عَمُواسْ 2 - أَتَّوْرَتْ دَ أَنَّبَاوَا

حُكُنْثِنْ ڧَسَرْ مُواْوَبْ

¹ إِنْجِ يَهْوٜىٰهْ، ‏«‏مُتَنٜىٰنْ مُواْوَبْ سُنْيِ ذُنُوبِنْ غَنْ‌غَنْثِ، سُكَڧَارَ ذُنُوبِ عَكَنْ ذُنُوبِ؞ بَذَنْ دَيْنَ حُكُنْتَسُ بَ، غَمَا سُنْ ڧُواْنٜىٰ ڧَسُسُوَنْ سَرْكِنْ عٜىٰدُوامْ، سُكَ مَيْدَسُو تُواْكَ؞

² دُواْمِنْ حَكَ، نِے ذَنْ عَيْكَ دَ وُتَا عَكَنْ مُواْوَبْ، وُتَرْ ذَاتَ ثِنْيٜىٰ وُرَارٜىٰنْ ٻُيَنْ كٜىٰرِيُواتْ؞ مُتَنٜىٰنْ مُواْوَبْ ذَاسُ هَلَّكَ عَثِكِنْ بَبَّرْ ضِكِثِيوَ عَثِكِنْ إِيهٌ سُواْجُواْجِ دَ ڧَارَرْ بُوسَرْ ڧَهُواْ؞

³ ذَنْ كَوَرْدَ سَرْكِنْ مُواْوَبْ، إِنْ كَشٜىٰ دُكَنْ دَتَّاوَنْتَ؞ نِے يَهْوٜىٰهْ نَا ڢَطَا؞»‏

حُكُنْثِنْ ڧَسَرْ يَهُودَ

⁴ إِنْجِ يَهْوٜىٰهْ، ‏«‏مُتَنٜىٰنْ يَهُودَ سُنْيِ ذُنُوبِنْ غَنْ‌غَنْثِ، سُكَڧَارَ ذُنُوبِ عَكَنْ ذُنُوبِ؞ بَذَنْ دَيْنَ حُكُنْتَسُبَ، غَمَا سُنْ رٜىٰنَ كُواْيَرْوَرْ يَهْوٜىٰهْ، بَسُ كِيَايٜىٰ ڧَٰعِدُواْدِنْسَبَ؞ أَلُّواْلِنْسُ نَڧَضْيَا سُنْ رُوطٜىٰسُ، كَمَرْ يَدَّ سُكَ رُوطِ كَاكَنِّنْسُ؞

⁵ دُواْمِنْ حَكَ، نِے ذَنْ عَيْكَ دَ وُتَا عَكَنْ يَهُودَ، وُتَرْ ذَاتَ ثِنْيٜىٰ وُرَارٜىٰنْ ٻُيَنْ عُرُوشَلِيمَ؞»‏

حُكُنْثِنْ إِسْرَٰٓءِيلَ

⁶ إِنْجِ يَهْوٜىٰهْ، ‏«‏مُتَنٜىٰنْ إِسْرَٰٓءِيلَ سُنْيِ ذُنُوبِنْ غَنْ‌غَنْثِ، سُكَڧَارَ ذُنُوبِ عَكَنْ ذُنُوبِ؞ بَذَنْ دَيْنَ حُكُنْتَسُ بَ، غَمَا سُنَ سَيَرْ دَ مُتُمْ مَيْ أَدَلْثِے عَكَنْ بَاشِنْ أَظُرْڢَا غُدَا، مَرَرْ بُڧَاتَ كُمَ عَكَنْ بَاشِنْ تَاكَلْمِ غُدَا؞

