2 سَرَاكُنَ 7 - أَتَّوْرَتْ دَ أَنَّبَاوَا

¹ أَلْيَسَعَ يَأَمْسَ يَثٜىٰ ‏«‏كُجِ مَغَنَرْ يَهْوٜىٰهْ، ‏‹‏وَرْ حَكَ غُواْبٜىٰ ذَاعَ سَيَرْ دَ مُودُ طَيَ نَغَارِنْ حَڟِ مَڢِے ݣَوْ عَكَنْ أَظُرْڢَا غُدَا دَ كُمَ مُودُ بِيُ نَهَڟِنْ بَلٜىٰ عَكَنْ أَظُرْڢَا طَيَ عَڧُواْڢَرْ سَمَرِيَ؞›‏ »‏

² شُوغَبَنْ سُواْجُواْجِ وَنْدَ سَرْكِے يَكٜىٰ دُواْغَضَ عَكَنْسَ يَثٜىٰ وَمُتُمِنْ اللَّهْ ‏«‏كُواْ دَ يَهْوٜىٰهْ دَ كَنْسَ ذَيْبُوطٜىٰ ڧُواْڢُواْڢِنْ سَمَ، وَنَّنْ أَبُ بَذَيْ عِيَ ڢَرُوَ بَ سَمْ!‏»‏ أَلْيَسَعَ كُوَ يَثٜىٰ مَسَ ‏«‏ذَاكَ غَنِ دَ عِدَنُونْكَ، عَمَّا بَذَاكَثِبَ؞»‏

مَاسُ ثُوتَرْ ڢَتَرْ جِكِے سُنْ جٜىٰ سَنْسَنِنْ سُرِيَاوَا

³ أَݣَويْ مُتُمْ حُطُ، مَاسُ ثُوتَرْ ڢَتَرْ جِكِے، وَطَنْدَ سُكٜىٰ ذَمَ عَبَاكِنْ ڧُواْڢَرْ بِرْنِنْ سَمَرِيَ؞ سُكَثٜىٰ وَجُونَ ‏«‏دُوانْمٜىٰ مُكٜىٰ ذَمَنْ جِرَا حَرْ مُمُتُ أَنَنْ؟

⁴ عِدَنْ مُنْثٜىٰ ذَامُ شِغَ ثِكِنْ بِرْنِنْ، يُنْوَ ذَيْ كَشٜىٰمُ أَوُرِنْ؞ عِدَنْ مُنْ ذَوْنَ أَنَنْ ذَامُ مُتُ؞ سَبُواْدَ حَكَ مُتَڢِے مُمِيڧَ كَنْمُ أَ سَنْسَنِنْ يَاڧِنْ سُرِيَاوَا؞ عِدَنْ سُنْبَرْمُ دَرَيْ، تُواْ مَادَلَّ؞ عِدَنْ كُمَ سُنْكَشٜىٰمُ، أَيْ، دَا مَا مُتُوَ ذَامُيِ؞»‏

⁵ سَيْ سُكَتَاشِ بَايَنْ رَانَ تَڢَاطِ، سُكَ كَامَ حَنْيَ ذُوَا سَنْسَنِنْ يَاڧِنْ سُرِيَاوَا؞ عَمَّا دَ سُكَ كَيْ بَاكِنْ سَنْسَنِنْ، سُكَ تَرَرْ بَابُ كُواْوَ أَوُرِنْ؞

⁶ عُبَنْ‌غِجِ كُوَ يَسَا سُورِيَاوَنْ سُكَجِ مُواْڟِ كَمَرْ نَتَڢِيَرْ بَبَّرْ ڧُنْ‌غِيَرْ سُواْجَ تَرٜىٰدَ دَوَكِ دَ كٜىٰكُنَنْ دُواْكِنْ يَاڧِ؞ سَيْ سُكَثٜىٰ وَجُونَ ‏«‏غَاشِ سَرْكِنْ إِسْرَٰٓءِيلَ يَطَوْكُواْ هَيَرْ مُتَنٜىٰنْ هِتِّ دَ نَ مَصَرْ دُواْمِنْ سُيَاڧٜىٰمُ؞»‏

⁷ دُواْمِنْ حَكَ سُكَ غُدُ بَايَنْ رَانَ تَڢَاطِ، سُكَ بَرْ تٜىٰنْتُنَنْسُ دَ دَوَكِنْسُ دَ جَاكُنَنْسُ، سُكَبَرْ سَنْسَنِنْ يَدَّ يَكٜىٰ، سُكَ غُدُ دُوانْ رَايُكَنْسُ؞

