2 سَمَٰعِيلَ 4 - أَتَّوْرَتْ دَ أَنَّبَاوَا

أَنْ كَشٜىٰ إِشْبُواْشٜىٰتْ

¹ دَ إِشْبُواْشٜىٰتْ طَنْ طَالُوتَ يَجِ ثٜىٰوَ أَبْنٜىٰرْ يَمُتُ أَ هٜىٰبْرُوانْ، سَيْ يَضِكِثِے، ڟُواْرُواْ كُمَ يَكَامَ دُكَنْ إِسْرَٰٓءِيلَاوَا؞

² إِشْبُواْشٜىٰتْ كُوَ يَنَدَ مُتَنٜىٰ بِيُ وَطَنْدَ سُونٜىٰ شُوغَبَنِّنْ یَنْ هَرِ؞ أَنَ ثٜىٰ دَسُو بَعَنَ دَ رٜىٰكَبْ؞ سُو یَیَنْ رِمُّوانْ مُتُمِنْ غَرِنْ بٜىٰيٜىٰرُواتْ نٜىٰ نَڧَسَرْ بِلِيَامِنُ، غَمَا أَنْلِسَّڢْتَ بٜىٰيٜىٰرُواتْ ثِكِنْ يَنْكِنْ بِلِيَامِنُ،

³ سَبُواْدَ یَنْ أَصَلِنْ ڧَسَرْ بٜىٰيٜىٰرُواتْ سُنْ غُدُ ذُوَا غِتَّيِمْ، عِنْدَ سُكٜىٰ ذَمَنْ بَڧُنْثِ هَرْوَيَوْ؞

⁴ يُواْنَتَنْ طَنْ طَالُوتَ كُوَ يَنَدَ يَرُواْ مَيْ سُونَ مٜىٰڢِبُواْشٜىٰتْ، وَنْدَ بَايَ عِيَ تَڢِيَ تُنْ يَنَ شٜىٰكَرَا بِيَرْ؞ أَ لُواْكَثِنْ دَ مَاتَرْ دَتَكٜىٰ لُورَ دَشِ تَجِ لَابَرِ دَغَ يٜىٰظِرٜىٰيٜىٰلْ ثٜىٰوَ يُواْنَتَنْ دَ طَالُوتَ سُنْ مُتُ، تَطَوْكِ مٜىٰڢِبُواْشٜىٰتْ تَتَاشِ دَ غُدُ؞ عَمَّا يَايِنْ دَتَكٜىٰ ڧُواْڧَرِنْ غُدُ، سَيْ يَڢَاطِ؞ وَنَّنْ نٜىٰ يَسَا يَذَمَ غُرْغُ؞

⁵ رٜىٰكَبْ دَ بَعَنَ كُوَ، یَیَنْ رِمُّوانْ مُتُمِنْ بٜىٰيٜىٰرُواتْ، سُكَ كَامَ حَنْيَ ذُوَا غِدَنْ إِشْبُواْشٜىٰتْ، سُكَ كَيْ ثَنْ وَجٜىٰنْ ڟَكَرْ رَانَ يَايِنْ دَيَكٜىٰ بَرْثِنْ رَانَ؞

⁶ سَيْ سُكَ شِغَ ثِكِ ثِكِنْ غِدَنْ كَمَرْ ذَاسُ طَوْكِ أَلْكَمَ؞ بَايَنْدَ سُكَ سُواْكٜىٰشِ عَثِكِنْسَ، سَيْ سُكَ غُدُ؞

⁷ غَمَا سَعَدَّ سُكَ شِغَ ثِكِنْ غِدَنْ سُنْ سَامِ إِشْبُواْشٜىٰتْ يَنَ بَرْثِ أَطَاكِنْسَ، سَيْ سُكَ سُواْكٜىٰشِ سُكَ كَشٜىٰشِ؞ سُكَ يَنْكٜىٰ كَنْسَ، سُكَ تَڢِے دَشِ؞ تَهَكَ رٜىٰكَبْ دَ بَعَنَ سُكَ كُٻُثٜىٰ سُكَبِتَ أَرَبَ، وَتُواْ ݣُورِنْ كُواْغِنْ يُواْدَنْ، سُكَيِ تَڢِيَ دُكَنْ دَرٜىٰ؞

⁸ دَ سُكَ إِسُواْ هٜىٰبْرُوانْ، سُكَ مِيڧَا وَ دَاوُدَ كَيْ طِنْ؞ سَعَنً سُكَثٜىٰ وَسَرْكِے ‏«‏رَنْكَيَدَطٜىٰ!‏ غَا كَنْ إِشْبُواْشٜىٰتْ طَنْ طَالُوتَ أَبُواْكِنْ غَابَنْكَ وَنْدَ يَيِ ڧُواْڧَرِ يَطَوْكِ رَنْكَ؞ غَاشِ يَوْ يَهْوٜىٰهْ يَارَامَ وَسَرْكِے عَكَنْ طَالُوتَ دَ ذُرِيَرْسَ!‏»‏

⁹ دَاوُدَ يَا أَمْسَ وَ رٜىٰكَبْ دَ طَنْعُوَنْسَ بَعَنَ، یَیَنْ رِمُّوانْ مُتُمِنْ بٜىٰيٜىٰرُواتْ ‏«‏نَا ضَنْڟٜىٰ دَ سُونَنْ يَهْوٜىٰهْ مَيْرَيْ وَنْدَ يَڢَنْشٜىٰنِ دَغَ دُكَنْ وَهَلَ!‏

¹⁰ وَتَرَانَ وَنِ مُتُمْ يَذُواْ وُرِينَ أَ ظِكْلَكْ يَيِ ڟَمَّنِ يَنَ كَٰوُاْ مِنِ لَابَرِ مَيْ دَاطِے دَيَثٜىٰ مِنِ، ‏‹‏طَالُوتَ يَمُتُ؞›‏ عَمَّا سَيْ نَكَامَ شِ نَكَشٜىٰ؞ لَادَنْدَ نَبَاشِ دُواْمِنْ لَابَرِنْسَ كٜىٰنَنْ!‏

¹¹ بَلّٜىٰ ڢَا كُو دَ كُكٜىٰ مُوغَيٜىٰنْ مُتَنٜىٰ، كُو دَ كُكَكَشٜىٰ مَرَرْ لَيْڢِے أَغَدُوانْسَ ثِكِنْ غِدَنْسَ كُمَ؞ أَيْ!‏ ذَنْ نٜىٰمِ أَلْحَكِنْ جِنِنْسَ عَكَنْكُ، ذَنْ كَوَرْ دَكُو دَغَ دُونِيَا!‏»‏

¹² دَاوُدَ يَبَادَ عُمَرْنِ غَ سَمَارِنْسَ سُكَشٜىٰ رٜىٰكَبْ دَ بَعَنَ، سُكَ كُوَيِ حَكَ؞ سُكَ يَيَّنْكَ حَنُّوَنْسُ دَ ڧَڢَاڢُنْسُ، سُكَ رَاتَيٜىٰ جِكُنَنْسُ كُسَدَ وَنِ تَڢْكِ أَ هٜىٰبْرُوانْ؞ عَمَّا سُكَ طَوْكِ كَنْ إِشْبُواْشٜىٰتْ سُكَ بِنّٜىٰ عَثِكِنْ كَبَرِنْ أَبْنٜىٰرْ أَ هٜىٰبْرُوانْ؞