2 تِمُواْتِ 4 - أَتَّوْرَتْ دَ أَنَّبَاوَا

¹ إِنَ عُمَرْتَرْكَ أَغَبَنْ اللَّهْ دَ أَلْمَسِيحُ عِيسَىٰ، وَنْدَ ذَيْ شَرْعَنْتَ مَاسُ رَيْ دَ مَتَتُّو، ذَيْ كُمَ دَاوُاْ يَكَڢَ مُلْكِنْسَ،

² كَنَاثٜىٰ ثِكِنْ وَعَظِنْ كَلْمَرْ اللَّهْ كُواْ دَ ظَرَڢِ كُواْ بَابُ ظَرَڢِ؞ كَجَٰوُاْ حَنْكَلِنْ مُتَنٜىٰ، كَڟَاوَتَا مُسُ، كَكُمَ ڧَرْڢَڢَاسُ تَرٜىٰدَ إِيَاكَثِنْ حَڧُرِ دَ كُواْيَرْوَا؞

³ غَمَا لُواْكَثِ يَنَ ذُوَا عِنْدَ مُتَنٜىٰ بَذَاسُ جِمْرٜىٰ غَ كُواْيَرْوَرْ غَسْكِيَابَ؞ أَ مَيْمَكُوانْ حَكَ، ذَاسُ نٜىٰمِ كُواْيَرْوَرْ دَسُكٜىٰسُواْ، ذَاسُ تَتَّارَ وَكَنْسُ مَاسُ كُواْيَرْوَا، سُكُواْيَرْ دَ أَبِنْدَ كُنّٜىٰنْسُ مَاسُ ڧَيْڧَيِ سُكٜىٰ مَرْمَرِنْجِ؞

⁴ مُتَنٜىٰ ذَاسُ كُمَ تُواْشٜىٰ كُنّٜىٰنْسُ غَ جِنْ كُواْيَرْوَرْ غَسْكِيَ، سُمَيْدَ حَنْكَلِنْسُ غَ جِنْ تَڟُونِيُواْيِ؞

⁵ عَمَّا كَيْ تِمُواْتِ، سَيْ كَنَڟُ ثِكِنْ كُواْوَنٜىٰ حَلِ، كَجِمْرٜىٰ ثِكِنْ وَهَلَ، كَيِأَيْكِنْ مَيْ شٜىٰلَرْ لَابَرِ مَيْ دَاطِے، كَثِكَ حِدِمَرْكَ نَذَمَنْ بَاوَنْ اللَّهْ؞

⁶ غَمَا أَنْرِغَا أَنْڢَارَ ظُبَرْدَ رَيْنَ كَمَرْ هَدَايَ تَأَبِنْ شَا عَبَغَدٜىٰ، كُمَ لُواْكَثِنْ دَ ذَنْبَرْ وَنَّنْ رَايُوَا يَيِ؞

⁷ نَيِ كُواْكَوَ عَثِكِنْ ڟٜىٰرٜىٰنْ دَݣَوْ، نَكُمَيِ ڟٜىٰرٜىٰنَ حَرْ غَ ڧَرْشٜىٰ، نَكُمَ رِڧٜىٰ أَمَانَرْ بَنْ‌غَسْكِيَرْ؞

⁸ يَنْذُ أَنْشِرْيَ مِنِ هُولَرْ لَادَنْ نَصَرَا تَ أَدَلْثِے، وَنْدَ عُبَنْ‌غِجِ مَيْ شَرِيعَ مَيْ أَدَلْثِے ذَيْبَانِ أَ رَانَرْ نَنْ؞ بَكُوَ نِے كَطَيْبَ، عَمَّا غَ دُكَنْ وَطَنْدَ سُكٜىٰ جِرَا ثِكِنْ ڧَوْنَ سُغَ بَيَّنَرْسَ؞

مَغَنَرْ ڧَرْشٜىٰ

⁹ كَيِ إِيَاكَثِنْ ڧُواْڧَرِنْكَ كَذُواْ وُرِينَ دَ سَوْرِ،

¹⁰ غَمَا دٜىٰمَسْ يَڨَلٜىٰنِ سَبُواْدَ ڧَوْنَرْ دُونِيَرْ نَنْ، يَاتَڢِے تَسَلُواْنِكَ، كِرْظٜىٰنسْ يَاتَڢِے غَلَتِيَ، تِيتُسْ كُمَ يَاتَڢِے دَلْمَتِيَ؞

