2 تَسَلُواْنِكَاوَا 2 - أَتَّوْرَتْ دَ أَنَّبَاوَا

سَرْكِنْ تَاوَيٜىٰ

¹ تُواْ، یَنْعُوَ، غَمٜىٰدَ دَاوُاْوَرْ عُبَنْ‌غِجِنْمُ عِيسَىٰ أَلْمَسِيحُ دَ كُمَ يَدَّ ذَاعَ تَتَّرَامُ ذُوَا غَرٜىٰشِ، مُنَ ضُواْڧُوانْكُ

² كَدَ كُجِجِّغُ دَ سَوْرِ أَ ذُوثِيَارْكُ، كُواْ كُوَ حَنْكَلِنْكُ يَتَاشِ عَكَنْ ثٜىٰوَ رَانَرْ عُبَنْ‌غِجِ تَا رِغَا تَا ذُواْ؞ مَيْ يِوُوَ وَنِ يَنَ عِيَ ڢَطِ حَكَ عَثِكِنْ مَغَنَ تَرُوحُ، كُواْ أَ جَوَابِے، كُواْ أَوَسِيڧَ عَكَنْ ثٜىٰوَ دَغَ وُرِنْمُ يَكٜىٰ؞

³ كَدَ كُواْوَ يَرُوطٜىٰكُ كُواْ تَيَيَا، دُواْمِنْ وَنَّنْ رَانَ بَذَاتَ ذُواْ بَ، سَيْ أَنْيِ تَاوَيٜىٰنَّنْ، سَرْكِنْ تَاوَيٜىٰ كُمَ يَبَيَّنَ، وَتُواْ وَنْدَ عَكَ شِرْيَ غَ هَلَّكَ؞

⁴ شِينٜىٰ مَيْ غَابَا، مَيْ طَوْكَكَ كَنْسَ، يَنَ غَابَادَ دُكْ أَبِنْدَ عَكٜىٰثٜىٰدَشِ اللَّهْ، كُواْ كُمَ وَنْدَ عَكٜىٰيِوَ سُجَّدَ؞ حَرْ مَا يَهَوْ كُجٜىٰرَ أَ هَيْكَلِنْ اللَّهْ، يَنَ ثٜىٰوَ شِے اللَّهْ نٜىٰ؞

⁵ أَشٜىٰ، بَكُ تُنَبَ، نَكَنْ غَيَ مُكُ وَطَنَّنْ أَبُبُوَ تُنْ إِنَ تَرٜىٰدَكُو؟

⁶ تُواْ، يَنْذُ دَيْ كُنْ سَنْ أَبِنْدَ يَكٜىٰ حَنَ شِ ذُوَا، دُواْمِنْ عَبَيَّنَا شِ أَدَيْدَيْ لُواْكَثِنْسَ؞

⁷ غَمَا أَسِيرِنْ إِيكُوانْ تَاوَيٜىٰنَّنْ يَارِغَا يَڢَارَ عَيْكِ، عَمَّا شِے وَنْدَ يَكٜىٰ هَنَاوَا ذَيْثِيغَبَدَ هَنَاوَا حَرْ سَيْ اللَّهْ يَكَوَرْ دَشِ؞

⁸ سَعَنً نٜىٰ ڢَا ذَاعَ بَيَّنَ سَرْكِنْ تَاوَيٜىٰنَّنْ، وَنْدَ عُبَنْ‌غِجِ عِيسَىٰ ذَيْ كَشٜىٰ دَ نُمْڢَشِنْ بَاكِنْسَ، يَكُمَ هَلَّكَ شِ دَ طَوْكَكَرْ بَيَّنَرْسَ أَ رَانَرْ كُواْمُواْوَرْسَ؞

⁹ ذَاعَ غَانٜىٰ ذُوَانْ سَرْكِنْ تَاوَيٜىٰنَّنْ تَوُرِنْ أَيُّكَنْ شَيْطَنْ نَعَيْكَتَ مَنْيَنْ عَلَمُ دَ أَيُّكَنْ بَنْ مَامَاكِ نَڧَضْيَا إِرِ إِرِ دَ إِيكُوانْسَ؞

¹⁰ يَنَ مُوغُنْ رُوطِنْ وَطَنْدَ سُكٜىٰ أَ حَنْيَرْ هَلَّكَ، سَبُواْدَ سُنْڧِے ڧَوْنَرْ غَسْكِيَ سُكُمَ سَامِ ثٜىٰتُواْ؞

¹¹ سَبُواْدَ حَكَ اللَّهْ ذَيْ عَيْكُواْ مُسُ دَ بَبَّنْ رُوطُ دُواْمِنْ سُغَسْكَتَ ڧَضْيَا،

¹² دُواْمِنْ أَ حُكُنْتَ دُكْ وَطَنْدَ سُكَڧِ غَسْكَتَ غَسْكِيَ، سُكٜىٰ كُمَ جِنْ دَاطِنْ مُغُنْتَا؞

يِذَمَنْ أَمِنْثِ

¹³ عَمَّا دُواْلٜىٰنٜىٰ كُلُّمْ مُغُواْدٜىٰ وَ اللَّهْ سَبُواْدَكُو، یَنْعُوَ وَطَنْدَ عُبَنْ‌غِجِ يَكٜىٰ ڧَوْنَ، غَمَا اللَّهْ يَذَاٻٜىٰكُ كُذَمَ نَڢَرْكُواْ ثِكِنْ سَامُنْ ثٜىٰتُواْ تَوُرِنْ ڟَرْكَكٜىٰوَرْ رُوحُ دَ كُمَ غَسْكَتَاوَرْكُ دَ غَسْكِيَ؞

¹⁴ مَنُڢَرْ كِرَنْكُ دَ يَيِ تَوُرِنْ لَابَرِ مَيْ دَاطِنَّنْ دَ مُكَ بَاكُ، عِتَثٜىٰ دُواْمِنْ كُسَامِ طَوْكَكَرْ عُبَنْ‌غِجِنْمُ عِيسَىٰ أَلْمَسِيحُ؞

¹⁵ سَبُواْدَ حَكَ، یَنْعُوَ، سَيْ كُڟَيَ دَ ڧَرْڢِے، كُكُمَ رِڧٜىٰ كُواْيَرْوَرْ نَنْ دَ مُكَ بَاكُ، كُواْ تَمَغَنَ، كُواْ تَوَسِيڧَ؞

¹⁶ تُواْ، عُبَنْ‌غِجِنْمُ عِيسَىٰ أَلْمَسِيحُ دَكَنْسَ دَكُمَ اللَّهْ عُبَنْمُ، وَنْدَ يَڧَوْنَثٜىٰمُ، يَكُمَ بَامُ تَعَظِيَّ مَرَرْ ڧَارٜىٰوَ دَ بٜىٰغٜىٰ مَيْݣَوْ تَوُرِنْ أَلْحٜىٰرِنْسَ،

¹⁷ يَيِ مُكُ تَعَظِيَّ، يَكُمَ ڧَرْڢَڢَاكُ ثِكِنْ كُواْوَنٜىٰ ݣَكْݣَوَنْ عَيْكِ دَ ݣَكْݣَوَرْ مَغَنَ؞