2 سَمَٰعِيلَ 5 - أَتَّوْرَتْ دَ أَنَّبَاوَا

أَنْ نَطَ دَاوُدَ سَرْكِنْ إِسْرَٰٓءِيلَ دَ يَهُودَ غَبَاطَيَ

¹ سَيْ دُكَنْ ظُرِيُواْيِنْ إِسْرَٰٓءِيلَ سُكَذُواْ وُرِنْ دَاوُدَ أَ هٜىٰبْرُوانْ سُكَثٜىٰ مَسَ ‏«‏مُو نَامَنْكَ دَ جِنِنْكَ نٜىٰ؞

² تُنْ لُواْكَثِنْ دَ طَالُوتَ يَكٜىٰ سَرْكِنْمُ، كَيْنٜىٰ كَكٜىٰبِے دَ إِسْرَٰٓءِيلَ عَيَاڧِ؞ يَهْوٜىٰهْ كُمَ يَغَيَ مَكَ ثٜىٰوَ كَيْنٜىٰ ذَاكَ ذَمَ مَكِيَايِنْ مُتَنٜىٰنْسَ إِسْرَٰٓءِيلَ، ذَاكَ كُمَ ذَمَ سَرْكِنْسُ؞»‏

³ دَ دُكَنْ دَتَّاوَنْ إِسْرَٰٓءِيلَ سُكَذُواْ وُرِنْ سَرْكِے دَاوُدَ أَ هٜىٰبْرُوانْ، سَيْ سَرْكِے يَيِ يَرْجٜىٰجٜىٰنِيَ دَسُو أَغَبَنْ يَهْوٜىٰهْ؞ سُكَ كُمَ ظُبَاوَ دَاوُدَ مَيْ نَنَطَشِ سَرْكِے يَذَمَ سَرْكِنْ إِسْرَٰٓءِيلَ كُمَ؞

⁴ دَاوُدَ يَذَمَ سَرْكِے يَنَدَ شٜىٰكَرَا تَلَاتِنْ دَ حَيْڢُوَ، يَكُمَيِ شٜىٰكَرَا أَرْبَعِنْ يَنَ مُلْكِ؞

⁵ يَيِ مُلْكٍ يَهُودَ أَ هٜىٰبْرُوانْ شٜىٰكَرَا بَݣَويْ دَ وَتَا شِدَ؞ سَعَنً يَيِ مُلْكٍ إِسْرَٰٓءِيلَ دَ يَهُودَ أَ عُرُوشَلِيمَ شٜىٰكَرَا تَلَاتِنْ دَ عُكُ؞

دَاوُدَ يَا ثِ عُرُوشَلِيمَ دَ يَاڧِ

⁶ سَرْكِے دَاوُدَ دَ مُتَنٜىٰنْسَ سُكَ تَڢِے عُرُوشَلِيمَ دُواْمِنْ سُڢَاطَوَ يٜىٰبُسِيَاوَا مَذَوْنَنْ ڧَسَرْدَ يَاڧِ؞ سَيْ يٜىٰبُسِيَاوَنْ سُكَيِ وَ دَاوُدَ بَعَ سُكَثٜىٰ مَسَ ‏«‏بَذَاكَ تَٻَ شِغَ نَنْبَ؞ كُواْ مَكَڢِ دَ غُرَغُ كَطَيْ مَا ذَاسُ كُواْرٜىٰكَ!‏»‏ غَمَا سُنْيِ تُنَانِ ثٜىٰوَ دَاوُدَ بَذَيْ عِيَ شِغَ وُرِنْبَ؞

⁷ دُكْدَهَكَ دَاوُدَ يَثِ سِهِيُواْنَ وُرِے مَيْ كَتَنْ‌غَ دَ يَاڧِ، وَنْدَ عَكٜىٰثٜىٰ دَشِ بِرْنِنْ دَاوُدَ؞

