2 سَمَٰعِيلَ 23 - أَتَّوْرَتْ دَ أَنَّبَاوَا

مَغَنَرْ دَاوُدَ تَڧَرْشٜىٰ

¹ وَنَّنْ عِتَثٜىٰ مَغَنَرْ دَاوُدَ تَڧَرْشٜىٰ؞ كَلْمُواْمِنْ دَاوُدَ طَنْ يٜىٰسّٜىٰ، كَلْمُواْمِنْ مُتُمِنْ دَ اللَّهْ يَطَوْكَكَ، مُتُمِنْ دَ اللَّهْ نَ يَعْڧُوبَ يَكٜىٰٻٜىٰ سَرْكِے، مُتُمِنْ إِسْرَٰٓءِيلَ مَيْ رٜىٰرَ وَاڧُواْڧِ مَاسُ دَاطِے؞

² ‏«‏رُوحٌ يَهْوٜىٰهْ يَيِ مَغَنَ تَوُرِينَ، مَغَنَرْسَ تَنَ أَ هَرْشٜىٰنَ؞

³ اللَّهْ نَ إِسْرَٰٓءِيلَ يَيِ مَغَنَ، دُوڟٜىٰنْ ٻُيَنْ إِسْرَٰٓءِيلَ يَثٜىٰ مِنِ، ‏‹‏وَنْدَ يَكٜىٰ مُلْكِ دَ أَدَلْثِے، وَنْدَ يَكٜىٰ مُلْكِ دَ ڟُواْرُوانْ اللَّهْ،

⁴ يَنَ كَمَ دَ حَصْكٜىٰنْ سَاڢِيَ، كَمَ دَ حَصْكٜىٰنْ رَانَرْ دَ تَٻُلُّواْ بَابُ غِرْغِجٜىٰ، حَصْكٜىٰ مَيْ وَلْڧِيَ عَثِيَوَ بَايَنْ ضُوً سَمَ؞›‏

⁵ ‏«‏حَڧِيڧَ، بَ حَكَنٜىٰ غِدَانَ يَكٜىٰ أَوُرِنْ اللَّهْ بَ؟ غَمَا يَيِ يَرْجٜىٰجٜىٰنِيَ تَهَرْ أَبَدَا دَنِے، يَرْجٜىٰجٜىٰنِيَرْدَ يَشِرْيَ يَكُمَ تَبَّتَا؞ لَلَّيْ ذَيْسَا إِنْ يَلْوَتَ دَ دُكَنْ أَبِنْدَ نَكٜىٰ بُڧَاتَ؞

⁶ عَمَّا مَرَسَ ڟُواْرُوانْ اللَّهْ سُنَ كَمَ دَ ڧَيُواْيِنْ دَ عَكَنْ ظُبَرْ، بَعَݣُوشِ ڧَيُواْيِنْ دَ حَنُّ كَوَيْبَ،

⁷ عَمَّا سَيْ دَ ڧَرْڢٜىٰ كُواْ سَنْدَنْ مَاشِ، ذَاعَ ڧُواْنٜىٰسُ ڧُرْمُسْ؞»‏

سُواْجُواْجِ مَڢِيَ عِيَ يَاڧِ نَ دَاوُدَ

⁸ غَا سُونَيٜىٰنْ سُواْجُواْجِ مَڢِيَ عِيَ يَاڧِ سُواْسَيْ نَ دَاوُدَ؞ نَڢَرْكُواْ شِينٜىٰ يُواْشٜىٰبْ بَشّٜىٰبٜىٰتْ مُتُمِنْ تَكٜىٰمُوانْ، أَنْكُمَ سَنْشِ دَ سُونَ أَدِنُواْ عٜىٰظِنِ؞ شِينٜىٰ شُوغَبَنْ سُواْجُواْجِ عُكُنَّنْ؞ يَتَٻَ طَوْكَرْ مَاشِنْسَ يَكَشٜىٰ مُتَنٜىٰ طَرِے تَݣُوسْ أَ لُواْكَثِ غُدَا؞

