2 بِتْرُسْ 2 - أَتَّوْرَتْ دَ أَنَّبَاوَا

أَنَّبَاوَنْ ڧَضْيَا دَ مَلَمً ڧَضْيَا

¹ عَمَّا ڢَا، أَدَا أَنَّبَاوَا مَاسُ رُوطِ سُنْ ڢِتُواْ دَغَ ثِكِنْ مُتَنٜىٰنْ اللَّهْ؞ تُواْ، حَكَمَا، وَطَنْسُ مَلَمً ڧَضْيَا ذَاسُ كَسَنْثٜىٰ عَثِكِنْكُ؞ ذَاسُ كَٰوُاْ وَتَ كُواْيَرْوَا عَٻُواْيٜىٰ، سُكُواْيَ وَمُتَنٜىٰ ڧَضْيَارْ دَ ذَاتَ ٻَاتَسُ، حَرْ ذَاسُڧِ عُبَنْ‌غِجِ، وَنْدَ يَڢَنْشِ رَنْسُ؞ بَا لَابَرِ يِنْ حَكَ كُوَ ذَيْ جَٰوُاْ مُسُ هَلَّكَ؞

² مُتَنٜىٰ دَيَوَ كُوَ ذَاسُبِے هَلَيٜىٰنْسُ نَنٜىٰمَنْ جِنْ دَاطِے نَرَشِنْ كُنْيَا؞ تَدَلِيلِنْسُ كُوَ وَطَنْسُ مُتَنٜىٰ ذَاسُ رٜىٰنَ حَنْيَرْ غَسْكِيَ؞

³ ثِكِنْ ݣُوطَيِنْسُ ذَاسُيِ ڧُواْڧَرِنْ يِنْ رِيبَ عَكَنْكُ دَ مَغَنْ‌غَنُنْ ڧَضْيَا؞ عَمَّا دَيْ تُنْدَ دَطٜىٰوَ أَنْرِغَا أَنْيَنْكٜىٰ مُسُ حُكُنْثِ؞ كُمَ هَلَّكَرْسُ تأَنَانً تَنَ جِضَانْسُ؞

⁴ كُواْ مَلاَىِٕكُ، أَدَا سَعَدَّ سُكَيِ ذُنُوبِ، اللَّهْ بَيْ ڨَلٜىٰسُبَ، عَمَّا يَجٜىٰڢَسُ أَغِدَنْ وُتَا؞ يَطَوْرٜىٰسُ عَثِكِنْ رَامِ مَيْ ظُرْڢِ، مَيْ بَڧِنْ دُهُ عِنْدَ سُكٜىٰ جِضَانْ رَانَرْ حُكُنْثِ؞

⁵ أَ زَامَانِنْ دَا كُمَ، اللَّهْ بَيْ بَرْ مُتَنٜىٰنْ دَ بَسُ كَسَنْثٜىٰ دَ حَلِنْ اللَّهْ بَ، عَمَّا يَهَلَكَاسُ تَوُرِنْ بَبَّرْ أَمْبَلِيَرْ ضُوَ؞ سَيْ نُوحُ نٜىٰ كَطَيْ مَيْ وَعَظِنْ أَدَلْثِے، تَرٜىٰدَ مُتَنٜىٰ غُدَا بَݣَويْ، سُونٜىٰ اللَّهْ يَكِيَايٜىٰسُ دَغَ بَبَّرْ أَمْبَلِيَرْنَنْ دَ عَكَيِ وَدُونِيَا؞

⁶ اللَّهْ يَكُمَ هَلَّكَرْ دَ بِرَنٜىٰنْ سُواْدُوامْ دَ غُواْمُواْرَ، يَا مَيْدَسُو تُواْكَ، يَكُمَ مَيْدَسُو أَبِنْ مِصَالِ نَ إِرِنْ أَبِنْدَ ذَيْ يِدَ مَرَسَ حَلِ إِرِنَّ اللَّهْ؞

⁷ يَا كُمَ ثٜىٰثِ لُوطُ، وَتُواْ مَيْ أَدَلْثِنَّنْ؞ لُوطُ يَا دَامُ ڨُورَيْ غَمٜىٰدَ إِرِنْ مُوغَيٜىٰنْ أَيُّكَ نَمُتَنٜىٰنْ سُواْدُوامْ مَرَسَ بِنْ دُواْكَا؞