⁸ أَ رَانَرْ نَنْ دَاوُدَ يَثٜىٰ وَمُتَنٜىٰنْسَ ‏«‏إِنْ حَرْ ذَاكُثِ يٜىٰبُسِيَاوَنَّنْ دَ يَاڧِ، دُواْلٜىٰ كُبِے تَرَامِنْ دَ ضُوَ يَكٜىٰبِے؞ تَهَكَ ذَاكُ ڢَاطَوَ وَطَنَّنْ ‏‹‏غُرَغُ›‏ دَ ‏‹‏مَكَڢِ›‏، وَطَنْدَ دَاوُدَ يَڧِ أَ رَنْسَ؞»‏ وَنَّنْ شِينٜىٰ دَلِيلِنْ دَ مُتَنٜىٰ سُكٜىٰثٜىٰوَ ‏«‏مَكَڢِ دَ غُرَغُ بَذَاسُ شِغَ هَيْكَلِ بَ؞»‏

⁹ بَايَنْ حَكَ سَيْ دَاوُدَ يَمَيْدَ وُرِے مَيْ كَتَنْ‌غَرْ نَنْ وُرِنْ ذَمَنْسَ؞ يَسَا مَسَ سُونَ بِرْنِنْ دَاوُدَ؞ يَكُمَيِ غِنٜىٰ غِنٜىٰ كٜىٰوَيٜىٰ دَ بِرْنِنْ؞ يَڢَارَ دَغَ مِلُّواْ، وَتُواْ وُرِنْ دَ عَكَ ثِثِّكَ دَ ڧَسَا، يَيِ غِنٜىٰ غِنٜىٰنْ ذُوَا ثِكِ؞

¹⁰ غِرْمَنْ دَاوُدَ كُوَ يَيِ تَڧَارُوَ غَمَا يَهْوٜىٰهْ اللَّهْ مَيْ ضُنْدُنَا يَنَ تَرٜىٰ دَشِ؞

¹¹ سَرْكِے حِرَمْ نَڧَسَرْ تَيَ كُوَ يَا عَيْكَ دَ وَكِلَيْ ذُوَا وُرِنْ دَاوُدَ دَ كَتَكَنْ إِتَاثٜىٰنْ سٜىٰدَ تَرٜىٰدَ كَاڢِنْتُواْثِ دَ مَاسُ غِنِ دَ دُوَڟُو، سُكَ كُوَ غِنَاوَا دَاوُدَ غِدَنْ سَرْكِے؞

¹² سَيْ دَاوُدَ يَغَانٜىٰ ثٜىٰوَ يَهْوٜىٰهْ نٜىٰ يَتَبَّتَرْ دَشِ سَرْكِے عَكَنْ مُتَنٜىٰنْسَ إِسْرَٰٓءِيلَ، يَكُمَ طَوْكَكَ مُلْكٍ دَاوُدَ سَبُواْدَسُو؞

¹³ بَايَنْ دَاوُدَ يَبَرْ هٜىٰبْرُوانْ سَيْ يَتَڢِے عُرُوشَلِيمَ دَ ذَمَ؞ يَڧَارَسَ مَاتَانْدَ يَأَجِيٜىٰ، يَكُمَ عَوْرُواْ مَاتَادَيَوَ، سُكَڧَارَ حَيْڢَ مَسَ یَیَ مَظَا دَ مَاتَا؞

¹⁴ غَا سُونَيٜىٰنْ یَیَنْ دَ عَكَ حَيْڢَ وَ دَاوُدَ أَ عُرُوشَلِيمَ، شَمُّوَ دَ شُواْبَبْ دَ نَتَنْ دَ سُلَيْمَٰنُ؞

¹⁵ أَݣَويْ كُمَ إِبْهَرْ دَ عٜىٰلِشُوَ دَ نٜىٰڢٜىٰكْ دَ يَڢِيَ،

¹⁶ دَ عٜىٰلِشَمَ دَ عٜىٰلِيَدَ دَ عٜىٰلِڢٜىٰلٜىٰتْ؞

دَاوُدَ يَا ثِ نَصَرَا عَكَنْ ڢِلِسْتِيَاوَا

¹⁷ سَعَدَّ ڢِلِسْتِيَاوَا سُكَجِ أَنَّطَ دَاوُدَ سَرْكِنْ إِسْرَٰٓءِيلَ، سَيْ سُكَ ڢِتَ غَبَاطَيَ سُنَ نٜىٰمَنْسَ؞ عَمَّا دَ دَاوُدَ يَجِ، سَيْ يَغَنْ‌غَرَ ذُوَا وُرِنْ ٻُيَنْ؞

