أَيُّكَنْ مَنْذَنِّے 16 - أَتَّوْرَتْ دَ أَنَّبَاوَاتِمُواْتِ يَبِے بُلُسْ دَ سِيلَ 1 سَيْ بُلُسْ يَجٜىٰ دَرْبٜىٰ دَ لِسْتِرَ؞ أَݣَويْ وَنِ أَلْمَجِرِ أَ لِسْتِرَ مَيْ سُونَ تِمُواْتِ، طَنْ وَتَ بَيَهُودِيَ مَيْبِے؞ بَابَنْسَ كُوَ بَهٜىٰلٜىٰنٜىٰ نٜىٰ؞ 2 مَاسُبِنْ دَسُكٜىٰ أَ لِسْتِرَ دَ إِيكُواْنِيَ كُوَ سُنَ يَبُوانْ تِمُواْتِ؞ 3 بُلُسْ يَسُواْ تِمُواْتِ يَرَكَ شِ؞ دُواْمِنْ حَكَ يَطَوْكٜىٰشِ يَيِ مَسَ كَاثِيَ سَبُواْدَ يَهُودَاوَنْ دَسُكٜىٰ وَطَنَّنْ وُرَارٜىٰنْ دُكْ سُنْ سَنْ بَابَنْسَ بَهٜىٰلٜىٰنٜىٰ نٜىٰ؞ 4 لُواْكَثِنْ دَ بُلُسْ دَ سِيلَ سُكٜىٰ تَڢِيَ سُنَ بِنْ غَرِ غَرِ، سُكَ دِنْغَ بَيَّنَ وَ جَمَعَ ڧَٰعِدُواْدِنْ دَ مَنْذَنِّے دَ دَتَّاوَنْ جَمَعَرْ مَاسُبِے سُكَ يَرْدَ عَكَيْ أَ عُرُوشَلِيمَ، سُكَ غَيَ وَ مَاسُبِے سُكِيَايٜىٰسُ؞ 5 تَهَكَ جَمَعَرْ مَاسُبِے سُكَڧَارَ ڧَرْڢِے ثِكِنْ بَنْغَسْكِيَ، سُنَ ڧَارَ يَوَ كُواْوَثٜىٰ رَانَ؞ بُلُسْ يَغَ رُعُيَ عَكَنْ مَكِدُواْنِيَ 6 سَيْ سُكَ ظَظْذَاغَ ڧَسَاشٜىٰنْ ڢِرِجِيَ دَ غَلَتِيَ، دُوانْ رُوحُ مَيْ ڟَرْكِے يَهَنَاسُ يِنْ مَغَنَرْ عُبَنْغِجِ أَعَسِيَ؞ 7 دَ سُكَذُواْ كَنْ إِيَاكَرْ ڧَسَرْ مِسِيَ، سُكَيِ ڧُواْڧَرِ سُجٜىٰ ڧَسَرْ بِتِنِيَ، عَمَّا رُوحٌ عِيسَىٰ بَيْ يَرْدَ مُسُبَ؞ 8 سُكَ كُوَ بِے تَغٜىٰڢٜىٰنْ ڧَسَرْ مِسِيَ، سُكَ غَنْغَرَ ذُوَا تُواْرُوَسْ؞ 9 دَ دَرٜىٰ بُلُسْ يَغَ رُعُيَ؞ أَ رُعُيَرْ كُوَ يَغَ وَنِ مُتُمِنْ ڧَسَرْ مَكِدُواْنِيَ يَنَ ڟَيٜىٰ، يَنَ ضُواْڧُوانْسَ يَنَ ثٜىٰوَ «كَذُواْ مَكِدُواْنِيَ كَتَيْمَكٜىٰمُ؞» 10 دَ بُلُسْ يَغَ رُعُيَرْ نَنْ كُوَ، نَنْ تَكٜىٰ مُكَيِ ڧُواْڧَرِ مُڧٜىٰتَرٜىٰ ذُوَا مَكِدُواْنِيَ، دُوانْ مُنْ تَبَّتَرْ ثٜىٰوَ اللَّهْ نٜىٰ يَكِرَامُ مُيِ مُسُ وَعَظِنْ لَابَرِ مَيْ دَاطِے؞ لِدِيَ تَا بَادَ غَسْكِيَ 