2 سَمَٰعِيلَ 10 - أَتَّوْرَتْ دَ أَنَّبَاوَا

دَاوُدَ يَا ثِ أَمُّواْنَاوَا دَ سُرِيَاوَا دَ يَاڧِ

¹ أَنَانً بَايَنْ حَكَ سَرْكِے نَهَشْ نَ أَمُّواْنَاوَا يَمُتُ، سَيْ طَنْسَ مَيْ سُونَ هَنُنْ يَغَاجِ مُلْكِنْسَ؞

² دَاوُدَ يَثٜىٰ ‏«‏ذَنْ نُونَ أَلْحٜىٰرِ غَ هَنُنْ، كَمَرْ يَدَّ بَابَنْسَ نَهَشْ يَيِ مِنِ؞»‏ سَيْ دَاوُدَ يَعَيْكِ مَاسُ يِمَسَ حِدِمَ سُتَڢِے سُيِ وَ هَنُنْ تَعَظِيَّ سَبُواْدَ مُتُوَرْ بَابَنْسَ؞ دَ مَاسُيِ وَ دَاوُدَ حِدِمَ سُكَ كَيْ ڧَسَرْ أَمُّوانْ،

³ سَيْ شُوغَبَنِّنْ أَمُّواْنَاوَا سُكَثٜىٰ وَ هَنُنْ سَرْكِنْسُ ‏«‏كَنَ ڟَمَّنِ غِرْمَمَ بَابَنْكَ نٜىٰ دَاوُدَ يَكٜىٰيِ دَ يَعَيْكُواْ دَ مَاسُ تَعَظِيَّ ذُوَا غَرٜىٰكَ؟ أَيْ، وَيُواْ يَكٜىٰيِ دُواْمِنْ يَغَ أَسِيرِنْ بِرْنِنْمُ يَسَنْ ڧَرْڢِنْمُ يَثِمُ دَ يَاڧِ؞»‏

⁴ سَبُواْدَ حَكَ هَنُنْ يَكَامَ مَاسُ حِدِمَرْ نَنْ نَ دَاوُدَ؞ دُواْمِنْ يَوُلَڧَنْتَاسُ، سَيْ يَ أَسْكٜىٰ غٜىٰمُنْسُ تَغٜىٰڢٜىٰ طَيَ؞ يَكُمَ يَيَّنْكٜىٰ مُسُ رِيغُنَنْسُ أَدَيْدَيْ طُوَوُنْسُ؞ سَيْ يَسَلَّمٜىٰسُ سُتَڢِے؞

⁵ عَمَّا بَسُ كُواْمَ غِدَابَ غَمَا سُنْ جِكُنْيَ سُواْسَيْ؞ دَ عَكَ ڢَطَا وَ دَاوُدَ، سَيْ يَعَيْكِ وَطَنْسُ مُتَنٜىٰ دَ سَڧُواْ وُرِنْ وَطَنَّنْ دَ عَكَ وُلَڧَنْتَ ثٜىٰوَ سُدَكَتَ أَ يٜىٰرِكُواْ حَرْ سَيْ غٜىٰمُنْسُ سُكَ سَاكٜىٰ ڟِرُواْوَ، سَعَنً سُدَاوُاْ غِدَا؞

⁶ أَمُّواْنَاوَا كُوَ سُكَ غَانٜىٰ سُنْسَا دَاوُدَ يَنَ ڢُشِے دَسُو سُواْسَيْ سَبُواْدَ أَبِنْدَ سُكَيِ؞ سَبُواْدَ حَكَ سُكَ طَوْكِ هَيَرْ سُواْجُواْجِنْ سُورِيَ دُبُو عَشِرِنْ دَغَ بٜىٰتْ رٜىٰهُوابْ دَ ذُوابَ؞ سُكَ طَوْكِ هَيَرْ سُواْجُواْجِ دُبُو غُواْمَشَا بِيُ دَغَ تُوابْ؞ سُكَ كُمَ طَوْكِ هَيَرْ سَرْكِنْ مَعَكَ تَرٜىٰدَ سُواْجُواْجِنْسَ دُبُو طَيَ؞

⁷ دَ سَرْكِے دَاوُدَ يَجِ وَنَّنْ سَيْ يَعَيْكِ يُواْوَبْ تَرٜىٰدَ دُكَنْ سُواْجُواْجِنْسَ مَاسُ عِيَ يَاڧِ سُتَڢِے سُيِ يَاڧِ دَسُو؞

⁸ سَيْ أَمُّواْنَاوَا سُكَ ڢِتَ سُكَيِ شِرِ دُواْمِنْ يَاڧِ عَڧُواْڢَرْ رَبَّهْ بَبَّنْ بِرْنِنْسُ؞ عَمَّا مُتَنٜىٰنْ سُورِيَ دَغَ ذُوابَ دَ رٜىٰهُوابْ دَ سُواْجُواْجِ دَغَ تُوابْ دَ مَعَكَ سُكَيِ شِرِنْ يَاڧِنْسُ أَ ڢِيلِ؞

⁹ دَ يُواْوَبْ يَغَانٜىٰ ثٜىٰوَ ذَيْ يِيَاڧِ تَڢُسْكَ بِيُ نٜىٰ، وَتُواْ غَبَ دَ بَايَ، سَيْ يَذَاٻِ وَكَنْسَ سُواْجُواْجِ مَڢِيَ عِيَ يَاڧِ يَسَاسُ سُيِ يَاڧِ دَ مُتَنٜىٰنْ سُورِيَ؞

