أَيُّكَنْ مَنْذَنِّے 21 - أَتَّوْرَتْ دَ أَنَّبَاوَا

تَڢِيَرْ بُلُسْ ذُوَا عُرُوشَلِيمَ

¹ سَعَدَّ مُكَ بَرْسُ، مُكَ شِغَ جِضْغٍ ضُوَ مُكَ مِيڧٜىٰ سَيْ كُواسْ، وَشٜىٰغَرِ كُمَ سَيْ رُواْدٜىٰسْ دَغَ نَنْ كُمَ سَيْ ڢَاتَرَ؞

² دَ مُكَ سَامِ جِضْغٍ دَ ذَيْجٜىٰ ڧَسَرْ ڢِنِكِيَ، سَيْ مُكَ شِغَ مُكَ تَڢِے؞

³ دَ مُكَ ڢَارَ هَنْ‌غٜىٰنْ سَيِڢُرُسْ، مُكَ مَيْدَشِ هَغُنْمُ، مُكَثِيغَبَدَ تَڢِيَ حَرْ ڧَسَرْ سُورِيَ؞ سَيْ مُكَ سَوْكَ أَ تَيَ، دُوانْ أَنَنْ نٜىٰ جِضْغٍ ذَيْ سَوْكٜىٰ كَايَنْسَ؞

⁴ دَ مُكَ سَامِ عِنْدَ مَاسُبِے سُكٜىٰ، مُكَ ذَوْنَ أَنَنْ ݣُونَ بَݣَويْ؞ سَيْ رُوحُ يَظُغَسُ سُكَ غَيَوَ بُلُسْ كَدَ يَجٜىٰ عُرُوشَلِيمَ؞

⁵ عَمَّا دَ لُواْكَثِنْ تَاشِنْمُ يَيِ، مُكَتَاشِ مُكَ ثِيغَبَدَ تَڢِيَرْمُ؞ دُكَنْ مَاسُبِے كُمَ حَرْ دَ مَاتَنْسُ دَ یَیَنْسُ سُكَ رَكَمُ حَرْ بَايَنْ غَرِ؞ سَعَنً مُكَ دُرْڧُسَ أَغٜىٰڢٜىٰنْ ضُوَ مُكَيِ أَدُّعَ،

⁶ مُكَيِ وَجُونَ بَنْ ݣُونَ؞ سَعَنً مُكَ شِغَ جِضْغِ، سُكُمَ سُكَ كُواْمَ غِدَا؞

⁷ دَ مُكَ غَمَ تَڢِيَرْمُ دَغَ تَيَ، مُكَ كَيْ تُواْلٜىٰمَيِسْ، مُكَ غَيْسَ دَ یَنْعُوَ، مُكَ كُمَيِ ݣُونَ طَيَ أَوُرِنْسُ؞

⁸ وَشٜىٰغَرِ مُكَتَاشِ مُكَجٜىٰ كَيْسَرِيَ، مُكَ شِغَ غِدَنْ ڢِلِبُسْ مَيْ وَعَظِ، وَنْدَ يَكٜىٰ طَيَ دَغَ ثِكِنْ بَݣَويْ طِنَّنْ وَطَنْدَ عَكَ ذَاٻَا دُواْمِنْ حِدِمَرْ جَمَعَرْ مَاسُبِے أَ عُرُوشَلِيمَ، مُكَ سَوْكَ أَوُرِنْسَ؞

⁹ يَنَ دَ یَیَ حُطُ یَنْ مَاتَا وَطَنْدَ بَسُيِ عَوْرٜىٰبَ؞ سُو مَاسُ يِنْ أَنَّبْثِنٜىٰ؞

¹⁰ تُواْ، بَايَنْدَ مُكَيِ یَنْ ݣُونَكِے أَوُرِنْ، سَيْ وَنِ أَنَّبِے مَيْ سُونَ أَغَبُسْ يَذُواْ دَغَ يَنْكِنْ يَهُودِيَ؞

¹¹ دَ أَغَبُسْ يَذُواْ وُرِنْمُ، سَيْ يَطَوْكِ طَمَرَ تَ بُلُسْ؞ سَيْ شِ أَغَبُسْ يَطَوْرٜىٰ حَنُّوَنْسَ دَ ڧَڢَاڢُنْسَ يَثٜىٰ ‏«‏غَا أَبِنْدَ رُوحُ مَيْ ڟَرْكِے يَثٜىٰ، ‏‹‏حَكَ يَهُودَاوَنْ عُرُوشَلِيمَ ذَاسُ طَوْرٜىٰ مَيْ طَمَرَرْ نَنْ، سُكُمَ بَادَشِ غَ وَطَنْدَ بَا يَهُودَاوَا بَ؞›‏ »‏

