2 سَمَٰعِيلَ 14 - أَتَّوْرَتْ دَ أَنَّبَاوَا

أَبْسَلُوامْ يَكُواْمَ عُرُوشَلِيمَ

¹ أَنَانً سَيْ يُواْوَبْ طَنْ مَثٜىٰنَّنْ ظٜىٰرُوِيَ يَغَانٜىٰ ثٜىٰوَ ذُوثِيَارْ سَرْكِے دَاوُدَ تَكُواْمَ عَكَنْ أَبْسَلُوامْ؞

² سَيْ يُواْوَبْ يَعَيْكَ وَنِ ذُوَا غَرِنْ تٜىٰكُواْوَ، عَكَٰوُاْ مَسَ وَتَ مَثٜىٰ مَيْ حِكِمَ؞ دَتَذُواْ سَيْ يُواْوَبْ يَثٜىٰ مَتَ ‏«‏كِيِ كَمَرْ كِنَ بَڧِنْ ثِكِ؞ كِسَا رِيغُنَنْ نُونَ بَڧِنْ ثِكِ، كَدَ كُمَ كِشَاڢَ مَيْ؞ كِيِ كَمَرْ مَثٜىٰنْ دَ تَيِ ݣُونَكِے تَنَ بَڧِنْ ثِكِنْ مُتُوَرْ وَنِ؞

³ سَعَنً كِتَڢِے غَبَنْ سَرْكِے كِيِ مَسَ مَغَنَ كَمَرْ حَكَ؞»‏ سَيْ يُواْوَبْ يَڢَطَا مَتَ أَبِنْدَ ذَاتَثٜىٰ وَسَرْكِے؞

⁴ سَعَدَّ مَثٜىٰنَّنْ دَغَ تٜىٰكُواْوَ تَذُواْ وُرِنْ سَرْكِے، سَيْ تَرُسُنَ دَ ڢُسْكَرْتَ حَرْ ڧَسَا تَثٜىٰ ‏«‏رَنْكَيَدَطٜىٰ، سَرْكِے، تَيْمَكٜىٰنِ!‏»‏

⁵ سَرْكِے يَتَمْبَيٜىٰتَ يَثٜىٰ ‏«‏مٜىٰنٜىٰنٜىٰ دَامُوَرْكِ؟»‏ تَا أَمْسَ مَسَ تَثٜىٰ ‏«‏نِے مَثٜىٰ ثٜىٰ دَ مِجِنْتَ يَمُتُ؞

⁶ نِے بَيْوَرْكَ إِنَدَ یَیَ مَظَا بِيُ وَطَنْدَ ڢَطَ يَهَطَسُ أَغُواْنَ؞ تُنْدَ بَابُ مُتَنٜىٰ أَوُرِنْ دَ ذَاسُ رَبَسُ، سَيْ طَيَ يَبُغِ طَنْعُوَنْسَ يَكَشٜىٰ؞

⁷ تُواْ، عَيَنْظُ حَكَ، دُكَنْ دَنْ‌غِ سُنْتَاسُواْ مِنِ دَ ذَاڢِ ثٜىٰوَ إِنْمِيڧَ مُسُ وَنْدَ يَكَشٜىٰ طَنْعُوَنْسَ، دُواْمِنْ سُكَشٜىٰشِ سَبُواْدَ رَنْ طَنْعُوَنْسَ وَنْدَ يَكَشٜىٰ، كُواْ دَمَا ذَاسُكَشٜىٰ وَنْدَ ذَيْثِ غَادُوانْ نٜىٰ؞ طَانَ كَمَرْ طَنْ ضَغُواْوَرْ هَرْشٜىٰنْ وُتَاتَ نٜىٰ، عِدَنْ سُنْ كَشٜىٰشِ ذَاعَ بَرْ نِے بَابُ كُواْمٜىٰ؞ سَعَنً سُونَنْ مِجِنَ دَ نَظُرِيَرْسَ ذَيْ ٻَثٜىٰ دَغَ دُونِيَا؞»‏

⁸ سَيْ سَرْكِے يَثٜىٰ مَتَ ‏«‏كِكُواْمَ غِدَنْكِ، ذَنْبَادَ عُمَرْنِ غَمٜىٰدَ ذَنْثٜىٰنْكِ؞»‏

