أَيُّكَنْ مَنْذَنِّے 9 - أَتَّوْرَتْ دَ أَنَّبَاوَا

تُوبَرْ شَوُلُ

¹ شَوُلُ كُوَ يَنَ ثِيغَبَدَ ڟَنَنْتَاوَ مَاسُبِنْ عُبَنْ‌غِجِ ڟَنَنِ سُواْسَيْ، حَرْ دَ ثٜىٰوَ ذَيْ كَشٜىٰسُ؞ سَيْ يَجٜىٰ وُرِنْ بَبَّنْ ڢِرِسْتِ،

² يَضُواْڧٜىٰشِ يَبَاشِ وَسِيڧُ ذُوَا مَجَمِعُنْ دِمَشْڧُ، دُوانْ عِدَنْ يَا سَامِ مَاسُبِنْ حَنْيَرْ عُبَنْ‌غِجِ، مَظَا كُواْ مَاتَا، يَكَٰوُاْسُ أَطَوْرٜىٰ عَبِرْنِنْ عُرُوشَلِيمَ؞

³ يَنَ ثِكِنْ تَڢِيَ كٜىٰنَنْ، يَيِ كُسَدَ دِمَشْڧُ، بَا لَابَرِ، سَيْغَا وَنِ حَصْكٜىٰ دَغَ سَمَ يَحَصْكَكَا كٜىٰوَيٜىٰ دَشِ؞

⁴ سَيْ يَڢَاطِ عَڧَسَا، يَكُمَجِ وَتَ مُرْيَ تَنَثٜىٰمَسَ ‏«‏شَوُلُ، شَوُلُ، دُوانْمٜىٰ كَكٜىٰ ڟَنَنْتَ مِنِ؟»‏

⁵ شِے كُوَ يَثٜىٰ ‏«‏وَنٜىٰنٜىٰ كَيْ، مَيْغِرْمَ؟»‏ سَيْ مُرْيَرْ تَأَمْسَ ثٜىٰوَ ‏«‏نِنٜىٰ عِيسَىٰ وَنْدَ كَكٜىٰ ڟَنَنْتَ مَسَ؞

⁶ كَتَاشِ كَشِغَ ثِكِنْ غَرِ، عَثَنْ ذَاعَ ڢَطَا مَكَ أَبِنْدَ ذَاكَيِ؞»‏

⁷ أَبُواْكَنْ تَڢِيَرْسَ كُوَ سُكَ كَاسَ مَغَنَ، سُنَجِنْ مُرْيَ، عَمَّا بَسُغَ كُواْوَبَ؞

⁸ سَيْ شَوُلُ يَتَاشِ، عَمَّا دَ يَبُوطٜىٰ عِدُواْ بَيْ عِيَ غَنِبَ؞ سَيْ سُكَ رِڧٜىٰ مَسَ حَنُّ سُكَ كَٰوُاْ شِ دِمَشْڧُ؞

⁹ يَيِ ݣُونَ عُكُ، بَايَ غَنِ، بَايَثِ، كُمَ بَايَشَا؞

¹⁰ تُواْ، أَݣَويْ وَنِ مَيْبِے أَ دِمَشْڧُ، مَيْ سُونَ هَنَنِيَ؞ عُبَنْ‌غِجِ يَيِ مَسَ مَغَنَ ثِكِنْ رُعُيَ يَثٜىٰ ‏«‏هَنَنِيَ!‏»‏ شِے كُوَ يَأَمْسَ ‏«‏غَا نِے، يَا عُبَنْ‌غِجِ؞»‏

¹¹ سَيْ عُبَنْ‌غِجِ يَثٜىٰ مَسَ ‏«‏تَاشِ كَتَڢِے تِيتِنَّنْ دَ عَكٜىٰثٜىٰ دَشِ مِيڧَڧّٜىٰ، كَجٜىٰ غِدَنْ يَهُودَ، كَتَمْبَيَ كُواْ أَݣَويْ وَنِ مُتُمِنْ تَرْسُسْ، مَيْ سُونَ شَوُلُ؞ غَاشِ نَنْ يَنَ أَدُّعَ أَوُرِنْ؞

¹² حَرْ مَا عَثِكِنْ رُعُيَ يَغَ وَنِ مُتُمْ مَيْ سُونَ هَنَنِيَ يَشِغُواْ، يَسَا مَسَ حَنُّنْ أَلْبَرْكَ دُواْمِنْ يَسَاكٜىٰ سَامُنْ غَنِنْ غَرِ؞»‏