¹² دَمُكَجِ حَكَ، مُو دَ مُتَنٜىٰنْ دَسُكٜىٰ وُرِنْ مُكَ ضُواْڧِ بُلُسْ كَدَ يَجٜىٰ عُرُوشَلِيمَ؞

¹³ سَيْ بُلُسْ يَأَمْسَ يَثٜىٰ ‏«‏دُوانْمٜىٰ كُكٜىٰيِنْ حَكَ؟ مٜىٰيَسَا كُنَ كُكَ كُنَ ٻَاتَ مِنِ ذُوثِيَا؟ أَيْ، أَشِرْيٜىٰ نَكٜىٰ بَمَا أَطَوْرٜىٰنِ كَوَيْبَ، حَرْ مَا عَكَشٜىٰنِ أَ عُرُوشَلِيمَ سَبُواْدَ سُونَنْ عُبَنْ‌غِجِ عِيسَىٰ؞»‏

¹⁴ تُنْدَ بَمُ عِيَسَا يَثَنْجَ رَعَيِنْسَبَ، سَيْ مُكَيِ شِضُ، مُكَثٜىٰ ‏«‏بَرِ نُڢِنْ عُبَنْ‌غِجِ يَثِكَ؞»‏

¹⁵ بَايَنْ ݣُونَكِنَّنْ مُكَ شِرْيَ مُكَ تَڢِے عُرُوشَلِيمَ؞

¹⁶ وَطَنْسُ أَلْمَجِرَيْ دَغَ كَيْسَرِيَ سُكَ رَكَمُ، سُكَ كَيْمُ وُرِنْ مَنَسُوانْ وَنْدَ ذَامُ سَوْكَ أَوُرِنْسَ، شِے مُتُمِنْ سَيِڢُرُسْ نٜىٰ، طَيَ دَغَ ثِكِنْ أَلْمَجِرَيْ نَڢَرْكُواْ؞

بُلُسْ يَكَيْ زِيَارَ أَ عُرُوشَلِيمَ

¹⁷ دَمُكَذُواْ عُرُوشَلِيمَ، یَنْعُوَ سُكَ كَرْٻٜىٰمُ دَمُرْنَ؞

¹⁸ وَشٜىٰغَرِ بُلُسْ يَتَڢِے تَرٜىٰدَمُو ذُوَا وُرِنْ يَعْڧُوبَ دَتَّاوَنْ جَمَعَرْ مَاسُبِے كُوَ دُكَ سُنَانَنْ؞

¹⁹ بَايَنْ يَغَيْسَ دَسُو، سَيْ يَبَيَّنَ مُسُ دَلَّ دَلَّ أَبُبُوَنْ دَ اللَّهْ يَيِ عَثِكِنْ وَطَنْدَ بَا يَهُودَاوَا بَ تَوُرِنْ عَيْكِنْ دَ شِے بُلُسْ يَيِ؞

²⁰ دَ سُكَجِ حَكَ، سُكَيِ وَ اللَّهْ يَبُواْ؞ سُكَثٜىٰ وَ بُلُسْ ‏«‏تُواْ، كَا غَنِ طَنْعُوَ، دُبَّنْ مُتَنٜىٰ عَثِكِنْ يَهُودَاوَا سُنْ بَادَ غَسْكِيَ، دُكَنْسُ كُوَ مَاسُ كِيشِنْ بِنْ كُواْيَرْوَرْ مُوسَٰى نٜىٰ؞

²¹ أَنْ‌غَيَ مُسُ لَابَرِنْكَ، وَيْ كَنَ كُواْيَوَ دُكَنْ يَهُودَاوَنْ دَسُكٜىٰ ثِكِنْ وَطَنْدَ بَا يَهُودَاوَا بَ سُيَرْ دَ كُواْيَرْوَرْ مُوسَٰى؞ وَتُواْ، كَنَ ثٜىٰمُسُ كَدَ سُيِ وَیَیَنْسُ كَاثِيَ، كُواْ كُوَ سُبِے سَوْرَنْ أَلْعَادُنْمُ؞

