أَيُّكَنْ مَنْذَنِّے 27 - أَتَّوْرَتْ دَ أَنَّبَاوَا

بُلُسْ يَشِغَ جِضْغٍ ضُوَ ذُوَا رُواْمَ

¹ دَ عَكَ شِرْيَ مُتَاشِ عَثِكِنْ جِضْغٍ ضُوَ ذُوَا ڧَسَرْ إِتَالِيَ، سَيْ سُكَ دَنْڧَ بُلُسْ دَ وَطَنْسُ یَنْ سَرْڧَ أَ حَنُّنْ وَنِ بَبَّنْ سُواْجَنْ رُواْمَ، مَيْ سُونَ يُلِيُسْ، طَيَ دَغَ ثِكِنْ سُواْجُواْجِنْ ڧُنْ‌غِيَرْ كَيْسَرْ أَوْغُسْتُسْ؞

² دَ مُكَ شِغَ وَنِ جِضْغِ نَ أَدِرَمِتِيُمْ، مَيْشِرِنْ تَاشِ ذُوَا وَطَنْسُ غَرُضُوً دَسُكٜىٰ غٜىٰڢٜىٰنْ أَسِيَ، مُكَ ڢَارَ تَڢِيَ؞ أَرِسْتَرْكُسْ، وَنِ مُتُمِنْ تَسَلُواْنِكَ تَڧَسَرْ مَكِدُواْنِيَ، يَنَ تَرٜىٰدَمُو؞

³ وَشٜىٰغَرِ سَيْغَامُ أَ سِدُوانْ؞ يُلِيُسْ كُوَ يَيِ وَ بُلُسْ أَلْحٜىٰرِ، يَبَرْشِ يَجٜىٰ يَغَ أَبُواْكَنْسَ سُبِيَ مَسَ بُڧَاتَرْسَ؞

⁴ دَ مُكَتَاشِ دَغَ نَنْ أَجِضْغٍ ضُوَ، إِسْكَ تَنَ غَابَادَمُو؞ سَبُواْدَ حَكَ مُكَ ذَاغَ تَبَايَنْ ڟِبِرِنْ سَيِڢُرُسْ عِنْدَ إِسْكَ بَاتَدَ ڧَرْڢِے؞

⁵ بَايَنْدَ مُكَ ڧٜىٰتَرٜىٰ تٜىٰكُنْ دَتَكٜىٰ كُسَدَ ڧَسَرْ كِلِكِيَ دَ ڢَمْڢِيلِيَ، مُكَ إِسَ مِرَ تَڧَسَرْ لِكِيَ؞

⁶ أَ نَنْ بَبَّنْ سُواْجَنْ رُواْمَ يَسَامِ وَنِ جِضْغٍ إِسْكَنْدَارِيَا مَيْ ذُوَا ڧَسَرْ إِتَالِيَ، يَسَامُ عَثِكِ؞

⁷ مُكَيِ ݣُونَ دَ ݣُونَكِے مُنَ تَڢِيَ أَ حَنْكَلِ، حَرْ دَݣَرْ مُكَ كَيْ كُسَدَ غَرِنْ كِنِدُسْ؞ دَ إِسْكَ تَحَنَ مُثِيغَبَ، سَيْ مُكَ ذَاغَيَ غٜىٰڢٜىٰنْ دَ بَ إِسْكَ، وَتُواْ تَبَايَنْ ڟِبِرِنْ كِرِتْ كُسَدَ سَلْمُواْنِ؞

⁸ مُكَ وُثٜىٰشِ دَݣَرْ، حَرْ مُكَ إِسَ وَنِ وُرِنْ دَ عَكٜىٰثٜىٰ دَشِ أَمِنْتَثِّيَرْ مَڢَكَا، كُسَدَ بِرْنِنْ لَسِيَ؞