⁸ غَمَا وَنَّنْ مُتُمْ مَيْ أَدَلْثِنٜىٰ، عَمَّا يَنَ ظَوْنٜىٰ ثِكِنْ مُوغَيٜىٰنْ مُتَنٜىٰ، يَنَ تَغَنِنْ مُغُنْتَارْسُ كُواْوَثٜىٰ رَانَ، يَنَ كُمَ جِنْ إِرِنْ مُنَانَنْ مَغَنْ‌غَنُنْسُ، حَرْ رَنْسَ يَيِ تَٻَاثِ ڨُورَيْ عَكَنْسُ سَبُواْدَ سُو مَرَسَ بِنْ دُواْكَا نٜىٰ؞

⁹ تُواْ، عِدَنْ حَكَنٜىٰ، تَوُرِنْ إِرِنْ وَطَنَّنْ مِصَلَيْ نٜىٰ مُكَ سَنِ ثٜىٰوَ لَلَّيْ اللَّهْ يَنَ عِيَ ثٜىٰتُوانْ مَاسُ حَلِنْسَ دَغَ ثِكِنْ ڠُوجٜىٰ ڠُوجٜىٰنْسُ؞ اللَّهْ يَا سَنْ كُمَ يَدَّ ذَيْ ڟَرٜىٰ مَاسُ مُغُنْتَا حَرْ ذُوَا رَانَرْ شَرِيعَ،

¹⁰ مُسَمَّنْ مَاسُبِنْ مُوغُوَرْ شَعَوَرْ جِكِنْسُ دَ كُمَ مَاسُ رٜىٰنَ شُوغَبَنْثِ؞ وَطَنَّنْ مَلَمَيْ مَاسُ ڧَضْيَا دَيْ، بَا سُ دَ كُنْيَا سَمْ!‏ غِرْمَنْ كَيْ غَرٜىٰسُ؞ بَاسَجِنْ ڟُواْرُوانْ كُواْمٜىٰ، حَرْ سُنَ ذَاغِنْ حَلِتُّو مَاسُ دَرَجَ أَ سَمَ؞

¹¹ عَمَّا كُواْدَيَكٜىٰ مَلاَىِٕكُ دَ كَنْسُ، وَطَنْدَ سُكَڢِے مَلَمَنَّنْ ڧَرْڢِے دَ إِيكُواْ، دُكْدَهَكَ بَسُ طُواْرَ مُسُ لَيْڢِے حَطٜىٰ دَ ذَاغٜىٰ ذَاغٜىٰ أَغَبَنْ عُبَنْ‌غِجِ بَ؞

¹² عَمَّا وَطَنَّنْ مُتَنٜىٰ، سُنَيِنْ مَغَنَرْ رٜىٰنِ عَكَنْ أَبُبُوَنْ دَ بَسُ غَانٜىٰبَ؞ سُو كَمَ دَ دَبُّواْبِنْ دَاجِ مَرَسَ تُنَانِ نٜىٰ، مَاسُبِنْ أَبِنْدَ جِكِنْسُ يَكٜىٰ شَعَوَرْسَ نٜىٰ كَوَيْ، وَطَنْدَ عَكَ حَيْڢٜىٰسُنٜىٰ دُواْمِنْ عَكَامَسُ عَكَشٜىٰ كَوَيْ؞ أَيْ، ذَاسُ هَلَّكَ كَمَرْ دَبُّواْبِنْ دَاجِ!‏

¹³ كُمَ كَمَرْ يَدَّ سُكَبَا وَطَنْسُ وَهَلَ، حَكَ سُو مَا ذَاعَ وَهَلْشٜىٰسُ؞ سُنْ طَوْكَ شَيٜىٰ شَيٜىٰ دَ إِسْكَنْثِ دَ رَانَ ڟَكَ أَبِنْ جِنْ دَاطِے نٜىٰ؞ سُنْ ذَمَ أَبِنْ عَيْبِے دَ كُمَ أَبِنْ كُنْيَا؞ سُنَ جِنْ دَاطِنْ رُوطُ حَرْ مَا سَعَدَّ سُكٜىٰثِ سُكٜىٰشَا تَرٜىٰ دَكُو أَ زُمُنْتَرْكُ؞

¹⁴ عَكُلُّمْ سُنَ ثِكٜىٰ دَ تُنَانِنْ يِنْ ظِنَ، حَرْ مَا بَاسَ غَاجِيَ دَ يِنْ ذُنُوبِ؞ سُنَ كُوَ رُوطِنْ مَرَسَ ڧَرْڢِے ثِكِنْ بَنْ‌غَسْكِيَ؞ سُنْ ذَمَ ڠُونَيٜىٰ عَكَنْ ݣُوطَيِ؞ إِرِنْسُ كُوَ لَعَنَنُّنْ یَیَ نٜىٰ؞

