2 تِمُواْتِ 3 - أَتَّوْرَتْ دَ أَنَّبَاوَا

رَايُوَرْ ݣُونَكِنْ ڧَرْشٜىٰ

¹ كَسَنِ ڢَا، عَݣُونَكِنْ ڧَرْشٜىٰ ذَاعَ شَا وَهَلَ سُواْسَيْ؞

² غَمَا مُتَنٜىٰ ذَاسُ ذَمَ مَاسُ سُوانْكَنْسُ، مَاسُ سُوانْ كُطِ، مَاسُ تَاڧَمَ، مَاسُ غِرْمَنْ كَيْ، مَاسُ ذَاغٜىٰ ذَاغٜىٰ، مَرَسَ بِيَيَّ غَ إِيَايٜىٰنْسُ، مَرَسَ غُواْدِيَ، مَرَسَ ڟَرْكِے،

³ مَرَسَ ڧَوْنَ، مَاسُ رِڧٜىٰ جُونَ أَ ذُوثِيَا، مَاسُ ٻَاتَ سُونَيٜىٰنْ وَطَنْسُ، مَرَسَ كَمٜىٰ كَنْسُ، مَرَسَ تَوْسَيِ، مَاسُ ڧِنْ نَغَرْتَا،

⁴ مَاسُثِنْ أَمَانَ، مَرَسَ حَنْكَلِ، مَاسُثِكَ دَ طَغَ كَيْ، مَاسُ سُوانْ جِنْ دَاطِنْ كَنْسُ ڢِيٜىٰدَ سُوانْ اللَّهْ،

⁵ أَ ڢِيلِ سُنَ نُونَ سُو مَاسُ أَدِّينِ نٜىٰ، عَمَّا تَوُرِنْ رَايُوَرْسُ سُنَ مُسُونْ عَيْنِحِنْ إِيكُوانْسَ؞ كَغُجٜىٰ وَ إِرِنْ مُتَنٜىٰنَّنْ؞

⁶ عَثِكِنْسُ كُوَ أَݣَويْ وَطَنْدَ سُكَنْ نٜىٰمِ حَنْيَ سُشِغَ ثِكِنْ غِدَاجٜىٰنْ مُتَنٜىٰ سُرِنْجَيِ مَاتَا مَرَسَ وَيُواْ، وَطَنْدَ ذُنُوبِ يَشَا كَنْسُ، كُمَ مُوغَيٜىٰنْ شَعَوَثٜىٰ شَعَوَثٜىٰ إِرِ إِرِ سُنَ مُلْكِ عَكَنْ حَنْكَلِنْسُ؞

⁷ وَطَنَّنْ نٜىٰ مَتَنْ دَ كُلُّمْ سُنَ كَنْ كُواْيُواْ، عَمَّا دُكْدَهَكَ بَاسَ كَيْوَ غَ سَنِنْ غَسْكِيَ؞

⁸ كَمَرْ يَدَّ يَنّٜىٰسْ دَ يَمبْرٜىٰسْ سُكَيِ غَابَادَ مُوسَٰى، حَكَمَا وَطَنَّنْ مُتَنٜىٰ سُنَ غَابَادَ غَسْكِيَ، حَنْكَلِنْسُ كُمَ نَݣُونَ ݣُونَ نٜىٰ، بَنْ‌غَسْكِيَرْسُ كُوَ تَبَنْظَثٜىٰ؞

⁹ عَمَّا بَذَاسُ كَيْ دَنِيسَبَ، دُواْمِنْ دَ سَوْرِ ذَاعَ غَانٜىٰ دَ وَوَنْثِنْسُ أَ ڢِيلِ كَمَرْ يَدَّ عَكَيِ دَ نَ يَنّٜىٰسْ دَ يَمبْرٜىٰسْ؞

عُمَرْنَيْ نَڧَرْشٜىٰ

¹⁰ كَيْ كَمْ، كَارِغَا كَا كِيَايٜىٰ كُواْيَرْوَاتَادَ حَلِنَ دَ مَنُڢَاتَ تَرَايُوَ دَ بَنْ‌غَسْكِيَتَ دَ حَڧُرِنَ دَ ڧَوْنَتَ دَ كُمَ جِمْرٜىٰوَتَ؞

¹¹ كَاكُمَ سَنْ دَ ڟَنَنِ دَ وَهَلُواْلِنْ دَ سُكَ سَامٜىٰنِ أَعَنْتَكِيَ دَ إِيكُواْنِيَ دَ لِسْتِرَ، إِرِنْ ڟَنَنِنْدَ نَجِمْرٜىٰ؞ دُكْدَهَكَ، اللَّهْ يَثٜىٰثٜىٰنِ دَغَ ثِكِنْسُ؞

¹² حَڧِيڧَ، دُكْ وَنْدَ يَكٜىٰسُواْ يَيِ رَايُوَا إِرِنْ حَلِ نَ اللَّهْ عَثِكِنْ أَلْمَسِيحُ عِيسَىٰ ذَيْ شَا ڟَنَنِ؞

¹³ عَمَّا مُوغَيٜىٰنْ مُتَنٜىٰ دَ مَاسُ رُوطُ، حَلِنْ مُغُنْتَارْسُ ذَيْ يِتَڧَارَ مُونِ، سُنَ رُوطِنْ مُتَنٜىٰ، سُو كَنْسُ مَا أَنَ رُوطِنْسُ؞

¹⁴ عَمَّا كَيْ كُوَ، كَثِيغَبَدَ أَبِنْدَ كَكُواْيَ، كَكُمَ تَبَّتَرْ دَ غَسْكِيَرْ كُواْيَرْوَرْ، غَمَا كَنَ سَنٜىٰدَ وَطَنْدَ كَسَامِ كُواْيَرْوَرْ دَغَ غَرٜىٰسُ؞

¹⁵ كَتُنَ يَدَّ تُنْ كَنَ ڧَرَمِنْ يَرُواْ كَارِغَا كَاسَنْ رُبُوتَتُّنْ كَلْمُواْمِنْ اللَّهْ مَاسُ ڟَرْكِے، وَطَنْدَ سُكَ عِيَ بَاكَ حِكِمَرْ دَ تَكَيْ غَ سَامُنْ ثٜىٰتُواْ تَوُرِنْ بَنْ‌غَسْكِيَ ثِكِنْ أَلْمَسِيحُ عِيسَىٰ؞

¹⁶ دُكْ رُبُوتَثِّيَرْ مَغَنَرْ اللَّهْ هُورَرِّيَاثٜىٰ دَغَ وُرِنْسَ، تَنَ كُمَ دَ أَمْڢَانِ وَجٜىٰنْ كُواْيَرْوَا دَ ڟَاوَتَرْوَ دَ ڠَرَنْ حَلِ دَ كُمَ هُواْرَرْوَ ثِكِنْ أَدَلْثِے،

¹⁷ دُواْمِنْ دُكْ وَنْدَ يَكٜىٰ نَ اللَّهْ يَذَمَ ثِكَكّٜىٰ، يَكَسَنْثٜىٰ أَشِرْيٜىٰ كُمَ دُواْمِنْ كُواْوَنٜىٰ إِرِنْ ݣَكْݣَوَنْ عَيْكِ؞