أَيُّكَنْ مَنْذَنِّے 28 - أَتَّوْرَتْ دَ أَنَّبَاوَا

بُلُسْ عَڟِبِرِنْ مَلْتَ

¹ بَايَنْدَ مُكَ ڟِيرَا سَيْ مُكَجِ، أَشٜىٰ، سُونَنْ ڟِبِرِنَّنْ مَلْتَ نٜىٰ؞

² مُتَنٜىٰنْ وُرِنْ كُوَ سُنْيِ مَنَ أَلْحٜىٰرِ ڨُورَيْ دَ غَسْكٜىٰ؞ سَيْ سُكَ كَرْٻٜىٰمُ دُكَ، سُكَ هُورَ مَنَ وُتَا غَمَا أَنَ ضُوَ أَنَ كُمَ سَنْيِ؞

³ بُلُسْ يَتَتَّارُواْ إِتَاثٜىٰ يَنَ سَاوَا أَوُتَرْ، سَيْ وَنِ مَثِيجِ مَيْ دَڢِ يَڢِتُواْ سَبُواْدَ ذَاڢِنْ وُتَرْ، يَثَڢْكٜىٰ حَنُّنْ بُلُسْ؞

⁴ دَ مُتَنٜىٰنْ وُرِنْ سُكَغَ مَثِيجِنْ يَنَ لِلُواْ أَ حَنُّنْ بُلُسْ، سَيْ سُكَثٜىٰ وَجُونَنْسُ ‏«‏لَلَّيْ مُتُمِنَّنْ مَيْ كِسَنْ كَيْنٜىٰ!‏ غَاشِ، كُواْدَيَكٜىٰ يَڟِيرَا دَغَ تٜىٰكُ، دُكْدَهَكَ أَلْحَكِ يَنَ بِنْسَ سَيْ يَمُتُ؞»‏

⁵ بُلُسْ كُوَ يَجِجِّغَ حَنُّنْسَ يَجٜىٰڢَ مَثِيجِنْ ثِكِنْ وُتَا، بَيْ كُوَجِ ثِيوُاْبَ؞

⁶ سُنَ ڟَمَّنِ ذَيْ كُمْبُرَ كُواْ يَڢَاطِ نَنْ تَكٜىٰ يَمُتُ، عَمَّا دَ سُكَ دَطٜىٰ بَسُغَ وَنِ أَبُ يَڢَرُ دَشِ بَ، سَيْ سُكَسَاكٜىٰ تُنَانِ سُكَثٜىٰ شِ وَنِ اللَّهْ نٜىٰ؞

⁷ نَنْ كُسَ كُوَ أَݣَويْ ڢِيلَيٜىٰ نَشُوغَبَنْ ڟِبِرِنَّنْ، مَيْ سُونَ ڢُبِلِيُسْ؞ شِينٜىٰ يَكَرْٻٜىٰمُ، يَبَامُ مَسَوْكِ مَيْݣَوْ، حَرْ ݣُونَ عُكُ؞

⁸ بَابَنْ ڢُبِلِيُسْ كُوَ يَنَ ݣُونْثٜىٰ يَنَ ڢَامَ دَ ظَظْذَاٻِ دَ أَتِنِ؞ سَيْ بُلُسْ يَشِغَ وُرِنْسَ يَيِ مَسَ أَدُّعَ، يَسَا حَنُّ عَكَنْسَ، مُتُمِنْ كُوَ يَوَرْكٜىٰ؞

⁹ دَ حَكَ يَڢَرُ، سَيْ دُكَنْ سَوْرَنْ مَرَسَ لَاڢِيَ عَڟِبِرِنْ سُكَ دِنْ‌غَ ذُوَا أَنَ وَرْكَرْ دَسُو؞

¹⁰ سُكَيِ مَنَ ݣَوْتَا مَيْ يَوَ؞ دَ ذَامُ تَاشِ أَجِضْغٍ ضُوَ كُمَ، سُكَ تَتَّارَ مَنَ دُكْ أَبُبُوَنْ دَمُكٜىٰ بُڧَاتَ؞

بُلُسْ يَكَيْ بِرْنِنْ رُواْمَ

¹¹ بَايَنْ وَتَا عُكُ، مُكَتَاشِ دَغَ ڟِبِرِنْ مَلْتَ ثِكِنْ جِضْغٍ إِسْكَنْدَارِيَا وَنْدَ يَثِ دَامِنَ أَوَنَّنْ ڟِبِرِے؞ أَنْ كُوَيِ مَسَ عَلَمَرْ صِڢَّرْ تَڠُويٜىٰنْ أَلُّواْلِ؞

