2 سَرَاكُنَ 6 - أَتَّوْرَتْ دَ أَنَّبَاوَا

أَلْيَسَعَ يَڢِتَرْ دَ كَنْ غَاتَرِ دَغَ كُواْغِ

¹ وَتَرَانَ ڧُنْ‌غِيَرْ أَنَّبَاوَا سُكَثٜىٰ وَ أَلْيَسَعَ ‏«‏كَغَا وَنَّنْ وُرِنْ دَمُكٜىٰ ذَمَ ڧَرْڧَشِنْ شُوغَبَنْثِنْكَ يَكَاسَ مَنَ أَيْنُنْ؞

² بَرِ مُتَڢِے بَاكِنْ كُواْغِنْ يُواْدَنْ عِنْدَ كُواْوَ ذَيْ عِيَ سَارُواْ غُنْ‌غُمٜىٰنْ إِتَاثٜىٰ، مُيِ وَكَنْمُ وُرِنْ ذَمَ أَوُرِنْ وَنْدَ ذَيْ إِشٜىٰمُ؞»‏ أَلْيَسَعَ يَأَمْسَ ‏«‏كُتَڢِے؞»‏

³ سَيْ طَيَ دَغَ ثِكِنْ أَنَّبَاوَنَّنْ يَنَاثٜىٰ وَ أَلْيَسَعَ يَتَڢِے تَرٜىٰدَسُو، سَيْ يَيَرْدَ؞

⁴ سَيْ يَتَڢِے تَرٜىٰدَسُو؞ دَ سُكَ إِسَ كُواْغِنْ يُواْدَنْ، سُكَ ڢَارَ يَنْكَنْ عِتَتُوَ؞

⁵ سَعَدَّ وَنِنْسُ يَكٜىٰ سَارَنْ إِتَاثٜىٰ، سَيْ كَنْ غَاتَرِ نَبَڧِنْ ڧَرْڢٜىٰ يَڢِتَ يَڢَاطَ ثِكِنْ ضُوَ؞ سَيْ مُتُمِنْ يَيِ إِيهُ يَثٜىٰ ‏«‏وَيُّواْ، مَيْغِدَا!‏ غَاشِ، غَاتَرِنْ نَأَرُواْ نٜىٰ؞»‏

⁶ أَلْيَسَعَ يَتَمْبَيٜىٰشِ يَثٜىٰ ‏«‏أَعِنَا نٜىٰ يَڢَاطِ؟»‏ دَ يَنُونَاوَ أَلْيَسَعَ وُرِنْ، سَيْ أَلْيَسَعَ يَكَرْيٜىٰ سَنْدَا يَجٜىٰڢَ أَوُرِنْ، كَنْ غَاتَرِنْ كُوَ يَتَاشِ عَبِسَ كَنْ ضُوً؞

⁷ أَلْيَسَعَ يَثٜىٰ مَسَ ‏«‏كَسَا حَنُّ كَطَوْكَ؞»‏ سَيْ يَسَا حَنُّنْسَ يَطَوْكَ؞

أَنْ ڟَيَرْ دَ سُواْجُواْجِنْ سُورِيَ

⁸ أَنَانً سَعَدَّ سَرْكِنْ سُورِيَ يَكٜىٰ يَاڧِ دَ إِسْرَٰٓءِيلَ، يَنٜىٰمِ شَوَرَرْ مَنْيَنْ سُواْجُواْجِنْسَ يَثٜىٰ ‏«‏ذَامُ كَڢَ سَنْسَنِنْ يَاڧِنْمُ أَوُرِے كَاظَا؞»‏

⁹ عَمَّا أَلْيَسَعَ مُتُمِنْ اللَّهْ يَعَيْكَ وَسَرْكِنْ إِسْرَٰٓءِيلَ دَ سَڧُواْ ثٜىٰوَ ‏«‏كَلُورَ كَدَ كَبِے وُرِے كَاظَا، دُواْمِنْ سُرِيَاوَا ذَاسُ غَنْ‌غَرَ تَوُرِنْ دُواْمِنْ يَاڧِ؞»‏

