أَيُّكَنْ مَنْذَنِّے 13 - أَتَّوْرَتْ دَ أَنَّبَاوَا

أَنْ ذَاٻِ أَنْكُمَ عَيْكِ بَرْنَبَ دَ شَوُلُ

¹ تُواْ، أَ جَمَعَرْ مَاسُبِنْ دَتَكٜىٰ أَعَنْتَكِيَ، أَݣَويْ وَطَنْسُ أَنَّبَاوَا دَ مَلَمَيْ، وَتُواْ بَرْنَبَ دَ سِمٜىٰيُوانْ وَنْدَ عَكٜىٰ ثٜىٰ دَشِ بَڧِ دَ لُشِيُسْ دَغَ سَيِرِنْ دَ مَنَيٜىٰنْ، وَنْدَ يَيِ غِرْمَ تَرٜىٰدَ سَرْكِے هِرُدُسْ دَ كُمَ شَوُلُ؞

² سَعَدَّ سُكٜىٰيِ وَ عُبَنْ‌غِجِ سُجَّدَ، سُنَ كُمَيِنْ أَظُمِ، سَيْ رُوحُ مَيْ ڟَرْكِے يَثٜىٰ ‏«‏كُكٜىٰٻٜىٰ مِنِ بَرْنَبَ دَ شَوُلُ دُواْمِنْ عَيْكِنْدَ نَكِرَاسُ سُيِ؞»‏

³ بَايَنْدَ سُكَيِ أَظُمِ دَ أَدُّعَ، سَيْ سُكَسَا وَ بَرْنَبَ دَ شَوُلُ حَنُّنْ أَلْبَرْكَ، سُكَ سَلَّمٜىٰسُ؞

بَرْنَبَ دَ شَوُلُ أَ سَيِڢُرُسْ

⁴ بَرْنَبَ دَ شَوُلُ كُوَ، وَطَنْدَ رُوحُ مَيْ ڟَرْكِے يَعَيْكٜىٰسُ، سُكَ تَڢِے سَلُكِيَ دَغَ ثَنْ كُمَ سُكَ شِغَ جِضْغٍ ضُوَ ذُوَا سَيِڢُرُسْ؞

⁵ دَ سُكَ كَيْ سَلَمِسْ، سُكَيِ وَعَظِنْ كَلْمَرْ اللَّهْ أَ مَجَمِعُنْ يَهُودَاوَا؞ يَحْيَى كُمَ يَنَ تَرٜىٰدَسُو يَنَ تَيْمَكُوانْسُ؞

⁶ بَايَنْ سُنْ ظَظْذَاغَ ڟِبِرِنْ دُكَ حَرْ بَڢُواسْ، سُكَ سَدُ دَ وَنِ بَيَهُودٜىٰ مَيْ سِحِرِ، شِ أَنَّبِنْ ڧَضْيَا نٜىٰ، مَيْ سُونَ بَرْ يُواْشُوَ،

⁷ وَنْدَ يَكٜىٰ تَرٜىٰدَ ڠُومْنَ سَرْجِيُسْ بُلُسْ؞ ڠُومْنَ سَرْجِيُسْ بُلُسْ كُوَ مُتُمْ مَيْ حِكِمَ نٜىٰ؞ سَيْ ڠُومْنَنْ يَكِرَا بَرْنَبَ دَ شَوُلُ دُوانْ يَنَ سُواْ يَجِ كَلْمَرْ اللَّهْ؞

⁸ عَمَّا أَلِمَسْ، مَيْ سِحِرِنَّنْ، غَمَا حَكَ مَعَنَرْ سُونَنْسَ دَ هٜىٰلٜىٰنَنْثِ تَكٜىٰ، بَيْ بَاسُ غُواْيُوانْ بَايَبَ، يَنَ نٜىٰمَ يَجُويَ حَنْكَلِنْ ڠُومْنَنَّنْ دُواْمِنْ كَدَ يَبَادَ غَسْكِيَ؞

⁹ عَمَّا شَوُلُ كُوَ، وَنْدَ عَكٜىٰ ثٜىٰ دَشِ بُلُسْ، ثِكٜىٰ دَ رُوحُ مَيْ ڟَرْكِے، يَظُبَا وَ أَلِمَسْ عِدُواْ،

¹⁰ يَثٜىٰ ‏«‏كَيْ طَنْ شَيْطَنْ!‏ مَيْ غَابَادَ دُكْ أَبِنْدَ يَكٜىٰ نَأَدَلْثِے!‏ كَنَ ثِكٜىٰ دَ رُوطُ دَ مُغُنْتَا كَوَيْ؞ بَذَاكَ دَيْنَ ٻَاتَ مِيڧَڧُّنْ هَنْيُواْيِنْ عُبَنْ‌غِجِ بَ؟

