أَيُّكَنْ مَنْذَنِّے 14 - أَتَّوْرَتْ دَ أَنَّبَاوَا

بُلُسْ دَ بَرْنَبَ عَ إِيكُواْنِيَ

¹ تُواْ، عَ إِيكُواْنِيَ، بُلُسْ دَ بَرْنَبَ سُكَ شِغَ مَجَمِعَرْ يَهُودَاوَا كَمَرْ يَدَّ سُنْ سَابَا؞ سُكَيِ وَعَظِ، حَرْ مُتَنٜىٰ مَاسُيَوَ، يَهُودَاوَا دَ وَطَنْدَ بَا يَهُودَاوَا بَ، سُكَ بَادَ غَسْكِيَ؞

² عَمَّا يَهُودَاوَنْ دَ سُكَڧِ غَسْكَتَاوَا، سُكَ ذُغَ وَطَنْدَ بَا يَهُودَاوَا بَ، سُكَ ٻَاتَ ڟَكَانِنْسُ دَ یَنْعُوَ مَاسُبِے؞

³ سَيْ بُلُسْ دَ بَرْنَبَ سُكَ دَطٜىٰ أَنَنْ سُواْسَيْ، سُنَ وَعَظِ بَابُ ڟُواْرُواْ بِسَغَ إِيكُوانْ عُبَنْ‌غِجِ؞ عُبَنْ‌غِجِ كُوَ يَيِ شَيْدَرْ كَلْمَرْ أَلْحٜىٰرِنْسَ تَوُرِنْ بَادَ إِيكُواْ عَيِ عَلَمُ دَ أَيُّكَنْ بَنْ مَامَاكِ تَهَنُّنْسُ؞

⁴ عَمَّا مُتَنٜىٰنْ غَرِنْ سُكَ رَبُ كَشِ بِيُ، وَطَنْسُ سُنَ غُواْيُوانْ بَايَنْ يَهُودَاوَا، وَطَنْسُ كُمَ سُنَ غُواْيُوانْ بَايَنْ مَنْذَنِّےنْ؞

⁵ سَيْ يَهُودَاوَا دَ وَطَنْدَ بَا يَهُودَاوَا بَ، تَرٜىٰدَ شُوغَبَنِّنْسُ سُكَيِ شِرِ دُواْمِنْ سُوُلَڧَنْتَ مَنْذَنِّےنْ، سُجٜىٰجّٜىٰڢٜىٰسُ دَ دُوَڟُو؞

⁶ دَ مَنْذَنِّےنْ سُكَجِ حَكَ، سَيْ سُكَ غُدُ ذُوَا بِرَنٜىٰنْ لِكُواْنِيَ، وَتُواْ لِسْتِرَ دَ دَرْبٜىٰ دَ كُمَ كٜىٰوَيٜىٰنْسُ؞

⁷ أَوُرِنْ سُكَ ثِيغَبَدَ وَعَظِنْ لَابَرِ مَيْ دَاطِے؞

بُلُسْ يَيِ وَعَظِ أَ لِسْتِرَ

⁸ أَ لِسْتِرَ كُوَ أَݣَويْ وَنِ مُتُمْ وَنْدَ شِ غُرْغُ نٜىٰ، بَيْتَٻَيِنْ تَڢِيَ بَ تُنْدَ عَكَ حَيْڢٜىٰشِ؞ يَنَ ظَوْنٜىٰ،

⁹ يَنَ سَوْرَرُوانْ وَعَظِنْ بُلُسْ؞ سَيْ بُلُسْ يَظُبَ مَسَ عِدُواْ؞ دَ بُلُسْ يَغَ مُتُمِنْ يَنَدَ بَنْ‌غَسْكِيَرْ دَ ذَاعَ وَرْكَرْ دَشِ،

¹⁰ سَيْ يَطَغَ مُرْيَ دَ ڧَرْڢِے يَثٜىٰ ‏«‏تَاشِ كَڟَيَ كَنْ ڧَڢَاڢُنْكَ؞»‏ مُتُمِنْ كُوَ يَتَاشِ يَڢَارَ تَڢِيَ؞

¹¹ دَ تَارُوانْ سُكَغَ أَبِنْدَ بُلُسْ يَيِ، سُكَ طَغَ مُرْيَ غَبَاطَيَ سُنَ ثٜىٰوَ دَ يَرٜىٰنْ لِكُواْنِيَ ‏«‏لَلَّيْ، أَلُّواْلِ سُنْ سَوْكُواْ مَنَ دَ صِڢَّرْ مُتَنٜىٰ!‏»‏

¹² سَيْ سُكَ بَا بَرْنَبَ سُنَ ظٜىٰيُسْ، بُلُسْ كُوَ سُكَثٜىٰ دَشِ هٜىٰرْمٜىٰسْ، دُواْمِنْ شِينٜىٰ شُوغَبَنْ مَغَنَ؞

¹³ سَيْ ڢِرِسْتِ نَڟَاڢِنْ ظٜىٰيُسْ، وَنْدَ طَاكِنْ غُنْكِنْسَ يَكٜىٰ عَبَايَنْ غَرِ، يَكَٰوُاْ شَانُو دَ أَدُوانْ ڢُلَوَ عَڧُواْڢَرْ غَرِ؞ سَرْكِنْ ڟَاڢِنْ دَ جَمَعَ سُنَسُواْ سُيِ وَمَنْظَنِّنْ هَدَايَ؞

¹⁴ عَمَّا دَ مَنْذَنِّےنَّنْ بَرْنَبَ دَ بُلُسْ سُكَجِ حَكَ، سَيْ سُكَ يَيَّاغٜىٰ رِيغُنَنْسُ دُوانْ ٻَثِنْ رَيْ، سُكَ شِغَ ثِكِنْ تَارُوانْ دَ غُدُ، سُنَ طَغَ مُرْيَ سُنَ ثٜىٰوَ