⁹ سَيْ مَثٜىٰنَّنْ دَغَ تٜىٰكُواْوَ تَڧَارَ دَ ثٜىٰوَ ‏«‏رَنْكَيَدَطٜىٰ، سَرْكِے!‏ بَرِ أَلْحَكِنْ شَرِيعَرْكَ يَكَسَنْثٜىٰ عَكَيْنَ دَ غِدَنْ بَابَنَ؞ كَيْ سَرْكِے دَ غِدَنْ مُلْكِنْكَ، بَاكُ دَ لَيْڢِے عَثِكِ؞»‏

¹⁰ سَرْكِے يَكُمَثٜىٰ مَتَ ‏«‏أَعَ، بَهَكَ بَنٜىٰ؞ عِدَنْ وَنِ يَسَاكٜىٰيِ مِكِ مَغَنَ، كِكَٰوُاْ مِنِشِ، بَذَيْسَاكٜىٰ دَامُنْكِبَ؞»‏

¹¹ تَاسَاكٜىٰ ثٜىٰ مَسَ ‏«‏رَنْكَيَدَطٜىٰ، إِنَ ضُواْڧُوانْكَ كَتُنَ دَ يَهْوٜىٰهْ اللَّهْ نْكَ؞ كَدَ كَبَرْ مَيْبِنْ حَكِّنْ جِنِنْ طَانَ يَڧَارَ كَٰوُاْ هَلَّكَ، دُواْمِنْ كَدَ طَانَ وَنْدَ يَرَغُ يَمُتُ؞»‏ سَرْكِے دَاوُدَ يَثٜىٰ ‏«‏نَا ضَنْڟٜىٰ دَ سُونَنْ يَهْوٜىٰهْ مَيْ رَيْ ثٜىٰوَ كُواْ غَاشِنْ كَنْسَ غُدَا طَيَ بَذَيْ ڢَاطِ ڧَسَابَ؞»‏

¹² مَثٜىٰنْ تَسَاكٜىٰثٜىٰوَ ‏«‏إِنَ ضُواْڧُوانْكَ، رَنْكَيَدَطٜىٰ، بَرِ إِنْ ڢَطَا وَنِ أَبُ كَطَنْ كُمَ؞»‏ سَرْكِے يَأَمْسَ يَثٜىٰ ‏«‏كِڢَطَا؞»‏

¹³ مَثٜىٰنْ تَثٜىٰ ‏«‏مٜىٰيَسَا كَيِ وَمُتَنٜىٰنْ اللَّهْ وَنِ أَبُ كَمَرْ يَدَّ عَكَيِ مِنِ؟ غَمَا بِسَغَ شَرِيعَرْكَ، أَشٜىٰ، بَكَ حُكُنْتَ كَنْكَ كٜىٰنَنْ بَ؟ سَبُواْدَ كَڧِ كَكُواْمَرْدَ طَنْكَ وَنْدَ عَكَ كُواْرَ؞

¹⁴ دُكَنْمُ مُتُوَ ذَامُيِ؞ غَمَا مُنَ كَمَرْ ضُوً دَ عَكَ ظُبَ عَڧَسَا، وَنْدَ بَايَدَّ ذَاعَ ݣُوشٜىٰ؞ عَمَّا اللَّهْ بَايَ طَوْكَرْ رَيْ حَكَ كُرُمْ؞ أَ مَيْمَكُوانْ حَكَ يَكَنْ شِرْيَ حَنْيَ دُواْمِنْ دُكْ وَطَنْدَ عَكَ كُواْرٜىٰسُ دَغَ غَبَنْسَ سُدَاوُاْ؞

¹⁵ رَنْكَيَدَطٜىٰ، سَرْكِے، يَنْذُ نَذُواْ إِنْڢَطَا مَكَ وَنَّنْ دُواْمِنْ مُتَنٜىٰ سُنْسَا نَجِڟُواْرُواْ؞ نِے بَيْوَرْكَ نَيِ تُنَانِ ثٜىٰوَ ‏‹‏ذَنْيِ وَسَرْكِے مَغَنَ، وَتَڧِيلَ ذَيْجِے نِے يَعَيْكَتَ أَبِنْدَ نَضُواْڧَا؞

¹⁶ وَتَڧِيلَ سَرْكِے ذَيْجِے يَكُمَ ثٜىٰثٜىٰنِ دَغَ حَنُّنْ مُتُمِنْ دَ يَكٜىٰسُواْ يَهَلَّكَ طَانَ يَرَبَمُ دَ غَادُوانْ دَ اللَّهْ يَبَامُ، وَتُواْ سُونَنْمُ عَثِكِنْ جَمَعَرْ اللَّهْ؞›‏