¹⁵ سُنْ بَرْ حَنْيَرْ غَسْكِيَ، سُنَ بِنْ حَنْيَرْ بَلَعَمْ طَنْ بٜىٰيُوارْ وَنْدَ يَنَ سُوانْ لَادَنْ عَيْكِنْ مُغُنْتَا؞

¹⁶ عَمَّا أَنْڟَاوَتَا مَسَ عَكَنْ ذُنُوبِنْ غَنْ‌غَنْثِ، حَرْ جَاكِنْ دَ بَيْتَٻَيِنْ مَغَنَبَ، يَيِمَسَ مَغَنَ دَ مُرْيَ إِرِنْ تَمُتُمْ، دُواْمِنْ يَحَنَ أَنَّبِنَّنْ يِنْ ٻَرْنَرْسَ؞

¹⁷ وَطَنَّنْ مَاسُ ڧَضْيَا سُنَ كَمَ دَ مَٻُٻُّغَرْ ضُوً دَتَبُوشٜىٰ، كَمَرْ حَزُواْ وَنْدَ إِسْكَ تَكَنْ كُواْرَ؞ حَڧِيڧَ اللَّهْ يَا شِرْيَ مُسُ وُرِنْ ذَمَ ثِكِنْ بَڧِنْ دُهُ؞

¹⁸ غَمَا مُتَنٜىٰنَّنْ، تَوُرِنْ سُورُوتُ دَ مَغَنْ‌غَنُنْ بَنْظَ دَ حَلِنْسُ نَنٜىٰمَنْ جِنْ دَاطِے نَرَشِنْ كُنْيَا، سُنَ ڧُواْڧَرِ سُجَٰوُاْ وَطَنْدَ سُكَ كُٻُتَ بَدَ دَطٜىٰوَبَ دَغَ مَاسُ رَايُوَرْ ذُنُوبِ؞

¹⁹ سُنَيِ مُسُ أَلْڧَوَرِنْ سَامُنْ یَنْثِ، عَمَّا سُو دَ كَنْسُ بَايِنٜىٰ غَ عَيْكَتَ لَلَتَ؞ غَمَا مُتُمْ بَاوَ نٜىٰ غَ دُكَنْ أَبِنْدَ يَشَا كَنْسَ؞

²⁰ مَيْ يِوُوَ مُتُمْ يَڟِيرَا دَغَ ڧَظَنْتَا تَ دُونِيَرْ نَنْ تَوُرِنْ سَنِنْ عُبَنْ‌غِجِنْمُ عِيسَىٰ أَلْمَسِيحُ وَنْدَ شِينٜىٰ مَيْ ثٜىٰتُوانْمُ، سَعَنً دَغَ بَايَ يَسَاكٜىٰ شِغَ ثِكِنْ ڧَظَنْتَرْ؞ عِدَنْ يَا يِهَكَ، حَرْ أَبُبُوَنَّنْ سُنْ شَا كَنْسَ، لَلَّيْ وَنَّنْ مُتُمْ ڧَرْشٜىٰنْ ذَمَنْسَ ذَيْڢِ نَڢَرْكُواْ مُونِ أَيْنُنْ؞

²¹ دَاعَثٜىٰ إِرِنْ وَطَنَّنْ مُتَنٜىٰ بَسُ تَٻَ سَنِنْ حَنْيَرْ أَدَلْثِبَ تُنْدَ ڢَرْكُواْ دَا يَڢِ مُسُ؞ عَمَّا غَاشِ، بَايَنْدَ سُكَ سَنْ حَنْيَرْ، سَعَنً سُكَ كُواْمَ دَ بَايَ سُكَ بَرْ بِنْ عُمَرْنِنَّنْ مَيْ ڟَرْكِے وَنْدَ عَكَبَاسُ؞

²² أَيْ، أَبِنْدَ سُكَ عَيْكَتَ نَنْ يَيِ دَيْدَيْ دَ كَرِنْ مَغَنَرْ نَنْ مَيْ ثٜىٰوَ ‏«‏كَرٜىٰ يَيِ أَمَيْ سَعَنً يَكُواْمَ يَلَشٜىٰ أَمَنْسَ،»‏ دَ كُمَ ‏«‏أَلَدٜىٰنْ دَ عَكَيِوَ وَنْكَ يَكُواْمَ بِرْغِمَ ثِكِنْ لَاكَ؞»‏