2 سَمَٰعِيلَ 24 - أَتَّوْرَتْ دَ أَنَّبَاوَا

دَاوُدَ يَڧِرْغَ سُواْجُواْجِنْسَ

¹ يَهْوٜىٰهْ يَاسَاكٜىٰيِنْ ڢُشِے مَيْ ڟَنَنِ دَ مُتَنٜىٰنْ إِسْرَٰٓءِيلَ، سَيْ يَظُغَ دَاوُدَ عَكَنْسُ يَثٜىٰ ‏«‏تَڢِے كَڧِرْغَ مُتَنٜىٰنْ إِسْرَٰٓءِيلَ دَ نَ يَهُودَ؞»‏

² سَيْ دَاوُدَ يَعُمَرْثِ يُواْوَبْ شُوغَبَنْ سُواْجُواْجِنْسَ يَثٜىٰ ‏«‏تَڢِے دَ سَوْرَنْ مَنْيَنْ سُواْجُواْجِ ذُوَا دُكَنْ ذُرِيَرْ إِسْرَٰٓءِيلَ دَغَ وَنَّنْ إِيَاكَرْ ڧَسَرْ ذُوَا وَنْثَنْ، وَتُواْ دَغَ يَنْكِنْ ذُرِيَرْ طَنْ عَ أَرٜىٰوَ ذُوَا يَنْكِنْ بٜىٰيٜىٰرْشٜىٰبَ عَكُدُ؞ كُلِسَّڢْتَ مُتَنٜىٰنْ؞ إِنَ سُواْ إِنْسَنْ يَوَنْسُ؞»‏

³ عَمَّا يُواْوَبْ يَأَمْسَ وَ سَرْكِے يَثٜىٰ ‏«‏رَنْكَيَدَطٜىٰ، بَرِ يَهْوٜىٰهْ اللَّهْ نْكَ يَسَا مُتَنٜىٰنْ إِسْرَٰٓءِيلَ سُڧَارُ حَرْ سَوْ طَرِے ڢِيٜىٰدَ يَدَّ سُكٜىٰ يَنْذُ، حَرْ كَيْ مَا كَغَنِ دَ عِدُوانْكَ!‏ عَمَّا، رَنْكَيَدَطٜىٰ، دُوانْمٜىٰ كَكٜىٰسُواْ كَيِ ڧِرْغَرْ؟»‏

⁴ دُكْدَهَكَ سَرْكِے يَنَاثٜىٰ وَ يُواْوَبْ دَ سَوْرَنْ مَنْيَنْ سُواْجُواْجِ سُيِ بِيَيَّ دَ عُمَرْنِنْسَ؞ سَبُواْدَ حَكَ سُكَ تَڢِے دُواْمِنْ سُلِسَّڢْتَ مُتَنٜىٰنْ إِسْرَٰٓءِيلَ؞

⁵ دَ ڢَرْكُواْ سُكَ ڧٜىٰتَرٜىٰ كُواْغِنْ يُواْدَنْ، سُكَيِ ذَنْ‌غُواْ عَكُدَنْثِنْ غَرِنْ أَرُواْوٜىٰرْ أَڟَكِيَرْ ݣُورِ؞ دَغَ نَنْ سَيْ سُكَبِے تَيَنْكِنْ ڧَسَرْ غَدْ ذُوَا يَظٜىٰرْ؞

⁶ سُكَ كُمَ وُثٜىٰ ذُوَا غِلٜىٰيَدْ دَيَكٜىٰ عَڧَسَرْ تَتِمْ هُوادْشِ؞ سَعَنً سُكَبِے تَيَنْكِنْ دَنْ يَعَنْ دَغَ دَنْ يَعَنْ سُكَيِ يَمَّ سُكَ كٜىٰوَيٜىٰ ذُوَا سِدُوانْ؞

⁷ سُكَيِ كُدُ ذُوَا تَيَ بِرْنِ مَيْ كَتَنْ‌غَ؞ سُكَبِے دُكَنْ غَرُضُوً هِوِيَاوَا دَ نَ كَنْعَنِيَاوَا؞ عَڧَرْشٜىٰ سُكَ تَڢِے بٜىٰيٜىٰرْشٜىٰبَ عَيَنْكِنْ كُدَنْثِنْ يَهُودَ؞

⁸ دَ سُكَ غَمَ رَڟَاوَ دُكَنْ ڧَسَرْ، سَيْ سُكَ كُواْمُواْ عُرُوشَلِيمَ بَايَنْ وَتَا تَرَ دَ ݣُونَ عَشِرِنْ؞