²² تُواْ، يَيَ ذَامُيِ؟ لَلَّيْ ذَاسُجِ لَابَرِنْ ذُوَانْكَ؞

²³ سَبُواْدَ حَكَ سَيْ كَيِ أَبِنْدَ ذَامُ ڢَطَا مَكَ؞ مُنَدَ مُتُمْ حُطُ أَنَنْ دَ سُكَيِ ضَنْڟُوَا؞

²⁴ سَيْ كَتَڢِے دَسُو كُبِے ڧَٰعِدَرْ كُواْيَرْوَا تَڟَبْتَثٜىٰوَ غَبَاطَيَ، كَكُمَ بِيَ كُطِنْ ڟَبْتَثٜىٰوَرْ دُوانْ عَيِ مُسُ أَسْكِ؞ تَهَكَ كُواْوَ ذَيْ سَنِ ثٜىٰوَ دُكْ أَبِنْدَ عَكَ غَيَ مُسُ غَمٜىٰدَ كَيْ بَ غَسْكِيَ بَنٜىٰ، ذَاعَ غَ ثٜىٰوَ كَيْ كَنَ كِيَايٜىٰ كُواْيَرْوَرْ مُوسَٰى؞

²⁵ عَمَّا غَمٜىٰدَ وَطَنْدَ بَا يَهُودَاوَا بَ دَ سُكَ بَادَ غَسْكِيَ، مُنْ رِغَا مُنْ عَيْكَ وَسِيڧَ عَكَنْ مُنْ يَنْكٜىٰ حُكُنْثِ ثٜىٰوَ كَدَ سُثِ أَبِنْدَ عَكَ مِيڧَا وَغُنْكِ هَدَايَ، كَدَ سُيِ لَلَتَ، كَدَ سُثِ نَامَنْ دَبَّرْ دَ عَكَ مُرْطٜىٰ كُواْ نَامَ تَرٜىٰدَ جِنِ؞»‏

²⁶ وَشٜىٰغَرِ بُلُسْ يَطَوْكِ مُتَنٜىٰنَّنْ سُكَ ڟَبْتَثٜىٰ تَرٜىٰ؞ سَعَنً يَشِغَ هَيْكَلِ دُواْمِنْ يَسَنَرْدَ رَانَرْ ثِكَرْ ڟَبْتَثٜىٰوَرْسُ، وَتُواْ رَانَرْ دَ ذَاعَ بَادَ بَيْكُواْ دُواْمِنْ كُواْوَنٜىٰ طَيَنْسُ؞

أَنْ كَامَ بُلُسْ عَثِكِنْ هَيْكَلِ

²⁷ دَݣُونَ بَݣَويْ طِنْ سُكَ كُسَنْ ثِكَ، وَطَنْسُ يَهُودَاوَا دَغَ أَسِيَ سُكَغَ بُلُسْ أَ هَيْكَلِ؞ سَيْ سُكَ ذُغَ تَارُوانْ مُتَنٜىٰ، سُكَ كَامَشِ،

²⁸ سُنَ إِيهُ سُنَ ثٜىٰوَ ‏«‏كُو یَنْعُوَ إِسْرَٰٓءِيلَاوَا، كُتَيْمَكَ!‏ غَا مُتُمِنَّنْ دَ يَكٜىٰبِے كُواْعِنَ يَنَ ذَاغِنْ مُتَنٜىٰنْمُ دَ كُواْيَرْوَرْمُ دَ كُمَ وَنَّنْ هَيْكَلِنْمُ؞ حَرْ مَا يَكَٰوُاْ وَطَنْسُ هٜىٰلٜىٰنَاوَا عَثِكِنْ هَيْكَلِ يَڧَظَنْتَرْ دَ وُرِنَّنْ مَيْ ڟَرْكِے؞»‏

²⁹ سُنْثٜىٰ حَكَنٜىٰ سَبُواْدَ دَا مَا سُنْ‌غَ بُلُسْ تَرٜىٰدَ تُرُواْڢِمُسْ، مُتُمِنْ أَڢِسَ، عَثِكِنْ غَرِ؞ وَنَّنْ نٜىٰ يَسَا سُكَيِ ڟَمَّنِ بُلُسْ يَشِغُواْ تَرٜىٰدَشِ عَثِكِنْ هَيْكَلِنْ؞

³⁰ سَيْ دُكْ غَرِنْ يَرُوطٜىٰ، جَمَعَ سُكَ تَاسُواْ غَبَاطَيَ أَغُجٜىٰ سُكَ كَامَ بُلُسْ، سُكَ ڢِتَرْدَشِ دَغَ هَيْكَلِ، عَكَ كُمَ رُڢٜىٰ ڧُواْڢُواْڢِنَّنْ دَنَنْ؞