11 سَيْ مُكَتَاشِ عَثِكِنْ جِضْغٍ ضُوَ دَغَ تُواْرُوَسْ مُكَ مِيڧٜىٰ حَرْ سَمُواْتِرَسْ؞ وَشٜىٰغَرِ كُمَ سَيْ نِيَڢُواْلِسْ؞ 12 دَغَ نَنْ كُمَ سَيْ مُكَ وُثٜىٰ تَڧَسَا ذُوَا بِرْنِنْ ڢِلِبِے عَتَيَنْكِنْ مَكِدُواْنِيَ، وَدَّ تَكٜىٰ ڧَرْڧَشِنْ مُلْكٍ رُواْمَ؞ مُكَيِ یَنْ ݣُونَكِے أَنَنْ؞ 13 رَانَرْ هُوتُ تَمَكُواْ مُكَ ڢِتَ ڧُواْڢَرْ غَرِ، مُكَجٜىٰ بَاكِنْ كُواْغِ عِنْدَ مُكٜىٰ ڟَمَّنِ أَݣَويْ وُرِنْ يِنْ أَدُّعَ نَ يَهُودَاوَا، مُكَ ذَوْنَ مُكَيِ مَغَنَ وَ مَاتَانْدَ سُكَ تَارُ أَوُرِنْ؞ 14 أَݣَويْ وَتَ مَثٜىٰ مَيْ سُونَ لِدِيَ، مَيْ بَوْتَرْ اللَّهْ، تَنَ سَوْرَرُوانْمُ؞ عِتَ یَرْ غَرِنْ تَيَتِرَ ثٜىٰ، تَنَ سَيَرْ دَ يَدُنَنْ جَرْ غَرُورَا مَاسُ ڟَادَ؞ عُبَنْغِجِ يَبُوطٜىٰ ذُوثِيَارْتَ، حَرْ تَسَا حَنْكَلِ تَسَوْرَرِ أَبِنْدَ بُلُسْ يَڢَطَا؞ 15 دَ عَكَيِ مَتَ بَڢْتِسْمَ تَرٜىٰدَ مُتَنٜىٰنْ غِدَنْتَ، سَيْ تَاضُواْڧٜىٰمُ تَثٜىٰ «عِدَنْ كُنْ يَرْدَ نِے مَيْ بَادَ غَسْكِيَ غَ عُبَنْغِجِ ثٜىٰ، تُواْ، سَيْ كُذُواْ غِدَانَ كُسَوْكَ؞» تَا لَلَّشٜىٰمُ، سَيْ مُكَ يَرْدَ؞ أَنْ كُلّٜىٰ بُلُسْ دَ سِيلَ عَثِكِنْ كُرْكُكُ 16 وَتَرَانَ ذَامُجٜىٰ وُرِنْ يِنْ أَدُّعَ سَيْ مُكَ غَمُ دَ وَتَ يَارِنْيَ مَيْ أَلْجَنِ مَيْ دُوبَا؞ مَاسُ يَارِنْيَرْ كُوَ سُنَ سَامُنْ كُطِ سُواْسَيْ تَوُرِنْ دُوبَانْدَ تَكٜىٰيِ؞ 17 سَيْ تَدِنْغَ بِنْمُ، مُو دَ بُلُسْ، تَنَ إِيهُ تَنَثٜىٰوَ «مُتَنٜىٰنَّنْ بَايِنْ اللَّهْ مَڢِے طَوْكَكَ نٜىٰ، سُنَ سَنَرْدَكُو حَنْيَرْ ثٜىٰتُواْ!» 18 تَايِ تَيِنْ حَكَ ݣُونَكِے دَيَوَ؞ سَيْ بُلُسْ يَٻَاتَ رَيْ سُواْسَيْ، يَجُويَ يَثٜىٰ وَ أَلْجَنِنْ «نَعُمَرْثٜىٰكَ ثِكِنْ سُونَنْ عِيسَىٰ أَلْمَسِيحُ، كَرَبُ دَ عِتَ؞» نَنْ تَكٜىٰ كُوَ يَرَبُ دَ عِتَ؞ 19 دَ مَاسُ يَارِنْيَرْ سُكَغَ حَنْيَرْ دَسُكٜىٰ سَامُنْ كُطِ تَتُواْشٜىٰ، سَيْ سُكَ كَامَ بُلُسْ دَ سِيلَ، سُكَ جَاسُ حَرْ ثِكِنْ كَاسُوَ غَبَنْ مَاسُ شَرِيعَ؞ 20 دَ سُكَ كَيْسُ غَبَنْ أَلْڧَلَيْ، سُكَثٜىٰ «وَطَنَّنْ يَهُودَاوَا نٜىٰ ڢَا، كُمَ سُنَ رِكِتَرْدَ غَرِنْمُ؞ 21 سُنَ كُواْيَرْ دَ أَلْعَادُنْ دَ بَيْ كَمَاتَ مُكَرْٻَ كُواْ مُبِبَ، غَمَا مُو رُواْمَاوَا نٜىٰ؞» 22 سَيْ جَمَعَ سُكَ تَارُ عَكَنْسُ غَبَاطَيَ، أَلْڧَلَنْ كُمَ سُكَ يَيَّاغٜىٰ مُسُ تُڢَاڢِنْسُ، سُكَ تُتُّوٻٜىٰسُ، سُكَ بَادَ عُمَرْنِ أَدُوكٜىٰسُ؞ 23 دَ عَكَ دُوكٜىٰسُ سُواْسَيْ، عَكَسَاسُ ثِكِنْ كُرْكُكُ، عَكَ عُمَرْثِ مَيْغَادِنْ كُرْكُكُنْ يَيِ غَادِنْسُ دَݣَوْ؞ 24 شِے كُوَ دَ يَكَرْٻِ وَنَّنْ عُمَرْنِ، سَيْ يَسَاسُ ثَنْ ثِكِ ثِكِنْ كُرْكُكُ، يَسَا ڧَڢَاڢُنْسُ عَثِكِنْ كَتَكُوانْ رِڧٜىٰ ڧَڢَاڢُ يَكُلّٜىٰ؞ 25 وَجٜىٰنْ ڟَكَرْ دَرٜىٰ، بُلُسْ دَ سِيلَ سُنَ أَدُّعَ سُنَ وَاڧُواْڧِنْ يَبُوانْ اللَّهْ، سَوْرَنْ یَنْ كُرْكُكُنْ كُوَ سُنَ سَوْرَرُوانْسُ؞ 26 بَا لَابَرِ سَيْ عَكَيِ وَتَ بَبَّرْ ضَوَرْ ڧَسَا، حَرْ تُوشٜىٰنْ غِنِنْ كُرْكُكُنْ يَغِرْغِظَ؞ نَنْ دَ نَنْ ڧُواْڢُواْڢِنْ دُكَ سُكَ بُوطٜىٰ، سَرْڧُواْڧِنْ دُكَنْ یَنْ كُرْكُكُنْ سُكَ كُنْثٜىٰ؞ 27 دَ مَيْغَادِنْ یَنْ كُرْكُكُنْ يَتَاشِ دَغَ بَرْثِ يَغَ ڧُواْڢُواْڢِنْ كُرْكُكُنْ عَبُوطٜىٰ، سَيْ يَظَرُواْ تَكُواْبِنْسَ، يَنَ شِرِ يَكَشٜىٰ كَنْسَ، دُواْمِنْ يَنَ ڟَمَّنِ یَنْ كُرْكُكُنْ سُنْ غُدُ؞ 28 عَمَّا بُلُسْ يَطَغَ مُرْيَ دَ ڧَرْڢِے يَثٜىٰ «كَدَ كَيِ وَكَنْكَ ثِيوُاْ، أَيْ، دُكَنْمُ مُنَانَنْ!» 29 سَيْ مَيْغَادِنْ یَنْ كُرْكُكُ يَثٜىٰ عَكَٰوُاْ ڢِتِلُ؞ سَيْ يَيِ وُڢْ يَشِغَ ثِكِ، يَڢَاطِ أَغَبَنْ بُلُسْ دَ سِيلَ، يَنَ ضَوَرْ جِكِے دُوانْ ڟُواْرُواْ؞ 30 سَعَنً يَڢِتُواْ دَسُو وَجٜىٰ يَثٜىٰ «شُوغَبَنِّ، مٜىٰ ذَنْيِ إِنْسَامِ ثٜىٰتُواْ؟» 