¹⁰ سَوْرَنْ مُتَنٜىٰنْ كُوَ يَسَا طَنْعُوَنْسَ أَبِشَيْ يَيِ مُسُ جَغُواْرَ؞ أَبِشَيْ يَشِرْيَسُ سُيِ يَاڧِ دَ أَمُّواْنَاوَا؞

¹¹ يُواْوَبْ يَثٜىٰ وَ أَبِشَيْ ‏«‏عِدَنْ كَغَ مُتَنٜىٰنْ سُورِيَ سُنْ شَا ڧَرْڢِينَ، كَذُواْ كَتَيْمَكٜىٰنِ، عَمَّا عِدَنْ نَغَ مُتَنٜىٰنْ أَمُّوانْ سُنْ شَا ڧَرْڢِنْكَ، ذَنْذُواْ إِنْتَيْمَكٜىٰكَ؞

¹² كُيِ ڧَرْڢِنْ حَلِ!‏ مُيِ ڢَطَ سُواْسَيْ سَبُواْدَ مُتَنٜىٰنْمُ دَ بِرَنٜىٰنْ اللَّهْ نْمُ؞ بَرِ يَهْوٜىٰهْ يَيِ أَبِنْدَ يَيِݣَوْ أَعِدُوانْسَ!‏»‏

¹³ سَعَدَّ يُواْوَبْ دَ سُواْجُواْجِنْسَ سُكَ مَاڟَ كُسَ دُواْمِنْ سُڢَارَ يَاڧِ، سَيْ سُواْجُواْجِنْ سُورِيَ سُكَ غُدُ؞

¹⁴ دَ سُواْجُواْجِنْ أَمُّوانْ سُكَغَ أَبُواْكَنْ يَاڧِنْسُ سُواْجُواْجِنْ سُورِيَ سُنَ غُدُ، سَيْ سُو مَا سُكَ غُدُ دَغَ غَبَنْ أَبِشَيْ، سُكَ كُواْمَ ثِكِنْ بِرْنِنْسُ رَبَّهْ؞ سَعَنً يُواْوَبْ دَ دُكَنْ سُواْجُواْجِنْ إِسْرَٰٓءِيلَاوَا سُكَ بَرْ يَاڧِ دَ أَمُّواْنَاوَا تَرٜىٰدَ أَبُواْكَنْ يَاڧِنْسُ، سُكَ كُواْمَ عُرُوشَلِيمَ؞

¹⁵ سَعَدَّ سُواْجُواْجِنْ سُورِيَ سُكَغَ سُواْجُواْجِنْ إِسْرَٰٓءِيلَ سُنْثِسُ دَ يَاڧِ، سَيْ سُكَسَاكٜىٰ تَتَّارَ كَنْسُ؞

¹⁶ هَدَدٜىٰظٜىٰرْ سَرْكِنْ ذُوابَ يَعَيْكَ عَكَٰوُاْ سُواْجُواْجِنْ سُورِيَ وَطَنْدَ سُكٜىٰ ڧٜىٰتَرٜىٰنْ كُواْغِنْ يُڢِرٜىٰتِسْ؞ سُكَ إِسُواْ هٜىٰلَمْ عَڧَرْڧَشِنْ شُوغَبَنْثِنْ شُواْبَكْ، شُوغَبَنْ دُكَنْ سُواْجُواْجِنْ هَدَدٜىٰظٜىٰرْ؞

¹⁷ دَ لَابَرِنْ يَكَيْ كُنّٜىٰنْ دَاوُدَ، سَيْ يَتَارَ دُكَنْ سُواْجُواْجِنْ إِسْرَٰٓءِيلَ سُكَ ڧٜىٰتَرٜىٰ كُواْغِنْ يُواْدَنْ سُكَتَاكَ ذُوَا هٜىٰلَمْ؞ سُواْجُواْجِنْ سُورِيَ كُوَ سُكَ شِرْيَ كَنْسُ، سُكَ ڢَاطَوَ دَاوُدَ دَ يَاڧِ؞

¹⁸ عَمَّا سُواْجُواْجِنْ سُورِيَ سُكَ غُدُ دَغَ غَبَنْ سُواْجُواْجِنْ إِسْرَٰٓءِيلَ؞ دَاوُدَ دَ سُواْجُواْجِنْسَ سُكَ كَشٜىٰ سُواْجُواْجِنْ سُورِيَ مَاسُ هَوَنْ كٜىٰكُنَنْ دُواْكِنْ يَاڧِ طَرِے بَݣَويْ دَ كُمَ سُواْجُواْجِ مَاسُ هَوَنْ دَوَكِ دُبُو أَرْبَعِنْ؞ سُكَ بُغِ شُواْبَكْ شُوغَبَنْ سُواْجُواْجِنْ سُورِيَ، حَرْ يَمُتُ أَوُرِنْ؞

¹⁹ دَ سَرَاكُنَنْ دَسُكٜىٰ ڧَرْڧَشِنْ هَدَدٜىٰظٜىٰرْ سُكَغَ إِسْرَٰٓءِيلَاوَا سُنْثِ نَصَرَا عَكَنْسُ، سَيْ سُكَ نٜىٰمِ ذَمَنْ لَاڢِيَ دَ إِسْرَٰٓءِيلَاوَا، سُكَ ذَمَ بَايِنْسُ؞ سَبُواْدَ حَكَ مُتَنٜىٰنْ سُورِيَ سُكَجِڟُواْرُواْ سُڧَارَيِ وَ أَمُّواْنَاوَا تَيْمَكُواْ؞