¹¹ يَنْذُ ڢَا، حَنُّنْ عُبَنْ‌غِجِ يَنَ غَابَادَكَيْ، ذَاكَ ذَمَ مَكَهُواْ؞ ذَاعَ طَوْكِ طَنْ لُواْكَثِ بَكَغَ حَصْكٜىٰنْ رَانَبَ؞»‏ نَنْ تَكٜىٰ كُوَ سَيْ وَنِ حَزُواْ دَ دُهُ سُكَ رُڢٜىٰ عِدَنُونْسَ، يَيِ تَلَلُبَوَ يَنَ نٜىٰمَنْ وَنْدَ ذَيْ يِمَسَ جَغُواْرَ؞

¹² دَ ڠُومْنَ يَغَ أَبِنْدَ يَڢَرُ، سَيْ يَبَادَ غَسْكِيَ، يَنَ مَامَاكِنْ كُواْيَرْوَرْ عُبَنْ‌غِجِ؞

بُلُسْ دَ بَرْنَبَ أَعَنْتَكِيَ تَ بِسِيدِيَ

¹³ سَيْ بُلُسْ دَ أَبُواْكَنْ تَڢِيَرْسَ سُكَتَاشِ دَغَ بَڢُواسْ عَثِكِنْ جِضْغٍ ضُوَ، سُكَجٜىٰ ڢٜىٰرْغَ تَڧَسَرْ ڢَمْڢِيلِيَ؞ يَحْيَى وَنْدَ عَكٜىٰثٜىٰ دَشِ مَرْكُسْ كُوَ يَبَرْسُ يَكُواْمَ عُرُوشَلِيمَ؞

¹⁴ سُو كُوَ سُكَ ثِيغَبَ دَغَ ڢٜىٰرْغَ، سُكَ تَڢِے أَنْتَكِيَ تَڧَسَرْ بِسِيدِيَ؞ رَانَرْ هُوتُ تَمَكُواْ كُوَ سُكَ شِغَ مَجَمِعَ سُكَ ذَوْنَ؞

¹⁵ بَايَنْدَ عَكَيِ كَرَاتُ دَغَ كُواْيَرْوَرْ مُوسَٰى دَ لِتَّتَّڢَنْ أَنَّبَاوَا، سَيْ شُوغَبَنِّنْ مَجَمِعَ سُكَ عَيْكَ مُسُ ثٜىٰوَ ‏«‏یَنْعُوَ، عِدَنْ كُنَدَ وَتَ مَغَنَرْ غَرْغَطِنْ دَ ذَاكُيِ وَجَمَعَ، سَيْ كُيِ؞»‏

¹⁶ سَيْ بُلُسْ يَمِيڧٜىٰ ڟَيٜىٰ، يَطَغَ حَنُّ عَيِ شِضُ، يَثٜىٰ ‏«‏كُو یَنْعُوَنَ إِسْرَٰٓءِيلَاوَا دَ سَوْرَنْ مَاسُ ڟُواْرُوانْ اللَّهْ، كُسَوْرَرَ!‏

¹⁷ اللَّهْ نَجَمَعَرْ إِسْرَٰٓءِيلَ يَذَاٻِ كَاكَنِّنْمُ، يَمَيْدَ جَمَعَرْ نَنْ أَلْعُمَّ مَيْغِرْمَ أَ لُواْكَثِنْ دَسُكٜىٰ عَڧَسَرْ مَصَرْ، يَكُمَ ڢِتُواْ دَسُو دَغَ ڧَسَرْدَ إِيكُوانْسَ مَيْغِرْمَ؞

¹⁸ يَيِ حَڧُرِ دَسُو وَجٜىٰنْ شٜىٰكَرَا أَرْبَعِنْ عَثِكِنْ دَاجِ؞

¹⁹ بَايَنْدَ يَهَلَّكَ أَلْعُمَّ بَݣَويْ عَڧَسَرْ كَنْعَنَ، يَبَا جَمَعَرْ إِسْرَٰٓءِيلَ غَادُوانْ ڧَسَرْ؞

²⁰ وَنَّنْ يَا طَوْكِ وَجٜىٰنْ شٜىٰكَرَا طَرِے حُطُ دَ حَمْسِنْ؞ ‏«‏بَايَنْ حَكَكُمَ اللَّهْ يَنَطَ مُسُ أَلْڧَلَيْ حَرْ ذُوَا زَامَانِنْ أَنَّبِے سَمَٰعِيلَ؞

