أَيُّكَنْ مَنْذَنِّے 15 - أَتَّوْرَتْ دَ أَنَّبَاوَا

مَجَلِسَرْ شُوغَبَنِّنْ جَمَعَرْ مَاسُبِے أَ عُرُوشَلِيمَ

¹ سَيْ كُمَ وَطَنْسُ مُتَنٜىٰ سُكَذُواْ أَنْتَكِيَ دَغَ يَنْكِنْ يَهُودِيَ سُنَ كُواْيَ وَ یَنْعُوَ مَاسُبِے، سُنَ ثٜىٰوَ ‏«‏عِدَنْ بَ أَنْيِ مُكُ كَاثِيَ كَمَرْ يَدَّ أَلْعَادَرْ مُوسَٰى تَكٜىٰ بَ، بَذَاكُ عِيَ سَامُنْ ثٜىٰتُواْبَ؞»‏

² بَا ڧَرَمَرْ غَرْدَمَ بُلُسْ دَ بَرْنَبَ سُكَيِ دَ مُتَنٜىٰنَّنْ عَكَنْ وَنَّنْ مَغَنَبَ؞ سَيْ عَكَسَا بُلُسْ دَ بَرْنَبَ دَ كُمَ وَطَنْسُ سُجٜىٰ عُرُوشَلِيمَ وُرِنْ مَنْذَنِّے دَ دَتَّاوَنْ جَمَعَرْ مَاسُبِے دُواْمِنْ سُتَتَّوْنَ عَكَنْ وَنَّنْ مَغَنَ؞

³ جَمَعَرْ مَاسُبِے تَرَكَسُ، سُكَ تَڢِے، سُكَبِے تَڧَسَرْ ڢِنِكِيَ دَ سَمَرِيَ، سُنَ بَادَ لَابَرِنْ يَدَّ وَطَنْدَ بَا يَهُودَاوَا بَ سُكَ بَادَ غَسْكِيَ؞ وَنَّنْ يَسَا دُكْ مَاسُبِے سُكَيِ ڢَضٍ ثِكِ سُواْسَيْ؞

⁴ دَ سُكَ إِسَ عُرُوشَلِيمَ، دُكَنْ جَمَعَرْ مَاسُبِے دَ مَنْذَنِّے دَ دَتَّاوَنْ جَمَعَرْ مَاسُبِے سُكَيِ مُسُ مَرَبَ؞ سَيْ بُلُسْ دَ بَرْنَبَ كُمَ سُكَ بَادَ رَهُواْتُوانْ دُكْ أَبِنْدَ اللَّهْ يَيِ تَوُرِنْسُ؞

⁵ عَمَّا وَطَنْسُ مَاسُبِے، یَنْ ڧُنْ‌غِيَرْ ڢَرِسِيَاوَا، سُكَتَاشِ ڟَيٜىٰ سُكَثٜىٰ ‏«‏دُواْلٜىٰنٜىٰ عَيِ وَمَاسُبِے وَطَنْدَ بَا يَهُودَاوَا بَ كَاثِيَ، عَكُمَسَاسُ دُواْلٜىٰ سُبِے كُواْيَرْوَرْ مُوسَٰى؞»‏

⁶ مَنْذَنِّےنْ دَ دَتَّاوَنْ جَمَعَرْ مَاسُبِے سُكَ تَارُ دُواْمِنْ سُتَتَّوْنَ عَكَنْ وَنَّنْ مَغَنَ؞

⁷ بَايَنْدَ عَكَيِ تَ غَرْدَمَ سُواْسَيْ، سَيْ بِتْرُسْ يَتَاشِ ڟَيٜىٰ يَثٜىٰ مُسُ ‏«‏یَنْعُوَ، كُنْ سَنِ تُنْ تُنِ اللَّهْ يَذَاٻٜىٰنِ عَثِكِنْكُ، ثٜىٰوَ تَوُرِينَ نٜىٰ وَطَنْدَ بَا يَهُودَاوَا بَ ذَاسُجِ لَابَرِ مَيْ دَاطِے، سُكُمَ بَادَ غَسْكِيَ؞

⁸ اللَّهْ كُوَ وَنْدَ يَسَنْ ذُوثِيَارْ كُواْوَ، يَنُونَ ثٜىٰوَ يَكَرْٻٜىٰسُ دَ يَبَاسُ رُوحُ مَيْ ڟَرْكِے، كَمَرْ يَدَّ يَبَامُ؞