¹³ عَمَّا هَنَنِيَ يَأَمْسَ يَثٜىٰ ‏«‏عُبَنْ‌غِجِ، نَشَا جِنْ لَابَرِنْ مُتُمِنَّنْ وُرِنْ مُتَنٜىٰ دَيَوَ عَكَنْ يَوَنْ مُغُنْتَارْ دَ يَيِ وَڟَرْكَكَا أَ عُرُوشَلِيمَ؞

¹⁴ غَاشِ كُمَ يَنَدَ إِظْنِ دَغَ مَنْيَنْ ڢِرِسْتُواْثِے يَكَامَ دُكْ وَنْدَ يَكٜىٰ كِرَا غَ سُونَنْكَ؞»‏

¹⁵ عَمَّا عُبَنْ‌غِجِ يَثٜىٰ مَسَ ‏«‏كَيْ دَيْ، كَجٜىٰ، دُواْمِنْ شِے مُتُمْ نٜىٰ دَ نَذَاٻَا يَيِ عَيْكِنَ دُواْمِنْ يَسَنَرْدَ سُونَنَ غَ وَطَنْدَ بَا يَهُودَاوَا بَ دَ سَرَاكُنَ دَ كُمَ إِسْرَٰٓءِيلَاوَا؞

¹⁶ نِے دَكَيْنَ ذَنْ نُونَ مَسَ وُيَرْ دَ لَلَّيْ ذَيْشَا سَبُواْدَ سُونَنَ؞»‏

¹⁷ سَيْ هَنَنِيَ يَتَڢِے يَشِغَ غِدَنْ؞ يَسَ حَنُّوَنْسَ عَكَنْ شَوُلُ، يَثٜىٰ ‏«‏طَنْعُوَنَ شَوُلُ، عُبَنْ‌غِجِ نٜىٰ يَعَيْكُواْ نِے، وَتُواْ عِيسَىٰ وَنْدَ يَبَيَّنَ أَغَرٜىٰكَ عَكَنْ حَنْيَرْدَ كَبِيُواْ؞ يَعَيْكٜىٰنِ دُواْمِنْ كَسَاكٜىٰ عِيَ غَنِ، عَكُمَ ثِكَكَ دَ رُوحُ مَيْ ڟَرْكِے؞»‏

¹⁸ نَنْ تَكٜىٰ، سَيْ وَنِ أَبُ كَمَرْ ٻَوُاْ يَڢَاطِ دَغَ إِدَانُنْ شَوُلُ، سَيْ يَسَاكٜىٰ غَنِ؞ سَعَنً يَتَاشِ، عَكَيِ مَسَ بَڢْتِسْمَ؞

¹⁹ سَيْ يَثِ عَبِنْثِ، يَسَاكٜىٰ سَامُنْ ڧَرْڢِے؞ شَوُلُ كُوَ يَيِ یَنْ ݣُونَكِے تَرٜىٰدَ سَوْرَنْ مَاسُبِنْ دَسُكٜىٰ أَ دِمَشْڧُ؞

شَوُلُ يَيِ وَعَظِ أَ دِمَشْڧُ

²⁰ بَادَ دَطٜىٰوَبَ، شَوُلُ يَڢَارَ وَعَظِنْ عِيسَىٰ أَ مَجَمِعُنْ يَهُودَاوَا ثٜىٰوَ عِيسَىٰ شِينٜىٰ طَنْ اللَّهْ؞

²¹ دُكْ وَطَنْدَ سُكَجِيشِ كُوَ سُكَيِ مَامَاكِ، سُكَثٜىٰ ‏«‏أَشٜىٰ، بَوَنَّنْ نٜىٰ يَكَكَّشٜىٰ يَكُمَ وَاڟَرْدَ مَاسُ كِرَنْ سُونَنَّنْ ثِكِنْ سُجَّدَ أَ عُرُوشَلِيمَ بَ؟ بَ يَا ذُواْ نَنْ دَ نِيَّرْ يَكَيْسُ غَبَنْ مَنْيَنْ ڢِرِسْتُواْثِے أَطَوْرٜىٰ بَنٜىٰ؟»‏

