2 سَمَٰعِيلَ 3 - أَتَّوْرَتْ دَ أَنَّبَاوَا

¹ أَنْ دَطٜىٰ أَنَ يَاڧِ ڟَكَانِنْ غِدَنْ مُلْكٍ طَالُوتَ دَ نَ دَاوُدَ؞ عَمَّا ڧَرْڢِنْ دَاوُدَ يَيِ تَڧَارُوَ، يَايِنْ دَ ڧَرْڢِنْ غِدَنْ طَالُوتَ يَيِ تَرَغُوَ؞

یَیَ مَذَنْدَ عَكَ حَيْڢَ وَ دَاوُدَ أَ هٜىٰبْرُوانْ

² أَنْ حَيْڢَ وَ دَاوُدَ یَیَ مَظَا أَ هٜىٰبْرُوانْ؞ نَڢَرْكُوانْ سُونَنْسَ أَمْنُوانْ، مَامَرْسَثٜىٰ أَهِنُواْوَمْ دَغَ يٜىٰظِرٜىٰيٜىٰلْ؞

³ نَبِيُنْ كِلٜىٰيَبْ حَيْڢُوَرْ أَبِغِيٜىٰلْ وَدَّ دَا مَاتَرْ نَبَلْ ثٜىٰ مُتُمِنْ كَرْمٜىٰلْ؞ نَعُكُنْ شِينٜىٰ أَبْسَلُوامْ، حَيْڢُوَرْ مَعَكَ یَرْ سَرْكِے تَلْمَيْ نَ غٜىٰشُرْ؞

⁴ نَهُطُنْ شِينٜىٰ أَدُواْنِيَ، حَيْڢُوَرْ هَغِّتْ؞ نَبِيَرْ شِينٜىٰ شٜىٰڢَتِيَ حَيْڢُوَرْ أَبِتَلْ؞

⁵ نَشِدَنْ شِينٜىٰ إِتِرٜىٰيَمْ، حَيْڢُوَرْ عٜىٰغْلَ؞ دُكَنْ وَطَنَّنْ أَ هٜىٰبْرُوانْ نٜىٰ عَكَ حَيْڢَ وَ دَاوُدَ؞

أَبْنٜىٰرْ يَا جُويَا يَا حَطَ كَيْ دَ دَاوُدَ

⁶ عَيَيِنْ دَ يَاڧِ ڟَكَانِنْ غِدَنْ مُلْكٍ طَالُوتَ دَ نَ دَاوُدَ يَنَ ثِيغَبَ، أَبْنٜىٰرْ يَيِ تَڧَارَ ڧَرْڢَڢَ مَڟَيِنْسَ ثِكِنْ مُتَنٜىٰنْ طَالُوتَ؞

⁷ طَالُوتَ كُوَ يَنَدَ وَتَ مَثٜىٰنْ دَ يَأَجِيٜىٰ أَغِدَنْسَ مَيْ سُونَ رِظْڢَ یَرْ أَيْيَ؞ وَتَرَانَ إِشْبُواْشٜىٰتْ يَيِ وَ أَبْنٜىٰرْ ڢَطَ يَثٜىٰ ‏«‏دُوانْمٜىٰ كَݣُونَ دَ مَثٜىٰنْ دَ بَابَنَ يَأَجِيٜىٰ أَغِدَا؟»‏

⁸ أَبْنٜىٰرْ يَجِ ڢُشِے سُواْسَيْ دَ أَبِنْدَ إِشْبُواْشٜىٰتْ يَڢَطَا مَسَ؞ سَيْ يَثٜىٰ ‏«‏كَنَ ڟَمَّنِ نِے مَيْ ثِنْ أَمَانَ نٜىٰ؟ كَنَ ظَتُواْ نِے مَيْ غُواْيُوانْ بَايَنْ يَهُودَ نٜىٰ؟ تُنْ ڢَرْكُواْ نَنُونَ أَمِنْثِ غَ غِدَنْ بَابَنْكَ طَالُوتَ دَ یَنْعُوَنْسَ دَ أَبُواْكَنْسَ!‏ بَنْ كُوَ بَادَكَيْ أَ حَنُّنْ دَاوُدَ بَ؞ شِينٜىٰ يَنْذُ عَكَنْ مَثٜىٰ ذَاكَغَ لَيْڢِينَ؟