²¹ سَعَنً سُكَ ضُواْڧَا أَ نَطَ مُسُ سَرْكِے، سَيْ اللَّهْ يَبَاسُ طَالُوتَ طَنْ كِشْ، مُتُمِنْ ذُرِيَرْ بِلِيَامِنُ، وَنْدَ يَيِ مُلْكِ حَرْ شٜىٰكَرَا أَرْبَعِنْ؞

²² بَايَنْدَ اللَّهْ يَثِرٜىٰ طَالُوتَ، يَسَا دَاوُدَ يَذَمَ سَرْكِنْسُ؞ ثِكِنْ شَيْدَرْ دَ اللَّهْ يَبَايَرْ غَمٜىٰدَ دَاوُدَ، يَثٜىٰ، ‏‹‏نَسَامِ دَاوُدَ طَنْ يٜىٰسّٜىٰ، مُتُمْ نٜىٰ مَيْ ذُوثِيَا إِرِنْ تَاوَ، وَنْدَ كُمَ ذَيْ عَيْكَتَ دُكَنْ نُڢِينَ؞›‏

²³ دَغَ ذُرِيَرْ مُتُمِنَّنْ نٜىٰ اللَّهْ يَكَٰوُاْوَ إِسْرَٰٓءِيلَ مَيْ ثٜىٰتُواْ، عِيسَىٰ، كَمَرْ يَدَّ يَيِ أَلْڧَوَرِ؞

²⁴ كَاڢِنْ ذُوَانْ عِيسَىٰ، يَحْيَى يَيِ وَمُتَنٜىٰنْ إِسْرَٰٓءِيلَ دُكَ وَعَظِ سُتُوبَ عَكُمَيِ مُسُ بَڢْتِسْمَ؞

²⁵ يَايِنْ دَ يَحْيَى يَكُسَ غَمَ عَيْكِنْسَ، سَيْيَثٜىٰ، ‏‹‏وَ كُكٜىٰ ڟَمَّنِ نَكٜىٰ؟ بَ ڢَا نِنٜىٰ شِ طِنَّنْبَ؞ عَمَّا أَݣَويْ مَيْ ذُوَا عَبَايَنَ، وَنْدَ كُواْ إِغِيَرْ تَاكَلْمَنْسَ مَا بَنْ إِسَ إِنْ كُنْثٜىٰبَ؞›‏

²⁶ ‏«‏كُو یَنْعُوَنَ، ذُرِيَرْ إِبْرَٰهِيمْ دَ كُمَ كُو مَاسُ ڟُواْرُوانْ اللَّهْ وَطَنْدَ بَا يَهُودَاوَا بَ، مُو نٜىٰ ڢَا عَكَ عَيْكُواْ مَنَ لَابَرِنْ ثٜىٰتُواْنَّنْ؞

²⁷ غَمَا مَاسُ ذَمَ أَ عُرُوشَلِيمَ دَ شُوغَبَنِّنْسُ بَسُ غَانٜىٰ شِينٜىٰ مَيْ ثٜىٰتُوانْ بَ، بَسُ كُمَ غَانٜىٰ مَغَنَرْ أَنَّبَاوَنْ دَ عَكٜىٰ كَرَنْتَاوَا عَكُواْوَثٜىٰ رَانَرْ هُوتُ تَمَكُواْبَ؞ عَمَّا سُنْثِكَ وَنَّنْ مَغَنَرْ أَنَّبَاوَا يَايِنْ دَ سُكَ حُكُنْتَ عِيسَىٰ؞

²⁸ كُواْدَيَكٜىٰ بَسُ سَامٜىٰشِ دَ لَيْڢِنْدَ ذَيْ كَيْ غَ حُكُنْثِنْ كِسَابَ، دُكْدَهَكَ سُكَ ضُواْڧِ بِلَتُسْ عَكَشٜىٰشِ؞

²⁹ دَ سُكَ ثِكَ دُكْ أَبِنْدَ عَكَ رُبُوتَ غَمٜىٰدَشِ ثِكِنْ رُبُوتَثِّيَرْ مَغَنَرْ اللَّهْ، سَيْسُكَ سَوْكُواْ دَشِ دَغَ كَنْ غُنْ‌غُمٜىٰنْ إِتَاثٜىٰ، سُكَسَاشِ عَكَبَرِ؞