⁹ نَبِيٜىٰ دَشِ ثِكِنْ سُواْجُواْجِ عُكُنَّنْ شِينٜىٰ عٜىٰلٜىٰيَظَرْ طَنْ دُواْدَيْ نَدَنْ‌غِنْ أَهُواْهِ؞ عٜىٰلٜىٰيَظَرْ يَنَ تَرٜىٰدَ دَاوُدَ لُواْكَثِنْ دَ سُكَ رٜىٰنَ ڢِلِسْتِيَاوَنْ دَ سُكَ تَارُ دُواْمِنْ يَاڧِ؞ أَسَعَدَّ إِسْرَٰٓءِيلَاوَا سُكَ غُدُ،

¹⁰ شِيكُوَ يَڟَيَ يَيِ تَيَاڧِ دَ ڢِلِسْتِيَاوَا حَرْ حَنُّنْسَ يَغَجِ يَكُمَ مَنّٜىٰوَ تَكُواْبِنْ؞ يَهْوٜىٰهْ كُوَ يَبَادَ بَبَّرْ نَصَرَا أَ رَانَرْ نَنْ؞ سُواْجُواْجِنْ دَ سُكَ غُدُ سُنْ كُواْمَ وُرِنْ يَاڧِنْ دُواْمِنْ كَوَيْ سُݣُوشِ كَايَنْ وَطَنْدَ عَكَ كَشٜىٰ؞

¹¹ نَعُكُنْ عَثِكِنْسُ شِينٜىٰ شَمَّ طَنْ أَغِ مُتُمِنْ هَرَرْ؞ وَتَرَانَرْ دَ ڢِلِسْتِيَاوَا سُكَ تَارُ دُواْمِنْ يَاڧِ أَوَتَ غُواْنَرْ وَكٜىٰنْ بَرٜىٰوَ، سَيْ سُواْجُواْجِنْ إِسْرَٰٓءِيلَ سُكَ غُدُ؞

¹² عَمَّا شَمَّ يَڟَيَ أَڟَكِيَرْ غُواْنَرْ يَكَارٜىٰتَ، يَكَكَّشٜىٰ ڢِلِسْتِيَاوَنْ؞ يَهْوٜىٰهْ كُوَ يَبَادَ بَبَّرْ نَصَرَا؞

¹³ وَتَرَانَ أَ لُواْكَثِنْ غِرْبِے، عُكُ دَغَ ثِكِنْ مَنْيَنْ سُواْجُواْجِ تَلَاتِنْ نَ دَاوُدَ سُكَذُواْ وُرِنْسَ أَ كُواْغُوانْ أَدُلَّمْ؞ ڧُنْ‌غِيَرْ سُواْجُواْجِنْ ڢِلِسْتِيَاوَا كُوَ سُكَ كَڢَ سَنْسَنِنْ يَاڧِنْسُ أَ ݣُورِنْ رٜىٰڢَيَاوَا؞

¹⁴ أَوَنَّنْ لُواْكَثِ، دَاوُدَ يَنَ ثِكِنْ وُرِنْ ٻُيَ؞ وَتَ ڧُنْ‌غِيَرْ سُواْجُواْجِنْ ڢِلِسْتِيَاوَا كُوَ تَنَ أَ بَيْتَلَحْمِ؞

¹⁵ دَاوُدَ يَجِ ڧِشِنْ ضُوَ يَثٜىٰ ‏«‏كَيْ!‏ إِنَ مَرْمَرِنْ ضُوَ دَغَ رِجِيَرْ دَتَكٜىٰ بَاكِنْ ڧُواْڢَرْ غَرِنْ بَيْتَلَحْمِ!‏»‏