⁸ دَ مَاسُ ثُوتَرْ ڢَتَرْ نَنْ حُطُ سُكَ كَيْ بَاكِنْ سَنْسَنِنْ، سَيْ سُكَ شِغَ وَنِ تٜىٰنْتِ سُكَثِ سُكَشَا، سُكَ ݣُوشِ أَظُرْڢَا دَ ظِينَارِيَ دَ رِيغُنَ، سُكَ تَڢِے سُكَ ٻُواْيٜىٰسُ؞ سَعَنً سُكَ كُواْمَ سُكَ شِغَ وَنِ تٜىٰنْتِ، سَيْ سُكَ ݣُوشِ كَايَ دَغَ ثِكِ، سُكَ كُمَ ٻُواْيٜىٰسُ؞

⁹ دَغَ نَنْ سُكَثٜىٰ وَجُونَ ‏«‏بَمُيِ دَيْدَيْبَ؞ يَوْ رَانَرْ لَابَرِ مَيْ دَاطِثٜىٰ، عِدَنْ مُكَيِ شِضُ مُكَ جِرَا حَرْ سَڢٜىٰ، وَنِ حُكُنْثِ ذَيْ عِيَ ڢَاطِ عَكَنْمُ؞ دُواْمِنْ حَكَ كُذُواْ مُتَڢِے مُڢَطَا أَغِدَنْ سَرْكِے؞»‏

¹⁰ سَيْ سُكَذُواْ بَاكِنْ ڧُواْڢَرْ بِرْنِنْ سُكَتَادَ مُرْيَ سُكَثٜىٰ وَمَاسُ غَادِ ‏«‏مُنْجٜىٰ سَنْسَنِنْ يَاڧِنْ سُرِيَاوَا مُكَ تَرَرْ بَابُ كُواْوَ، بَا كُواْ مُواْڟِنْ مُتُمْ، سَيْدَيْ دَوَكِ دَ جَاكُنَ أَطَطَّوْرٜىٰ، تٜىٰنْتُنَنْ كُمَ سُنَانَنْ يَدَّ سُورِيَاوَنْ سُكَ بَرْسُ؞»‏

¹¹ سَيْ مَاسُ غَادِنْ سُكَتَادَ مُرْيَ سُكَيِ شٜىٰلَ، شٜىٰلَرْ كُوَ تَبِے حَرْ غِدَنْ سَرْكِے؞

¹² سَيْ سَرْكِے يَتَاشِ دَ دَرٜىٰنْ، يَثٜىٰوَ مَاسُ يِمَسَ حِدِمَ ‏«‏نَسَنْ أَبِنْدَ سُورِيَاوَنْ سُكٜىٰ شِرِ!‏ سُنْسَنْ غَمٜىٰدَ يُنْوَرْ دَمُكٜىٰ عَثِكِ أَنَنْ، دُواْمِنْ حَكَ سُنْبَرْ سَنْسَنِنْسُ سُكَ شِغَ دَاجِ سُكَ ٻُيَ؞ سُنَ تُنَانِ ثٜىٰوَ عِدَنْ مُنْ بَرْ بِرْنِ مُكَ ڢِتَ نٜىٰمَنْ عَبِنْثِ، سَيْ سُڢَاطُواْ مَنَ، سُكَكَّامَمُ دَرَيْ، سُڨُوثٜىٰ بِرْنِنْمُ؞»‏

¹³ طَيَ دَغَ ثِكِنْ دَتَّاوَنْ سَرْكِنْ يَثٜىٰ ‏«‏مُعَيْكَ مُتَنٜىٰ سُطَوْكِ دَوَكِ بِيَرْ وَطَنْدَ سُكَ رَغُ، سُتَڢِے سُدُوبِے أَبِنْدَ مُكَجِ؞ غَمَا عِدَنْ وَنِ أَبُ يَڢَرُ دَسُو، بَذَيْ ذَمَ بَبَّرْ هَسَرَبَ ڢِيٜىٰدَ عِدَنْ سُنْ ذَوْنَ تَرٜىٰدَمُو عَبِرْنِنْ، سَبُواْدَ دُكَنْمُ ذَمَنْ مُتُوَانٜىٰ مُكٜىٰ عَثِكِ؞»‏