¹¹ لُكَّ نٜىٰ كَطَيْ يَنَ تَرٜىٰدَنِ؞ كَنٜىٰمِ مَرْكُسْ كَذُواْ تَرٜىٰ دَشِ، سَبُواْدَ يَنَدَ أَمْڢَانِ سُواْسَيْ غَرٜىٰنِ ثِكِنْ حِدِمَتَ؞

¹² نَا عَيْكِ تِكِكُسْ ذُوَا أَڢِسَ؞

¹³ سَعَدَّ ذَاكَذُواْ كَكَٰوُاْ مِنِ رِغَرْ سَنْيِنْدَ نَبَرِ أَ حَنُّنْ كَرْبُسْ أَ تُواْرُوَسْ دَ لِتَّتَّڢَنَّنْ، مُسَمَّنْ ڢَتُنَّ نَرُبُوتُ؞

¹⁴ إِسْكَنْدَرِ مَڧٜىٰرِنْ تَغُلَّرْ نَنْ يَثُوثٜىٰنِ سُواْسَيْ؞ عُبَنْ‌غِجِ ذَيْسَاكَ مَسَ ڠُورْڠُودُوانْ أَبِنْدَ يَيِ؞

¹⁵ كَيْ مَا كَلُورَ دَشِ غَمَا يَيِ غَابَا سُواْسَيْ دَ سَڧُوانْمُ؞

¹⁶ أَ ڢَرْكُوانْ كَارٜىٰ كَيْنَ دَ نَيِ أَغَبَنْ مَاسُ شَرِيعَ بَاوَنْدَ يَرُڢَا مِنِ بَايَ، كُواْوَ يَغُجٜىٰنِ؞ كَدَ دَيْ اللَّهْ يَلِسَّڢْتَا وَنَّنْ عَكَنْسُ؞

¹⁷ عَمَّا عُبَنْ‌غِجِ يَكَسَنْثٜىٰ تَرٜىٰدَنِ يَبَانِ ڧَرْڢِے، دُواْمِنْ تَوُرِينَ وَنَّنْ سَڧُواْ ذَيْسَامِ ثِكَكِّيَرْ شٜىٰلَ، حَرْ دُكَنْ وَطَنْدَ بَا يَهُودَاوَا بَ سُجِ؞ يَاكُٻُتَرْ دَنِے دَغَ بَاكِنْ ذَاكِ، وَتُواْ، حُكُنْثِنْ مُتُوَ؞

¹⁸ عُبَنْ‌غِجِ ذَيْ كُٻُتَرْ دَنِے دَغَ كُواْوَنٜىٰ إِرِنْ مُوغُنْ أَبُ، ذَيْ كُمَ كِيَايٜىٰنِ، يَكَيْنِ مُلْكِنْسَ نَسَمَ؞ أَغَرٜىٰشِ بَرِ طَوْكَكَ تَتَبَّتَ حَرْ أَبَدَا أَبَدِنْ!‏ أَمِينْ؞

غَيْسُوَرْ ڧَرْشٜىٰ

¹⁹ كَغَيَرْ مِنِ دَ بِرِسْكِلَ دَ عَكِيلَ دَ كُمَ عِيَلِنْ غِدَنْ عُواْنٜىٰسِڢُواْرُسْ؞

²⁰ أَرَسْتُسْ يأَنَانً حَرْ يَنْذُ أَ كُواْرِنْتِ، كُمَ نَبَرْ تُرُواْڢِمُسْ ثِكِنْ رَشِنْ لَاڢِيَ أَ مِلٜىٰتُسْ؞

²¹ كَيِ إِيَاكَثِنْ ڧُواْڧَرِنْكَ كَذُواْ كَاڢِنْ أَ ڢَارَ دَامِنَ؞ يُبُلُسْ دَ ڢُدٜىٰنسْ دَ لَيْنُسْ دَ كَلَوْدِيَ دَ دُكَنْ سَوْرَنْ یَنْعُوَ سُنَ غَيْسُوَا؞

²² عُبَنْ‌غِجِ يَكَسَنْثٜىٰ دَ رُوحُنْكَ؞ أَلْحٜىٰرِنْسَ كُمَ يَكَسَنْثٜىٰ تَرٜىٰدَكُو؞ أَمِينْ؞