³⁰ عَمَّا اللَّهْ يَتَاشٜىٰشِ دَغَ مَتَتُّو؞

³¹ ݣُونَكِے دَيَوَ كُوَ يَنَ تَبَيَّنَ غَ وَطَنْدَ سُكَبِيشِ ذُوَا عُرُوشَلِيمَ دَغَ غَلِيلِ، وَطَنْدَ يَنْذُ سُونٜىٰ شَيْدُنْسَ غَ جَمَعَ؞

³² مُو مَا مُنْ كَٰوُاْ مُكُ لَابَرِ مَيْ دَاطِے ثٜىٰوَ أَلْڧَوَرِنَّنْ دَ اللَّهْ يَيِ وَكَاكَنِّنْمُ،

³³ يَثِكَ مَنَشِ، مُو دَمُكٜىٰ یَیَنْسُ، سَعَدَّ يَتَادَ عِيسَىٰ دَغَ مَتَتُّو؞ كَمَرْ يَدَّ يَكٜىٰ أَرُبُوثٜىٰ ثِكِنْ زَبُورَا تَبِيُ ثٜىٰوَ ‏«‏ ‏‹‏كَيْ طَانَ نٜىٰ، يَوْ نَا ذَمَ عُبَنْكَ؞›‏ »‏

³⁴ ‏«‏اللَّهْ يَتَادَ عِيسَىٰ دَغَ مَتَتُّو عَكَنْ ثٜىٰوَ عِيسَىٰ بَذَيْسَاكٜىٰ مُتُوَبَ بَلّٜىٰ يَضُٻَ؞ حَڧِيڧَ، اللَّهْ يَثِكَ وَنَّنْ كَلْمَ غَمٜىٰدَ تَاشِنْسَ ثٜىٰوَ ‏«‏ ‏‹‏ذَنْبَاكَ أَلْبَرْكُنَّنْ مَاسُ ڟَرْكِے كُمَ تَبَّتَاتُّ وَطَنْدَ نَيِ وَ دَاوُدَ أَلْڧَوَرِ؞›‏ »‏

³⁵ ‏«‏دُواْمِنْ أَوَتَ زَبُورَا مَا يَثٜىٰ، ‏‹‏بَذَاكَ بَرْ مَيْ ڟَرْكِنْكَ يَضُٻَبَ؞›‏ »‏

³⁶ ‏«‏بَايَنْدَ دَاوُدَ يَثِكَ عَيْكِنْ دَ اللَّهْ يَبَا شِ أَ زَامَانِنْسَ، سَيْ يَيِ بَرْثِ، عَكَ كُوَ بِنّٜىٰشِ تَرٜىٰدَ كَاكَنِّنْسَ، جِكِنْسَ كُمَ يَرُٻٜىٰ؞

³⁷ عَمَّا عِيسَىٰ وَنْدَ اللَّهْ يَتَادَشِ دَغَ مَتَتُّو بَيْ ضُٻَ عَكَبَرِبَ؞

³⁸ ‏«‏سَبُواْدَ حَكَ یَنْعُوَنَ، كُسَنْ وَنَّنْ ثٜىٰوَ تَوُرِنْ عِيسَىٰ نَّنْ نٜىٰ عَكٜىٰ سَنَرْ مُكُ دَ غَاڢَرَرْ ذُنُبَنْكُ؞

³⁹ تَوُرِنْسَ كُمَ دُكْ وَنْدَ يَبَادَ غَسْكِيَ يَسَامِ یَنْثِ كٜىٰنَنْ دَغَ دُكَنْ ذُنُبَنْدَ كُواْيَرْوَرْ مُوسَٰى تَكَاسَ بَادَ یَنْثِ عَكَيْ؞

⁴⁰ سَبُواْدَ حَكَ سَيْ كُمَيْدَ حَنْكَلِ، كَدَ أَبِنَّنْ دَ اللَّهْ يَڢَطَا ثِكِنْ لِتَّتَّڢَنْ أَنَّبَاوَا يَڢَرُ دَكُو، وَتُواْ،

⁴¹ ‏«‏ ‏‹‏كُسَوْرَرَ، كُو مَاسُ يِنْ بَعَ!‏ يِمَامَاكِ، كُهَلَّكَ!‏ غَمَا ذَنْيِ وَنِ عَيْكِ عَݣُونَكِنْكُ، عَيْكِنْ دَ بَذَاكُ غَسْكَتَبَ، كُواْ دَ وَنِ يَغَيَ مُكُ؞›‏ »‏

