2 بِتْرُسْ 1 - أَتَّوْرَتْ دَ أَنَّبَاوَا

غَيْسُوَا

¹ دَغَ سِيمَنْ بِتْرُسْ، بَاوَنْ عِيسَىٰ أَلْمَسِيحُ، مَنْذُوانْسَ كُمَ، ذُوَاغَ وَطَنْدَ سُكَ سَامِ بَنْ‌غَسْكِيَ مَيْ دَرَجَ كَمَرْ يَدَّ مُو مَا مُكَ سَامُ، تَوُرِنْ أَدَلْثِنْ اللَّهْ نْمُ كُمَ مَيْ ثٜىٰتُوانْمُ عِيسَىٰ أَلْمَسِيحُ؞

² بَرِ اللَّهْ يَڧَارَ مُكُ أَلْحٜىٰرِ دَ سَلَمَ عَيَلْوَثٜىٰ تَوُرِنْ سَنِنْ اللَّهْ دَ عِيسَىٰ عُبَنْ‌غِجِنْمُ؞

ذَمَنْدَ يَدَاثٜىٰ دَ مَاسُبِنْ أَلْمَسِيحُ

³ اللَّهْ ثِكِنْ إِيكُوانْسَ يَبَامُ دُكَنْ أَبِنْدَ مُكٜىٰ بُڧَاتَ دُواْمِنْ مُيِ رَايُوَا إِرِ تَمَاسُ حَلِ إِرِنَّ اللَّهْ؞ دُكَنْ وَطَنَّنْ أَبُبُوَ نَامُ نٜىٰ دُواْمِنْ مُنْ سَنْ أَلْمَسِيحُ سُواْسَيْ؞ يَكِرَامُ ذُوَاغَ يِنْ تَرَيَّ دَشِ ثِكِنْ طَوْكَكَرْسَ دَ نَغَرْتَارْسَ؞

⁴ تَوُرِنْ أَبُبُوَنَّنْ يَبَامُ مَنْيَنْ أَلْكَوَرَنْسَ مَاسُ دَرَجَ، دُواْمِنْ تَوُرِنْسُ، كُإِيَ تَرَيَّ دَشِ ثِكِنْ اللَّهْ نْتَكَرْسَ، كُكُمَ ڟِيرَا دَغَ مُغُنْتَارْ دَتَكٜىٰ عَدُونِيَا وَدَّ مُوغَيٜىٰنْ شَعَوَثٜىٰ شَعَوَثٜىٰ سُكٜىٰ جَٰوُاْوَ؞

⁵ سَبُواْدَ حَكَ، سَيْ كُيِ إِيَاكَرْ ڧُواْڧَرِنْكُ كُڧَارَ عَكَنْ أَبِنْدَ كُكَ ڢَارَ دَشِ؞ وَتُواْ، عَكَنْ بَنْ‌غَسْكِيَرْكُ كُڧَارَ دَ حَلِنْ كِرْكِ؞ عَكَنْ حَلِنْ كِرْكِنَّنْ، سَيْ كُڧَارَ دَ سَنِنْ اللَّهْ؞

⁶ عَكَنْ سَنِنْ اللَّهْ كُمَ سَيْ كُڧَارَ دَ كَامُنْ كَيْ؞ عَكَنْ كَامُنْ كَيْ كُمَ سَيْ كُڧَارَ دَ جِمْرٜىٰوَ؞ عَكَنْ جِمْرٜىٰوَ كُمَ، سَيْ كُڧَارَ دَ حَلِ إِرِنَّ اللَّهْ؞

⁷ عَكَنْ حَلِ إِرِنَّ اللَّهْ كُمَ سَيْ كُڧَارَ دَ سُوانْ یَنْعُوَ؞ عَكَنْ سُوانْ یَنْعُوَ كُمَ، سَيْ كُڧَارَ دَ ڧَوْنَ؞

⁸ عِدَنْ كُمَ هَلَيٜىٰنَّنْ سُنَ يَلْوَتَ، سَنِنْ عُبَنْ‌غِجِنْمُ عِيسَىٰ أَلْمَسِيحُ دَ كُكٜىٰ دَشِ ذَيْسَا كُذَمَ مَاسُ ڨُوذُواْ دَ مَاسُ أَمْڢَانِ كُمَ؞

⁹ غَمَا دُكْ وَنْدَ يَرَسَ هَلَيٜىٰنَّنْ، بَايَغَنِ سُواْسَيْ، شِے مَكَهُواْنٜىٰ؞ يَكُمَ مَنْتَادَ ڟَبْتَثٜىٰوَرْ دَ عَكَيِ مَسَ دَغَ ذُنُبَنْسَ نَدَا؞

¹⁰ سَبُواْدَ حَكَ، يَا كُو یَنْعُوَ، كُڧَارَ ڧُواْڧَرِنْكُ كُتَبَّتَرْ دَ كِرَنْكُ دَ ذَاٻٜىٰنْكُ وَنْدَ اللَّهْ يَيِ مُكُ؞ عِدَنْ كُنْيِ حَكَ بَذَاكُ تَٻَ ڢَاطِبَ كُواْ كَطَنْ؞