¹⁶ سَيْ سُواْجُواْجِ مَاسُ عِيَ يَاڧِنَّنْ غُدَا عُكُ سُكَ رَڟَا تَثِكِنْ ڧُنْ‌غِيَرْ سُواْجُواْجِنْ ڢِلِسْتِيَاوَا؞ سُكَ طِبَ ضُوَ أَ رِجِيَرْ دَتَكٜىٰ بَاكِنْ ڧُواْڢَرْ غَرِنْ؞ سُكَ كَٰوُاْ وَ دَاوُدَ، عَمَّا يَڧِ شَا؞ يَجُويٜىٰشِ عَڧَسَا كَمَرْ هَدَايَ غَ يَهْوٜىٰهْ؞

¹⁷ يَثٜىٰ ‏«‏يَهْوٜىٰهْ يَسَوَّڧٜىٰ مِنِ إِنْ شَا دَغَ وَنَّنْ ضُوَ!‏ أَيْ، ذَيْ ذَمَ مِنِ كَمَرْ جِنِنْ وَطَنْدَ سُكَ سَدَوْكَرْ دَ رَايُكَنْسُ تَوُرِنْ طِبَنْ ضُوً؞»‏ سَبُواْدَ حَكَ دَاوُدَ يَڧِشَا؞ وَطَنَّنْ نٜىٰ أَبُبُوَنْ دَ سُواْجُواْجِ مَڢِيَ عِيَ يَاڧِنَّنْ عُكُ سُكَيِ؞

¹⁸ أَبِشَيْ كُوَ، طَنْعُوَنْ يُواْوَبْ طَنْ ظٜىٰرُوِيَ نٜىٰ شُوغَبَنْ وَتَ ڧُنْ‌غِيَرْ سُواْجُواْجِ عُكُ مَڢِيَ عِيَ يَاڧِ أَبِشَيْ يَطَوْكِ مَاشِنْسَ يَكَكَّشٜىٰ سُواْجُواْجِ طَرِے عُكُ؞ سَيْ يَيِ سُونَ عَثِكِنْ وَنَّنْ ڧُنْ‌غِيَرْ سُواْجُواْجِ،

¹⁹ حَرْ مَا أَنْ‌غِرْمَمَشِ ڢِيٜىٰ دَسُو؞ يَذَمَ شُوغَبَنْ ڧُنْ‌غِيَرْ نَنْ، كُواْدَيَكٜىٰ بَيْ كَيْ سُواْجُواْجِ عُكُنْ نَڢَرْكُواْ سُنَبَ؞

²⁰ بٜىٰنَيَ طَنْ يٜىٰهُواْيِدَ، مُتُمْ نٜىٰ مَيْ عِيَ يَاڧِ دَغَ كَبْظٜىٰيٜىٰلْ، يَيِ أَبُبُوَ مَاسُ غِرْمَ؞ يَكَكَّشٜىٰ مُتَنٜىٰنْ مُواْوَبْ بِيُ مَاسُ يَاڧِ كَمَرْ ذَاكِ؞ وَتَرَانَ أَ لُواْكَثِنْ سَنْيِنْ ڧَنْڧَرَ، سَيْ يَسَوْكَ ثِكِنْ وَنِ رَامِ يَكَشٜىٰ ذَاكِ؞

²¹ بٜىٰنَيَ يَكَشٜىٰ وَنِ ڧَتُوانْ مُتُمِنْ مَصَرْ، يَنَ رِڧٜىٰ دَ مَاشِ أَ حَنُّنْسَ؞ كُواْدَيَكٜىٰ بٜىٰنَيَ يَنَ رِڧٜىٰ دَ سَنْدَا نٜىٰ، يَڨُوثٜىٰ مَاشِنْ دَغَ حَنُّنْ مُتُمِنْ مَصَرْ نَنْ يَكَشٜىٰشِ دَشِ؞

²² وَطَنَّنْ سُونٜىٰ إِرِنْ أَبُبُوَنْ دَ بٜىٰنَيَ طَنْ يٜىٰهُواْيِدَ يَعَيْكَتَ حَرْ يَيِ سُونَ كَمَرْ ڧُنْ‌غِيَرْ سُواْجُواْجِ عُكُنَّنْ؞