⁹ سَيْ يُواْوَبْ يَڢَطَا وَسَرْكِے يَوَنْ مَذَنْ دَ سُكَ إِسَ شِغَ سُواْجَ؞ نَا ڧَسَرْ إِسْرَٰٓءِيلَ سُنْ كَيْ دُبُو طَرِے تَݣُوسْ، سَعَنً نَيَنْكِنْ يَهُودَ دُبُو طَرِے بِيَرْ؞

¹⁰ عَمَّا بَايَنْدَ دَاوُدَ يَغَمَ ڧِرْغَرْ، سَيْ ذُوثِيَارْسَ تَدَامٜىٰشِ؞ سَيْيَثٜىٰ وَ يَهْوٜىٰهْ ‏«‏نَايِ مَكَ ذُنُوبِ ڨُورَيْ تَدَلِيلِنْ وَنَّنْ ڧِرْغَ!‏ إِنَ ضُواْڧُوانْكَ، يَا يَهْوٜىٰهْ، كَغَاڢَرْتَا مِنِ، غَمَا نَايِ وَوَنْثِ سُواْسَيْ؞»‏

¹¹ كَاڢِنْ دَاوُدَ يَتَاشِ دَ سَڢٜىٰ، يَهْوٜىٰهْ يَا رِغَا يَايِ مَغَنَ دَ أَنَّبِے غَدْ، مَيْ غَنِ نَ دَاوُدَ

¹² ثٜىٰوَ ‏«‏تَڢِے كَيِ مَغَنَ دَ دَاوُدَ، كَثٜىٰ مَسَ يَهْوٜىٰهْ ذَيْبَاكَ حُواْرُواْ إِرِ عُكُ، كَذَاٻِ طَيَ دَغَ ثِكِنْسُ وَنْدَ ذَيْ يِمَكَ؞»‏

¹³ سَيْ غَدْ يَذُواْ وُرِنْ دَاوُدَ يَثٜىٰ مَسَ ‏«‏وَنّٜىٰ يَڢِ مَكَ، شٜىٰكَرَا عُكُ نَيُنْوَ عَڧَسَرْكَ؟ كُواْ وَتَا عُكُ نَغُدُ دَغَ أَبُواْكَنْ غَابَنْكَ؟ كُواْ كُوَ ݣُونَ عُكُ نَبَلَعِ عَثِكِنْ ڧَسَرْكَ؟ تُواْ، سَيْ كَيِ تُنَانِ كَبَانِ أَمْسَرْ دَ ذَنْ كَيْوَ يَهْوٜىٰهْ؞»‏

¹⁴ دَاوُدَ يَأَمْسَ يَثٜىٰ ‏«‏إِنَ ثِكِنْ دَامُوَ ڨُورَيْ!‏ أَيْ، ڠُومَّ يَهْوٜىٰهْ يَحُكُنْتَمُ دُواْمِنْ يَنَدَ تَوْسَيِ؞ عَمَّا كَدَ يَبَرْ مُتُمْ يَحُكُنْتَمُ؞»‏

¹⁵ دُواْمِنْ حَكَ يَهْوٜىٰهْ يَعَيْكَ دَ بَلَعِ عَ إِسْرَٰٓءِيلَ دَغَ سَڢٜىٰنْ حَرْ سَيْ دَ لُواْكَثِنْ يَثِكَ كَمَرْ يَدَّ يَهْوٜىٰهْ يَڢَطَا؞ دَغَ وَنَّنْ غٜىٰڢٜىٰنْ ڧَسَرْ ذُوَا وَنْثَنْ، وَتُواْ دَغَ يَنْكِنْ ذُرِيَرْ دَنْ عَ أَرٜىٰوَ ذُوَا يَنْكِنْ بٜىٰيٜىٰرْشٜىٰبَ عَكُدُ، مُتَنٜىٰ دُبُو سَبَعِنْ نَ إِسْرَٰٓءِيلَ سُكَ مُتُ؞

¹⁶ سَعَدَّ مَلاَىِٕكَنْ يَهْوٜىٰهْ يَنَ مِيڧَ حَنُّنْسَ دُواْمِنْ يَهَلَّكَ عُرُوشَلِيمَ، سَيْ يَهْوٜىٰهْ يَجِ تَوْسَيِنْ مُتَنٜىٰنْ يَجَنْيٜىٰ حُكُنْثِنْسَ؞ يَثٜىٰ وَمَلاَىِٕكَ مَيْ هَلَّكَرْوَ ‏«‏يَ إِسَ!‏ كَجَنْيٜىٰ حَنُّنْكَ!‏»‏ أَ لُواْكَثِنْ كُوَ مَلاَىِٕكَنْ يَهْوٜىٰهْ يَنَ وُرِنْ بُغُنْ حَڟِ نَ أَرَوْنَ مُتُمِنْ يٜىٰبُسْ؞