⁹ بَرِ اللَّهْ يَطَوْكِ رَيْنَ عِدَنْ بَنْ تَيْمَكِ دَاوُدَ يَسَامِ أَبِنْدَ يَهْوٜىٰهْ يَرَنْڟٜىٰ مَسَبَ؞

¹⁰ يَهْوٜىٰهْ يَا ضَنْڟٜىٰ ثٜىٰوَ ذَيْثِرٜىٰ مُلْكٍ دَغَ طَالُوتَ دَ ذُرِيَرْسَ يَبَا دَاوُدَ؞ دَاوُدَ ذَيْ ذَمَ سَرْكِنْ إِسْرَٰٓءِيلَ دَ نَ يَهُودَ، ذَيْ يِمُلْكِ دَغَ يَنْكِنْ ذُرِيَرْ دَنْ عَ أَرٜىٰوَ ذُوَا يَنْكِنْ بٜىٰيٜىٰرْشٜىٰبَ عَكُدُ؞»‏

¹¹ إِشْبُواْشٜىٰتْ بَيْ ڧَارَ ثٜىٰ كُواْمٜىٰبَ دُواْمِنْ يَنَ ڟُواْرُوانْ أَبْنٜىٰرْ؞

¹² أَبْنٜىٰرْ يَعَيْكَ دَ یَنْ عَيْكَ ذُوَا وُرِنْ دَاوُدَ سُتَمْبَيٜىٰشِ سُثٜىٰ ‏«‏غَ وَنٜىٰنٜىٰ ڧَسَرْ تَكٜىٰ؟ كَيِ يَرْجٜىٰجٜىٰنِيَ دَنِے، نِے دَ هَنُّونَ ذَنْ تَيْمَكٜىٰكَ إِنْسَا دُكَنْ إِسْرَٰٓءِيلَ سُبِيكَ؞»‏

¹³ دَاوُدَ يَأَمْسَ يَثٜىٰ ‏«‏دَ ݣَوْ!‏ ذَنْيِ يَرْجٜىٰجٜىٰنِيَ دَكَيْ، عَمَّا عَكَنْ أَلْڧَوَرِ ثٜىٰوَ بَذَاكَ غَ ڢُسْكَتَبَ سَيْ كَكَٰوُاْ مِكَلْ یَرْ طَالُوتَ سَعَدَّ كَذُواْ غَنِينَ؞»‏

¹⁴ سَعَنً دَاوُدَ يَعَيْكَ دَ یَنْ عَيْكَ ذُوَا وُرِنْ إِشْبُواْشٜىٰتْ طَنْ طَالُوتَ يَثٜىٰ ‏«‏كَبَانِ مَاتَتَ مِكَلْ، وَدَّ نَبِيَ دُوكِيَرْتَ دَ ڢَتَرْ أَذَّكَرِ طَرِے نَ ڢِلِسْتِيَاوَنْ دَ نَكَشٜىٰ؞»‏

¹⁵ سَيْ إِشْبُواْشٜىٰتْ يَعَيْكَ دَ مُتَنٜىٰ سُتَڢِے سُطَوْكُواْ مِكَلْ دَغَ مِجِنْتَ ڢَلْتِيٜىٰلْ طَنْ لَيِشْ؞

¹⁶ مِجِنْ مِكَلْ كُوَ يَبِتَ يَنَ تَكُوكَا حَرْ ذُوَا غَرِنْ بَهُرِمْ؞ عَمَّا أَبْنٜىٰرْ يَعُمَرْثٜىٰشِ ‏«‏كَكُواْمَ غِدَا!‏»‏ يَكُوَ كُواْمَ غِدَا؞