⁹ كُمَ بَيْ نُونَ بَمْبَنْثِ ڟَكَانِنْمُ دَسُوبَ، غَمَا يَا ڟَبْتَثٜىٰ ظُكَاتَنْسُ تَوُرِنْ بَنْ‌غَسْكِيَرْسُ؞

¹⁰ سَبُواْدَ حَكَ دُوانْمٜىٰ كُكٜىٰ ڠُودَ اللَّهْ تَوُرِنْ سَا وَ أَلْمَجِرَنَّنْ غُنْ‌غُمٜىٰنْ دَيَكٜىٰ دَنّٜىٰسُ، وَتُواْ دُواْكُواْكِنْ دَ مُو دَ كَاكَنِّنْمُ دُكَ بَمُ عِيَ طَوْكَوَبَ؟

¹¹ عَمَّا مُنْ غَسْكَتَ ثٜىٰوَ تَوُرِنْ أَلْحٜىٰرِنْ عُبَنْ‌غِجِ عِيسَىٰ نٜىٰ مُنْ سَامِ ثٜىٰتُواْ، كَمَرْ يَدَّ سُو مَا سُكَ سَامُ؞»‏

¹² سَيْ دُكْ تَارُوانْ مُتَنٜىٰنْ سُكَيِ شِضُ، سُكَ سَوْرَرِ بَرْنَبَ دَ بُلُسْ سَعَدَّ سُكَ بَادَ لَابَرِنْ عَلَمُ دَ أَيُّكَنْ بَنْ مَامَاكِنْ دَ اللَّهْ يَيِ تَوُرِنْسُ عَثِكِنْ وَطَنْدَ بَا يَهُودَاوَا بَ؞

¹³ بَايَنْدَ سُكَ غَمَ مَغَنَ، سَيْ يَعْڧُوبَ يَأَمْسَ يَثٜىٰ ‏«‏یَنْعُوَ، كُسَوْرَرَتَ؞

¹⁴ سِيمَنْ يَبَادَ لَابَرِ يَدَّ اللَّهْ يَڢَارَ نُونَ ڧَوْنَ غَ وَطَنْدَ بَا يَهُودَاوَا بَ، تَوُرِنْ كٜىٰٻٜىٰ وَتَ جَمَعَ دَغَ ثِكِنْسُ تَذَمَ تَاسَ؞

¹⁵ وَنَّنْ كُوَ يَيِ دَيْدَيْ دَ مَغَنَرْ أَنَّبَاوَا يَدَّ يَكٜىٰ أَرُبُوثٜىٰ ثٜىٰوَ

¹⁶ ‏«‏ ‏‹‏بَايَنْ حَكَ ذَنْدَاوُاْ إِنْسَاكٜىٰ غِنَا غِدَنْ دَاوُدَ دَ يَرُشٜىٰ؞ دَغَ ذَمَنْسَ كُڢَيْ، ذَنْسَاكٜىٰ غِنَاشِ، إِنْكُمَ سَابُنْتَاشِ؞

¹⁷ تَهَكَ ضَغُواْوَرْ مُتَنٜىٰ ذَاسُ نٜىٰمٜىٰنِ، نِے عُبَنْ‌غِجِ، وَطَنْدَ بَا يَهُودَاوَا بَ دَ نَذَاٻَا سُذَمَ نَوَ؞

¹⁸ حَكَ عُبَنْ‌غِجِ يَڢَطَا، شِے دَ يَبَيَّنَ وَطَنَّنْ أَبُبُوَ تُنْ زَامَانِنْ دَا؞›‏ »‏

¹⁹ ‏«‏سَبُواْدَ حَكَ نَغَ بَيْ كَمَاتَ مُمَڟَاوَ وَطَنْدَ بَا يَهُودَاوَا بَ وَطَنْدَ سُكٜىٰ جُويُواْوَ غَ اللَّهْ؞

²⁰ سَيْ دَيْ مُرُبُوتَ مُسُ وَسِيڧَ مُغَيَ مُسُ كَدَ سُثِ عَبِنْثِنْ دَ عَكَ مِيڧَا وَغُمَكَ، كَدَ سُيِ لَلَتَ كُواْ سُثِ نَامَنْ دَبَّرْ دَ عَكَ مُرْطٜىٰ دَ كُمَ نَامَ دَ جِنِ؞