¹⁵ ‏«‏دُوانْمٜىٰ كُكٜىٰيِنْ حَكَ؟ أَيْ، مُو مَا مُتَنٜىٰنٜىٰ كَمَرْكُ، مُنْ دَيْ كَٰوُاْ مُكُ لَابَرِ مَيْ دَاطِے نٜىٰ، دُواْمِنْ كُجُويَا وَ أَبُبُوَنْ بَنْظَنَّنْ بَايَ، كُكُمَ جُويُواْ غَ اللَّهْ مَيْ رَيْ، وَنْدَ يَحَلِثِّ سَمَ دَ ڧَسَا دَ تٜىٰكُ دَ كُمَ دُكَنْ أَبِنْدَ يَكٜىٰ ثِكِنْسُ؞

¹⁶ أَ زَامَانِنْ دَا، يَبَرْ دُكَنْ أَلْعُمَّيْ سُيِ تَڢِيَ أَ هَنْيُواْيِنْ دَ سُكَغَ دَامَ؞

¹⁷ دُكْدَهَكَ كُوَ بَيْتَٻَ بَرِنْ كَنْسَ بَابُ شَيْدَبَ، سَبُواْدَ يَنَ يِنْ أَلْحٜىٰرِنْ بَاكُ ضُوً سَمَ دَ دَامِنَ مَيْ أَلْبَرْكَ؞ يَنَ ڧُواْسَرْدَكُو دَ عَبِنْثِ أَدَيْدَيْ لُواْكَثِ، يَنَ كُمَسَا كُيِ ڢَضٍ ثِكِ؞»‏

¹⁸ دُكْ دَ وَطَنَّنْ مَغَنْ‌غَنُ مَا دَݣَرْ سُكَ حَنَ جَمَعَرْ نَنْ سُيِ مُسُ هَدَايَ؞

¹⁹ عَمَّا وَطَنْسُ يَهُودَاوَا سُكَذُواْ دَغَ أَنْتَكِيَ دَ إِيكُواْنِيَ سُكَ رِنْجَيِ تَارُوانْ، سُكَ جٜىٰجّٜىٰڢِ بُلُسْ، سُكَ جَاشِ ذُوَا بَايَنْ غَرِ، سُنَ ڟَمَّنِ يَمُتُ؞

²⁰ عَمَّا دَ مَاسُبِے سُكَ كٜىٰوَيٜىٰشِ، سَيْ يَتَاشِ يَكُواْمَ ثِكِنْ بِرْنِ؞ وَشٜىٰغَرِ كُمَ يَتَڢِے دَرْبٜىٰ تَرٜىٰدَ بَرْنَبَ؞

كُواْمَاوَا أَنْتَكِيَ تَ سُورِيَ

²¹ بَايَنْدَ بُلُسْ دَ بَرْنَبَ سُكَيِ وَعَظِنْ لَابَرِ مَيْ دَاطِے أَ دَرْبٜىٰ، سُنْ كُمَ سَامِ أَلْمَجِرَيْ دَيَوَ، سُكَ كُواْمَ لِسْتِرَ دَ إِيكُواْنِيَ دَ كُمَ أَنْتَكِيَ تَ بِسِيدِيَ؞

²² سُنَ ڧَرْڢَڢَ مَاسُبِے، سُنَيِ مُسُ غَرْغَطِے سُڟَيَ دَ ڧَرْڢِے ثِكِنْ بَنْ‌غَسْكِيَ؞ سُنَ ثٜىٰوَ ‏«‏سَيْ تَرٜىٰدَ عَذَابَ مَيْ يَوَ ذَامُ شِغَ مُلْكٍ اللَّهْ؞»‏

²³ بَايَنْدَ سُكَ كُمَ ذَاٻَا مُسُ دَتَّاوَا عَكُواْوَثٜىٰ جَمَعَرْ مَاسُبِے، تَرٜىٰدَ أَدُّعَ دَ أَظُمِ سُكَ مِيڧَسُ غَ عُبَنْ‌غِجِ وَنْدَ سُكَ غَسْكَتَادَشِ؞

²⁴ سَعَنً سُنْبِے تَڧَسَرْ بِسِيدِيَ ذُوَا ڢَمْڢِيلِيَ؞

²⁵ دَ كُمَ سُكَ ڢَطَا كَلْمَرْ اللَّهْ أَ ڢٜىٰرْغَ، سَيْ سُكَ تَڢِے أَتَلِيَ؞

²⁶ دَغَ نَنْ كُمَ سُكَ شِغَ جِضْغٍ ضُوَ سُكَ كُواْمَ أَنْتَكِيَ، عِنْدَ تُنْدَا عَكَيِ مُسُ أَدُّعَ ثٜىٰوَ أَلْحٜىٰرِنْ اللَّهْ يَكِيَايٜىٰسُ ثِكِنْ عَيْكِنَّنْ يَنْذُ دَ سُكَ غَمَ؞

²⁷ دَ سُكَ إِسُواْ، سُكَ تَارَ جَمَعَرْ مَاسُبِے سُكَ بَادَ لَابَرِنْ دُكَنْ أَبِنْدَ اللَّهْ يَيِ تَوُرِنْسُ دَ كُمَ يَدَّ يَبُوطٜىٰ وَ وَطَنْدَ بَا يَهُودَاوَا بَ ڧُواْڢَرْ بَنْ‌غَسْكِيَ؞

²⁸ سُنْ طَنْ دَطٜىٰ عَثَنْ تَرٜىٰدَ مَاسُبِے؞