2 سَمَٰعِيلَ 6 - أَتَّوْرَتْ دَ أَنَّبَاوَا

دَاوُدَ يَا كَٰوُاْ عَݣُوتِنْ يَرْجٜىٰجٜىٰنِيَ أَ عُرُوشَلِيمَ

¹ دَاوُدَ كُوَ يَسَاكٜىٰ تَتَّارَ سُواْجُواْجِ مَاسُ عِيَ يَاڧِ دَغَ إِسْرَٰٓءِيلَ، مَظَا غُدَا دُبُو تَلَاتِنْ؞

² سَيْ دَاوُدَ يَتَاشِ دَغَ بَعَلٜىٰ عَيَنْكِنْ يَهُودَ، وَتُواْ كِرِيَتْ يٜىٰيَرِمْ، يَتَڢِے دَ دُكَنْ مُتَنٜىٰنْ دَسُكٜىٰ تَرٜىٰ دَشِ دُواْمِنْ سُكَٰوُاْ عَݣُوتِنْ يَرْجٜىٰجٜىٰنِيَ نَ اللَّهْ؞ أَغَبَنْ عَݣُوتِنْ كُوَ عَكَنْ كِرَا غَ سُونَنْ يَهْوٜىٰهْ مَڢِے غِرْمَ، سَرْكِے مَيْ ذَمَ عَبِسَ حَلِتُّو مَاسُ ڢِكَڢِكَيْ وَطَنْدَ سُكٜىٰ عَكَنْ مُرْڢِنْ عَݣُوتِ؞

³ سُكَ طَوْكِ عَݣُوتِنْ يَرْجٜىٰجٜىٰنِيَ نَ اللَّهْ دَغَ غِدَنْ أَبِينَدَبْ وَنْدَ يَكٜىٰ عَكَنْ تُدُ، سُكَسَاشِ عَكَنْ وَنِ سَابُوانْ كٜىٰكٜىٰنْ شَانُو؞ عُظَّ دَ أَهِيُواْ، یَیَ مَظَا بِيُ نَ أَبِينَدَبْ نٜىٰ سُكَ جَغُواْرَنْثِ سَابُوانْ كٜىٰكٜىٰنْ شَانُنْ

⁴ تَرٜىٰدَ عَݣُوتِنْ يَرْجٜىٰجٜىٰنِيَ نَ اللَّهْ عَبِسَنْسَ؞ أَهِيُواْ نٜىٰ كُوَ يَكٜىٰ جَنْ غَبَ؞

⁵ دَاوُدَ تَرٜىٰدَ دُكَنْ مُتَنٜىٰنْ غِدَنْ إِسْرَٰٓءِيلَ سُكَ يِتَكِطِ سُنَ ضَوَ دَ دُكَنْ ڧَرْڢِنْسُ أَغَبَنْ يَهْوٜىٰهْ؞ عَكَيِتَ رٜىٰرَ وَاڧُواْڧِ، أَنَ كَطَ غَرَايُ دَ مُواْلُواْ دَ تَمْبُرَ دَ كَثَوْ كَثَوْ دَ كُغٜىٰ؞

⁶ دَ سُكَ كَيْ وُرِنْ بُغُنْ حَڟِ نَ نَكُوانْ، شَانُنْ دَسُكٜىٰ جَنْ كٜىٰكٜىٰنْ سُكَيِ تُنْتُٻٜىٰ؞ سَيْ عُظَّ يَمِيڧَ حَنُّ يَرِڧٜىٰ عَݣُوتِنْ يَرْجٜىٰجٜىٰنِيَ نَ اللَّهْ؞

⁷ سَيْ يَهْوٜىٰهْ يَيِ ڢُشِے دَ عُظَّ سَبُواْدَ وَنَّنْ رَشِنْ بَنْ غِرْمَنْدَ يَنُونَ تَوُرِنْ تَٻَ عَݣُوتِنْ يَرْجٜىٰجٜىٰنِيَ أَلْڧَوَرِنْ؞ سَبُواْدَ حَكَ اللَّهْ يَبُغٜىٰشِ يَڢَاطِ يَمُتُ كُسَدَ عَݣُوتِنْ؞