²¹ غَمَا تُنْ زَامَانِنْ دَا، عَكُواْوَنٜىٰ غَرِ أَݣَويْ مَاسُ يِنْ وَعَظِ دَ كُواْيَرْوَرْ مُوسَٰى، أَنَ كُمَ كَرَنْتَتَ أَ مَجَمِعُ كُواْوَثٜىٰ رَانَرْ هُوتُ تَمَكُواْ؞»‏

أَمْسَرْ شُوغَبَنِّنْ جَمَعَرْ مَاسُبِے

²² سَيْ مَنْذَنِّےنْ دَ دَتَّاوَنْ جَمَعَرْ مَاسُبِے، تَرٜىٰدَ دُكَنْ یَنْ جَمَعَرْ مَاسُبِے، سُكَغَ يَيِݣَوْ سُذَاٻِ وَطَنْسُ دَغَ ثِكِنْسُ، سُأَيْكٜىٰسُ ذُوَا أَنْتَكِيَ تَرٜىٰدَ بُلُسْ دَ بَرْنَبَ؞ سَيْ سُكَ ذَاٻِ يَهُودَ، وَنْدَ عَكٜىٰثٜىٰ دَشِ بَرْسَبَ دَ كُمَ سِيلَ، وَطَنْدَ سُو شُوغَبَنِّنٜىٰ ثِكِنْ مَاسُبِے؞

²³ سُكَبَاسُ وَسِيڧَرْ دَتَكٜىٰثٜىٰوَ ‏«‏دَغَ یَنْعُوَنْكُ مَنْذَنِّے دَ دَتَّاوَنْ جَمَعَرْ مَاسُبِے، ذُوَاغَ مَاسُبِے وَطَنْدَ أَصَلِنْكُ بَا يَهُودَاوَا بَنٜىٰ، أَعَنْتَكِيَ دَ ڧَسَرْ سُورِيَ دَ تَ كِلِكِيَ؞ مُنَ غَيْسُوَا؞

²⁴ ‏«‏مُنْ سَامِ لَابَرِ ثٜىٰوَ وَطَنْسُ دَغَ ثِكِنْمُ سُنْ تَيَرْ مُكُ دَ حَنْكَلِ دَ مَغَنْ‌غَنُنْسُ، سُنَ رِكِتَرْ دَكُو، كُواْدَيَكٜىٰ بَمُبَاسُ عُمَرْنِ سُيِ حَكَبَ؞

²⁵ دُواْمِنْ حَكَ، بَايَنْدَ مُكَ تَتَّوْنَ سَيْ مُكَغَ يَيِݣَوْ مُذَاٻِ وَطَنْسُ مُعَيْكَ مُكُسُ، تَرٜىٰدَ أَبُواْكَنْمُ، وَتُواْ بَرْنَبَ دَ بُلُسْ،

²⁶ وَطَنْدَ سُكَ بَادَ رَنْسُ سَبُواْدَ سُونَنْ عُبَنْ‌غِجِنْمُ عِيسَىٰ أَلْمَسِيحُ؞

²⁷ دُواْمِنْ حَكَ مُنْ عَيْكُواْ مُكُ يَهُودَ دَ سِيلَ؞ سُو دَ كَنْسُ ذَاسُ تَبَّتَرْ مُكُ وَطَنَّنْ أَبُبُوَ دَ بَاكِنْسُ؞

²⁸ ‏«‏غَمَا رُوحُ مَيْ ڟَرْكِے يَغَ يَيِݣَوْ، حَكَكُمَ مُكَغَ يَيِݣَوْ، كَدَ أَ سَا مُكُ وَنِ نَوْيِ ڢِيٜىٰدَ نَوَطَنَّنْ أَبُبُوَنْ دَ سُكَ ذَمَ دُواْلٜىٰ،

