2 سَمَٰعِيلَ 9 - أَتَّوْرَتْ دَ أَنَّبَاوَا

دَاوُدَ يَايِ وَ مٜىٰڢِبُواْشٜىٰتْ أَلْحٜىٰرِ

¹ وَتَرَانَ دَاوُدَ يَيِ تَمْبَيَ يَثٜىٰ ‏«‏كُواْ أَݣَويْ وَنِ ثِكِنْ غِدَنْ طَالُوتَ وَنْدَ يَرَغُ؟ دُواْمِنْ إِنَ سُواْ إِنْيِ مَسَ أَلْحٜىٰرِ سَبُواْدَ يُواْنَتَنْ؞»‏

² تُواْ، أَݣَويْ وَنِ مَيْيِ وَغِدَنْ طَالُوتَ حِدِمَ مَيْ سُونَ ظِبَ؞ عَكَ كِرَا شِ، يَكُوَ ذُواْ وُرِنْ دَاوُدَ؞ سَيْ سَرْكِے دَاوُدَ يَتَمْبَيٜىٰشِ يَثٜىٰ ‏«‏كَيْ نٜىٰ ظِبَ؟»‏ ظِبَ يَأَمْسَ يَثٜىٰ ‏«‏عِ، نِنٜىٰ، رَنْكَيَدَطٜىٰ؞»‏

³ سَرْكِے يَتَمْبَيٜىٰشِ يَثٜىٰ ‏«‏بَابُوَنْدَ يَرَغُ عَثِكِنْ غِدَنْ طَالُوتَ دَ ذَنْ نُونَ مَسَ أَلْحٜىٰرِ يَدَّ اللَّهْ يَكٜىٰيِ؟»‏ سَيْ ظِبَ يَأَمْسَ يَثٜىٰ ‏«‏عِ، أَݣَويْ وَنِ طَنْ يُواْنَتَنْ وَنْدَ شِے غُرْغُ نٜىٰ؞»‏

⁴ سَرْكِے دَاوُدَ يَيِ تَمْبَيَ يَثٜىٰ ‏«‏إِنَا يَكٜىٰ؟»‏ سَيْ ظِبَ يَأَمْسَ يَثٜىٰ ‏«‏يَنَ أَغِدَنْ مَكِرْ طَنْ أَمِّيٜىٰلْ أَغَرِنْ لُواْدٜىٰبَرْ؞»‏

⁵ سَيْ سَرْكِے دَاوُدَ يَعَيْكَ عَكَٰوُاْ طَنْ يُواْنَتَنْ دَغَ غِدَنْ مَكِرْ طَنْ أَمِّيٜىٰلْ دَغَ غَرِنْ لُواْدٜىٰبَرْ؞

⁶ دَ مٜىٰڢِبُواْشٜىٰتْ طَنْ يُواْنَتَنْ، جِيكَنْ طَالُوتَ يَذُواْ غَبَنْ دَاوُدَ، سَيْ يَرُسُنَ حَرْ ڧَسَا يَيِ غَيْسُوَا؞ دَاوُدَ يَثٜىٰ مَسَ ‏«‏مٜىٰڢِبُواْشٜىٰتْ!‏»‏ سَيْ مٜىٰڢِبُواْشٜىٰتْ يَأَمْسَ ‏«‏رَنْكَيَدَطٜىٰ، غَا بَاوَنْكَ؞»‏

⁷ دَاوُدَ يَثٜىٰ مَسَ ‏«‏كَدَ كَجِڟُواْرُواْ؞ ذَنْ نُونَ مَكَ أَلْحٜىٰرِ سَبُواْدَ بَابَنْكَ يُواْنَتَنْ؞ ذَنْ مَيَرْ مَكَ دُكَنْ غُواْنَكِنْ كَكَنْكَ طَالُوتَ، كُمَ ذَاكَ دِنْ‌غَثِنْ عَبِنْثِ تَرٜىٰدَنِ؞»‏

⁸ سَيْ مٜىٰڢِبُواْشٜىٰتْ يَسَاكٜىٰ رُسُنَاوَ حَرْ ڧَسَا، يَثٜىٰ ‏«‏نِے وَنٜىٰنٜىٰ حَرْ دَ ذَاكَ كُلَ دَنِے؟ أَيْ!‏ نِے بَاوَنْكَ نٜىٰ دَ بَيْڢِے مَتَثّٜىٰنْ كَرٜىٰ دَرَجَبَ؞»‏

⁹ سَعَنً سَرْكِے يَكِرَا ظِبَ مَيْ حِدِمَرْ طَالُوتَ يَثٜىٰ مَسَ ‏«‏نَا بَا مٜىٰڢِبُواْشٜىٰتْ جِيكَنْ مَيْغِدَنْكَ دُكَنْ أَبِنْدَ طَالُوتَ دَ غِدَنْسَ سُكٜىٰ دَشِ؞

¹⁰ كَيْ دَ یَیَنْكَ مَظَا دَ كُمَ بَايِنْكَ ذَاكُ دِنْ‌غَ نُواْمٜىٰ غُواْنَكِنْسَ دُواْمِنْ كُسَامُواْ وَ مٜىٰڢِبُواْشٜىٰتْ عَبِنْثِ؞ عَمَّا مٜىٰڢِبُواْشٜىٰتْ جِيكَنْ مَيْغِدَنْكَ ذَيْ دِنْ‌غَ ثِنْ عَبِنْثِ تَرٜىٰدَنِ؞»‏ ظِبَ كُوَ يَنَدَ یَیَ مَظَا غُواْمَشَا بِيَرْ دَ بَايِ عَشِرِنْ؞

¹¹ ظِبَ يَأَمْسَ وَ سَرْكِے يَثٜىٰ ‏«‏بَاوَنْكَ ذَيْ عَيْكَتَ دُكَنْ أَبِنْدَ مَيْغِرْمَ سَرْكِے يَعُمَرْثٜىٰشِ؞»‏ سَيْ مٜىٰڢِبُواْشٜىٰتْ يَدِنْ‌غَ ثِنْ عَبِنْثِ عَتٜىٰبُرِنْ سَرْكِے دَاوُدَ كَمَرْ سَوْرَنْ یَیَنْ سَرْكِے؞

¹² مٜىٰڢِبُواْشٜىٰتْ كُوَ يَنَدَ وَنِ ڧَرَمِنْ طَا مَيْ سُونَ مِيكَ؞ سَيْ كُواْوَ أَغِدَنْ ظِبَ يَذَمَ مَيْ حِدِمَرْ مٜىٰڢِبُواْشٜىٰتْ؞

¹³ مٜىٰڢِبُواْشٜىٰتْ يَذَوْنَ أَ عُرُوشَلِيمَ دُواْمِنْ يَنَ ثِنْ عَبِنْثِ كُلُّمْ عَتٜىٰبُرِنْ سَرْكِے؞ شِے كُوَ غُرْغُ نٜىٰ أَدُكَنْ ڧَڢَاڢُنْسَ؞