⁹ دَيَكٜىٰ أَنْٻَاتَ لُواْكَثِ دَيَوَ، تَڢِيَرْ مَا تَذَمَ دَ حَڟَرِ، غَمَا أَ لُواْكَثِنْ نٜىٰ شٜىٰكَرَا تَيِ نٜىٰسَ حَرْ أَظُمِ نَ رَانَرْ طَوْكَرْ أَلْحَكِنْ ذُنُوبِ تَوُثٜىٰ؞ سَيْ بُلُسْ يَبَاسُ شَوَرَا

¹⁰ يَثٜىٰ مُسُ ‏«‏رَنْكُ يَدَطٜىٰ، نَغَ ڢَا تَڢِيَرْ نَنْ ذَاتَذَمَ دَ حَڟَرِ دَ كُمَ هَسَرَ مَيْ يَوَ، بَا هَسَرَرْ كَايَ دَ جِضْغٍ كَوَيْبَ، حَرْ مَا دَ رَايُكَنْمُ؞»‏

¹¹ عَمَّا بَبَّنْ سُواْجَنَّنْ بَيْ يَرْدَ دَ أَبِنْدَ بُلُسْ يَڢَطَابَ، أَمَيْمَكُوانْ حَكَ يَسَوْرَرِ مَغَنَرْ مَيْ تُوڧِنْ جِضْغٍ دَ كُمَ تَمَيْ جِضْغٍ؞

¹² دَيَكٜىٰ مَڢَكَرْ لَسِيَ بَيْيِݣَوْ جِضَاغٜىٰ سُثِ دَامِنَ أَنَنْبَ، سَيْ يَوَنْثِنْسُ سُكَ يَرْدَ عَثِيغَبَدَ تَڢِيَ، عَكُمَيِ ڧُواْڧَرِ عَكَيْ ڢِنِكسْ، إِنْ يَيِوُ، دُواْمِنْ سُثِ دَامِنَ عَثَنْ؞ ڢِنِكسْ كُوَ وَتَ تَشَرْ جِضْغِ ثٜىٰ عَڟِبِرِنْ كِرِتْ وَدَّ تَكٜىٰ ڢُسْكَنْتَرْ أَرٜىٰوَ تَوَجٜىٰنْ يَمَّ دَ كُمَ كُدُ تَوَجٜىٰنْ يَمَّ؞

بَبَّنْ هَدَرِ عَتٜىٰكُ

¹³ دَ إِسْكَ تَڢَارَ هُورَاوَ دَغَ كُدُ كَطَنْ كَطَنْ، سَيْ مُتَنٜىٰنْ سُكَيِ ڟَمَّنِ بُڧَاتَرْسُ تَبِيَ، سَيْ سُكَ جَٰوُاْ ڧَرْڢٜىٰنْ دَيَكٜىٰ رِڧٜىٰ جِضْغٍ، سُكَبِے غٜىٰڢٜىٰنْ ڟِبِرِنْ كِرِتْ، كُسَدَ بَاكِنْ تٜىٰكُ؞

¹⁴ بَ دَ جِمَاوَابَ سَيْغَا وَتَ بَبَّرْ إِسْكَ دَغَ أَرٜىٰوَ تَغَبَسْ تَبُغُواْ دَغَ ڟِبِرِنْ؞

¹⁵ دَ إِسْكَرْ تَبُغُواْ جِضْغٍ، حَرْ يَكَاسَ ڢُسْكَنْتَرْ إِسْكَرْ، سَيْ مُكَ بَرِ كَوَيْ إِسْكَرْ تَيِ تَتُورَمُ؞

¹⁶ دَ مُكَبِے تَبَايَنْ وَنِ طَنْ ڟِبِرِے مَيْ سُونَ كَوْدَ، عِنْدَ إِسْكَ تَرَغُ دَݣَرْ مُكَ جَٰوُاْ ڧَرَمِنْ جِضْغٍ أَ سَا شِ عَكَنْ بَبَّنْ؞