⁷ سُنْ كُمَ تَتَّاكَ تَلَكَاوَا كَمَرْ سُنَ تَاكَ ڧُورَرْ ڧَسَا، بَاسَ شَرِيعَرْ غَسْكِيَ غَ مَرَسَ ڧَرْڢِے؞ بَابَ دَ طَنْسَ سُنَ ݣُونَ دَ مَثٜىٰ غُدَا؞ تَهَكَ سُكٜىٰيِنْ بَنْظَ دَ سُونَنَ مَيْ ڟَرْكِے؞

⁸ أَغَبَنْ كُواْوَنٜىٰ بَغَدٜىٰ، سُنَ ݣُونْثِيَ عَكَنْ رِيغُنَنْ دَ عَكَ بَادَسُو جِنْ‌غِنَ؞ أَ غِدَانَ سُنَ شَنْ ضُوً إِنَبِنْ دَ سُكَ سَيَ دَ كُطِنْ مُتَنٜىٰنْ دَسُكٜىٰبِنْسُ بَاشِ؞

⁹ ‏«‏عَمَّا غَاشِ، سَبُواْدَ سُونٜىٰ نَهَلَّكَ أَمُواْرِيَاوَا، وَطَنْدَ ڟَيِنْسُ كَمَرْ عِتَتُوَنْ سٜىٰدَ، ڧَرْڢِنْسُ كُمَ كَمَرْ عِتَتُوَنْ غِغِنْيَ نٜىٰ؞ نَهَلَّكَ یَیَنْ عِتَتُوَ نَسَمَ دَ سَيْوُاْيِنْسُ نَڧَسَا؞

¹⁰ نِنٜىٰ نَا ڢِتُواْ دَكُو دَغَ ڧَسَرْ مَصَرْ، نَابِے دَكُو ثِكِنْ دَاجِ شٜىٰكَرَا أَرْبَعِنْ، دُواْمِنْ كُغَاجِ ڧَسَرْ أَمُواْرِيَاوَا؞

¹¹ نَا تَادَ وَطَنْسُ یَیَنْكُ سُذَمَ أَنَّبَاوَا، وَطَنْسُ سَمَارِنْكُ كُمَ سُذَمَ وَطَنْدَ عَكَ كٜىٰٻٜىٰ نَظِرِتْ؞ كُواْ بَهَكَ بَنٜىٰ، يَا كُو یَیَنْ إِسْرَٰٓءِيلَ؟ نِے يَهْوٜىٰهْ نَا ڢَطَا؞

¹² عَمَّا كُنْ سَا نَظِرِتْ، كٜىٰٻَٻُّنَّنْ، سُشَا ضُوً إِنَبِے، كُكَ كُمَ عُمَرْثِ أَنَّبَاوَا كَدَ سُيِ أَنَّبْثِ؞

¹³ غَاشِ ڢَا، ذَنْ دَنّٜىٰكُ ڧَسَا أَ عِنْدَ كُكٜىٰ، كَمَرْ يَدَّ يَوَنْ كَايَ يَكَنْ دَنّٜىٰ جَاكِ؞

¹⁴ تُواْ، سَرْكِنْ سَوْرِ ذَيْ رَسَ سَوْرِنْسَ، مَيْ ڧَرْڢِے كُمَ ذَيْ ذَمَ مَرَرْ ڧَرْڢِے، مَيْ عِيَ يَاڧِ كُمَ بَذَيْثٜىٰثِ رَنْسَبَ؞

¹⁵ مَيْ بَكَ بَذَيْ عِيَ ڟَيَاوَا يَيِ يَاڧِبَ، سُواْجَ مَيْ عِيَ غُدُ بَذَيْ ڟِيرَبَ، مَيْ هَوَنْ دُواْكِ مَا بَذَيْ كُٻُتَرْ دَكَنْسَبَ؞

¹⁶ كُواْ سُواْجَ مَڢِے ڧَرْڢِنْ ذُوثِيَا مَا، ذَيْ غُدُ ڟِرَرَ أَ رَانَرْ نَنْ؞ نِے يَهْوٜىٰهْ نَا ڢَطَا؞»‏