¹⁴ سَيْ عَكَ ذَاٻِ وَطَنْسُ مُتَنٜىٰ، سَيْ سَرْكِے يَعَيْكٜىٰسُ دَ كٜىٰكُنَنْ دُواْكِ بِيُ سُتَڢِے سُدُوبَ أَبِنْدَ يَڢَرُ دَ سُواْجُواْجِنْ سُورِيَ؞

¹⁵ مُتَنٜىٰنَّنْ سُكَبِيسُ حَرْ بَاكِنْ كُواْغِنْ يُواْدَنْ؞ كُواْعِنَ عَكَنْ حَنْيَ سُكَغَ رِيغُنَ دَ كَايَنْ يَاڧِ أَ ظُبٜىٰ، وَطَنْدَ سُورِيَاوَنْ سُكَ يَرْ أَ لُواْكَثِنْ دَسُكٜىٰيِنْ سَوْرِ سُغُدُ؞ مُتَنٜىٰنْ سُكَ كُواْمَ سُبَادَ لَابَرِ غَ سَرْكِے؞

¹⁶ سَيْ مُتَنٜىٰنْ بِرْنِنْ سَمَرِيَ سُكَ ڢِتَ أَغُجٜىٰ سُكَ تَڢِے سَنْسَنِنْ يَاڧِنْ سُرِيَاوَا سُكَ ݣُوشِ كَايَ؞ سَيْ عَكَ سَيَرْ دَ مُودُ طَيَ نَغَارِنْ حَڟِ عَكَنْ أَظُرْڢَا غُدَا، سَعَنً مُودُ بِيُ نَهَڟِنْ بَلٜىٰ عَكَنْ أَظُرْڢَا غُدَا، بِسَغَ مَغَنَرْ يَهْوٜىٰهْ؞

¹⁷ يَكَسَنْثٜىٰ ثٜىٰوَ شُوغَبَنْ سُواْجُواْجِ وَنْدَ سَرْكِے يَكٜىٰ دُواْغَضَ عَكَنْسَ سَعَدَّ سُكٜىٰيِنْ مَغَنَ دَ أَلْيَسَعَ، شِينٜىٰ عَكَسَا غَادِنْ ڧُواْڢَرْ بِرْنِنْ؞ سَبُواْدَ يَوَنْ مُتَنٜىٰنْ دَ سُكَ تَارُ عَڧُواْڢَرْ بِرْنِ، عَكَ تُورَشِ ڧَسَا عَكَ تَتَّاكٜىٰشِ حَرْ يَمُتُ، كَمَرْ يَدَّ أَلْيَسَعَ مُتُمِنْ اللَّهْ يَڢَطَا سَعَدَّ سَرْكِے يَتَڢِے دُواْمِنْ يَغَنْشِ؞

¹⁸ يَكُوَ كَسَنْثٜىٰ كَمَرْ يَدَّ مُتُمِنْ اللَّهْ يَڢَطَا وَسَرْكِے ثٜىٰوَ كَاڢِنْ وَرْهَكَ غُواْبٜىٰ، ذَاعَ سَيَرْ دَ مُودُ بِيُ نَهَڟِنْ بَلٜىٰ عَكَنْ أَظُرْڢَا غُدَا، حَكَمَا مُودُ طَيَ نَغَارِنْ حَڟِ عَكَنْ أَظُرْڢَا غُدَا عَڧُواْڢَرْ بِرْنِنْ سَمَرِيَ؞

¹⁹ أَ لُواْكَثِنْ، شُوغَبَنْ سُواْجُواْجِنْ يَأَمْسَ وَمُتُمِنْ اللَّهْ ثٜىٰوَ ‏«‏كُواْ دَ يَهْوٜىٰهْ دَ كَنْسَ يَبُوطٜىٰ ڧُواْڢُواْڢِنْ سَمَ، وَنَّنْ أَبُ بَذَيْ عِيَ ڢَرُوَبَ سَمْ!‏»‏ أَلْيَسَعَ كُوَ يَثٜىٰ ‏«‏ذَاكَ غَنِ دَ عِدَنُونْكَ، عَمَّا بَذَاكَ ثِبَ؞»‏

²⁰ حَكَ كُوَ أَبِنْ يَڢَرُ دَشِ؞ مُتَنٜىٰ سُكَ تَتَّاكٜىٰشِ أَوُرِنْ تَارُوَ عَڧُواْڢَرْ بِرْنِ حَرْ يَمُتُ؞