¹⁷ رَنْكَيَدَطٜىٰ!‏ نَثٜىٰ أَ رَيْنَ، ‏‹‏مَغَنَرْ سَرْكِينَ ذَاتَ ݣُونْتَرْدَ ذُوثِيَاتَ، دُواْمِنْ شِے كَمَرْ مَلاَىِٕكَ نٜىٰ نَ اللَّهْ، كُمَ يَنَ عِيَ بَمْبَنْتَ ڟَكَانِنْ أَلْحٜىٰرِ دَ مُغُنْتَا؞›‏ يَهْوٜىٰهْ اللَّهْ نْكَ يَكَسَنْثٜىٰ تَرٜىٰدَكَيْ!‏»‏

¹⁸ سَرْكِے يَأَمْسَ مَتَ يَثٜىٰ ‏«‏كَدَ كِٻُواْيٜىٰ مِنِ كُواْ أَبُ طَيَ دَغَ أَبِنْدَ ذَنْ تَمْبَيٜىٰكِ؞»‏ تَا أَمْسَ تَثٜىٰ ‏«‏رَنْكَيَدَطٜىٰ، كَيِ تَمْبَيَرْكَ؞»‏

¹⁹ سَيْ سَرْكِے يَتَمْبَيٜىٰتَ يَثٜىٰ ‏«‏أَݣَويْ حَنُّنْ يُواْوَبْ عَثِكِنْ وَنَّنْ ذَنْثٜىٰ نَاكِ كُواْ؟»‏ سَيْ مَثٜىٰنْ تَأَمْسَ تَثٜىٰ ‏«‏عِ، رَنْكَيَدَطٜىٰ، سَرْكِے، نَا ضَنْڟٜىٰ دَكَيْ، أَيْ، بَابُوَنْدَ ذَيْ عِيَ ثٜىٰوَ ‏‹‏أَعَ›‏ غَا تَمْبَيَرْنَنْ دَكَيِ؞ يُواْوَبْ نٜىٰ يَعُمَرْثٜىٰنِ إِنْيِ حَكَ؞ شِينٜىٰ كُمَ يَڢَطَا مِنِ دُكَنْ أَبِنْدَ ذَنْثٜىٰ؞

²⁰ مَيْ حِدِمَرْكَ يُواْوَبْ يَيِ حَكَ دُواْمِنْ كَسَاكٜىٰ دُوبَنْ أَلْعَمَرِنَّنْ أَوَتَ ڢُسْكَ؞ رَنْكَيَدَطٜىٰ، كَنَدَ حِكِمَ كَمَرْ تَمَلاَىِٕكَنْ اللَّهْ، كَنَ كُمَ سَنٜىٰ دَ دُكَنْ أَبُبُوَنْ دَسُكٜىٰ ڢَرُوَ عَدُونِيَا؞»‏

²¹ سَعَنً سَرْكِے يَعَيْكَ عَكَ كِرَا يُواْوَبْ سَيْيَثٜىٰمَسَ ‏«‏تُواْ، شِ كٜىٰنَنْ؞ ذَنْيِ أَبِنْدَ كَثٜىٰ؞ كَتَڢِے كَدَاوُاْ دَ سَوْرَيِنَّنْ أَبْسَلُوامْ؞»‏

²² يُواْوَبْ يَرُسُنَ دَ ڢُسْكَرْسَ حَرْ ڧَسَا، سَعَنً يَثٜىٰ ‏«‏اللَّهْ يَيِ وَسَرْكِے أَلْبَرْكَ!‏ يَوْ نِے بَاوَنْكَ نَاسَنِ ثٜىٰوَ نَاسَامِ ڢَضٍ جِنِ أَغَبَنْكَ دَيَكٜىٰ كَيْ سَرْكِے كَا أَمْسَ ضُواْڧُواْنَ؞»‏

²³ سَيْ يُواْوَبْ يَتَڢِے غٜىٰشُرْ يَكَٰوُاْ أَبْسَلُوامْ عُرُوشَلِيمَ؞

²⁴ عَمَّا سَرْكِے يَثٜىٰ ‏«‏أَ سَاشِ يَتَڢِے غِدَنْسَ، كَدَ يَذُواْ غَبَنَ؞»‏ سَبُواْدَ حَكَ أَبْسَلُوامْ يَوُثٜىٰ غِدَنْسَ بَاتَرٜىٰدَ يَغَ سَرْكِے بَ؞