31 سُو كُوَ سُكَثٜىٰ «كَغَسْكَتَادَ عُبَنْغِجِ عِيسَىٰ، كَيْ دَ عِيَلِنْكَ ذَاكُسَامِ ثٜىٰتُواْ؞» 32 سَعَنً سُكَ غَيَ مَسَ كَلْمَرْ عُبَنْغِجِ، شِے دَ مُتَنٜىٰنْ دَسُكٜىٰ غِدَنْسَ دُكَ؞ 33 عَثِكِنْ دَرٜىٰنَّنْ يَطَوْكٜىٰسُ، يَوَنْكٜىٰ مُسُ مِيكِنْسُ؞ نَنْ دَ نَنْ كُوَ عَكَيِ مَسَ بَڢْتِسْمَ دَ دُكَنْ عِيَلِنْسَ؞ 34 سَعَنً يَشِغُواْ دَسُو ثِكِنْ غِدَنْسَ، يَكَٰوُاْ مُسُ عَبِنْثِ؞ شِے دَ عِيَلِنْسَ دُكَ سُكَ ثِكَ دَ ڢَضٍ ثِكِ دُوانْ دُكَنْسُ سُنْبَادَ غَسْكِيَ غَ اللَّهْ؞ 35 دَغَرِ يَوَايٜىٰ، أَلْڧَلَنْ سُكَ عَيْكُواْ یَنْ سَنْدَا دَ عُمَرْنِ ثٜىٰوَ «أَسَكِ مُتَنٜىٰنَّنْ؞» 36 سَيْ مَيْغَادِنْ یَنْ كُرْكُكُنْ يَكَٰوُاْ وَ بُلُسْ سَڧُوانْ يَثٜىٰ «أَلْڧَلَيْ سُنْ عَيْكُواْ أَسَكٜىٰكُ؞ دُواْمِنْ حَكَ يَنْذُ سَيْ كُڢِتُواْ كُتَڢِے لَاڢِيَ؞» 37 عَمَّا بُلُسْ يَثٜىٰمُسُ «أَيْ، أَغَبَنْ مُتَنٜىٰ سُكَيِ مَنَ بُلَلَ، بَاتَرٜىٰدَ أَنْيِ مَنَ شَرِيعَبَ، كُواْدَيَكٜىٰ مُو رُواْمَاوَا نٜىٰ؞ سُكَ كُمَ جٜىٰڢَمُ ثِكِنْ كُرْكُكُ، يَنْذُ كُمَ ذَاسُڢِتَرْ دَمُو عَٻُواْيٜىٰ؟ إِنَا! سَيْ دَيْ سُذُواْ دَكَنْسُ سُڢِتَرْ دَمُو؞» 38 سَيْ یَنْ سَنْدَنْ سُكَجٜىٰ سُكَ ڢَطَا وَ أَلْڧَلَنْ وَنَّنْ مَغَنَ؞ أَلْڧَلَنْ كُوَ سُكَجِڟُواْرُواْ دَ سُكَجِ وَيْ بُلُسْ دَ سِيلَ رُواْمَاوَا نٜىٰ؞ 39 سَعَنً سُكَذُواْ سُكَ ضُواْڧِ غَاڢَرَ أَوُرِنْ بُلُسْ دَ سِيلَ؞ بَايَنْ حَكَ سَيْ سُكَ ڢِتَرْ دَسُو سُكَ ضُواْڧٜىٰسُ سُبَرْ غَرِنْ؞ 40 بَايَنْدَ بُلُسْ دَ سِيلَ سُكَ ڢِتُواْ دَغَ كُرْكُكُنْ، سَيْ سُكَ تَڢِے وُرِنْ لِدِيَ؞ بَايَنْدَ سُكَغَ مَاسُبِے، سُكَ كُمَ ڧَرْڢَڢَ مُسُ ذُوثِيَا، سَيْ سُكَ تَڢِے؞ |
Hausa Common Language Ajami Bible © The Bible Society of Nigeria, 2020
Bible Society of Nigeria