¹⁰ سَيْ سَرْكِنْ إِسْرَٰٓءِيلَ يَعَيْكَ دَ سَڧُواْ ذُوَا وُرِنْ دَ مُتُمِنْ اللَّهْ يَيِ مَغَنَ عَكَيْ؞ سَرْكِنْ كُوَ يَكَنْ ذَوْنَ دَ شِرِ أَوُرَارٜىٰنَّنْ؞ وَنَّنْ يَيِ تَڢَرُوَ بَ سَوْ طَيَبَ، بَ سَوْ بِيُبَ؞

¹¹ سَرْكِنْ سُورِيَ يَدَامُ سُواْسَيْ عَكَنْ وَنَّنْ؞ يَتَارَ مَنْيَنْ سُواْجُواْجِنْسَ يَتَمْبَيٜىٰسُ يَثٜىٰ ‏«‏كُڢَطَا مِنِ وَنٜىٰنٜىٰ دَغَ ثِكِنْمُ يَكٜىٰ تُواْنَ وَ سَرْكِنْ إِسْرَٰٓءِيلَ أَسِيرِنْمُ؟»‏

¹² سَيْ طَيَ دَغَ ثِكِنْسُ يَأَمْسَ يَثٜىٰ ‏«‏رَنْكَيَدَطٜىٰ، بَابُوَنِ؞ أَيْ، أَنَّبِے أَلْيَسَعَ نَ إِسْرَٰٓءِيلَ نٜىٰ يَكٜىٰ ڢَطَا وَسَرْكِنْ إِسْرَٰٓءِيلَ دُكْ مَغَنَرْ دَ كَكٜىٰيِ، كُواْ أَطَاكِنْ ݣُونَنْكَ؞»‏

¹³ سَيْ سَرْكِے يَبَادَ عُمَرْنِ أَ نٜىٰمِ عِنْدَ أَلْيَسَعَ يَكٜىٰ دُواْمِنْ عَكَامَشِ؞ عَكَ كُوَ سَامِ لَابَرِ ثٜىٰوَ يأَنَانً أَ دُواْتَنْ؞

¹⁴ سَيْ سَرْكِے يَعَيْكَ دَ سُواْجُواْجِ مَاسُيَوَ دَ دَوَكِ دَ كٜىٰكُنَنْ دُواْكِ ذُوَا وُرِنْ؞ سُكَ تَڢِے دَ دَرٜىٰ سُكَ كٜىٰوَيٜىٰ غَرِنْ؞

¹⁵ لُواْكَثِنْ دَ مَيْ حِدِمَرْ أَلْيَسَعَ، مُتُمِنْ اللَّهْ، يَتَاشِ دَ سَڢٜىٰ يَڢِتَ، سَيْ يَغَ سُواْجُواْجِ دَ دَوَكِ دَ كٜىٰكُنَنْ دُواْكِ سُنْ كٜىٰوَيٜىٰ غَرِنْ؞ سَيْ مَيْ حِدِمَرْ يَيِ إِيهُ يَثٜىٰ ‏«‏أَيَّ، مَيْغِدَانَ!‏ مٜىٰ ذَامُيِ يَنْذُ؟»‏

¹⁶ أَلْيَسَعَ يَثٜىٰ مَسَ ‏«‏كَدَ كَجِڟُواْرُواْ، غَمَا وَطَنْدَ سُكٜىٰ تَرٜىٰدَمُو، سُنْڢِے وَطَنْدَ سُكٜىٰ تَرٜىٰدَسُو؞»‏

