2 سَرَاكُنَ 9 - أَتَّوْرَتْ دَ أَنَّبَاوَا

أَنْ كٜىٰٻٜىٰ يٜىٰهُو سَرْكِنْ إِسْرَٰٓءِيلَ

¹ أَنَانً سَيْ أَنَّبِے أَلْيَسَعَ يَكِرَا طَيَ دَغَ ثِكِنْ ڧُنْ‌غِيَرْ أَنَّبَاوَا يَثٜىٰ مَسَ ‏«‏يِشِرِ، كَطَوْرَ رِغَرْكَ دَ طَمَرَ، كَطَوْكِ ݣُولَبَرْ مَنْ ظَيْتُنْ أَ حَنُّنْكَ، كَتَڢِے رَمُواتْ تَڧَسَرْ غِلٜىٰيَدْ؞

² سَعَدَّ كَا إِسَ وُرِنْ، سَيْ كَنٜىٰمِ يٜىٰهُو طَنْ يٜىٰهُواْشَڢَتْ جِيكَنْ نِمْشِ؞ كَسَا يَتَاشِ دَغَ ثِكِنْ أَبُواْكَنْسَ كُشِغَ وَنِ طَاكِ؞

³ سَعَنً كَطَوْكِ ݣُولَبَرْ مَنْ ظَيْتُنَّنْ كَظُبَ مَسَ عَكَيْ، سَعَنً كَثٜىٰ، ‏‹‏إِنْجِ يَهْوٜىٰهْ ‏«‏نَكٜىٰٻٜىٰكَ سَرْكِنْ إِسْرَٰٓءِيلَ؞»‏ ›‏ سَيْ كَبُوطٜىٰ ڧُواْڢَرْ كَغُدُ، بَابُ ٻَاتَ لُواْكَثِ؞»‏

⁴ سَيْ وَنَّنْ سَوْرَيِنْ دَيَكٜىٰ أَنَّبِے يَتَڢِے رَمُواتْ تَڧَسَرْ غِلٜىٰيَدْ؞

⁵ دَ يَشِغَ يَسَامِ مَنْيَنْ سُواْجُواْجِ سُنَتَارُواْ؞ سَيْ يَثٜىٰ ‏«‏يَا شُوغَبَا، إِنَدَ سَڧُواْ دُواْمِنْكَ؞»‏ سَيْ يٜىٰهُو يَثٜىٰ مَسَ ‏«‏سَڧُوانْ غَ وَنٜىٰنٜىٰ عَثِكِنْمُ؟»‏ أَنَّبِنْ يَثٜىٰ ‏«‏ذُوَا غَرٜىٰكَ نٜىٰ، يَا شُوغَبَا!‏»‏

⁶ سَيْ يٜىٰهُو يَتَاشِ، سُكَ شِغَ ثِكِنْ وَنِ طَاكِ؞ سَعَنً يَجُويٜىٰ مَيْ طِنْ عَكَنْ يٜىٰهُو، سَيْيَثٜىٰمَسَ ‏«‏إِنْجِ يَهْوٜىٰهْ نَ إِسْرَٰٓءِيلَ، ‏‹‏نَا كٜىٰٻٜىٰكَ سَرْكِے عَكَنْ جَمَعَتَ إِسْرَٰٓءِيلَ؞

⁷ ذَاكَ هَلَّكَرْ دَ غِدَنْ مَيْغِدَنْكَ أَهَبْ، دُواْمِنْ إِنْ حُكُنْتَ يٜىٰظٜىٰبٜىٰلْ عَكَنْ جِنِنْ أَنَّبَاوَنَ دَ نَسَوْرَنْ مَاسُ حِدِمَتَ وَطَنْدَ تَكَشٜىٰ؞

⁸ ذَنْ هَلَّكَرْ دَ دُكَنْ غِدَنْ أَهَبْ دَغَ إِسْرَٰٓءِيلَ، كُواْوَنٜىٰ نَمِجِ، كُواْ شِے بَاوَ نٜىٰ كُواْ بَبَاوَ بَ، ذَنْ كَشٜىٰشِ؞

⁹ ذَنْسَا غِدَنْ أَهَبْ يَذَمَ كَمَرْ غِدَنْ يٜىٰرُواْبُواْوَمْ طَنْ نٜىٰبَتْ دَ كُمَ كَمَرْ غِدَنْ بَعَشَ طَنْ أَهِيَ؞

