3 يَحْيَى 1 - أَتَّوْرَتْ دَ أَنَّبَاوَا

غَيْسُوَا

¹ دَغَ دَتِّجُواْنَّنْ ذُوَاغَ غَايُسْ أَبُواْكِنْ دَ نَكٜىٰ ڧَوْنَ، وَنْدَ نَكٜىٰ ڧَوْنَ ڨُورَيْ دَ غَسْكٜىٰ؞

² يَا أَبُواْكِينَ وَنْدَ نَكٜىٰ ڧَوْنَ، إِنَ أَدُّعَ كَسَامِ ذَمَنْ لَاڢِيَ تَكُواْوَثٜىٰ حَنْيَ دَ كُمَ لَاڢِيَرْ جِكِے، كَمَرْ يَدَّ رَنْكَ يَكٜىٰدَ لَاڢِيَ؞

³ نَيِ ڢَضٍ ثِكِ سُواْسَيْ سَعَدَّ وَطَنْسُ یَنْعُوَ سُكَذُواْ سُكَ بَادَ شَيْدَ غَمٜىٰدَ يَدَّ كَكٜىٰ دَ أَمِنْثِ ثِكِنْ غَسْكِيَ دَ يَدَّ كَكٜىٰبِنْ غَسْكِيَ؞

⁴ بَا أَبِنْدَ يَڢِ سَا نِے ڢَضٍ ثِكِ ڢِيٜىٰدَ إِنْجِ ثٜىٰوَ یَیَنَ سُنَ بِنْ غَسْكِيَ؞

أَنْيَبِے غَايُسْ

⁵ يَا أَبُواْكِينَ وَنْدَ نَكٜىٰ ڧَوْنَ، كَنَدَ أَمِنْثِ عَكَنْ دُكَنْ أَبِنْدَ كَكٜىٰيِ أَمَدَدِنْ سَوْرَنْ یَنْعُوَ، مُسَمَّنْ غَ وَطَنْدَ بَكَ سَنْسُبَ؞

⁶ مُتَنٜىٰنَّنْ دَ كَتَيْمَكٜىٰسُ سُنَ بَادَ شَيْدَرْ ڧَوْنَرْكَ غَ جَمَعَرْ مَاسُبِے أَنَنْ؞ ثِيغَبَ دَ تَيْمَكُوانْ إِرِنْ مُتَنٜىٰنَّنْ عَتَڢِيٜىٰ تَڢِيٜىٰنْسُ، كَمَرْ يَدَّ يَثَنْثَنْثِ يِنْ حِدِمَ غَ اللَّهْ؞

⁷ وَطَنَّنْ مُتَنٜىٰ سُنَ ڢِتُواْوَ نٜىٰ دُواْمِنْ شٜىٰلَرْ سُونَنْ أَلْمَسِيحُ، بَاسَ كُمَ كَرْٻَرْ كُواْمٜىٰ دَغَ وَطَنْدَ بَ مَاسُبِيبَ؞

⁸ سَبُواْدَ حَكَ يَنَدَ ݣَوْ مُتَيْمَكِ إِرِنْ مُتَنٜىٰنَّنْ، دُواْمِنْ مُذَمَ أَبُواْكَنْ عَيْكِ ثِكِنْ غَسْكِيَ؞

دِيُواْتَرِڢِسْ دَ دِمِتِرِيُسْ

⁹ نَا رُبُوتَ وَجَمَعَرْ مَاسُبِے وَسِيڧَ، عَمَّا دِيُواْتَرِڢِسْ وَنْدَ يَكٜىٰسُواْ يَذَمَ نَڢَرْكُواْ ڢِيٜىٰدَ كُواْوَ، يَا ڧِكَرْٻَرْ مَغَنَرْمُ؞

¹⁰ عِدَنْ نَاذُواْ، ذَنْ تُواْنَ أَسِيرِنْسَ، دُواْمِنْ كُواْوَ يَسَنْ يَدَّ يَكٜىٰ سُورُوتُ غَمٜىٰدَمُو، يَنَ بَڧَرْ مَغَنَ عَكَنْمُ؞ أَبِنْدَ يَڢِ مُونِ شِينٜىٰ، شِے كَنْسَ يَاڧِ يَمَرَبْثِ یَنْعُوَ مَاسُبِے وَطَنْدَ سُكَذُواْ، حَرْ مَا يَا حَنَ مَاسُبِے وَطَنْدَ سُكَسُواْ سُمَرَبْثٜىٰسُ، يَنَ كُواْرَرْسُ دَغَ جَمَعَرْ مَاسُبِے؞

¹¹ يَا أَبُواْكِينَ وَنْدَ نَكٜىٰ ڧَوْنَ، كَدَ كَبِے مُوغُنْ غُرْبِے، أَمَيْمَكُوانْ حَكَ، كَبِے غُرْبِنْ كِرْكِ؞ دُكْ مَيْ عَيْكِنْ كِرْكِ نَ اللَّهْ نٜىٰ، عَمَّا مَيْ عَيْكِنْ مُغُنْتَا كُوَ بَيْسَنْ اللَّهْ بَ كُواْ كَطَنْ؞

¹² دِمِتِرِيُسْ دَيْ، يَنَدَ شَيْدَ مَيْݣَوْ وُرِنْ كُواْوَ، حَرْ غَسْكِيَ كَنْتَ مَا تَنَيِ مَسَ شَيْدَ؞ مُو مَا مُنْ شَيْدٜىٰشِ، كَا كُوَ سَنْ شَيْدَرْمُ غَسْكِيَثٜىٰ؞

مَغَنَرْ ڧَرْشٜىٰ

¹³ إِنَ كُمَ دَ أَبُبُوَ دَيَوَ وَطَنْدَ نَكٜىٰسُواْ إِنْ رُبُوتَ مَكَ عَمَّا بَانَسُواْ إِنْ رُبُوتَسُ أَوَسِيڧَرْ نَنْ؞

¹⁴ إِنَسَا ذُوثِيَا ثٜىٰوَ ذَنْذُواْ وُرِنْكَ بَادَ دَطٜىٰوَبَ، دُواْمِنْ مُغَ جُونَ ڢُسْكَ دَ ڢُسْكَ، مُكُمَيِ مَغَنَ؞

¹⁵ بَرِ سَلَمَ تَكَسَنْثٜىٰ تَرٜىٰدَكَيْ؞ دُكَنْ أَبُواْكَنْكَ أَنَنْ سُنَ غَيْسُوَا؞ كَكُمَ غَيْدَ دُكْ أَبُواْكَنْمُ عَثَنْ، طَيَ طَيَ؞