أَيُّكَنْ مَنْذَنِّے 3 - أَتَّوْرَتْ دَ أَنَّبَاوَا

أَنْ وَرْكَرْ دَ غُرْغُ عَڧُواْڢَرْ هَيْكَلِ

¹ وَتَرَانَ بِتْرُسْ دَ يَحْيَى سُنَ تَڢِيَ هَيْكَلِ أَ لُواْكَثِنْ أَدُّعَ دَ ڧَرْڢٜىٰ عُكُ نَيَمَّ؞

² عَڧُواْڢَرْ دَ عَكٜىٰ ثٜىٰ دَ عِتَ ݣَكْݣَوَرْ ڧُواْڢَ، أَݣَويْ وَنِ مُتُمْ وَنْدَ تُنْ حَيْڢُوَرْسَ شِ غُرْغُ نٜىٰ؞ كُواْوَثٜىٰ رَانَ عَكَنْ طَوْكٜىٰشِ ذُوَا ڧُواْڢَرْ هَيْكَلِ، دُواْمِنْ يَضُواْڧِ سَدَكَ دَغَ وُرِنْ مَاسُ شِغَ؞

³ دَ يَغَ بِتْرُسْ دَ يَحْيَى ذَاسُ شِغَ هَيْكَلِنْ كٜىٰنَنْ، سَيْ يَضُواْڧٜىٰسُ سَدَكَ؞

⁴ بِتْرُسْ دَ يَحْيَى سُكَ ظُبَ مَسَ عِدُواْ، بِتْرُسْ يَثٜىٰ ‏«‏دُوبٜىٰمُ؞»‏

⁵ سَيْ كُوَ دُكْ حَنْكَلِنْ غُرْغُنْ يَكُواْمَ كَنْسُ، يَنَ ڟَمَّنِ ذَاسُبَاشِ وَنِ أَبُ؞

⁶ عَمَّا بِتْرُسْ يَثٜىٰ ‏«‏أَظُرْڢَا دَ ظِينَارِيَ كَمْ، بَانِدَسُو، عَمَّا أَبِنْدَ نَكٜىٰ دَشِ، شِے ذَنْبَاكَ؞ عَثِكِنْ سُونَنْ عِيسَىٰ أَلْمَسِيحُ بَنَظَرٜىٰتْ، تَاشِ كَيِ تَڢِيَ؞»‏

⁷ سَيْ بِتْرُسْ يَكَامَ حَنُّنْسَ نَدَمَ، يَطَغَ شِ؞ نَنْ تَكٜىٰ ڧَڢَاڢُنْسَ دَ إِدَانُنْ ڧَڢَاڢُنْسَ سُكَيِ ڧَرْڢِے؞

⁸ يَيِ وُڢْ!‏ يَمِيڧٜىٰ ڟَيٜىٰ، يَڢَارَ تَڢِيَ، يَشِغَ هَيْكَلِنْ تَرٜىٰدَسُو، يَنَ تَڢِيَ يَنَ ڟَلّٜىٰ يَنَ كُمَ يَبُوانْ اللَّهْ؞

⁹ دُكَنْ مُتَنٜىٰ سُكَ غَنْ شِ يَنَ تَڢِيَ يَنَ يَبُوانْ اللَّهْ؞

¹⁰ سُكَ كُوَ غَانٜىٰ شِينٜىٰ مَيْ ذَمَ عَبَاكِنْ ݣَكْݣَوَرْ ڧُواْڢَ تَهَيْكَلِنْ يَنَ ضُواْڧُوانْ سَدَكَ؞ سَيْ سُكَيِ مَامَاكِ ڨُورَيْ دَ غَسْكٜىٰ غَمٜىٰدَ أَبِنْدَ يَڢَرُ دَشِ؞

جَوَابِنْ بِتْرُسْ أَذَوْرٜىٰنْ سُلَيْمَٰنُ

¹¹ سَعَدَّ غُرْغُنَّنْ دَ عَكَ وَرْكَرْ أَ ݣَكْݣَوَرْ ڧُواْڢَ يَكٜىٰ رِڧٜىٰ دَ بِتْرُسْ دَ يَحْيَى، سَيْ دُكْ جَمَعَ سُكَذُواْ وُرِنْسُ أَغُجٜىٰ عَثِكِنْ ذَوْرٜىٰنْ دَ عَكٜىٰثٜىٰدَشِ ذَوْرٜىٰنْ سُلَيْمَٰنُ، سُنَ مَامَاكِ؞

¹² دَ بِتْرُسْ يَغَ حَكَ، سَيْيَيِ وَجَمَعَ جَوَابِے يَثٜىٰ ‏«‏كُو إِسْرَٰٓءِيلَاوَا، دُوانْمٜىٰ كُكٜىٰ مَامَاكِنْ وَنَّنْ؟ دُوانْمٜىٰ كُمَ كُكٜىٰ تَكَلُّوانْمُ، سَيْكَثٜىٰ دَ إِيكُوانْ كَنْمُ نٜىٰ، كُواْ كُوَ دُوانْ أَنِيَرْمُ ثِكِنْ بِنْ اللَّهْ نٜىٰ مُكَ سَا مُتُمِنَّنْ يَيِ تَڢِيَ؟

¹³ اللَّهْ نَ إِبْرَٰهِيمْ دَ إِسْحَٰڧَ دَ يَعْڧُوبَ، اللَّهْ نَكَاكَنِّنْمُ، شِے يَطَوْكَكَ بَاوَنْسَ عِيسَىٰ؞ شِينٜىٰ وَنْدَ كُكَ بَاشٜىٰشِ، كُكَ كُمَ ڧِيشِ أَغَبَنْ ڠُومْنَ بِلَتُسْ، كُواْدَيَكٜىٰ بِلَتُسْ يَيِ ڧُواْڧَرِ يَسَكٜىٰشِ؞