³¹ سُنَ ڧُواْڧَرِ سُكَشٜىٰشِ كٜىٰنَنْ، سَيْ لَابَرِ يَكَيْ وُرِنْ شُوغَبَنْ ڧُنْ‌غِيَرْ سُواْجُواْجِ ثٜىٰوَ عُرُوشَلِيمَ تَنَ ثِكِنْ ضِكِثِ أَيْنُنْ؞

³² نَنْ تَكٜىٰ يَطِبِے سُواْجُواْجِ دَ مَنْيَنْ سُواْجُواْجِنْ رُواْمَ، سُكَ تَڢِے وُرِنْ دَ غُدُ؞ دَ جَمَعَرْ سُكَغَ شُوغَبَنْ دَ سُواْجُواْجِنْسَ، سَيْ سُكَ دَيْنَ دُوكَنْ بُلُسْ؞

³³ سَيْ شُوغَبَنْ يَذُواْ يَكَامَ بُلُسْ، يَسَا أَطَوْرٜىٰشِ دَ سَرْڧَ بِيُ؞ سَعَنً يَيِ تَمْبَيَ كُواْ شِے وَنٜىٰنٜىٰ دَ كُمَ أَبِنْدَ يَيِ؞

³⁴ تَرُوانْ كُوَ سُنَ تَهَيَانِيَ، وَطَنْسُ سُثٜىٰ وَنَّنْ، وَطَنْسُ سُثٜىٰ وَنْثَنْ؞ سَبُواْدَ يَوَنْ هَيَانِيَرْ شُوغَبَنْ بَيْ عِيَ سَامُنْ عَيْنِحِنْ تُوشٜىٰنْ مَغَنَرْ بَ، سَيْ يَبَادَ عُمَرْنِ عَكَيْ بُلُسْ بَرِكِنْ سُواْجَ؞

³⁵ دَ بُلُسْ يَذُواْ بَاكِنْ مَتَاكَلَ، سَيْ دَ سُواْجُواْجِ سُكَ طَوْكٜىٰشِ سَبُواْدَ ضِكِثِنْ تَارُوانْ يَيِيَوَ؞

³⁶ غَمَا تَارُوانْ مُتَنٜىٰنْ دَ سُكَبِيُواْ سُنْيِ تَ إِيهُ سُنَ ثٜىٰوَ ‏«‏عَيِ غَبَ دَ شِ!‏»‏

بُلُسْ يَيِ وَتَرُوانْ مَغَنَ

³⁷ أَنْكُسَ شِغَرْدَ بُلُسْ بَرِكِنْ سُواْجَ كٜىٰنَنْ، سَيْيَثٜىٰ وَشُوغَبَنْ ‏«‏كُواْ كَيَرْدَ إِنْيِ مَغَنَ دَكَيْ؟»‏ سَيْ شُوغَبَنْ يَثٜىٰ ‏«‏أَشٜىٰ كَا عِيَ هٜىٰلٜىٰنَنْثِ؟

³⁸ بَكَيْنٜىٰ مُتُمِنْ مَصَرْ نَنْ دَ شٜىٰكَرُنْ بَايَ يَجَٰوُاْ تَاوَيٜىٰبَ، حَرْ يَجَا مُتَنٜىٰنَّنْ دُبُو حُطُ مَاسُ كِسَنْ كَيْ أَدَاجِ؟»‏

³⁹ سَيْ بُلُسْ يَأَمْسَ يَثٜىٰ ‏«‏أَيْ، نِے بَيَهُودٜىٰ نٜىٰ نَ تَرْسُسْ عَڧَسَرْ كِلِكِيَ؞ نِے طَنْ بِرْنِ مَيْ مُهِمَّنْثِ نٜىٰ؞ إِنَ ضُواْڧُوانْكَ، كَبَرْنِ إِنْيِ وَمُتَنٜىٰنَّنْ مَغَنَ؞»‏

⁴⁰ سَيْ يَبَاشِ إِظْنِ، بُلُسْ كُوَ يَڟَيَ عَكَنْ مَتَاكَلَ، يَطَغَ وَجَمَعَ حَنُّ سُيِ شِضُ؞ دَسُكَيِ ڟِتْ، سَيْ يَيِمُسُ مَغَنَ دَ يَرٜىٰنْ أَرَمَيَ؞