¹² دَ مُكَ ذُواْ سِرَكُسْ مُكَيِ ݣُونَ عُكُ أَوُرِنْ؞

¹³ دَغَ نَنْ كُمَ مُكَ تَڢِے، سَيْغَامُ أَ رِغِيُمْ؞ بَايَنْ ݣُونَ طَيَ، إِسْكَ تَتَاسُواْ دَغَ كُدُ، وَشٜىٰغَرِنْ كُمَ مُكَ كَيْ ڢُتِيُواْلِ؞

¹⁴ أَ نَنْ مُكَ سَدُ دَ وَطَنْسُ یَنْعُوَ مَاسُبِے، سُكَ ضُواْڧٜىٰمُ مُيِ ݣُونَ بَݣَويْ تَرٜىٰدَسُو؞ دَهَكَ دَيْ مُكَ كَيْ رُواْمَ؞

¹⁵ دَ مَاسُبِے نَ رُواْمَ سُكَجِ لَابَرِنْمُ، سَيْ سُكَذُواْ سُمَرَبْثٜىٰمُ حَرْ أَ كَاسُوَرْ أَڢِّيُسْ دَ كُمَ وُرِنَّنْ دَ عَكٜىٰثٜىٰ دَشِ مَسَوْكِ عُكُ؞ دَ بُلُسْ يَغَنْسُ كُوَ يَيِ غُواْدِيَ غَ اللَّهْ، يَكُمَ ڧَارَ سَامُنْ ڧَرْڢِنْ ڠُوِوَ؞

¹⁶ دَ مُكَ شِغَ رُواْمَ عَكَ يَرْدَ وَ بُلُسْ يَجٜىٰ يَذَوْنَ أَغِدَنْ هَيَ تَرٜىٰدَ سُواْجَنْ دَيَكٜىٰ غَادِنْسَ؞

وَعَظِنْ بُلُسْ أَ رُواْمَ

¹⁷ بَايَنْ ݣُونَ عُكُ، بُلُسْ يَكِرَا مَنْيَنْ يَهُودَاوَا؞ دَسُكَ تَارُ سَيْيَثٜىٰمُسُ ‏«‏كُو یَنْعُوَ، كُواْدَيَكٜىٰ بَنْيِ وَجَمَعَرْمُ وَنِ لَيْڢِے بَ، كُواْ لَيْڢِے غَمٜىٰدَ أَلْعَادُنْ كَاكَنِّنْمُ، دُكْدَهَكَ أَنْكَامَنِ أَ عُرُوشَلِيمَ عَكَ بَادَنِ غَ رُواْمَاوَا أَطَوْرٜىٰ؞

¹⁸ سُو كُوَ دَ سُكَ بِنْثِكٜىٰنِ، سُنَ سُواْ سُسَكٜىٰنِ، دُواْمِنْ بَسُ سَامٜىٰنِ دَ وَنِ لَيْڢِنْدَ يَ إِسَ عَكَشٜىٰنِبَ؞

¹⁹ عَمَّا دَ يَهُودَاوَا سُكَڧِ يَرْدَ، سَيْ يَذَمَ مِنِ دُواْلٜىٰ إِنْ طَوْكَكَ ڧَارَتَ ذُوَا غَبَنْ كَيْسَرْ، كُواْدَيَكٜىٰ بَوَيْ إِنَ ڧَارَرْ جَمَعَرْمُ بَنٜىٰ؞

²⁰ شِيَسَا نَنٜىٰمِ إِنْ‌غَنْكُ، إِنْكُمَ تَتَّوْنَ دَكُو تُنْدَيَكٜىٰ دَيْ سَبُواْدَ دَشِ وَنَّنْ دَ إِسْرَٰٓءِيلَاوَا سُكٜىٰسَا ذُوثِيَارْ ذُوَانْسَ نٜىٰ عَكَ طَوْرٜىٰنِ دَ سَرْڧَرْ نَنْ؞»‏

²¹ سَيْ سُكَثٜىٰ مَسَ ‏«‏مُو دَيْ بَمُسَامِ وَتَ وَسِيڧَ دَغَ يَنْكِنْ يَهُودِيَ غَمٜىٰ دَكَيْبَ، بَا كُوَ وَنِ طَنْعُوَنْمُ دَ يَذُواْ نَنْ يَكَٰوُاْ لَابَرِنْكَ، كُواْ يَڢَطَا وَتَ مَغَنَ مَرَرْ ݣَوْ غَمٜىٰ دَكَيْ؞

