عَمُواسْ 3 - أَتَّوْرَتْ دَ أَنَّبَاوَا

دَلِيلِنْ حُكُنْثِنْ إِسْرَٰٓءِيلَ

¹ يَا كُو جَمَعَرْ إِسْرَٰٓءِيلَ، كُو كَطَيْ نٜىٰ عِيَلِنْ دَ يَهْوٜىٰهْ يَڢِتَرْ دَكُو دَغَ ڧَسَرْ مَصَرْ؞ يَنْذُ كُكَسَ كُنّٜىٰ كُجِ مَغَنَرْ دَ يَهْوٜىٰهْ يَيِ عَكَنْكُ؞

² ‏«‏كُتُنَ ڢَا، دَغَ ثِكِنْ دُكَنْ عِيَلَنْ دُونِيَا، كُو كَطَيْ نٜىٰ نَسَنِ، نَكُمَ ذَاٻٜىٰكُ كُذَمَ نَوَ؞ سَبُواْدَ حَكَ ذَنْ حُكُنْتَكُ دُواْمِنْ دُكَنْ لَيْڢُواْڢِنْكُ؞»‏

³ مُتُمْ بِيُ ذَاسُ عِيَ تَڢِيَ تَرٜىٰنٜىٰ؟ أَيْ، سَيْ سُنْ حَطُ سُيِ شِرِنْ تَڢِيَرْ؞

⁴ ذَاكِ ذَيْ يِ رُورِ عَكُرْمِ حَكَ كَوَيْنٜىٰ؟ أَيْ، سَيْ يَغَ نَامَ؞ ذَاكِ مَيْ ڧَرْڢِے ذَيْ يِكُوكَا أَ رَامِ حَكَ كَوَيْنٜىٰ؟ أَيْ، سَيْ يَكَامَ وَنِ أَبُ؞

⁵ ڟُنْڟُ ذَيْ شِغَ تَرْكُواْ حَكَ كَوَيْنٜىٰ؟ أَيْ، سَيْ أَنْيِ مَسَ أَبِنْ جَنْ حَنْكَلِ؞ تَرْكُواْ ذَيْ يِمُواْڟِ عَڧَسَا حَكَ كَوَيْنٜىٰ؟ أَيْ، سَيْ يَكَامَ وَنِ أَبُ؞

⁶ ذَاعَ هُورَ ڧَهُوانْ يَاڧِ عَبِرْنِ حَكَ كَوَيْنٜىٰ؟ أَيْ، سَيْ مُتَنٜىٰنْ بِرْنِنْ سُنْ ڢِرْغِتَ؞ ذَاعَ غَ مَسِيڢَ عَبِرْنِ حَكَ كَوَيْنٜىٰ؟ أَيْ، سَيْ دَ حَنُّنْ يَهْوٜىٰهْ عَثِكِ؞

⁷ حَڧِيڧَ، عُبَنْ‌غِجِ يَهْوٜىٰهْ بَايَ يِنْ كُواْمٜىٰ، سَيْ يَبَيَّنَ أَسِيرِنْسَ غَ أَنَّبَاوَنْسَ؞

⁸ يَوْ ذَاكِ يَيِ رُورِ، وَنٜىٰنٜىٰ بَذَيْجِڟُواْرُواْبَ؟ عُبَنْ‌غِجِ يَهْوٜىٰهْ يَيِ مَغَنَ، وَنٜىٰنٜىٰ ذَيْڧِے يِنْ شٜىٰلَرْ مَغَنَرْسَ؟

حُكُنْثِنْ ذُنُوبِنْ إِسْرَٰٓءِيلَ

⁹ سَيْ يَهْوٜىٰهْ يَثٜىٰ وَ أَنَّبِے عَمُواسْ، ‏«‏يِشٜىٰلَ أَوُرَارٜىٰنْ ٻُيَ نَ أَشْدُوادْ، دَ وُرَارٜىٰنْ ٻُيَنْ ڧَسَرْ مَصَرْ، كَثٜىٰ، ‏‹‏كُتَارَ كَنْكُ أَ مَنْيَنْ تُدَّنْ سَمَرِيَ، كُغَ بَبَّرْ ضِكِثِيوَرْ دَتَكٜىٰ عَثِكِنْتَ، دَ يَوَنْ دَنِّيَرْ دَيَكٜىٰ ثِكِنْ مُتَنٜىٰنْتَ؞›‏

¹⁰ غَمَا بَسُ سَنْ يَدَّ ذَاسُ عَيْكَتَ أَبِنْدَ يَكٜىٰ دَيْدَيْبَ!‏ سُنَ تَارَ كَايَنْ دَ عَكَ سَاتَادَ نَڢَشِ أَوُرَارٜىٰنْ ٻُيَنْسُ!‏»‏

¹¹ إِنْجِ عُبَنْ‌غِجِ يَهْوٜىٰهْ، ‏«‏حَڧِيڧَ أَبُواْكَنْ غَابَا ذَاسُ كٜىٰوَيٜىٰ ڧَسَرْ، ذَاسُ رَبَكُ دَ ڧَرْڢِنْكُ، سُكُمَ ڨُوثٜىٰ كَايَنْ وُرِنْ ٻُيَنْكُ؞»‏

¹² إِنْجِ عُبَنْ‌غِجِ يَهْوٜىٰهْ، ‏«‏كَمَرْ يَدَّ مَكِيَايِ يَكَنْ كُٻُتَرْدَ ڧَڢَاڢُ بِيُ كُواْ كُنّٜىٰ طَيَ نَتُنْكِيَ دَغَ بَاكِنْ ذَاكِ، حَكَ ذَاعَ كُٻُتَرْ دَ ڧَڢَاڢُ بِيُ نَغَدُواْ كُواْ سَاشٜىٰنْ كُجٜىٰرَ نَمُتَنٜىٰنْ إِسْرَٰٓءِيلَ مَاسُ جِنْ دَاطِے أَ سَمَرِيَ؞

¹³ كَجِ، كَغَرْغَطِے غِدَنْ يَعْڧُوبَ؞ نِے عُبَنْ‌غِجِ يَهْوٜىٰهْ، اللَّهْ مَيْ ضُنْدُنَا، نَا ڢَطَا؞

¹⁴ أَ رَانَرْ دَ ذَنْ حُكُنْتَ إِسْرَٰٓءِيلَ سَبُواْدَ ذُنُبَنْسُ نَغَنْ‌غَنْثِ، ذَنْ رُشٜىٰ بَغَدَيْ نَ بٜىٰتٜىٰلْ، ذَاعَ كَكَّرْيَ ڧَهُواْنِنْ بَغَدٜىٰنْ أَ ظُبَرْ عَڧَسَا؞

¹⁵ ذَنْ رُرُّشٜىٰ غِدَاجٜىٰنْسُ نَرَانِ دَ نَدَمِنَ؞ غِدَاجٜىٰنْسُ دَ عَكَيِ أَدُوانْسُ دَ هَڧُواْرِنْ غِيوَ، ذَاسُ ڢَڢَّاطِ؞ مَنْيَنْ غِدَاجٜىٰ كُوَ ذَاعَ هَلَّكَرْ دَسُو؞ نِے يَهْوٜىٰهْ نَا ڢَطَا؞»‏