¹⁴ عَمَّا كُكَڧِ مَيْ ڟَرْكِنَّنْ مَيْ أَدَلْثِے، كُكَ ضُواْڧَا أَ سَكَرْ مُكُ مَيْ كِسَنْ كَيْ،

¹⁵ كُكَ كُوَ كَشٜىٰ وَنْدَ شِينٜىٰ تُوشٜىٰنْ رَيْ؞ عَمَّا اللَّهْ يَتَاشٜىٰشِ دَغَ مَتَتُّو، مُو كُوَ شَيْدُنٜىٰ غَ وَنَّنْ؞

¹⁶ تُواْ، تَ إِيكُوانْ سُونَنْ عِيسَىٰ نٜىٰ، وَتُواْ تَوُرِنْ بَادَ غَسْكِيَ غَرٜىٰشِ، شِينٜىٰ يَبَا مُتُمِنَّنْ ڧَرْڢِے؞ غَا مُتُمِنْ؞ كُنْ سَنْشِ؞ تَوُرِنْ بَنْ‌غَسْكِيَ ثِكِنْ عِيسَىٰ، مُتُمِنَّنْ يَسَامِ ثِكَكِّيَرْ لَاڢِيَ؞ دُكَنْكُ كُوَ شَيْدُنْ وَنَّنْ نٜىٰ؞

¹⁷ ‏«‏يَنْذُ، یَنْعُوَ، نَسَنِ ثِكِنْ رَشِنْ سَنِ نٜىٰ كُكَيِ حَكَ، كَمَرْ يَدَّ شُوغَبَنِّنْكُ مَا سُكَيِ؞

¹⁸ عَمَّا تَهَكَ اللَّهْ يَثِكَ أَبِنْدَ يَڢَطَا تَبَاكِنْ أَنَّبَاوَا دُكَ ثٜىٰوَ أَلْمَسِيحُنْسَ ذَيْ شَا وُيَ؞

¹⁹ سَبُواْدَ حَكَ سَيْ كُتُوبَ، كُجُويُواْ غَ اللَّهْ دُواْمِنْ أَوَنْكٜىٰ ذُنُبَنْكُ، دُواْمِنْ عُبَنْ‌غِجِ يَسَابُنْتَ ذُوثِيَارْكُ،

²⁰ يَكُمَ عَيْكُواْ دَ أَلْمَسِيحُنْ دَ يَذَاٻَا مُكُ تُنْدَا، وَتُواْ عِيسَىٰ؞

²¹ دُواْلٜىٰنٜىٰ عِيسَىٰ يَذَوْنَ أَ سَمَ، حَرْ لُواْكَثِنْ دَ ذَاعَ مَيْدَ دُكَنْ أَبُبُوَ سَابُواْ، كَمَرْ يَدَّ اللَّهْ يَڢَطَا تُنْ زَامَانِنْ دَا تَبَاكِنْ أَنَّبَاوَنْسَ مَاسُ ڟَرْكِے؞

²² غَمَا مُوسَٰى يَثٜىٰ، ‏‹‏عُبَنْ‌غِجِ اللَّهْ نْكُ ذَيْ عَيْكَ مُكُ دَ وَنِ أَنَّبِے دَغَ ثِكِنْ یَنْعُوَنْكُ، كَمَرْ يَدَّ يَعَيْكٜىٰنِ؞ دُواْلٜىٰنٜىٰ كُسَوْرَرِ دُكَنْ أَبِنْدَ ذَيْ ڢَطَا مُكُ؞

²³ ذَيْ ذَمَ كُمَ دُكْ وَنْدَ يَڧِ سَوْرَرُوانْ أَنَّبِنَّنْ، ذَاعَ كَوَرْ دَشِ دَغَ ثِكِنْ جَمَعَ؞›‏

²⁴ ‏«‏حَڧِيڧَ، دُكَنْ أَنَّبَاوَنْ دَ سُكَيِ أَنَّبْثِ، وَتُواْ تُنْدَغَ كَنْ سَمَٰعِيلَ دَ وَطَنْدَ سُكَذُواْ دَغَ بَايَ، دُكْ سُنْيِ مَغَنَ عَكَنْ وَطَنَّنْ ݣُونَكِنْ؞

²⁵ أَنَّبْثِنْ دَ عَكَيِ تَوُرِنْ أَنَّبَاوَا، دُواْمِنْكُنٜىٰ، كُونٜىٰ كُمَ ذَاكُثِ غَادُوانْ يَرْجٜىٰجٜىٰنِيَرْ دَ اللَّهْ يَيِ وَكَاكَنِّنْكُ دَيَثٜىٰ وَ إِبْرَٰهِيمْ، ‏‹‏تَوُرِنْ ذُرِيَرْكَ نٜىٰ دُكَنْ ڧَبِيلُنْ دُونِيَا ذَاسُ سَامِ أَلْبَرْكَ؞›‏

²⁶ دَ اللَّهْ يَذَاٻِ بَاوَنْسَ، يَڢَارَ عَيْكُواْشِ وُرِنْكُ نٜىٰ دُواْمِنْ يَيِ مُكُ أَلْبَرْكَ يَجُويُواْ دَ كُواْوَنٜىٰ طَيَنْكُ دَغَ حَنْيَرْ مُغُنْتَارْسَ؞»‏