¹⁷ أَبْنٜىٰرْ يَتَتَّوْنَ دَ دَتَّاوَنْ إِسْرَٰٓءِيلَ يَثٜىٰ ‏«‏تُنْ دَا ثَنْ كُنْ نٜىٰمِ دَاوُدَ يَذَمَ سَرْكِنْكُ؞

¹⁸ يَنْذُ سَيْ كُطَوْكِ مَتَاكِنْ تَبَّتَرْ دَ حَكَ؞ غَمَا يَهْوٜىٰهْ يَايِ وَ دَاوُدَ أَلْڧَوَرِ يَثٜىٰ، ‏‹‏ذَنْ كُٻُتَرْدَ مُتَنٜىٰنَ إِسْرَٰٓءِيلَ دَغَ حَنُّنْ ڢِلِسْتِيَاوَا دَ سَوْرَنْ أَبُواْكَنْ غَابَنْسُ تَهَنُّنْ مَيْ حِدِمَتَ دَاوُدَ؞›‏ »‏

¹⁹ أَبْنٜىٰرْ يَكُمَيِ مَغَنَ دَ ذُرِيَرْ بِلِيَامِنُ؞ سَعَنً يَتَڢِے وُرِنْ دَاوُدَ أَ هٜىٰبْرُوانْ دُواْمِنْ يَڢَطَا مَسَ ثٜىٰوَ يَيِݣَوْ أَعِدَانُنْ دُكَنْ جَمَعَرْ إِسْرَٰٓءِيلَ دَ دُكَنْ ذُرِيَرْ بِلِيَامِنُ سُغُواْيِ بَايَنْسَ؞

²⁰ سَعَدَّ أَبْنٜىٰرْ دَ مُتَنٜىٰنْسَ عَشِرِنْ سُكَ إِسُواْ وُرِنْ دَاوُدَ أَ هٜىٰبْرُوانْ، سَيْ دَاوُدَ يَيِ بَبَّنْ بِكِ دُواْمِنْسُ؞

²¹ سَيْ أَبْنٜىٰرْ يَثٜىٰ وَ دَاوُدَ ‏«‏رَنْكَيَدَطٜىٰ!‏ بَرِ إِنْ كُواْمَ إِنْ تَتَّارَ دُكَنْ إِسْرَٰٓءِيلَ ذُوَا غَرٜىٰكَ، دُواْمِنْ سُيِ يَرْجٜىٰجٜىٰنِيَ دَكَيْ، دُواْمِنْ كَاعِيَيِنْ مُلْكِ بِسَ دُكَنْ أَبِنْدَ رَنْكَ يَكٜىٰسُواْ؞»‏ دَاوُدَ يَسَلَّمِ أَبْنٜىٰرْ، يَكُوَ تَڢِے لَاڢِيَ؞

يُواْوَبْ يَا كَشٜىٰ أَبْنٜىٰرْ

²² أَبْنٜىٰرْ كُوَ يَتَڢِے، سَيْغَا يُواْوَبْ دَ وَطَنْسُ سُواْجُواْجِنْ دَاوُدَ سُكَ دَاوُاْ دَغَ وَنِ هَرِ تَرٜىٰدَ كَايَنْ دَ عَكَ ڨُوثٜىٰ عَيَاڧِ مَاسُيَوَ سُواْسَيْ؞ عَمَّا أَبْنٜىٰرْ كُوَ بَايَ تَرٜىٰ دَ دَاوُدَ أَ هٜىٰبْرُوانْ، غَمَا دَاوُدَ يَا رِغَا يَا سَلَّمِ أَبْنٜىٰرْ يَتَڢِے لَاڢِيَ؞

²³ سَعَدَّ يُواْوَبْ تَرٜىٰدَ دُكَنْ سُواْجُواْجِنْ دَسُكٜىٰ تَرٜىٰ دَشِ سُكَ إِسُواْ، سَيْ يَجِ ثٜىٰوَ أَبْنٜىٰرْ طَنْ نٜىٰرْ يَذُواْ وُرِنْ سَرْكِے دَاوُدَ، كُمَ سَرْكِے يَسَلَّمٜىٰشِ يَتَڢِے لَاڢِيَ؞

