْ ضُنْدُنَا ذَيْ يِوَ ضَغُواْوَرْ ذُرِيَرْ يُوسُڢَ أَلْحٜىٰرِ؞

رَانَرْ يَهْوٜىٰهْ

¹⁶ حَڧِيڧَ، إِنْجِ يَهْوٜىٰهْ اللَّهْ مَيْ ضُنْدُنَا، وَنْدَ شِينٜىٰ عُبَنْ‌غِجِ، ‏«‏ذَاعَيِ كُوكَا عَتِيتُنَ، ذَاعَ جِ كُوكَنْ عَذَابَ أَ ڢِيلَيٜىٰ نَثِكِنْ غَرِ؞ ذَاعَكِرَا مَنُواْمَ سُذُواْ سُيِ كُوكَا، مَاسُ عِيَ كُوكَا سُواْسَيْ سُذُواْ سُيِتَيِ؞

¹⁷ عَثِكِنْ دُكَنْ غُواْنَكِنْ إِنَبِنْكُ ذَاعَيِ تَكُوكَا؞ غَمَا ذَنْ شِغَ ثِكِنْكُ، إِنْيِ مُكُ حُواْرُواْ؞ نِے يَهْوٜىٰهْ نَا ڢَطَا؞

¹⁸ كَيْتُوانْكُ، كُو دَ كُكٜىٰ مَرْمَرِنْ رَانَرْ يَهْوٜىٰهْ!‏ مٜىٰ رَانَرْ يَهْوٜىٰهْ ذَاتَ أَمْڢَانٜىٰكُ؟ أَيْ، رَانَرْ دُهُثٜىٰ، بَ رَانَرْ حَصْكٜىٰبَ!‏

¹⁹ ذَيْ ذَمَ كَمَرْ وَنْدَ يَكُٻُثٜىٰ وَذَاكِ، يَڢَاطَوَ مُوغُوَرْ دَبَّرْ نَنْ بٜىٰيَرْ؞ كُواْ كُوَ كَمَرْ وَنْدَ يَشِغَ غِدَا، يَسَا حَنُّنْسَ عَبَنْ‌غُواْ، سَيْ مَثِيجِ يَسَارٜىٰشِ؞

²⁰ رَانَرْ يَهْوٜىٰهْ رَانَرْ دُهُ ثٜىٰ، بَ رَانَرْ حَصْكٜىٰبَ؞ رَانَرْ بَڧِنْ ثِكِثٜىٰ دَ دَامُوَ، بَ رَانَرْ مُرْنَ بَثٜىٰ؞»‏

²¹ إِنْجِ يَهْوٜىٰهْ، ‏«‏نَڧِ بُكُكُوَنْكُ نَأَدِّينِ إِنَ مَا ڨَمَرْ مُهِمَّنْ تَارُوانْكُ!‏

²² كُواْ دَ كُنْ مِيڧَ مِنِ هَدَايُنْكُ نَڧُواْنَاوَا، دَ هَدَايُنْكُ نَهَڟِ، بَذَنْ كَرْٻَبَ؞ بَذَنْ كُمَ كَرْٻِ دَبُّواْبِنْكُ مَاسُ ڧِبَ وَطَنْدَ كُكَ مِيڧَ مِنِ هَدَايُنْ ڠَرَنْ زُمُنْثِبَ؞

²³ كُكَوَرْ مِنِ دَ ڧَارَرْكُ تَوَاڧُواْڧِ، بَذَنْ سَوْرَرِ كِطِنْ مُواْلَيٜىٰنْكُبَ؞

²⁴ عَمَّا بَرِ أَ عَيْكَتَ شَرِيعَرْ غَسْكِيَ، تَكَسَنْثٜىٰ كُواْعِنَ كَمَرْ ضُوً رَاڢِ مَيْ غُدُ؞ أَدَلْثِے كُمَ كَمَرْ كُواْغِنْ دَ بَايَ بُوشٜىٰوَ؞

²⁵ ‏«‏يَا كُو غِدَنْ إِسْرَٰٓءِيلَ!‏ بَنْكُوَ نٜىٰمِ هَدَايُ دَ بَيٜىٰ بَيٜىٰ ثِكِنْ شٜىٰكَرَا أَرْبَعِنْ دَ كُكَيِ أَدَاجِبَ؞

²⁶ عَمَّا كُكَ طَوْكِ صِڢُّواْڢِنْ غُمَكَنْكُ وَطَنْدَ كُكَيِ وَكَنْكُ، وَتُواْ سِكُّتْ غُنْكِنْكُ دَ كُكٜىٰكِرَا سَرْكِے، دَ كَيْوَنْ غُنْكِنْكُ مَيْ صِڢَّرْ تَوْرَرُواْ؞

²⁷ سَبُواْدَ حَكَ نِے ذَنْ طَوْكٜىٰكُ بَوْتَا ذُوَا وَتَ ڧَسَا غَبَسْ دَ دِمَشْڧُ؞ نِے يَهْوٜىٰهْ، نَا ڢَطَا، وَنْدَ سُونَنَ اللَّهْ مَيْ ضُنْدُنَا نٜىٰ؞»‏