⁴² بُلُسْ دَ بَرْنَبَ سُنَ ڢِتُواْوَ دَغَ مَجَمِعَرْ كٜىٰنَنْ، سَيْ مُتَنٜىٰ سُكَ ضُواْڧٜىٰسُ سُڧَارَيِ مُسُ مَغَنَ عَكَنْ أَبُبُوَنَّنْ كُمَ أَ رَانَرْ هُوتُ تَمَكُواْ مَيْ ذُوَا؞

⁴³ دَ جَمَعَ سُكَ وَڟٜىٰ، سَيْ يَهُودَاوَا دَيَوَ دَ كُمَ وَطَنْسُ مَاسُ شِغَ أَدِّينِنْ يَهُودَاوَا دَ ڨُوذُواْ، سُكَبِے بُلُسْ دَ بَرْنَبَ، وَطَنْدَ سُكَيِ مُسُ مَغَنَ، سُكَ ڧَرْڢَڢَاسُ سُثِيغَبَدَ رَايُوَا ثِكِنْ أَلْحٜىٰرِنْ اللَّهْ؞

⁴⁴ دَ رَانَرْ هُوتُ تَكٜىٰوَيُواْ، كُسَنْ دُكْ بِرْنِنْ سُكَ تَارُ دُواْمِنْ سُجِ كَلْمَرْ اللَّهْ؞

⁴⁵ عَمَّا دَ يَهُودَاوَا سُكَغَ تَارُوانْ مُتَنٜىٰ مَاسُيَوَ، سُكَيِ كِيشِ سُواْسَيْ، سُنَ مُسُونْ أَبُبُوَنْ دَ بُلُسْ يَڢَطَا سُنَ مَغَنْ‌غَنُنْ رٜىٰنِ؞

⁴⁶ عَمَّا بُلُسْ دَ بَرْنَبَ سُكَيِ مَغَنَ بَا ڟُواْرُواْ، سُكَثٜىٰ ‏«‏كُو يَهُودَاوَا كُونٜىٰ يَا كَمَاتَ أَڢَارَ يِمُكُ كَلْمَرْ اللَّهْ؞ عَمَّا تُنْدَ كُكَ ڧِتَ، كُنْ نُونَ بَكُ ثَنْثَنْثِ كُسَامِ رَيْ نَهَرْ أَبَدَابَ؞ تُواْ، ذَامُجٜىٰ وُرِنْ وَطَنْدَ بَا يَهُودَاوَا بَ؞

⁴⁷ دُواْمِنْ عُبَنْ‌غِجِ يَارِغَا يَعُمَرْثٜىٰمُ دَيَثٜىٰ، ‏«‏ ‏‹‏نَسَاكَ كَذَمَ حَصْكٜىٰ غَ وَطَنْدَ بَا يَهُودَاوَا بَ، دُوانْ كَكَٰوُاْ ثٜىٰتُواْ حَرْ ذُوَا إِيَاكَرْ دُونِيَا؞›‏ »‏

⁴⁸ دَ وَطَنْدَ بَا يَهُودَاوَا بَ سُكَجِ حَكَ، سُكَجِ دَاطِے سُواْسَيْ، سُكَ يَبِے كَلْمَرْ عُبَنْ‌غِجِ؞ وَطَنْدَ عَكَ ڧَدَّرَ مُسُ سَامُنْ رَيْ نَهَرْ أَبَدَا كُمَ سُكَ بَادَ غَسْكِيَ؞

⁴⁹ كَلْمَرْ عُبَنْ‌غِجِ كُوَ سَيْ تَڧَارَ بَظُو عَڧَسَرْ دُكَ؞

⁵⁰ عَمَّا يَهُودَاوَا سُكَ ذُغَ وَطَنْسُ مَاتَا مَاسُ ڟُواْرُوانْ اللَّهْ، وَطَنْدَ عَكٜىٰبَاسُ غِرْمَ دَ كُمَ وَطَنْسُ مَنْيَنْ مُتَنٜىٰنْ غَرِنْ؞ سُكَتَادَ ڟَنَنِ غَ بُلُسْ دَ بَرْنَبَ، سُكَ كُواْرٜىٰسُ دَغَ غَرِنْسُ؞

⁵¹ مَنْذَنِّےنْ كُوَ سُكَ كَكَّٻٜىٰ ڧُورَرْ ڧَڢَاڢُنْسُ دُواْمِنْ شَيْدَ عَكَنْ مُتَنٜىٰنْ غَرِنْ، سُكَ تَڢِے إِيكُواْنِيَ؞

⁵² مَاسُبِے نَ أَنْتَكِيَ كُمَ سُنَ ثِكٜىٰ دَ ڢَضٍ ثِكِ دَ كُمَ رُوحُ مَيْ ڟَرْكِے؞