¹⁷ بَايَنْدَ سُكَ جَٰوُاْ ڧَرَمِنْ جِضْغٍ ذُوَا ثِكِنْ بَبَّنْ جِضْغٍ، سُكَيِ دَبَرَ سُكَ طَطَّوْرَ إِغِيُواْيِ كٜىٰوَيٜىٰ دَ بَبَّنْ جِضْغٍ، دُواْمِنْ كَدَ يَڢَرْڢَشٜىٰ؞ سُكَ كُمَ سَوْكَرْ دَ ذَنٜىٰنْ جِضْغٍ دُواْمِنْ سُبَرْ إِسْكَ تَتُورَ جِضْغٍ غَمَا بَسُ عِيَ تُوڧِنْسَبَ؞ سُنْيِ حَكَ دُواْمِنْ سُنَ ڟُواْرُواْ كَدَ أَجٜىٰڢَسُ عَيَشِنْ سِرْتِسْ مَيْ حَطِيٜىٰ كُواْمٜىٰ؞

¹⁸ سَبُواْدَ ضُوً يَنَ هَوْكَ، يَنَ جِجِّغَمُ سُواْسَيْ، سَيْ وَشٜىٰغَرِ سُكَ ڢَارَ ݣُوشِ كَايَنْ دَيَكٜىٰ عَثِكِنْ جِضْغٍ، سُكَجٜىٰڢَ عَثِكِنْ ضُوَ؞

¹⁹ أَ رَانَ تَ عُكُ كُمَ، سُو دَ حَنُّوَنْسُ سُكَجٜىٰڢَرْ دَ وَطَنْسُ كَايَنْ عَيْكِنْ جِضْغٍ؞

²⁰ دَ دَيْ مُكَيِ ݣُونَ دَ ݣُونَكِے بَمُغَا رَانَ كُواْ تَوْرَرِبَ، كُمَ بَبَّنْ هَدَرِ مَيْ إِسْكَ يَنَ تَدُوكَنْمُ، سَيْ مُكَ ڢِدَّ ذُوثِيَا ذَامُ ڟِيرَا؞

²¹ دَيَكٜىٰ سُنْ دَطٜىٰ بَسُثِ عَبِنْثِبَ، سَيْ بُلُسْ يَتَاشِ ڟَيٜىٰ أَڟَكِيَرْسُ، يَثٜىٰ ‏«‏جَمَعَ دَ كُنْجِ مَغَنَاتَ ثٜىٰوَ كَدَ كُتَاشِ دَغَ ڟِبِرِنْ كِرِتْ دَ بَكُ ڢَاطِ عَثِكِنْ وَنَّنْ حَڟَرِ دَ مَسِيڢَبَ؞

²² عَمَّا يَنْذُ إِنَ يِمُكُ غَرْغَطِے كُيِ ڧَرْڢِنْ حَلِ، دُوانْ بَاوَنْدَ ذَيْ يِ هَسَرَرْ رَنْسَ عَثِكِنْكُ، سَيْدَيْ عَيِ هَسَرَرْ جِضْغٍ؞

²³ غَمَا أَدَرٜىٰنْ جِيَ وَنِ مَلاَىِٕكَنْ اللَّهْ وَنْدَ نَكٜىٰ نَاسَ، وَنْدَ نَكٜىٰ كُمَ بَوْتَا مَسَ، يَڟَيَ كُسَدَنِے،

²⁴ يَثٜىٰ، ‏‹‏كَدَ كَجِڟُواْرُواْ، بُلُسْ؞ لَلَّيْ ذَاكَ ڟَيَ أَغَبَنْ كَيْسَرْ؞ غَاشِ كُمَ تَدَلِيلِنْكَ اللَّهْ ثِكِنْ أَلْحٜىٰرِنْسَ ذَيْثٜىٰثِ أَبُواْكَنْ تَڢِيَرْكَ؞›‏

²⁵ سَبُواْدَ حَكَ سَيْ كُيِ ڧَرْڢِنْ حَلِ، كُو جَمَعَ، غَمَا نَا غَسْكَتَ اللَّهْ عَكَنْ ثٜىٰوَ يَدَّ عَكَ ڢَطَا مِنِ طِنَّنْ، حَكَ ذَيْ ذَمَ؞