¹⁰ بَذَاعَ بِنّٜىٰ يٜىٰظٜىٰبٜىٰلْ بَ، كَرْنُكَ ذَاسُ ثِنْيٜىٰ جِكِنْتَ عَيَنْكِنْ يٜىٰظِرٜىٰيٜىٰلْ؞›‏ »‏ بَايَنْ ڢَطِنْ حَكَ سَيْ أَنَّبِنْ يَبُوطٜىٰ ڧُواْڢَ يَڢِتَ أَغُجٜىٰ؞

أَنْ سَنَرْ دَ يٜىٰهُو سَرْكِے

¹¹ سَعَدَّ يٜىٰهُو يَڢِتُواْ ذُوَا وُرِنْ سَوْرَنْ مَنْيَنْ سُواْجُواْجِنْ، سَيْ سُكَ تَمْبَيٜىٰشِ سُكَثٜىٰ ‏«‏لَاڢِيَ دَيْ؟ مٜىٰيَكَٰوُاْ مَهَوْكَثِنَّنْ يَذُواْ وُرِنْكَ؟»‏ يٜىٰهُو يَأَمْسَ مُسُ يَثٜىٰ ‏«‏أَيْ، كُنْ سَنْ إِرِنْ مُتُمِنَّنْ دَ إِرِنْ مَغَنَرْسَ؞»‏

¹² سُكَثٜىٰ مَسَ ‏«‏ڧَضْيَا كَكٜىٰيِ!‏ ڢَطَا مَنَ أَبِنْدَ يَڢَطَا مَكَ!‏»‏ يٜىٰهُو كُوَ يَثٜىٰمُسُ ‏«‏مُتُمِنْ يَثٜىٰ، إِنْجِ يَهْوٜىٰهْ، ‏‹‏نَكٜىٰٻٜىٰكَ كَذَمَ سَرْكِنْ إِسْرَٰٓءِيلَ؞›‏ »‏

¹³ نَنْ دَ نَنْ، سَيْ سُكَ تُوٻٜىٰ مَنْيَنْ رِيغُنَنْسُ، سُكَ شِمْڢِطَا أَ مَتَاكَنْ دُواْمِنْ يٜىٰهُو يَڟَيَ عَكَيْ؞ سَيْ سُكَ بُوسَ ڧَهُواْ سُنَ إِيهُ ثٜىٰوَ ‏«‏يٜىٰهُو نٜىٰ سَرْكِے!‏»‏

يٜىٰهُو يَشِرْيَ يَڨُوثٜىٰ مُلْكِ

¹⁴ غَا يَدَّ يٜىٰهُو طَنْ يٜىٰهُواْشَڢَتْ جِيكَنْ نِمْشِ يَيِ ڧُلّٜىٰ ڧُلّٜىٰنْ كَشٜىٰ سَرْكِے يُواْرَمْ؞ أَ لُواْكَثِنْ كُوَ يُواْرَمْ دَ دُكَنْ سُواْجُواْجِنْ إِسْرَٰٓءِيلَ سُنَ أَ رَمُواتْ تَڧَسَرْ غِلٜىٰيَدْ سُنَ ڟَرٜىٰ ڧَسَرْ إِسْرَٰٓءِيلَ دُواْمِنْ كَدَ سَرْكِے هَظَيٜىٰلْ نَ سُورِيَ يَڢَاطَ مَتَ دَ يَاڧِ؞

¹⁵ عَمَّا أَ لُواْكَثِنْ يُواْرَمْ يَا رِغَيَا كُواْمَ يٜىٰظِرٜىٰيٜىٰلْ، دُواْمِنْ جِنْيَ سَبُواْدَ رَوْنُكَنْ دَ سُرِيَاوَا سُكَيِ مَسَ عَيَاڧِ؞ سَيْ يٜىٰهُو يَثٜىٰ وَمَنْيَنْ سُواْجُواْجِ ‏«‏دَيَكٜىٰ كُنَ غُواْيُوانْ بَايَنْ وَنَّنْ، سَيْ كُتَبَّتَرْ بَابُوَنْدَ يَبَرْ وَنَّنْ بِرْنِنْ ذُوَا يٜىٰظِرٜىٰيٜىٰلْ دُواْمِنْ يَبَادَ لَابَرِ؞»‏