²² عَمَّا مُنَسُواْ مُجِ رَعَيِنْكَ دَغَ بَاكِنْكَ، دُواْمِنْ أَبِنْدَ مُكَ سَنِ دَيْ شِينٜىٰ، سَابُوَرْ ڧُنْ‌غِيَرْ ڧَضْيَارْ نَنْ كُواْوَ يَنَ مُوغُوَرْ مَغَنَ عَكَنْتَ؞»‏

²³ دَسُكَسَا رَانَرْ دَ ذَاسُ حَطُ، سَيْ سُكَذُواْ مَسَوْكِنْسَ، سُنْ كُوَذُواْ دَيَوَ سُواْسَيْ؞ دَغَ سَڢٜىٰ حَرْ ذُوَا يَمَّ يَيِتَيِ مُسُ بَيَانِ يَنَ شَيْدَ مُسُ عَكَنْ مُلْكٍ اللَّهْ، يَنَ ڧُواْڧَرِنْ يَجَٰوُاْسُ ذُوَا وُرِنْ عِيسَىٰ تَهَنْيَرْ كُواْيَرْوَرْ مُوسَٰى دَ لِتَّتَّڢَنْ أَنَّبَاوَا؞

²⁴ وَطَنْسُ سُكَ يَرْدَ دَ أَبِنْدَ يَڢَطَا، عَمَّا وَطَنْسُ بَسُ غَسْكَتَبَ؞

²⁵ سَبُواْدَ حَكَ بَسُ يَرْدَ دَ جُونَبَ؞ كَاڢِنْ سُبَرْ وُرِنْ سَيْ بُلُسْ يَيِمُسُ مَغَنَ طَيَ يَثٜىٰ ‏«‏أَشٜىٰ كُوَ، رُوحُ مَيْ ڟَرْكِے يَڢَطِ غَسْكِيَ دَ يَيِ وَكَاكَنِّنْكُ مَغَنَ تَبَاكِنْ أَنَّبِے عِشَايَ ثٜىٰوَ

²⁶ ‏«‏ ‏‹‏كَجٜىٰ وُرِنْ جَمَعَرْ نَنْ، كَثٜىٰ، جِ كَمْ، ذَاكُ دِنْ‌غَجِ، عَمَّا بَذَاكُ ڢَهِمْتَبَ سَمْ، غَنِ كَمْ، ذَاكُ دِنْ‌غَ غَنِ، عَمَّا بَذَاكُ غَانٜىٰبَ سَمْ؞

²⁷ دُوانْ ذُوثِيَارْ جَمَعَرْ نَنْ تَايِ تَوْرِ، سُنْ تُواْشٜىٰ كُنُّوَنْسُ، سُنْ رُڢٜىٰ عِدَنُونْسُ، دُواْمِنْ كَدَ سُغَنِ دَ عِدَنُونْسُ، سُكُمَجِ دَ كُنُّوَنْسُ، سُكُمَ غَانٜىٰ دَ ذُوثِيَارْسُ، حَرْ سُجُويُواْ وُرِينَ إِنْ وَرْكَرْ دَسُو؞›‏

²⁸ ‏«‏تُواْ، سَيْ كُسَنِ ڢَا، اللَّهْ يَعَيْكَ دَ لَابَرِنْ ثٜىٰتُواْ حَرْ ذُوَاغَ وَطَنْدَ بَا يَهُودَاوَا بَ؞ سُو كُوَ ذَاسُ سَوْرَرَ؞»‏

²⁹ دَيَڢَطَا حَكَ، سَيْ يَهُودَاوَا سُكَتَاشِ دَغَ وُرِنْ سُنَ غَرْدَمَ مَيْ ذَاڢِ أَڟَكَانِنْسُ؞

³⁰ بُلُسْ يَذَوْنَ أَوَنَّنْ غِدَنْ دَيَكٜىٰ هَيَ حَرْ شٜىٰكَرَا بِيُ، يَنَ كَرْٻَرْ دُكْ وَطَنْدَ سُكَذُواْ وُرِنْسَ؞

³¹ دَيَكٜىٰ بَعَهَنَشِ وَعَظِبَ، يَيِتَيِنْ وَعَظِنْ مُلْكٍ اللَّهْ، يَنَ كُواْيَرْوَا عَكَنْ عُبَنْ‌غِجِ عِيسَىٰ أَلْمَسِيحُ بَابُ ڟُواْرُواْ؞