2 تِمُواْتِ 2 - أَتَّوْرَتْ دَ أَنَّبَاوَاسُواْجَ مَيْ أَمِنْثِ نَ أَلْمَسِيحُ 1 كَيْ كُمَ طَانَ، كَڧَرْڢَڢَ تَوُرِنْ أَلْحٜىٰرِنْ دَيَكٜىٰ نَامُ ثِكِنْ أَلْمَسِيحُ عِيسَىٰ؞ 2 دُكْ كُواْيَرْوَرْدَ كَجِ دَغَ غَرٜىٰنِ أَغَبَنْ شَيْدُ مَاسُيَوَ، سَيْ كَدَنْڧَ وَمُتَنٜىٰ مَاسُ أَمِنْثِ، وَطَنْدَ سُو مَا ذَاسُ عِيَ كُواْيَوَ وَطَنْسُ؞ 3 كَجِمْرٜىٰ تَرٜىٰدَمُو ثِكِنْ شَنْ وَهَلَ كَمَرْ سُواْجَ مَيْ أَمِنْثِ نَ أَلْمَسِيحُ عِيسَىٰ؞ 4 أَيْ، بَابُ سُواْجَنْ دَيَكٜىٰ عَكَنْ عَيْكِ وَنْدَ ذَيْسَا كَنْسَ ثِكِنْ أَلْعَمُرَنْ ڢَضٍ هُولَ، غَمَا نِيَّرْ سُواْجَ عِتَثٜىٰ يَڢَرَنْتَ وَ شُوغَبَنْسَ رَيْ؞ 5 أَ شَعَنِنْ وَسَنْ غُجٜىٰ غُجٜىٰ دَ ڟَلّٜىٰ ڟَلّٜىٰ كُوَ، بَاوَنْدَ يَكٜىٰ سَامُنْ هُولَرْ لَادَنْ نَصَرَا، سَيْدَيْ يَبِے دُواْكُواْكِنْ وَسَنْ؞ 6 أَيْ، مَنُواْمِنْ دَ يَيِ عَيْكِنْسَ سُواْسَيْ، شِينٜىٰ يَا كَمَاتَ يَڢَارَ سَامُنْ رَبُوانْ أَمْڢَانِنْ غُواْنَ؞ 7 كَيِ تُنَانِ عَكَنْ أَبِنْدَ نَڢَطَا مَكَ، غَمَا عُبَنْغِجِ ذَيْبَاكَ غَانٜىٰوَ ثِكِنْ دُكَنْ كُواْمٜىٰ؞ 8 كَتُنَ دَ عِيسَىٰ أَلْمَسِيحُ، وَنْدَ أَنْتَادَ شِ دَغَ مَتَتُّو، وَنْدَ كُمَ يَكٜىٰ ذُرِيَرْ دَاوُدَ، كَمَرْ يَدَّ لَابَرِ مَيْ دَاطِنْ دَ نَكٜىٰ شٜىٰلَرْسَ يَكُواْيَرْ؞ 9 سَبُواْدَ شٜىٰلَرْ لَابَرِ مَيْ دَاطِنَّنْ نٜىٰ نَكٜىٰ شَنْ وَهَلَ، حَرْ ذُوَاغَ طَوْرِ دَ سَرْڧَ كَمَرْ وَنْدَ يَيِ لَيْڢِے؞ عَمَّا دَيْ بَاوَنْدَ ذَيْ عِيَ طَوْرٜىٰ كَلْمَرْ اللَّهْ! 10 دُواْمِنْ حَكَ، نَجِمْرٜىٰ دَكُواْمٜىٰ سَبُواْدَ وَطَنْدَ عَكَ ذَاٻَا، دُواْمِنْ سُو مَا سُسَامِ ثٜىٰتُواْنَّنْ وَنْدَ يَكٜىٰ تَوُرِنْ أَلْمَسِيحُ عِيسَىٰ، تَرٜىٰدَ مَدَوَّمِيَرْ طَوْكَكَ؞ 11 وَنَّنْ كَلْمَ تَبَّتَاثِّيَثٜىٰ، مَيْ ثٜىٰوَ عِدَنْ مُنْ مُتُ تَرٜىٰدَشِ، ذَامُ رَايُ تَرٜىٰدَشِ؛ 12 عِدَنْ مُنْ جِمْرٜىٰ، ذَامُيِ مُلْكِ تَرٜىٰدَشِ؞ عِدَنْ مُنْيِ مُسُونْ سَنِنْسَ، شِے مَا ذَيْ يِمُسُونْ سَنِنْمُ؞ 13 عِدَنْ مُنْ كَاسَ يِنَمِنْثِ، شِے مَيْ أَمِنْثِنٜىٰ، غَمَا بَذَايَ عِيَيِنْ مُسُونْ كَنْسَبَ؞ مَعَيْكَثِنْ دَ اللَّهْ يَيَرْدَ دَشِ 14 كَدِنْغَ تُنَ مُسُ دَ وَطَنَّنْ أَبُبُوَ، كَكُمَ غَرْغَطٜىٰسُ أَغَبَنْ عُبَنْغِجِ ثٜىٰوَ كَدَ سُيِ غَرْدَمَ عَكَنْ كَلْمُواْمِ، دُواْمِنْ بَاتَدَ أَمْڢَانِ، سَيْدَيْ تَٻَاتَ وَطَنْدَ سُكٜىٰ جِنْتَ كَوَيْ؞ 15 