²² عَمَّا شَوُلُ يَڧَارَ سَامُنْ ڧَرْڢِے، يَنَ تَرِكِتَرْ دَ حَنْكَلِنْ يَهُودَاوَنْ دَسُكٜىٰ ذَمَ أَ دِمَشْڧُ، يَنَ تَبَّتَرْ مُسُ ثٜىٰوَ عِيسَىٰ شِينٜىٰ أَلْمَسِيحُ؞

شَوُلُ يَكُٻُثٜىٰ وَ يَهُودَاوَا

²³ بَايَنْ یَنْ ݣُونَكِے، يَهُودَاوَا سُكَيِ شَوَرَا سُكَشٜىٰ شَوُلُ؞

²⁴ عَمَّا شِيكُوَ يَجِ لَابَرِنْ شِرِنْسُ؞ دَرٜىٰ دَ رَانَ سُنَ ظُبَ عِدُواْ عَڧُواْڢُواْڢِنْ غَرِ دُواْمِنْ سُكَشٜىٰشِ،

²⁵ عَمَّا دَ دَرٜىٰ أَلْمَجِرَنْسَ سُكَ طَوْكٜىٰشِ، سُكَ سَوْكَرْ دَشِ تَوَتَ تَغَ أَجِكِنْ بَنْ‌غُوانْ بِرْنِنْ ثِكِنْ بَبَّنْ ݣُونْدُواْ؞

شَوُلُ يَكُواْمَ عُرُوشَلِيمَ

²⁶ دَ شَوُلُ يَذُواْ عُرُوشَلِيمَ، يَايِ ڧُواْڧَرِ يَشِغَ ثِكِنْ أَلْمَجِرَنْ، عَمَّا دُكْ سُكَجِڟُواْرُوانْسَ، دُوانْ بَسُ يَرْدَ شِے أَلْمَجِرِ بَنٜىٰ؞

²⁷ عَمَّا بَرْنَبَ يَطَوْكٜىٰشِ يَكَيْ شِ وُرِنْ مَنْذَنِّے؞ يَڢَطَا مُسُ يَدَّ شَوُلُ يَغَ عُبَنْ‌غِجِ أَ حَنْيَ دَ يَدَّ عُبَنْ‌غِجِ يَيِ مَسَ مَغَنَ دَ كُمَ يَدَّ شَوُلُ يَيِ وَعَظِ دَ سُونَنْ عِيسَىٰ أَ دِمَشْڧُ، بَ ڟُواْرُواْ؞

²⁸ دَغَ نَنْ شَوُلُ يَدِنْ‌غَ شِغَ دَ ڢِتَ دَسُو أَ عُرُوشَلِيمَ،

²⁹ يَنَ وَعَظِ دَ سُونَنْ عُبَنْ‌غِجِ بَ ڟُواْرُواْ؞ يَكُمَ دِنْ‌غَ يِنْ مَغَنَ دَ يَهُودَاوَا مَاسُ جِنْ هٜىٰلٜىٰنَنْثِ، يَنَ كُمَ غَرْدَمَ دَسُو، عَمَّا سُكَيِ تَنٜىٰمَنْ حَنْيَ سُكَشٜىٰشِ؞

³⁰ دَ یَنْعُوَ سُكَ غَانٜىٰ حَكَ، سَيْ سُكَ كَيْ شِ كَيْسَرِيَ، سُكَ عَيْكَ دَشِ ذُوَا تَرْسُسْ؞

³¹ سَعَنً نٜىٰ جَمَعَرْ مَاسُبِے نَدُكَنْ يَنْكِنْ يَهُودِيَ دَ غَلِيلِ دَ سَمَرِيَ، تَسَامِ ذَمَنْ سَلَمَ؞ جَمَعَرْ مَاسُبِے تَسَامِ ڧَرْڢِے تَكُمَ ڧَارُ سُواْسَيْ تَوُرِنْ تَيْمَكُوانْ رُوحُ مَيْ ڟَرْكِے، يَايِنْ دَتَكٜىٰ رَايُوَا عَثِكِنْ ڟُواْرُوانْ عُبَنْ‌غِجِ؞

بِتْرُسْ يَوَرْكَرْ دَ إِنِيَسْ

³² تُواْ دَ بِتْرُسْ يَظَظْذَاغَ يَنْكِنْ دُكَ، سَيْ يَكُمَ جٜىٰ وُرِنْ ڟَرْكَكَنَّنْ دَسُكٜىٰ ذَمَ أَ لِدَّ؞