²⁶ عَمَّا ڢَا دُواْلٜىٰنٜىٰ إِسْكَ تَجٜىٰڢَرْ دَمُو عَيَشِنْ وَنِ ڟِبِرِے؞»‏

²⁷ أَ دَرٜىٰ نَغُواْمَشَا حُطُ، أَنَ تَتُورَمُ دَيْ عَتٜىٰكُنْ مٜىٰدِتٜىٰرٜىٰنِيَ؞ وَجٜىٰنْ ڟَكِيَرْ دَرٜىٰ سَيْ مَاسُ تُوڧِنْ جِضْغٍ سُكَيِ ڟَمَّنِ مُنْيِ كُسَدَ ڧَسَا؞

²⁸ سَيْ سُكَ ڠُودَ ظُرْڢِنْ ضُوً سُكَغَ يَكَيْ ڧَڢَا طَرِے دَ عَشِرِنْ؞ دَ مُكَثِيغَبَ كَطَنْ، سَيْ سُكَسَاكٜىٰ ڠُودَاوَا، سُكَ سَامِ ڧَڢَا ثَسَعِنْ؞

²⁹ دُوانْ ڟُواْرُواْ كَدَ جِضْغِنْمُ يَيِكَرُواْ دَ دُوَڟُو، سَيْ سُكَ سَكِ ڧَرَڢَ مَاسُ نَوْيِ غُدَا حُطُ تَبَايَنْ جِضْغٍ دُواْمِنْ أَ حَنَ جِضْغٍ تَڢِيَ؞ سَيْ سُكَ ظُبَ عِدُواْ سُكَ ضُواْڧِ اللَّهْ غَرِ يَوَايٜىٰ دَ سَوْرِ؞

³⁰ عَمَّا مَاسُ تُوڧِنْ جِضْغٍ سُنْيِ ڧُواْڧَرِ سُغُدُ؞ سَيْ سُكَ سَوْكَرْ دَ ڧَرَمِنْ جِضْغٍ سُنَ وَيُواْ كَمَرْ ذَاسُ سَوْكَرْ دَ ڧَرْڢٜىٰ مَيْ نَوْيِ دَغَ غَبَنْ بَبَّنْ جِضْغٍ؞

³¹ سَيْ بُلُسْ يَثٜىٰ وَبَبَّنْ سُواْجَنْ رُواْمَ دَ كُمَ سُواْجُواْجِنْ ‏«‏عِدَنْ مُتَنٜىٰنَّنْ بَسُ ڟَيَ عَثِكِنْ جِضْغِنَّنْ بَ، بَايَدَّ ذَاكُ ڟِيرَا؞»‏

³² دَجِنْ حَكَ سَيْ سُواْجُواْجِنْ سُكَ يَيَّنْكٜىٰ إِغِيُواْيِنْ ڧَرَمِنْ جِضْغٍ، سُكَبَرْشِ يَبِے ضُوَ؞

³³ دَ غَرِ يَكُسَنْ وَايٜىٰوَ، سَيْ بُلُسْ يَضُواْڧٜىٰسُ سُطَنْثِ عَبِنْثِ، يَثٜىٰ ‏«‏يَوْ ڢَا، ݣُونَ غُواْمَشَا حُطُ كٜىٰنَنْ كُكٜىٰ ذَمَنْ ڟَمَّنِ، بَكُثِ وَنِ أَبُبَ؞

³⁴ سَبُواْدَ حَكَ إِنَضُواْڧُوانْكُ كُثِ عَبِنْثِ دُوانْ لَاڢِيَرْكُ، تُنْدَيَكٜىٰ بَا وَنِ عَثِكِنْكُ وَنْدَ ذَيْ رَسَ كُواْ غَاشِنْ كَنْسَ غُدَا طَيَ؞»‏

³⁵ دَ يَڢَطِ حَكَ، سَيْ يَطَوْكِ غُرَاسَ، يَيِ غُواْدِيَ غَ اللَّهْ أَغَبَنْسُ دُكَ، يَرَرَّبَ يَڢَارَ ثِ؞