¹⁸ ڢِلِسْتِيَاوَا كُوَ سُكَذُواْ سُكَ بَظَ كَنْسُ أَ ݣُورِنْ رٜىٰڢَيَاوَا؞

¹⁹ سَبُواْدَ حَكَ دَاوُدَ يَتَمْبَيِ يَهْوٜىٰهْ يَثٜىٰ ‏«‏كُواْ إِنْتَڢِے إِنْيَاڧِ ڢِلِسْتِيَاوَا؟ ذَاكَ بَاشٜىٰسُ أَ هَنُّونَ؟»‏ يَهْوٜىٰهْ يَأَمْسَ ‏«‏عِ، كَتَڢِے كَيَاڧٜىٰسُ؞ حَڧِيڧَ ذَنْ بَادَسُو أَ حَنُّنْكَ؞»‏

²⁰ دُواْمِنْ حَكَ دَاوُدَ يَتَڢِے بَعَلْ ڢٜىٰرَظِمْ، أَنَنْ يَثِ نَصَرَا عَكَنْ ڢِلِسْتِيَاوَا؞ سَيْ يَثٜىٰ ‏«‏‏يَهْوٜىٰهْ يَا ٻَرْكٜىٰوَ أَبُواْكَنْ غَابَنَ كَمَرْ ضُوَنْدَ يَٻَرْكٜىٰ دَغَ دَمْ؞»‏ سَيْ دَاوُدَ يَسَا وَوُرِنْ سُونَ بَعَلْ ڢٜىٰرَظِمْ، وَتُواْ عُبَنْ‌غِجِ يَٻَرْكٜىٰ؞

²¹ ڢِلِسْتِيَاوَا سُكَ غُدُ سُكَ بَرْ غُمَكَنْسُ أَوُرِنْ، سَيْ دَاوُدَ دَ مُتَنٜىٰنْسَ سُكَ ݣُوشٜىٰسُ؞

²² ڢِلِسْتِيَاوَا كُوَ سُكَسَاكٜىٰ تَارُوَ سُكَ بَظُو عَثِكِنْ ݣُورِنْ رٜىٰڢَيَاوَا؞

²³ سَيْ دَاوُدَ يَتَمْبَيِ يَهْوٜىٰهْ أَبِنْدَ ذَيْ يِ؞ سَيْ يَهْوٜىٰهْ يَأَمْسَ يَثٜىٰ ‏«‏كَدَ كَڢَاطَ مُسُ دَ يَاڧِ دَغَ غَبَ عِنْدَ كَكٜىٰ، عَمَّا كَكٜىٰوَيٜىٰ دَ مُتَنٜىٰنْكَ، كَڢَاطَ مُسُ تَبَايَ تَوَجٜىٰنْ دُواْغَيٜىٰنْ عِتَتُوَنْ بَلْسَمْ؞

²⁴ سَعَدَّ كَجِ مُواْڟِ كَمَرْ نَتَاكَوَرْ سُواْجُواْجِ يَنَ ڢِتُواْوَ دَغَ رَسَّنْ دَسُكٜىٰ بِسَنْ عِتَتُوَنْ بَلْسَمْ، سَيْ كَيِ سَوْرِ كَڢَاطَ مُسُ دَ يَاڧِ، غَمَا عَلَمَثٜىٰ ثٜىٰوَ يَهْوٜىٰهْ يَا رِغَا يَا شَا غَبَنْكَ دُواْمِنْ يَبُغِ سُواْجُواْجِنْ ڢِلِسْتِيَاوَا؞»‏

²⁵ سَيْ دَاوُدَ يَيِ أَبِنْدَ يَهْوٜىٰهْ يَعُمَرْثٜىٰشِ؞ دَاوُدَ دَ سُواْجُواْجِنْسَ سُكَ كُواْرِ ڢِلِسْتِيَاوَا تُنْدَغَ غٜىٰبَ حَرْ ذُوَا غٜىٰظٜىٰرْ سُكَ كَكَّشٜىٰ ڢِلِسْتِيَاوَا دَيَوَ؞