²⁴ سَيْ يُواْوَبْ يَجٜىٰ يَسَامِ سَرْكِے دَاوُدَ يَثٜىٰ مَسَ ‏«‏مٜىٰ كٜىٰنَنْ كَيِ؟ حَرْ أَبْنٜىٰرْ يَذُواْ وُرِنْكَ!‏ دُوانْمٜىٰ كَبَرْشِ يَتَڢِے؟ غَاشِ يَكُٻُثٜىٰ!‏

²⁵ كَسَنِ أَبْنٜىٰرْ طَنْ نٜىٰرْ يَذُواْ نٜىٰ دُواْمِنْ يَرُوطٜىٰكَ، يَسَنْ تَڢِيٜىٰ تَڢِيٜىٰنْكَ، يَكُمَجِ كُواْمٜىٰ غَمٜىٰدَكَيْ؞»‏

²⁶ دَ يُواْوَبْ يَتَاشِ دَغَ غَبَنْ دَاوُدَ، سَيْ يَعَيْكَ مُتَنٜىٰ سُتَڢِے سُدَاوُاْ دَ أَبْنٜىٰرْ؞ عَكَ سَامٜىٰشِ أَ رِجِيَرْ سِرَ، عَكَ كُمَ دَاوُاْ دَشِ دَغَ وُرِنْ؞ عَمَّا دَاوُدَ بَيْ سَنْ كُواْمٜىٰ عَكَيْبَ؞

²⁷ دَ أَبْنٜىٰرْ يَكُواْمُواْ هٜىٰبْرُوانْ، يُواْوَبْ يَطَوْكٜىٰشِ سُكَ شِغَ ثِكِنْ طَيَنْ یَنْ طَكُنَ نَڧُواْڢَرْ غَرِ، يَيِ كَمَرْ يَنَ سُواْ يَيِ مَغَنَ دَ أَبْنٜىٰرْ شِ كَطَيْ؞ عَمَّا أَنَنْ نٜىٰ يَسُواْكِ أَبْنٜىٰرْ عَثِكِ؞ يُواْوَبْ يَكَشٜىٰ أَبْنٜىٰرْ دُواْمِنْ يَرَامَ مُتُوَرْ طَنْعُوَنْسَ أَسَهٜىٰلْ؞

²⁸ دَ دَاوُدَ يَسَامِ لَابَرِنْ، سَيْيَثٜىٰ ‏«‏يَهْوٜىٰهْ يَا سَنِ ثٜىٰوَ دَنِے دَ مُتَنٜىٰنْ مُلْكِنَ حَرْ أَبَدَا بَامُ دَ أَلْحَكِنْ جِنِنْ أَبْنٜىٰرْ طَنْ نٜىٰرْ؞

²⁹ بَرِ أَلْحَكِنْ جِنِنْ أَبْنٜىٰرْ يَذَوْنَ عَكَنْ يُواْوَبْ دَ دُكَنْ غِدَنْ بَابَنْسَ!‏ كَدَ كُواْوَثٜىٰ ڟَارَا أَ ذُرِيَرْسَ تَرَسَ مَيْ طِغَ، كُواْ مَيْ ثُوتَرْ ڢَتَرْ جِكِے، كُواْ مَيْ جِنْ‌غِنَ غَ سَنْدَا، كُواْ مَيْ رَوْنِ عَيَاڧِ، كُواْ مَيْ رَشِنْ عَبِنْثِ!‏»‏

³⁰ تَهَكَ يُواْوَبْ دَ طَنْعُوَنْسَ أَبِشَيْ سُكَ كَشٜىٰ أَبْنٜىٰرْ سَبُواْدَ يَكَشٜىٰ أَسَهٜىٰلْ عَيَاڧِنْ دَ عَكَيِ أَ غِبٜىٰيُوانْ؞