³⁶ سَيْ دُكَ سُكَ سَامِ ڧَرْڢَڢَاوَا، سُو مَا سُكَثِ عَبِنْثِ؞

³⁷ مُو دُكَ عَثِكِنْ جِضْغٍ كُوَ مُتُمْ طَرِے بِيُ دَ سَبَعِنْ دَ شِدَ نٜىٰ؞

³⁸ دَ سُكَثِ سُكَ ڧُواْشِ، سَيْ سُكَ رَغٜىٰوَ جِضْغٍ نَوْيِ تَظُبَرْدَ أَلْكَمَ ثِكِنْ ضُوَ؞

رَاڧُمَنْ ضُوَ سُنْ ڢَرْڢَشٜىٰ جِضْغٍ

³⁹ دَ غَرِ يَوَايٜىٰ مَاسُ تُوڧِنْ جِضْغٍ بَسُ عِيَ غَانٜىٰ دَ ڧَسَرْدَ سُكٜىٰبَ، عَمَّا دَيْ سُنْ لُورَ دَ وَنِ لُنْ‌غُ مَيْ يَشِ؞ سَيْ سُكَيِ شِرِ سُكَيْ جِضْغٍ كَنْ يَشِ عِدَنْ ذَيْ يِوُ؞

⁴⁰ سَيْ سُكَ يَنْكٜىٰ إِغِيُواْيِ نَدُكَنْ ڧَرَڢَ مَاسُ نَوْيِنْ، سُكَبَرْسُ أَ ضُوَ؞ أَ دَيْدَيْ لُواْكَثِنْ كُمَ سُكَ ٻَلّٜىٰ مَطَوْرِنْ أَبِنْ جُويَ جِضْغٍ؞ سَعَنً كُمَ سُكَتَادَ ذَنُّوَنْ دَسُكٜىٰ غَبَنْ جِضْغٍ دَيْدَيْ يَدَّ إِسْكَ ذَاتَ تُورَشِ غَبَ؞ سَيْ سُكَسَا كَيْ ذُوَا غٜىٰڢٜىٰنْ تٜىٰكُ؞

⁴¹ عَمَّا دَمُكَ إِسَ وَنِ وُرِنْ دَ ضُوً يَكٜىٰ حَطُوَ، سَيْ جِضْغٍ يَبُغَ يَشِ، حَرْ كَنْ جِضْغٍ يَشِغَ ثِكِنْ يَشِنْ يَكَاسَ مُواْڟِ؞ سَيْ جِضْغٍ كُمَ يَڢَارَ ڢَرْڢَشٜىٰوَ تَبَايَ سَبُواْدَ هَوْكَنْ رَاڧُمَنْ ضُوَ؞

⁴² سَيْ سُواْجُواْجِنْ سُكَيِ شِرِ سُكَكَّشٜىٰ یَنْ كُرْكُكُنْ، دُواْمِنْ كَدَ وَنِنْسُ يَيِ إِيُواْ يَغُدُ؞

⁴³ عَمَّا دَيَكٜىٰ بَبَّنْ سُواْجَنْ رُواْمَ يَسُواْ يَثٜىٰثِ بُلُسْ، سَيْ يَهَنَاسُ؞ يَكُمَ بَادَ عُمَرْنِ ثٜىٰوَ دُكَنْ وَطَنْدَ سُكَ عِيَ ضُوَ سُڢَارَ ڟَلّٜىٰ سُشِغَ ثِكِنْ ضُوَ سُيِ إِيُواْ ذُوَا غٜىٰڢٜىٰنْ تٜىٰكُ؞

⁴⁴ سَوْرَنْ كُوَ سُهَوْ كَتَكَيْ، كُواْ سُهَوْ تَرْكَثٜىٰنْ جِضْغٍ؞ دَ حَكَ دُكَ سُكَ كَيْ غٜىٰڢٜىٰنْ تٜىٰكُ لَاڢِيَلَوْ؞