¹⁶ يٜىٰهُو يَشِرْيَ كٜىٰكٜىٰنْ دُواْكِنْ يَاڧِنْسَ يَهَوْ ذُوَا يٜىٰظِرٜىٰيٜىٰلْ، عِنْدَ يُواْرَمْ يَكٜىٰ ݣُونْثٜىٰ دُواْمِنْ رَشِنْ لَاڢِيَ؞ أَ لُواْكَثِنْ كُوَ، سَرْكِے أَهَظِيَ نَ يَهُودَ يَا رِغَيَا غَنْ‌غَرُواْ دُواْمِنْ يَغَيْ دَ يُواْرَمْ؞

¹⁷ وَنِ طَنْ سِنْتِرِ يَنَ ڟَيٜىٰ أَطَاكِنْ طَنْ سِنْتِرِ عَكَنْ كَتَنْ‌غَرْ يٜىٰظِرٜىٰيٜىٰلْ، سَيْ يَهَنْ‌غِ يٜىٰهُو دَ مُتَنٜىٰنْسَ سُنَ ذُوَا، سَيْ يَطَغَ مُرْيَ يَسَنَرْ ثٜىٰوَ ‏«‏غَا وَطَنْسُ عَكَنْ دَوَكِ سُنَ ذُوَا؞»‏ سَرْكِے يُواْرَمْ يَثٜىٰ ‏«‏أَ عَيْكَ وَنِ مَيْ هَوَنْ دُواْكِ يَجٜىٰ يَتَمْبَيٜىٰسُ يَثٜىٰ، ‏‹‏لَاڢِيَ كُوَ؟›‏ »‏

¹⁸ مَيْ هَوَنْ دُواْكِنْ يَتَڢِے وُرِنْ يٜىٰهُو يَثٜىٰ مَسَ ‏«‏إِنْجِ سَرْكِے، ‏‹‏ذُوَانْكُ لَاڢِيَ كُوَ؟›‏ »‏ يٜىٰهُو يَثٜىٰ ‏«‏إِنَا ضُوَنْكَ دَ ذَنْثٜىٰنْ لَاڢِيَ؟ كُواْمَ بَايَ كَبِينِ؞»‏ طَنْ سِنْتِرِ يَسَنَرْ يَثٜىٰ ‏«‏وَنْدَ عَكَ عَيْكَ يَكَيْ وُرِنْ مُتَنٜىٰنْ، عَمَّا بَايَ دَاوُاْوَ؞»‏

¹⁹ عَكَ سَاكٜىٰ عَيْكَ وَنِ مَيْ هَوَنْ دُواْكِ يَجٜىٰ يَثٜىٰمُسُ ‏«‏إِنْجِ سَرْكِے، ‏‹‏لَاڢِيَ كُوَ؟›‏ »‏ يٜىٰهُو يَسَاكٜىٰ ثٜىٰوَ ‏«‏إِنَا ضُوَنْكَ دَ ذَنْثٜىٰنْ لَاڢِيَ؟ كُواْمَ بَايَ كَبِينِ؞»‏

²⁰ طَنْ سِنْتِرِ يَسَاكٜىٰ سَنَرْ يَثٜىٰ ‏«‏وَنْدَ عَكَ عَيْكَ نَبِيُنْ يَكَيْ وُرِنْ مُتَنٜىٰنْ، عَمَّا شِے مَا بَايَ دَاوُاْوَ؞ شُوغَبَنْسُ كُوَ يَنَ تَڢِيَ كَمَرْ يٜىٰهُو طَنْ نِمْشِ، غَمَا غُدُنْ دُواْكِنْسَ كَمَرْ مَهَوْكَثِ نٜىٰ؞»‏

²¹ سَرْكِے يُواْرَمْ يَبَادَ عُمَرْنِ يَثٜىٰ ‏«‏كُشِرْيَ مِنِ كٜىٰكٜىٰنْ دُواْكِنَ!‏»‏ سَيْ سَرْكِے يُواْرَمْ نَ إِسْرَٰٓءِيلَ دَ سَرْكِے أَهَظِيَ نَ يَهُودَ سُكَتَاشِ، كُواْوَ عَثِكِنْ كٜىٰكٜىٰنْ دُواْكِنْ يَاڧِنْسَ، دُواْمِنْ سُغَمُ دَ يٜىٰهُو؞ سُكَ كُوَ غَمُ عَكَنْ ڢِيلِنْ دَ دَا يَكٜىٰ نَ نَبُواتْ مُتُمِنْ يٜىٰظِرٜىٰيٜىٰلْ؞