²³ يَكَرْٻِ يَبُواْ ڢِيٜىٰدَ تَلَتِنَّنْ، عَمَّا بَيْ كَيْ سُواْجُواْجِ عُكُنَّنْ نَڢَرْكُواْ سُنَبَ؞ دَاوُدَ يَسَا شِ يَذَمَ شُوغَبَنْ مَاسُ غَادِنْسَ؞

سُواْجُواْجِ مَڢِيَّ عِيَ يَاڧِ غُدَا تَلَاتِنْ نَ دَاوُدَ

²⁴ وَطَنَّنْ مُتَنٜىٰ سُنَ ثِكِنْ سُواْجُواْجِنَّنْ تَلَاتِنْ مَڢِيَ عِيَ يَاڧِ نَ دَاوُدَ، أَسَهٜىٰلْ طَنْعُوَنْ يُواْوَبْ، عٜىٰلْهَنَنْ طَنْ دُواْدُواْ مُتُمِنْ بَيْتَلَحْمِ؞

²⁵ شَمَّ دَ عٜىٰلِكَ مُتَنٜىٰنْ هَرُوادْ،

²⁶ هٜىٰلٜىٰظْ مُتُمِنْ ڢَلْتِ، إِرَ طَنْ إِكّٜىٰشْ مُتُمِنْ تٜىٰكُواْوَ،

²⁷ أَبِيٜىٰظٜىٰرْ مُتُمِنْ أَنَتُواتْ، مٜىٰبُنَّيْ مُتُمِنْ هُشَ،

²⁸ ظَلْمُوانْ مُتُمِنْ أَهُواْهِ، مَهَرَيْ مُتُمِنْ نٜىٰتُواْڢَ؞

²⁹ هٜىٰلٜىٰبْ طَنْ بَعَنَ مُتُمِنْ نٜىٰتُواْڢَ، إِتَّيْ طَنْ رِبَيْ مُتُمِنْ غِبٜىٰيَ نَيَنْكِنْ ذُرِيَرْ بِلِيَامِنُ،

³⁰ بٜىٰنَيَ مُتُمِنْ ڢِرَتُوانْ هِدَّيْ مُتُمِنْ یَنْ ݣُورِنْ دَسُكٜىٰ كُسَدَ غَعَشْ،

³¹ أَبِيَلْبُوانْ مُتُمِنْ أَرْبَ، أَظْمَوٜىٰتْ مُتُمِنْ بَهُرِمْ،

³² عٜىٰلِيَبَ مُتُمِنْ شَعَلْبُوانْ، یَیَنْ يَشٜىٰنْ،

³³ يُواْنَتَنْ طَنْ شَمَّ مُتُمِنْ هَرَرْ، أَهِيَمْ طَنْ شَرَرْ مُتُمِنْ هَرَرْ،

³⁴ عٜىٰلِڢٜىٰلٜىٰتْ طَنْ أَهَسْبَيْ مُتُمِنْ مَعَكَ، عٜىٰلِيَمْ طَنْ أَهِتُواْڢٜىٰلْ مُتُمِنْ غِلُواْ،

³⁵ هٜىٰظْرُواْ مُتُمِنْ كَرْمٜىٰلْ، ڢَعَرَيْ مُتُمِنْ أَرْبَ،

³⁶ إِغَلْ طَنْ نَتَنْ مُتُمِنْ ذُوابَ، بَنِ مُتُمِنْ غَتْ،

³⁷ ظٜىٰلٜىٰكْ مُتُمِنْ أَمُّوانْ، نَهَرَيْ مُتُمِنْ بٜىٰيٜىٰرُواتْ، مَيْ رِڧٜىٰوَ يُواْوَبْ طَنْ ظٜىٰرُوِيَ كَايَنْ يَاڧِ،

³⁸ إِرَ دَ غَرٜىٰبْ مُتَنٜىٰنْ إِتِرِ،

³⁹ عُرِيَ مُتُمِنْ هِتِّ؞ وَطَنَّنْ سُونٜىٰ سُواْجُواْجِ غُدَا تَلَاتِنْ دَ بَݣَويْ مَڢِيَ عِيَ يَاڧِ سُواْسَيْ؞