²⁹ وَتُواْ، كُكِيَايٜىٰ كَنْكُ دَغَ أَبِنْدَ عَكَ مِيڧَا وَغُنْكِ دَ ثِنْ نَامَ تَرٜىٰدَ جِنِ دَ ثِنْ نَامَنْ دَبَّرْ دَ عَكَ مُرْطٜىٰ دَ كُمَ لَلَتَ؞ عِدَنْ كُنْ كِيَايٜىٰ كَنْكُ دَغَ وَطَنَّنْ أَبُبُوَ، كُنْيِ أَبِنْدَ يَكٜىٰدَ ݣَوْ كٜىٰنَنْ؞ ‏«‏كُهُوتَ لَاڢِيَ؞»‏

³⁰ سَيْ عَكَ عَيْكٜىٰسُ، سُكَ تَڢِے أَنْتَكِيَ؞ دَ سُكَ تَارَ جَمَعَرْ مَاسُبِے، سَيْ سُكَ بَادَ وَسِيڧَرْ؞

³¹ دَ جَمَعَرْ سُكَ كَرَنْتَ وَسِيڧَرْ كُوَ، سُكَيِ ڢَضٍ ثِكِ سَبُواْدَ ڧَرْڢَڢَاوَرْ دَسُكَ سَامُ؞

³² يَهُودَ دَ سِيلَ كُمَ، دُواْمِنْ سُو أَنَّبَاوَا نٜىٰ، سُكَيِ وَیَنْعُوَ غَرْغَطِے دَ مَغَنْ‌غَنُ مَاسُيَوَ، سُكَ كُمَ ڧَرْڢَڢَاسُ؞

³³ بَايَنْدَ سُكَيِ یَنْ ݣُونَكِے أَوُرِنْ، سَيْ عَكَ سَلَّمٜىٰسُ لَاڢِيَ، سُكَ كُواْمُواْ وُرِنْ وَطَنْدَ سُكَ عَيْكُواْسُ؞

³⁴ عَمَّا سِيلَ يَغَ يَيِݣَوْ يَذَوْنَ أَنَنْ تُكُنَ؞

³⁵ بُلُسْ دَ بَرْنَبَ كُوَ سُكَيِ یَنْ ݣُونَكِے أَعَنْتَكِيَ؞ سُو دَ وَطَنْسُ مُتَنٜىٰ دَيَوَ سُنَ كُواْيَرْوَا سُنَ كُمَيِنْ شٜىٰلَرْ كَلْمَرْ عُبَنْ‌غِجِ؞

بُلُسْ دَ بَرْنَبَ سُنْ رَبُ

³⁶ بَايَنْ یَنْ ݣُونَكِے، بُلُسْ يَثٜىٰ وَ بَرْنَبَ ‏«‏ذُواْ مُكُواْمَ دُكْ غَرُضُوً دَ مُكَيِ شٜىٰلَرْ كَلْمَرْ عُبَنْ‌غِجِ أَدَا، مُظِيَرْثِ یَنْعُوَ، مُغَ يَدَّ سُكٜىٰ؞»‏

³⁷ بَرْنَبَ يَسُواْ سُطَوْكِ يَحْيَى وَنْدَ عَكٜىٰثٜىٰ دَشِ مَرْكُسْ يَتَڢِے تَرٜىٰدَسُو؞

³⁸ عَمَّا بُلُسْ يَغَ بَيْيِݣَوْ سُتَڢِے دَ مَرْكُسْ بَ سَبُواْدَ أَدَا يَا بَرْسُ عَڧَسَرْ ڢَمْڢِيلِيَ، يَكُمَڧِ يَثِيغَبَدَ يِنْعَيْكِ تَرٜىٰدَسُو؞

³⁹ رَشِنْ يَرْدَرْ يَيِ ذَاڢِ حَرْ يَكَيْسُ غَ رَبُوَ؞ بَرْنَبَ يَا طَوْكِ مَرْكُسْ، سُكَ شِغَ جِضْغٍ ضُوَ ذُوَا سَيِڢُرُسْ؞

⁴⁰ عَمَّا بُلُسْ يَذَاٻِ سِيلَ، سُكَتَاشِ، بَايَنْدَ مَاسُبِے سُكَ مِيڧَسُ غَ أَلْحٜىٰرِنْ عُبَنْ‌غِجِ يَكِيَايٜىٰسُ؞

⁴¹ سُكَبِے تَڧَسَاشٜىٰنْ سُورِيَ دَ كِلِكِيَ، سُنَ ڧَرْڢَڢَ دُكَنْ جَمَعَرْ مَاسُبِے؞