²² دَ يُواْرَمْ يَهَطُ دَ يٜىٰهُو سَيْيَثٜىٰمَسَ ‏«‏يٜىٰهُو، لَاڢِيَ كَذُواْ؟»‏ يٜىٰهُو يَأَمْسَ يَثٜىٰ ‏«‏يَيَ كُوَ ذَيْ ذَمَ لَاڢِيَ، تُنْدَيَكٜىٰ مَيْتَنْثِ دَ بَوْتَرْ غُمَكَنْ دَ مَامَرْكَ يٜىٰظٜىٰبٜىٰلْ تَكَٰوُاْ سُنَانَنْ دَيَوَ؟»‏

²³ يُواْرَمْ يَجُويٜىٰ دُواْكِنْسَ يَغُدُ يَنَثٜىٰ وَ أَهَظِيَ ‏«‏كَيْ!‏ وَنَّنْ ثِنْ أَمَانَ نٜىٰ، أَهَظِيَ!‏»‏

²⁴ يٜىٰهُو يَجَا بَكَنْسَ دَ دُكَنْ ڧَرْڢِنْسَ، يَسَكٜىٰ كِبِيَ، تَهَرْبِے يُواْرَمْ ڟَكَانِنْ كَڢَطَرْسَ حَرْ تَسُواْكِ ذُوثِيَارْسَ؞ سَيْ يُواْرَمْ يَڢَاطَ ثِكِنْ كٜىٰكٜىٰنْ دُواْكِنْسَ؞

²⁵ يٜىٰهُو يَثٜىٰ وَ بِدْكَرْ مَيْ حِدِمَرْسَ ‏«‏كَڢِتَرْدَ جِكِنْ، كَجٜىٰڢَرْ أَغُواْنَرْ نَبُواتْ مُتُمِنْ يٜىٰظِرٜىٰيٜىٰلْ؞ كُواْ كَتُنَ دَ رَانَرْ دَمُكٜىٰ تَڢِيَ تَرٜىٰدَ أَهَبْ بَابَنْسَ، سَيْ يَهْوٜىٰهْ يَڢَطِ وَنَّنْ كَلْمَ غَمٜىٰدَشِ؟

²⁶ غَمَا يَهْوٜىٰهْ يَثٜىٰ مَسَ، ‏‹‏نَا ضَنْڟٜىٰ ثٜىٰوَ ذَنْسَاكَ مَكَ عَكَنْ وَنَّنْ ڢِيلِنْ، سَبُواْدَ جِنِنْ نَبُواتْ دَ نَیَیَنْسَ وَنْدَ نَغَ جِيَ؞›‏ دُواْمِنْ حَكَ كَطَوْكٜىٰشِ كَجٜىٰڢَرْ أَنَنْ ڢِيلِنْ نَبُواتْ، بِسَغَ مَغَنَرْ يَهْوٜىٰهْ؞»‏

أَنْ كَشٜىٰ سَرْكِے أَهَظِيَ نَ يَهُودَ

²⁷ دَ سَرْكِے أَهَظِيَ نَ يَهُودَ يَغَ حَكَ، سَيْ يَغُدُ يَبِے حَنْيَرْ بٜىٰتْ هَغَّنْ؞ يٜىٰهُو كُوَ يَبِے شِ يَيِ إِيهُ يَثٜىٰ ‏«‏كُهَرْبٜىٰ شِ، شِے مَا!‏»‏ سُكَ هَرْبٜىٰ شِ عَثِكِنْ كٜىٰكٜىٰنْ دُواْكِنْسَ دَيْدَيْ يَنَ تَڢِيَ أَ هَوَنْ غُرْ، وَنْدَ يَكٜىٰ كُسَدَ إِبْلٜىٰيَمْ؞ سَيْ يَغُدُ ذُوَا مٜىٰغِدُّواْ يَمُتُ أَوُرِنْ؞

²⁸ دَتَّاوَنْسَ سُكَ طَوْكٜىٰشِ ثِكِنْ كٜىٰكٜىٰنْ دُواْكِنْ يَاڧِ ذُوَا عُرُوشَلِيمَ، سُكَ بِنّٜىٰشِ ثِكِنْ كَبَرِنْسَ تَرٜىٰدَ كَاكَنِّنْسَ عَبِرْنِنْ دَاوُدَ؞