أَنْ شِرْيَ أَبْسَلُوامْ دَ دَاوُدَ

²⁵ عَثِكِنْ إِسْرَٰٓءِيلَ دُكَ كُوَ بَاوَنْدَ عَكٜىٰ يَبُوانْ ݣَنْسَ سُواْسَيْ كَمَرْ أَبْسَلُوامْ؞ تُنْدَغَ تَڢِنْ ڧَڢَاڢُنْسَ حَرْ ذُوَا كَنْسَ بَاشِدَ أَبِنْ زَرْغِ؞

²⁶ عَڧَرْشٜىٰنْ كُواْوَثٜىٰ شٜىٰكَرَا يَكَنْيِ أَسْكِ سَبُواْدَ غَاشِنْ كَنْسَ يَكَنْيِ مَسَ نَوْيِ؞ سَعَدَّ يَيِ أَسْكِ يَكَنْ عَوْنَ غَاشِنْ، نَوْيِنْسَ يَكَنْ كَيْ وَجٜىٰنْ كِلُواْ بِيُ؞

²⁷ أَبْسَلُوامْ يَحَيْڢِ یَیَ مَظَا عُكُ دَ مَثٜىٰ غُدَا مَيْ سُونَ تَمَرْ؞ عِتَ كُوَ ݣَكْݣَوَرْ مَثٜىٰثٜىٰ سُواْسَيْ؞

²⁸ أَبْسَلُوامْ يَكَسَنْثٜىٰ أَ عُرُوشَلِيمَ حَرْ شٜىٰكَرَا بِيُ بَاتَرٜىٰدَ يَغَ سَرْكِے دَاوُدَ بَ؞

²⁹ سَيْ أَبْسَلُوامْ يَعَيْكَ عَكِرَا يُواْوَبْ يَذُواْ وُرِنْسَ دُواْمِنْ يَعَيْكٜىٰشِ وُرِنْ سَرْكِے؞ عَمَّا يُواْوَبْ يَڧِ ذُوَا؞ يَسَاكٜىٰ عَيْكَاوَا، عَمَّا يُواْوَبْ يَڧِ؞

³⁰ سَيْ يَثٜىٰ وَمَاسُ يِمَسَ حِدِمَ ‏«‏كُجٜىٰ وُرِنْ غُواْنَرْ يُواْوَبْ وَدَّ تَكٜىٰ كُسَدَ تَاوَ، عِنْدَ يَكٜىٰدَ حَڟِنْ بَلٜىٰ، كُسَا مَتَ وُتَا؞»‏ مَاسُيِ وَ أَبْسَلُوامْ حِدِمَ كُوَ سُكَسَا وَغُواْنَرْ حَڟِنْ يُواْوَبْ وُتَا؞

³¹ يُواْوَبْ يَتَڢِے غِدَنْ أَبْسَلُوامْ يَيِ تَمْبَيَ يَثٜىٰ ‏«‏دُوانْمٜىٰ مَاسُ يِمَكَ حِدِمَ سُكَسَا وُتَا أَغُواْنَتَ؟»‏

³² أَبْسَلُوامْ يَأَمْسَ مَسَ يَثٜىٰ ‏«‏دُواْمِنْ كَاڧِ ذُوَا سَعَدَّ نَعَيْكَ عَكِرَاكَ؞ نَسُواْ إِنْ عَيْكٜىٰكَ وُرِنْ سَرْكِے كَتَمْبَيَ مِنِ دَلِيلِنْدَ يَدَاوُاْ دَنِے دَغَ غٜىٰشُرْ؞ أَيْ، يَڢِ مِنِ إِنْذَوْنَ عَثَنْ!‏ يَنْذُ إِنَ سُواْ إِنْ‌غَا سَرْكِے، عِدَنْ نَيِمَسَ لَيْڢِے تُواْ، سَيْ يَكَشٜىٰنِ!‏»‏

³³ سَيْ يُواْوَبْ يَجٜىٰ وُرِنْ سَرْكِے يَڢَطَا مَسَ أَبِنْدَ أَبْسَلُوامْ يَثٜىٰ؞ سَرْكِے يَكِرَا أَبْسَلُوامْ يَذُواْ؞ أَبْسَلُوامْ يَذُواْ يَرُسُنَ دَ ڢُسْكَرْسَ حَرْ ڧَسَا أَغَبَنْ سَرْكِے، سَرْكِے كُوَ يَسُمْبَثٜىٰ شِ؞