³³ أَوُرِنْ يَسَدُ دَ وَنِ مُتُمْ مَيْ سُونَ إِنِيَسْ، وَنْدَ يَكٜىٰ عَݣُونْثٜىٰ شٜىٰكَرَا تَݣُوسْ دُوانْ شِے شَنْيَيّٜىٰ نٜىٰ؞

³⁴ سَيْ بِتْرُسْ يَثٜىٰ مَسَ ‏«‏إِنِيَسْ، عِيسَىٰ أَلْمَسِيحُ يَوَرْكَرْ دَكَيْ؞ تَاشِ كَنَطٜىٰ أَبِنْ ݣُونْثِيَرْكَ؞»‏ نَنْ دَنَنْ إِنِيَسْ يَتَاشِ؞

³⁵ دُكْ مُتَنٜىٰنْ غَرُضُوً لِدَّ دَ نَ شَرُوانْ كُوَ سُكَ غَنْشِ وَنْدَ يَوَرْكٜىٰ، سَعَنً سُكَ جُويُواْ غَ عُبَنْ‌غِجِ؞

بِتْرُسْ يَتَادَ تَبِتَ دَغَ مَتَتُّو

³⁶ أَ يُواْڢَّ كُوَ أَݣَويْ وَتَ مَيْبِے، مَيْ سُونَ تَبِتَ، وَتُواْ دُواْكَسْ كٜىٰنَنْ؞ مَثٜىٰنْ كُوَ تَبَادَ كَنْتَ طُنْ‌غُمْ ثِكِنْ يِنْ عَيْكِنْ كِرْكِ دَ كُمَيِنْ سَدَكَ؞

³⁷ عَݣُونَكِنْنَنْ تَيِ رَشِنْ لَاڢِيَ، تَمُتُ؞ دَ سُكَيِ مَتَ وَنْكَ، سُكَ ݣُونْتَرْدَ جِكِنْتَ أَطَاكِنْ سَمَ؞

³⁸ دَيَكٜىٰ لِدَّ تَنَ كُسَدَ يُواْڢَّ، سَعَدَّ مَاسُبِے سُكَجِ بِتْرُسْ يَنَ لِدَّ، سَيْ سُكَ عَيْكَ مُتُمْ بِيُ ذُوَا وُرِنْسَ، سُضُواْڧٜىٰشِ يَذُواْ وُرِنْسُ دَ سَوْرِ؞

³⁹ سَيْ بِتْرُسْ يَتَاشِ يَتَڢِے تَرٜىٰدَسُو؞ دَ يَ إِسُواْ، سُكَ كَيْ شِ طَاكِنْ سَمَنْ؞ دُكْ مَتَ وَطَنْدَ مَذَنْسُ سُكَ مُتُ، سُكَ ڟَيَ كُسَدَشِ، سُنَ كُكَ، سُنَ نُونَ رِيغُنَ دَ سَوْرَنْ كَايَنْ دَ دُواْكَسْ تَيِ مُسُ تُنْ تَنَ تَرٜىٰدَسُو؞

⁴⁰ بِتْرُسْ يَڢِتَرْ دَسُو وَجٜىٰ دُكَ، يَدُرْڧُسَ يَيِ أَدُّعَ؞ يَجُويَ وَجٜىٰنْ غَاوَرْ، يَثٜىٰ ‏«‏تَبِتَ، تَاشِ؞»‏ سَيْ تَبُوطٜىٰ عِدُواْ؞ دَ تَغَ بِتْرُسْ، سَيْ تَتَاشِ تَذَوْنَ؞

⁴¹ بِتْرُسْ كُوَ يَمِيڧَ مَتَ حَنُّ يَتَيْمَكٜىٰتَ تَتَاشِ؞ سَيْ يَكِرَا مَاسُبِے دَ مَاتَنَّنْ وَطَنْدَ مَذَنْسُ سُكَ مُتُ، يَمِيڧَ مُسُ عِتَ دَ رَيْ؞

⁴² لَابَرِنَّنْ يَبَظُو أَدُكَنْ يُواْڢَّ، مُتَنٜىٰ دَيَوَ كُوَ سُكَ غَسْكَتَادَ عُبَنْ‌غِجِ؞

⁴³ بِتْرُسْ يَذَوْنَ ݣُونَكِے دَيَوَ أَ يُواْڢَّ، أَغِدَنْ وَنِ مَيْ عَيْكِنْ ڢَتُنْ دَبُّواْبِے، سُونَنْسَ سِيمَنْ نٜىٰ؞