عَمُواسْ 4 - أَتَّوْرَتْ دَ أَنَّبَاوَا

إِسْرَٰٓءِيلَ سُنْ كَاسَ كُواْيُوانْ دَرَسِ

¹ كُجِ مَغَنَرْ نَنْ، كُو مَاتَانْ مَذَوْنَنْ تُدَّنْ سَمَرِيَ، كُو دَ كُكَيِ ڧِبَ كَمَرْ ڧُواْسَسُّنْ شَانُنْ يَنْكِنْ بَشَنْ؞ كُونٜىٰ مَتَنْ دَ كُكَ دَنّٜىٰ تَلَكَاوَا، كُكَ كُمَ وُلَڧَنْتَ مَاسُ بُڧَاتَ؞ كُونٜىٰ كُكَنْثٜىٰ وَمَظَنْكُ، ‏«‏كَٰوُاْ مَنَ أَبِنْ شَا!‏»‏

² عُبَنْ‌غِجِ يَهْوٜىٰهْ يَيِ ضَنْڟُوَا دَ ڟَرْكِنْسَ ثٜىٰوَ ‏«‏حَڧِيڧَ ݣُونَكِے سُنَ ذُوَا مُكُ، دَ ذَاعَ ݣُوشٜىٰكُ بَوْتَادَ ڧُوغِيُواْيِ، كُواْوَثٜىٰ طَيَرْكُ دَ ڧُوغِيَ ذَاعَ جَاتَ؞

³ ذَاكُ رَڟَا تَ عِنْدَ كَتَنْ‌غَ تَڟَٰغٜىٰ، كُواْوَثّٜىٰنْكُ ذَاتَ ڢِتَ كَيْ ڟَيٜىٰ؞ ذَاعَ جٜىٰڢَرْ دَكُو عَبَبَّنْ تُدُنْ هَرْمُوانْ؞ نِے يَهْوٜىٰهْ نَا ڢَطَا؞

⁴ ‏«‏كُذُواْ بٜىٰتٜىٰلْ، وُرِے مَيْ ڟَرْكِے، كُثِيغَبَدَ يِنْ ذُنُوبِ مَنَ؞ كُتَڢِے غِلْغَلْ، كُڧَارَ يِنْ أَيُّكَنْكُ نَسَاٻُواْ؞ كُكَٰوُاْ هَدَايُنْكُ كُواْوَثٜىٰ سَاڢِيَ، زَكَّرْكُ كُمَ كُواْوَثٜىٰ رَانَ تَ عُكُ؞

⁵ كُمِيڧَ هَدَايُنْ غُواْدِيَ دَ غُرَاسَ، كُيِ شٜىٰلَرْ بَايَرْوَرْكُ نَيَرْدَرْ رَيْ، كُبَادَ لَابَرِنْ بَايَرْوَرْ!‏ أَبِنْ سُوانْ ذُوثِيَارْكُ كٜىٰنَنْ، يَا كُو إِسْرَٰٓءِيلَ!‏ نِے عُبَنْ‌غِجِ يَهْوٜىٰهْ نَا ڢَطَا؞

⁶ ‏«‏نَسَا عَيِ يُنْوَ عَكُواْوَنٜىٰ بِرْنِنْكُ، دَ رَشِنْ عَبِنْثِ عَكُواْوَنٜىٰ غَرِ، دُكْدَهَكَ بَكُ جُويُواْ وُرِينَ بَ!‏ نِے يَهْوٜىٰهْ نَا ڢَطَا؞

⁷ نَحَنَ مُكُ ضُوً سَمَ، تُنْ غِرْبِے يَضَغٜىٰ وَتَا عُكُ؞ نَعَيْكَرْ دَ ضُوً سَمَ أَوَنِ غَرِ، عَمَّا نَحَنَ أَوَنْثَنْ غَرِ؞ وَتَ غُواْنَ تَكَنْ سَامِ ضُوً سَمَ وَتَ غُواْنَ كُمَ تَكَنْ رَسَ تَبُوشٜىٰ؞

⁸ مُتَنٜىٰ سُكَنْيِ يَٰوُاْ غَرِ غَرِ دُواْمِنْ نٜىٰمَنْ ضُوَ، عَمَّا بَسُ كُواْ سَامِ ضُوً دَ ذَيْ إِشٜىٰسُبَ، دُكْدَهَكَ، بَكُ جُويَا وُرِينَبَ؞ نِے يَهْوٜىٰهْ نَا ڢَطَا؞

⁹ ‏«‏نَا سَا وَغُواْنَكِنْكُ ڢُمْڢُنَ دَ ثُوتَا، غُواْنَكِنْكُ كُمَ دَ غُواْنَكِنْ إِنَبِنْكُ، دَ عِتَتُوَنْ ٻَوْرٜىٰنْكُ دَ نَظَيْتُنْكُ، نَسَا ڢَارِ سُثِنْيٜىٰ؞ دُكْدَهَكَ، بَكُ جُويَا وُرِينَبَ؞ نِے يَهْوٜىٰهْ نَا ڢَطَا؞

¹⁰ ‏«‏نَا عَيْكَ دَ بَلَعِ عَثِكِنْكُ كَمَرْ يَدَّ نَيِ أَ مَصَرْ؞ نَا كَكَّشٜىٰ سَمَارِنْكُ دَ تَكُواْبِنْ يَاڧِ، نَا ݣُوشِ دَوَكِنْكُ؞ نَا ثِكَ حَنْثِنْكُ دَ وَرِنْ غَوَوَّكِنْ مُتَنٜىٰنْكُ دَ سُكَ مُتُ؞ دُكْدَهَكَ، بَكُ جُويَا وُرِينَبَ؞ نِے يَهْوٜىٰهْ نَا ڢَطَا؞

¹¹ ‏«‏نَا هَلَّكَرْ دَ وَطَنْسُنْكُ كَمَرْ يَدَّ نَهَلَّكَرْ دَ سُواْدُوامْ دَ غُواْمُواْرَ؞ كَمَرْ سَنْدَا كُكٜىٰ وَنْدَ عَكَ ڢِظْغٜىٰ دَغَ وُتَا؞ دُكْدَهَكَ، بَكُ جُويَا وُرِينَبَ؞ نِے يَهْوٜىٰهْ نَا ڢَطَا؞

¹² حَڧِيڧَ، غَ أَبِنْدَ ذَنْيِ مَكَ، يَا إِسْرَٰٓءِيلَ!‏ تُنْدَيَكٜىٰ ذَنْيِ مَكَ وَنَّنْ، سَيْ كَيِ شِرِنْ غَمُوَ دَ اللَّهْ نْكَ، يَا إِسْرَٰٓءِيلَ؞

¹³ ‏«‏غَاشِ، وَنْدَ يَحَلِثِّ مَنْيَنْ تُدَّيْ، وَنْدَ يَيِ إِسْكَ، وَنْدَ يَبَيَّنَ تُنَانِنْسَ غَ یَنْ أَدَمْ، وَنْدَ يَمَيْدَ سَڢٜىٰ دُهُ، وَنْدَ يَمَيْدَ تُدَّنْ دُونِيَا وُرِنْ سَا ڧَڢَرْسَ، سُونَنْسَ يَهْوٜىٰهْ اللَّهْ مَيْ ضُنْدُنَا نٜىٰ!‏»‏