¹⁷ دَ دَاوُدَ يَغَ مَلاَىِٕكَنْ دَيَكٜىٰ كَشٜىٰ مُتَنٜىٰنْ، سَيْيَثٜىٰ وَ يَهْوٜىٰهْ ‏«‏أَيْ، نِنٜىٰ نَايِ ذُنُوبِنْ؞ نِنٜىٰ نَا يِلَيْڢِنْ؞ أَيْ، وَطَنَّنْ مُتَنٜىٰ كَمَرْ تُمَكِنٜىٰ؞ مٜىٰنٜىٰنٜىٰ سُكَيِ؟ بَرِ حَنُّنْكَ يَحُكُنْتَنِ دَ عِيَلِنَ؞»‏

دَاوُدَ يَغِنَ بَغَدٜىٰنْ هَدَايَ

¹⁸ أَ رَانَرْ نَنْ أَنَّبِے غَدْ يَكُواْمَ وُرِنْ دَاوُدَ يَثٜىٰ مَسَ ‏«‏كَهَوْرُواْ وُرِنْ بُغُنْ حَڟِ نَ أَرَوْنَ مُتُمِنْ يٜىٰبُسْ كَغِنَ بَغَدٜىٰنْ هَدَايَ غَ يَهْوٜىٰهْ أَوُرِنْ؞»‏

¹⁹ دَاوُدَ يَهَوْرُواْ بِسَغَ عُمَرْنِنْ يَهْوٜىٰهْ كَمَرْ يَدَّ أَنَّبِے غَدْ يَڢَطَا مَسَ؞

²⁰ دَ أَرَوْنَ يَدُوبَ سَيْ يَهَنْ‌غِ سَرْكِے دَ دَتَّاوَنْسَ سُنَ ذُوَا وُرِنْسَ، سَيْ يَمَاڟَ كُسَ يَرُسُنَ دَ ڢُسْكَرْسَ حَرْ ڧَسَا أَغَبَنْ سَرْكِے؞

²¹ يَثٜىٰ ‏«‏رَنْكَيَدَطٜىٰ، مٜىٰيَكَٰوُاْ سَرْكِے أَوُرِينَ؟»‏ دَاوُدَ يَأَمْسَ يَثٜىٰ ‏«‏نَا ذُواْ نٜىٰ إِنْ سَيِ وُرِنْ بُغُنْ حَڟِنْكَ إِنْ غِنَا بَغَدٜىٰنْ هَدَايَ؞ أَ نَنْ ذَنْيِ هَدَايَ غَ يَهْوٜىٰهْ دُواْمِنْ يَڟَيَرْ دَ بَلَعِنَّنْ دَغَ كَنْ مُتَنٜىٰ؞»‏

²² سَيْ أَرَوْنَ يَثٜىٰ وَ دَاوُدَ ‏«‏رَنْكَيَدَطٜىٰ، كَطَوْكِ أَبِنْدَ كَغَ دَامَ كَيِ هَدَايَ دَشِ؞ غَا شَانُو نَيِنْ هَدَايَ تَڧُواْنَاوَا؞ غَا كُمَ سَنْدُنَنْ بُغُنْ حَڟِ دَ غُنْ‌غُمٜىٰنْ وُيَنْ شَانُنْ نُواْمَ سُذَمَ مَكَ إِتَاثٜىٰنْ وُتَا؞

²³ يَا سَرْكِے، دُكَنْ وَطَنَّنْ نِے أَرَوْنَ نَبَاكَ؞ بَرِ يَهْوٜىٰهْ اللَّهْ نْكَ يَكَرْٻِ هَدَايَرْكَ؞»‏

²⁴ عَمَّا سَرْكِے يَنَاثٜىٰ يَثٜىٰ ‏«‏أَعَ، ذَنْ بِيَاكَ؞ بَذَنْ مِيڧَا وَ يَهْوٜىٰهْ اللَّهْ نَهَدَايَرْدَ بَتَثِ مِنِ كُواْمٜىٰبَ؞»‏ سَيْ دَاوُدَ يَسَيِ وُرِنْ بُغُنْ حَڟِنْ تَرٜىٰدَ شَانُنْ عَكَنْ أَظُرْڢَا حَمْسِنْ؞

²⁵ سَيْ دَاوُدَ يَغِنَ وَ يَهْوٜىٰهْ بَغَدٜىٰ أَوُرِنْ، يَمِيڧَ هَدَايُنْ ڧُواْنَاوَا دَ نَڠَرَنْ زُمُنْثِ؞ يَهْوٜىٰهْ كُوَ يَجِ أَدُّعَ دُواْمِنْ ڧَسَرْ، عَكَ كُمَ جَنْيٜىٰ بَلَعِنْ دَغَ إِسْرَٰٓءِيلَ؞