دَاوُدَ يَا يِكُوكَنْ مُتُوَرْ أَبْنٜىٰرْ

³¹ دَاوُدَ يَعُمَرْثِ يُواْوَبْ دَ مُتَنٜىٰنْ دَسُكٜىٰ تَرٜىٰ دَشِ كُواْوَ يَيَيَّاغٜىٰ رِيغُنَنْسَ، يَسَا رِيغُنَنْ بَڧِنْ ثِكِ يَنُونَ دَامُوَرْسَ غَمٜىٰدَ مُتُوَرْ أَبْنٜىٰرْ؞ دَ عَكَ طَوْكِ غَاوَرْ ذَاعَ كَيْ أَبِنّٜىٰ، سَرْكِے دَاوُدَ يَبِے مَاسُ رِڧٜىٰ غَاوَرْ عَبَايَ؞

³² عَكَ بِنّٜىٰ أَبْنٜىٰرْ أَ هٜىٰبْرُوانْ، دَاوُدَ كُوَ يَطَغَ مُرْيَ يَيِ كُوكَا سُواْسَيْ عَبَاكِنْ كَبَرِنْ، حَكَمَا سَوْرَنْ مُتَنٜىٰنْ دَسُكٜىٰ أَوُرِنْ؞

³³ دَاوُدَ يَيِ وَ أَبْنٜىٰرْ وَنَّنْ وَاڧَرْ مَكُواْكِ يَثٜىٰ:‏ ‏«‏مٜىٰيَسَا أَبْنٜىٰرْ يَيِ مُتُوَرْ بَنْظَ؟

³⁴ بَعَطَوْرٜىٰ حَنُّوَنْكَبَ، بَعَطَوْرٜىٰ ڧَڢَاڢُنْكَ دَ سَرْڧَبَ؞ كَمَرْ وَنْدَ مُوغَيٜىٰ سُكَ كَشٜىٰ، حَكَ عَكَ كَشٜىٰكَ؞»‏ سَيْ كُواْوَ يَسَاكٜىٰ ڢَشٜىٰ دَ كُوكَا؞

³⁵ مُتَنٜىٰ سُكَذُواْ وُرِنْ دَاوُدَ تُنْدَ رَانَ سُنَ لَلَّشٜىٰشِ يَثِ عَبِنْثِ عَمَّا يَڧِ؞ دَاوُدَ يَرَنْڟٜىٰ ثٜىٰوَ ‏«‏بَرِ اللَّهْ يَطَوْكِ رَيْنَ عِدَنْ نَثِ وَنِ أَبُ كَاڢِنْ ڢَاطُوَرْ رَانَ!‏»‏

³⁶ مُتَنٜىٰ سُكَ لُورَ دَ أَبِنْدَ يَڢَرُ سُكَجِ دَاطِے، كَمَرْ يَدَّ سُكَجِ دَاطِنْ دُكْ أَبِنْدَ سَرْكِے دَاوُدَ يَيِ؞

³⁷ أَ رَانَرْ نَنْ دُكَنْ مُتَنٜىٰنْ يَهُودَ دَ نَ إِسْرَٰٓءِيلَ سُكَ غَانٜىٰ لَلَّيْ بَابُ حَنُّنْ دَاوُدَ أَ مُتُوَرْ أَبْنٜىٰرْ طَنْ نٜىٰرْ؞

³⁸ سَيْ دَاوُدَ يَثٜىٰ وَمُتَنٜىٰنْسَ ‏«‏بَكُ غَانٜىٰبَ ثٜىٰوَ يَوْ شُوغَبَا كُمَ بَبَّنْ مُتُمْ يَمُتُ عَثِكِنْ إِسْرَٰٓءِيلَ؟

³⁹ كُواْدَيَكٜىٰ نِنٜىٰ سَرْكِنْ دَ اللَّهْ يَكٜىٰٻٜىٰ، دُكْدَهَكَ إِيكُواْنَ يَكَاسَ يَوْ؞ ذَاڢِنْ كَنْ یَیَنَّنْ نَ ظٜىٰرُوِيَ يَشَا مِنِ كَيْ؞ بَرِ يَهْوٜىٰهْ يَرَامَ وَمَيْ مُغُنْتَا بِسَغَ مُغُنْتَارْدَ يَعَيْكَتَ!‏»‏