²⁹ أَ شٜىٰكَرَا تَغُواْمَشَا طَيَ تَمُلْكٍ سَرْكِے يُواْرَمْ طَنْ أَهَبْ نٜىٰ، أَهَظِيَ يَڢَارَ مُلْكِ أَ يَهُودَ؞

أَنْ كَشٜىٰ يٜىٰظٜىٰبٜىٰلْ

³⁰ لُواْكَثِنْ دَ يٜىٰظٜىٰبٜىٰلْ سَرَوْنِيَ مَامَرْ سَرْكِے تَجِ ثٜىٰوَ يٜىٰهُو يَذُواْ يٜىٰظِرٜىٰيٜىٰلْ، سَيْ تَيِ شَاڢٜىٰ شَاڢٜىٰ أَ ڢُسْكَرْتَ، تَڠَرَ غَاشِنْ كَنْتَ، سَيْ تَلٜىٰڧَ تَتَغَ؞

³¹ دَ يٜىٰهُو يَكَيْ ڧُواْڢَرْ ذَيْ شِغَ، سَيْ يٜىٰظٜىٰبٜىٰلْ تَتَادَ مُرْيَرْتَ تَثٜىٰ مَسَ ‏«‏يَا كَيْ مَيْ كَشٜىٰ شُوغَبَنْسَ كَمَرْ يَدَّ ظِمْرِ يَيِ، لَاڢِيَ كَذُواْ؟»‏

³² دَ يٜىٰهُو يَطَغَ إِدَانُو يَغَنْتَ، سَيْيَثٜىٰ ‏«‏وَنٜىٰنٜىٰ يَكٜىٰ غُواْيُوانْ بَايَنَ؟ كُواْ أَݣَويْ وَنِ؟»‏ سَيْ بَابَانِّ بِيُ كُواْ عُكُ سُكَ نُونَ كَنْسُ غَرٜىٰشِ؞

³³ يٜىٰهُو يَثٜىٰ مُسُ ‏«‏كُجٜىٰڢَ تَڧَسَا!‏»‏ سُكَ جٜىٰڢَتَ تَتَغَ، جِنِنْتَ يَظُبَ كُواْعِنَ عَبَنْ‌غُوانْ دَ كُمَ أَجِكِنْ دَوَكِنْ؞ سَيْ يٜىٰهُو يَسَا دَوَكِنْسَ سُكَ تَتَّاكَ جِكِنْتَ؞

³⁴ سَعَنً يٜىٰهُو يَشِغَ غِدَنْ سَرْكِے يَثِ عَبِنْثِ؞ بَايَنْ حَكَ سَيْيَثٜىٰ ‏«‏أَ جٜىٰ أَبِنّٜىٰ مَاتَرْ نَنْ مَيْ لَعَنَ غَمَا عِتَ یَرْ سَرْكِے ثٜىٰ؞»‏

³⁵ عَمَّا دَ سُكَجٜىٰ سُطَوْكٜىٰتَ بَسُ تَرَرْ دَ كُواْمٜىٰبَ، سَيْدَيْ ڧَشِنْ كَنْتَ دَ نَڧَڢَاڢُنْتَ دَ نَتَڢِنْ حَنُّنْتَ كَطَيْ؞

³⁶ دَ سُكَ دَاوُاْ سُكَ ڢَطَا مَسَ، سَيْيَثٜىٰ ‏«‏وَنَّنْ يَثِكَ كَلْمَرْ دَ يَهْوٜىٰهْ يَيِ تَبَاكِنْ بَاوَنْسَ إِلْيَاسُ مُتُمِنْ تِشْبٜىٰ ثٜىٰوَ ‏‹‏أَ يَنْكِنْ يٜىٰظِرٜىٰيٜىٰلْ كَرْنُكَ ذَاسُثِ نَامَنْ جِكِنْ يٜىٰظٜىٰبٜىٰلْ؞

³⁷ ذَاعَ وَرْوَڟَ جِكِنْتَ كُواْعِنَ عَتَتَّاكَ كَمَرْ كَاشِنْ دَبَّ أَ ڢِيلِنْ يَنْكِنْ يٜىٰظِرٜىٰيٜىٰلْ، يَدَّ بَابُوَنْدَ ذَيْ عِيَ ثٜىٰوَ ‏«‏يٜىٰظٜىٰبٜىٰلْ ثٜىٰ وَنَّنْ؞»‏ ›‏ »‏