كَيِ إِيَاكَثِنْ ڧُواْڧَرِنْكَ كَسَامِ ثِكَكِّيَرْ يَرْدَ أَغَبَنْ اللَّهْ، مَعَيْكَثِنْ دَ بَاشِ دَ كُنْيَا غَمٜىٰدَ عَيْكِنْسَ، كُمَ مَيْكُواْيَرْ دَ كَلْمَرْ غَسْكِيَ دَيْدَيْ؞ 16 كَغُجٜىٰ وَمَغَنْغَنُنْ بَنْظَ نَرَشِنْ ڟُواْرُوانْ اللَّهْ، غَمَا سُكَنْ سَا مُتَنٜىٰ سُڧَارَ يِنْ رَايُوَرْ رَشِنْ حَلِ إِرِنَّ اللَّهْ؞ 17 مَغَنَرْسُ كُوَ تَنَ بَظُوَ كَمَرْ بَبَّنْ مِيكِ مَيْ ثِنْ نَامَنْ جِكِے؞ عَثِكِنْسُ أَݣَويْ هِمٜىٰنِيُسْ دَ ڢِلٜىٰتُسْ، 18 وَطَنْدَ سُنْ بَرْ حَنْيَرْ غَسْكِيَ دَ ثٜىٰوَ أَيْ، أَنْرِغَا أَنْيِ تَاشِنْ مَتَتُّو؞ سُنَ رِكِتَرْدَ بَنْغَسْكِيَرْ وَطَنْسُ؞ 19 عَمَّا ذَوْنَنّٜىٰنْ تُوشٜىٰنَّنْ دَ اللَّهْ يَكَڢَ، يأَنَانً دَرَمْ دَ هَاتِمِنْ دَ عَكَ بُغَ عَكَنْسَ ثٜىٰوَ «اللَّهْ يَسَنْ وَطَنْدَ سُكٜىٰ نَاسَ» كُمَ «دُكْ وَنْدَ يَكٜىٰثٜىٰوَ شِ نَ عُبَنْغِجِ نٜىٰ بَرِ يَيِ نٜىٰسَ دَ مُوغُنْ عَيْكِ؞» 20 عَثِكِنْ بَبَّنْ غِدَا بَا كَايَنْ ظِينَارِيَ دَ نَأَظُرْڢَا نٜىٰ كَطَيْ سُكٜىٰ ثِكِيبَ، أَݣَويْ مَا نَ إِتَاثٜىٰ دَ نَلَاكَ، وَطَنْسُ دُواْمِنْ عَيْكِ مَيْ دَرَجَ، وَطَنْسُ كُمَ دُواْمِنْ عَيْكِ مَرَرْ دَرَجَ؞ 21 دُكْ وَنْدَ يَكٜىٰ ڟَبْتَثٜىٰ كَنْسَ دَغَ أَبُبُوَ مَرَسَ دَرَجَرْ نَنْ، ذَيْ ذَمَ أَبِنْدَ عَكَ كٜىٰٻٜىٰ دُواْمِنْ عَيْكِ نَمُسَمَّنْ غَ مَيْغِدَنْ، شِرْيَيّٜىٰ كُمَ دُواْمِنْ كُواْوَنٜىٰ ݣَكْݣَوَنْ عَيْكِ؞ 22 كَغُجٜىٰ وَمُوغَيٜىٰنْ شَعَوَثٜىٰ شَعَوَثٜىٰ نَمَتَسَ، كَسَا كَيْ غَ نٜىٰمَنْ أَدَلْثِے دَ بَنْغَسْكِيَ دَ ڧَوْنَ دَ كُمَ سَلَمَ، تَرٜىٰدَ وَطَنْدَ سُكٜىٰكِرَا غَ عُبَنْغِجِ دَ ذُوثِيَا مَيْ ڟَبْتَ؞ 23 كَدَ وَنِ أَبُ يَهَطَكَ دَ مُهَوَرَرْ بَنْظَ مَرَرْ مَعَنَ؞ كَيْ مَا كَاسَنْ يَدَّ سُكٜىٰ حَيْڢَرْ دَ يَوَنْ جَيَيَّ؞ 24 كَدَ مَيْ حِدِمَرْ عُبَنْغِجِ يَذَمَ مَيْ يَوَنْ غَرْدَمَ، عَمَّا دَيْ يَذَمَ مَيْ كِرْكِ غَ كُواْوَ، يَكَسَنْثٜىٰ مَيْ عِيَ كُواْيَرْوَا دَ مَيْ حَڧُرِ؞ 25 سَعَنً كُمَ عَثِكِنْ سَوْڧِنْ كَيْ يَغَرْغَطِے مَاسُ غَابَادَ كُواْيَرْوَرْسَ، كُواْ وَتَڧِيلَ اللَّهْ ذَيْبَاسُ دَامَ سُتُوبَ سُكَيْ غَ سَنِنْ غَسْكِيَ؞ 26 سَعَنً بَايَنْدَ سُكَ كُواْمَ ثِكِنْ حَنْكَلِنْسُ، سُكُمَ كُٻُتَ دَغَ تَرْكُوانْ شَيْطَنْ، وَنْدَ يَمَيْدَسُو بَايِ دُواْمِنْ سُبِے نُڢِنْسَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria