2 تَسَلُواْنِكَاوَا 3 - أَتَّوْرَتْ دَ أَنَّبَاوَا

ضُواْڧُواْ دُواْمِنْ أَدُّعَ

¹ عَڧَرْشٜىٰ، یَنْعُوَ، كُيِ مَنَ أَدُّعَ دُواْمِنْ كَلْمَرْ عُبَنْ‌غِجِ تَيَطُ دَ سَوْرِ، تَسَامِ طَوْكَكَ كَمَرْ يَدَّ تَسَامُ عَثِكِنْكُ؞

² كُكُمَيِ أَدُّعَ دُواْمِنْ عَثٜىٰثٜىٰمُ دَغَ مُوغَيٜىٰنْ مُتَنٜىٰ مَاسُ عَيْكَتَ مُغُنْتَا، غَمَا بَدُكَ سُكَ بَادَ غَسْكِيَابَ؞

³ عَمَّا عُبَنْ‌غِجِ مَيْ أَمِنْثِ نٜىٰ، ذَيْ ڧَرْڢَڢَاكُ، يَڟَرٜىٰكُ دَغَ مُوغُنَّنْ، وَتُواْ، شَيْطَنْ؞

⁴ مُنْ أَمِنْثٜىٰ دَ عُبَنْ‌غِجِ غَمٜىٰدَكُو ثٜىٰوَ كُنَ بِنْ عُمَرْنِنْ دَ مُكَيِ مُكُ، ذَاكُ كُمَ ثِيغَبَ دَبِے؞

⁵ عُبَنْ‌غِجِ يَبِے دَ ذُوثِيَارْكُ ثِكِنْ ڧَوْنَرْ نَنْ تَ اللَّهْ دَ كُمَ جِمْرٜىٰوَ تَ أَلْمَسِيحُ؞

ڟَاوَتَاوَا عَكَنْ ذَمَنْ ڨُيَ

⁶ تُواْ، یَنْعُوَ، مُنَ بَاكُ عُمَرْنِ ثِكِنْ سُونَنْ عُبَنْ‌غِجِنْمُ عِيسَىٰ أَلْمَسِيحُ، كُجَنْيٜىٰ دَغَ دُكْ طَنْعُوَنْ دَيَكٜىٰ رَايُوَرْ ڧِوِيَ، وَنْدَ بَايَ بِنْ كُواْيَرْوَرْ دَ كُكَ سَامُ أَوُرِنْمُ؞

⁷ أَيْ، كُو مَا كُنْ سَنْ يَا كَمَاتَ كُيِ كُواْيِ دَمُو، غَمَا لُواْكَثِنْ دَمُكٜىٰ تَرٜىٰدَكُو، بَمُ نُونَ مُكُ حَلِنْ ڧِوِيَ بَ،

⁸ بَمُ كُوَ ثِ عَبِنْثِ ݣَوْتَا أَ حَنُّنْ كُواْوَبَ؞ سَيْ دَيْ مُنْ شَا ڢَامَ دَ وَهَلَ، مُنَ عَيْكِ دَرٜىٰ دَ رَانَ، دُواْمِنْ كَدَ مُسَاوَ كُواْ طَيَنْكُ نَوْيِ؞

⁹ بَا وَيْ دُوانْ بَا حَكِّنْمُ بَنٜىٰ، أَعَ، سَيْدَيْ دُوانْ مُذَمَ غُرْبِے أَغَرٜىٰكُ كَوَيْ، دُواْمِنْ كُيِ كُواْيِ دَمُو؞

¹⁰ أَيْ، كُواْ دَا دَمُكٜىٰ تَرٜىٰدَكُو، مُنْ بَاكُ عُمَرْنِ ثٜىٰوَ دُكْ وَنْدَ يَڧِيِنْ عَيْكِ، كَدَ عَبَاشِ عَبِنْثِ؞

¹¹ غَمَا مُنْ جِلَابَرِ ثٜىٰوَ وَطَنْسُنْكُ مَاسُ ڧِوِيَنٜىٰ، بَاسَ عَيْكِنْ كُواْمٜىٰ، سَيْ شِغٜىٰ شِغٜىٰ ثِكِنْ أَلْعَمُرَنْ وَطَنْسُ كَوَيْ؞

¹² تُواْ، إِرِنْ وَطَنَّنْ مُتَنٜىٰنْ مُنَبَاسُ عُمَرْنِ، مُنَ كُمَيِ مُسُ غَرْغَطِے ثِكِنْ سُونَنْ عُبَنْ‌غِجِ عِيسَىٰ أَلْمَسِيحُ، سُيِتَيِنْ عَيْكِ دَ نَڟُوَ، سُنَ ثِيَرْدَ كَنْسُ؞

¹³ عَمَّا كُو یَنْعُوَ، كَدَ كُغَجِ دَ يِنْ أَبِنْدَ يَكٜىٰ نَغَرِ؞

¹⁴ عِدَنْ وَنِ يَڧِ بِيَيَّ دَ أَبِنْدَ مُكَ ڢَطَا عَثِكِنْ وَسِيڧَرْ نَنْ، سَيْ كُلُورَ دَشِ، كُغُجٜىٰ مَسَ دُواْمِنْ يَجِ كُنْيَا؞

¹⁵ عَمَّا كَدَ كُطَوْكٜىٰشِ كَمَرْ أَبُواْكِنْ غَابَا، سَيْدَيْ كُغَرْغَطٜىٰشِ كَمَرْ طَنْعُوَ؞

مَغَنَرْ ڧَرْشٜىٰ

¹⁶ تُواْ، عُبَنْ‌غِجِ مَيْ سَلَمَ، شِيدَ كَنْسَ يَبَاكُ سَلَمَ عَكُواْوَنٜىٰ لُواْكَثِ، عَكُواْوَنٜىٰ حَلِ؞ عُبَنْ‌غِجِ يَكَسَنْثٜىٰ تَرٜىٰدَكُو دُكَ؞

¹⁷ نِے بُلُسْ، نَكٜىٰ رُبُوتَ وَنَّنْ غَيْسُوَا دَ هَنُّونَ؞ وَنَّنْ ثٜىٰ شَيْدَ عَكُواْوَثٜىٰ وَسِيڧَاتَ، حَكَ نَكٜىٰ رُبُوتُو؞

¹⁸ أَلْحٜىٰرِنْ عُبَنْ‌غِجِنْمُ عِيسَىٰ أَلْمَسِيحُ يَكَسَنْثٜىٰ تَرٜىٰدَكُو دُكَ؞ أَمِينْ؞