⁸ دَاوُدَ كُوَ يَيِ ڢُشِے دُواْمِنْ ڢُشِنْ يَهْوٜىٰهْ يَاٻَرْكٜىٰ عَكَنْ عُظَّ؞ هَرْوَيَوْ أَنَ كِرَا وُرِنْ ڢٜىٰرٜىٰظْ عُظَّ، وَتُواْ حُكُنْثِنْ عُظَّ؞

⁹ دَاوُدَ يَجِڟُواْرُوانْ يَهْوٜىٰهْ سُواْسَيْ أَ رَانَرْ نَنْ يَثٜىٰ ‏«‏تَا يَيَ ذَنْعِيَ كَٰوُاْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ أَوُرِينَ؟»‏

¹⁰ دُواْمِنْ حَكَ دَاوُدَ بَيْ سُواْ يَطَوْكِ عَݣُوتِ نَ يَهْوٜىٰهْ تَرٜىٰدَشِ ذُوَا عُرُوشَلِيمَ بِرْنِنْ دَاوُدَ بَ؞ أَ مَيْمَكُوانْ حَكَ يَكَيْشِ غِدَنْ عُواْبٜىٰدْ عٜىٰدُوامْ مُتُمِنْ غَتْ؞

¹¹ عَݣُوتِ نَ يَهْوٜىٰهْ يَا ذَوْنَ أَغِدَنْ عُواْبٜىٰدْ عٜىٰدُوامْ مُتُمِنْ غَتْ وَتَا عُكُ؞ يَهْوٜىٰهْ كُوَ يَ أَلْبَرْكَثِ عُواْبٜىٰدْ عٜىٰدُوامْ دَ دُكَنْ غِدَنْسَ؞

¹² لَابَرِ يَكَيْ كُنّٜىٰنْ سَرْكِے دَاوُدَ ثٜىٰوَ يَهْوٜىٰهْ يَا أَلْبَرْكَثِ غِدَنْ عُواْبٜىٰدْ عٜىٰدُوامْ دَ دُكَنْ أَبِنْدَ يَكٜىٰدَشِ تَدَلِيلِنْ عَݣُوتِنْ اللَّهْ؞ سَيْ دَاوُدَ يَغَنْ‌غَرَ يَطَوْكُواْ عَݣُوتِنْ اللَّهْ دَغَ غِدَنْ عُواْبٜىٰدْ عٜىٰدُوامْ ذُوَا عُرُوشَلِيمَ بِرْنِنْ دَاوُدَ تَرٜىٰدَ ضَوَ دَ كِطِ؞

¹³ سَعَدَّ مَاسُ طَوْكَرْ عَݣُوتِنْ يَهْوٜىٰهْ سُكَتَاكَ ڧَڢَا شِدَ، سَيْ دَاوُدَ يَڟَيْ دَسُو يَمِيڧَا وَ يَهْوٜىٰهْ هَدَايَرْ بِجِمِ دَ طَنْ بِجِمِنْ دَ عَكَيِ كِيوُانْسَ أَغِدَا؞

¹⁴ دَاوُدَ سَنْيٜىٰ دَ رِغَرْ لِيلِنْ نَ عٜىٰڢُوادْ يَيِ ضَوَ دَ دُكَنْ ڧَرْڢِنْسَ دُواْمِنْ يَغِرْمَمَ يَهْوٜىٰهْ؞

¹⁵ تَهَكَ دَاوُدَ دَ دُكَنْ غِدَنْ إِسْرَٰٓءِيلَ سُكَ هَوْرَ دَ عَݣُوتِنْ يَهْوٜىٰهْ دَ إِيهُ سُواْسَيْ دَ بُوشٜىٰ بُوشٜىٰنْ ڧَهُواْ؞

¹⁶ سَعَدَّ عَكَ شِغَرْدَ عَݣُوتِنْ يَهْوٜىٰهْ ثِكِنْ بِرْنِنْ دَاوُدَ، سَيْ مِكَلْ یَرْ طَالُوتَ، تَدُوبَ وَجٜىٰ تَتَغَ تَغَ سَرْكِے دَاوُدَ يَنَ ضَوَ يَنَ ڟَلّٜىٰ دُواْمِنْ يَغِرْمَمَ يَهْوٜىٰهْ؞ سَيْ تَرٜىٰنَشِ أَ ذُوثِيَارْتَ؞

¹⁷ سُكَ كَٰوُاْ عَݣُوتِنْ يَهْوٜىٰهْ سُكَسَاشِ أَوُرِنْ ذَمَنْسَ، عَثِكِنْ تٜىٰنْتِنْ دَ دَاوُدَ يَشِرْيَ دُواْمِنْسَ؞ سَيْ دَاوُدَ يَمِيڧَ هَدَايُ نَڧُواْنَاوَا دَ نَڠَرَنْ زُمُنْثِ غَ يَهْوٜىٰهْ؞

¹⁸ بَايَنْدَ دَاوُدَ يَغَمَ مِيڧَ هَدَايُ نَڧُواْنَاوَا دَ نَڠَرَنْ زُمُنْثِ، يَ أَلْبَرْكَثِ جَمَعَرْ ثِكِنْ سُونَنْ يَهْوٜىٰهْ مَڢِے غِرْمَ؞

¹⁹ سَعَنً يَرَرَّبَ مُسُ عَبِنْثِ دُكَ؞ يَبَا كُواْوَ عَثِكِنْ تَارُوانْ جَمَعَرْ إِسْرَٰٓءِيلَ مَظَا دَ مَاتَا دُنْڧُلٜىٰنْ غُرَاسَ دَ غَسَشّٜىٰنْ نَامَ دَ كُمَ دُنْڧُلٜىٰنْ بُوسَشّٜىٰنْ إِنَبِے؞ سَيْ دُكَنْ مُتَنٜىٰ سُكَ وَڟٜىٰ، كُواْوَ يَتَڢِے غِدَنْسَ؞

²⁰ دَ دَاوُدَ يَكُواْمَ غِدَا دُواْمِنْ يَ أَلْبَرْكَثِ غِدَنْسَ، سَيْ مِكَلْ مَاتَرْ دَاوُدَ وَدَّ تَكٜىٰ یَرْ طَالُوتَ تَڢِتَ تَتَرْيٜىٰشِ؞ تَا ثٜىٰمَسَ ‏«‏لَلَّيْ سَرْكِنْ إِسْرَٰٓءِيلَ يَيِ بَبَّنْ أَبُ يَوْ!‏ يَبُوطٜىٰ جِكِنْسَ أَغَبَنْ یَنْ مَاتَانْدَ سُكٜىٰ بَايِنْسَ، كَمَرْ يَدَّ مُتُمِنْ بَنْظَ مَرَرْ كُنْيَا يَكٜىٰ بُوطٜىٰ جِكِنْسَ!‏»‏

²¹ دَاوُدَ يَأَمْسَ وَ مِكَلْ يَثٜىٰ ‏«‏نَيِ ضَوَ دُواْمِنْ إِنْ‌غِرْمَمَ يَهْوٜىٰهْ نٜىٰ، وَنْدَ يَذَاٻٜىٰنِ أَمَيْمَكُوانْ بَابَنْكِ كُواْ وَنِ دَغَ ثِكِنْ دُكَنْ غِدَنْسَ دَ يَسَانِ سَرْكِے عَكَنْ إِسْرَٰٓءِيلَ جَمَعَرْ يَهْوٜىٰهْ؞ ذَنْيِ تَرَوَ دُواْمِنْ إِنْ غِرْمَمَ يَهْوٜىٰهْ؞

²² ذَنْ ڧَسْڧَنْتَرْدَ كَيْنَ ڢِيٜىٰدَ حَكَ؞ ذَنْ ذَمَ أَبِنْ رٜىٰنِ أَغَرٜىٰكِ؞ عَمَّا یَنْ مَاتَنَّنْ وَطَنْدَ سُكٜىٰ بَايِنْ دَ كِكٜىٰ مَغَنَ ذَاسُ غِرْمَمَنِ؞»‏

²³ مِكَلْ یَرْ طَالُوتَ كُوَ بَتَحَيْڢُبَ حَرْ رَانَرْ مُتُوَرْتَ؞