¹¹ تَهَكَ كُمَ ذَاعَ بَاكُ ثِكَكِّيَرْ مَرَبْتَرْ شِغَ ثِكِنْ مَدَوَّمِنْ مُلْكِ نَ عُبَنْ‌غِجِنْمُ عِيسَىٰ أَلْمَسِيحُ مَيْ ثٜىٰتُوانْمُ؞

¹² سَبُواْدَ حَكَ، ذَنْ دِنْ‌غَ تُنَ مُكُ دَ وَطَنَّنْ أَبُبُوَ، كُواْدَيَكٜىٰ كُنْ رِغَا كُنْ سَنْسُ، كُنْ كَڢُ سُواْسَيْ ثِكِنْ غَسْكِيَرْ دَ كُكَ كَرْٻَ؞

¹³ أَغَنِينَ دَيْدَيْنٜىٰ مُدِّنْ إِنَدَ رَيْ، إِنْيِ تَتُنَ مُكُ،

¹⁴ دَيَكٜىٰ نَسَنِ نَيِ كُسَنْ تُوٻٜىٰ جِكِنَّنْ مَيْ مُتُوَ، كَمَرْ يَدَّ عُبَنْ‌غِجِنْمُ عِيسَىٰ أَلْمَسِيحُ يَنُونَ مِنِ؞

¹⁵ دُواْمِنْ حَكَ ذَنْيِ إِيَاكَثِنْ ڧُواْڧَرِنَ إِنْ‌غَا ثٜىٰوَ كُنْ رِڧٜىٰ وَطَنَّنْ أَبُبُوَ ثِكِنْ ظُكَاتَنْكُ كُواْوَنٜىٰ لُواْكَثِ كُواْ مَا بَايَنْدَ نَبَرْ دُونِيَرْ نَنْ؞

مَاسُ غَنِنْ طَوْكَكَرْ أَلْمَسِيحُ

¹⁶ أَيْ، أَ لُواْكَثِنْ دَ مُكَ ڢَطَا مُكُ لَابَرِنْ يَدَّ عُبَنْ‌غِجِنْمُ عِيسَىٰ أَلْمَسِيحُ يَبَيَّنَ دَ إِيكُواْ، بَا تَڟُونِيُواْيِنْ دَ عَكَ ڧِرْڧِرُواْ دَ وَيُواْ مُكَبِبَ؞ أَعَ!‏ دَ عِدُوانْمُ نٜىٰ مُكَغَ طَوْكَكَارْسَ؞

¹⁷ أَسَعَدَّ يَكَرْٻِ غِرْمَ دَ طَوْكَكَ دَغَ وُرِنْ اللَّهْ عُبَا كُمَ مُنَانَنْ أَوُرِنْ، سَعَدَّ مُرْيَرْ اللَّهْ مَيْ طَوْكَكَ مَڢِے غِرْمَ تَنَ ثٜىٰوَ ‏«‏وَنَّنْ طَانَ نٜىٰ دَ نَكٜىٰ ڧَوْنَ؞ ذُوثِيَاتَ تَنَ جِنْ دَاطِنْسَ ڨُورَيْ؞»‏

¹⁸ مُو كَنْمُ مُنْجِ مُرْيَرْ نَنْ دَغَ سَمَ سَعَدَّ مُكٜىٰ تَرٜىٰدَشِ عَكَنْ بَبَّنْ تُدُنَّنْ مَيْ ڟَرْكِے؞

¹⁹ وَطَنَّنْ أَبُبُوَ دُكْ سُنْ بَامُ تَبَّثِنْ مَغَنَرْ أَنَّبَاوَا نَدَا غَمٜىٰدَشِ؞ يَا ݣَوْتُ ڢَا كُمَيْدَ حَنْكَلِ غَ وَنَّنْ مَغَنَ سَبُواْدَ تَذَمَ كَمَرْ ڢِتِلَ مَيْ حَصْكَكَاوَا أَوُرِے مَيْ دُهُ حَرْ ذُوَا وَايٜىٰوَرْ غَرِ، لُواْكَثِنْ دَ حَصْكٜىٰنْ تَوْرَرُواْ نَسَاڢِيَ يَٻُلُّواْ مُكُ أَ ذُوثِيَا؞

²⁰ عَمَّا دَ ڢَارِ دَيْ، كُسَنِ ثٜىٰوَ بَابُ أَنَّبْثِ عَثِكِنْ رُبُوتَثِّيَرْ مَغَنَرْ اللَّهْ دَ ذَاعَ عِيَ ڢَسَّرَسُ تَوُرِنْ رَعَيِنْ مُتُمْ؞

²¹ غَمَا مَغَنَرْ أَنَّبْثِ بَتَتَٻَ ذُوَا تَوُرِنْ نُڢِنْ مُتُمْبَ؞ رُوحٌ اللَّهْ نٜىٰ يَشِغَ ظُكَاتَنْ مُتَنٜىٰ يَسَاسُ سُڢَطِ أَبِنْدَ سُكَ كَرْٻَ دَغَ وُرِنْ اللَّهْ؞