¹⁷ أَلْيَسَعَ يَيِ أَدُّعَ غَ يَهْوٜىٰهْ يَثٜىٰ ‏«‏يَا يَهْوٜىٰهْ، إِنَ ضُواْڧُوانْكَ، كَبُوطٜىٰ عِدَنُونْسَ يَغَنِ؞»‏ سَيْ يَهْوٜىٰهْ يَبُوطٜىٰ إِدَانُنْ سَوْرَيِ مَيْ حِدِمَ، سَيْ يَغَ مَنْيَنْ تُدَّنْ دَسُكٜىٰ كٜىٰوَيٜىٰ دَ أَلْيَسَعَ ثِكٜىٰ دَ دَوَكِ دَ كٜىٰكُنَنْ دُواْكِ نَوُتَ؞

¹⁸ دَ سُورِيَاوَنْ سُكَ غَنْ‌غَرَ كُسَ دُواْمِنْ سُڢَاطَ مَسَ دَ يَاڧِ، سَيْ أَلْيَسَعَ يَضُواْڧِ يَهْوٜىٰهْ يَثٜىٰ ‏«‏يَا يَهْوٜىٰهْ، كَسَا سُذَمَ مَكَڢِ!‏»‏ يَكُوَ أَمْسَ أَدُّعَرْسَ يَسَا سُكَ ذَمَ مَكَڢِ؞

¹⁹ سَيْ أَلْيَسَعَ يَثٜىٰ مُسُ ‏«‏بَوَنَّنْ عِتَثٜىٰ حَنْيَرْبَ، بَكُمَ نَنْ نٜىٰ غَرِنْبَ؞ كُبِينِ ذَنْ كَيْكُ وُرِنْ مُتُمِنْ دَ كُكٜىٰ نٜىٰمَ؞»‏ سَعَنً يَجَاسُ ذُوَا سَمَرِيَ؞

²⁰ نَنْ دَنَنْ دَسُكَ شِغَ بِرْنِنْ سَمَرِيَ، سَيْ أَلْيَسَعَ يَيِ أَدُّعَ غَ يَهْوٜىٰهْ يَثٜىٰ ‏«‏كَبُوطٜىٰ مُسُ إِدَانُو دُواْمِنْ سُغَنِ؞»‏ سَيْ يَهْوٜىٰهْ يَبُوطٜىٰ عِدَنُونْسُ سُكَغَ كَنْسُ أَڟَكِيَرْ سَمَرِيَ؞

²¹ دَ سَرْكِنْ إِسْرَٰٓءِيلَ يَغَنْسُ سَيْيَثٜىٰ وَ أَلْيَسَعَ ‏«‏بَابَ، إِنْكَشٜىٰسُ؟ إِنْكَشٜىٰسُ يَنْذُ؟»‏

²² أَلْيَسَعَ يَثٜىٰ ‏«‏أَعَ، بَذَاكَ كَشٜىٰسُبَ؞ أَيْ، كُواْ سُواْجُواْجِنْ دَ عَكَنْ كَامَ أَوُرِنْ يَاڧِ بَعَيِنْ مُسُ حَكَ؞ كَبَاسُ عَبِنْثِ دَ ضُوً شَا سُثِ سُشَا، سَعَنً كَسَلَّمٜىٰسُ سُكُواْمَ وُرِنْ مَيْغِدَنْسُ؞»‏

²³ دُواْمِنْ حَكَ سَرْكِنْ إِسْرَٰٓءِيلَ يَشِرْيَ مُسُ بَبَّنْ بِكِ؞ بَايَنْدَ سُكَثِ سُكَشَا، يَسَلَّمٜىٰسُ سُكَ كُواْمَ وُرِنْ مَيْغِدَنْسُ؞ تُنْدَغَ لُواْكَثِنْ، سُرِيَاوَا بَسُسَاكٜىٰ كَيْوَ ڧَسَرْ إِسْرَٰٓءِيلَ هَرِبَ؞

بٜىٰنْهَدَدْ يَكٜىٰوَيٜىٰ إِسْرَٰٓءِيلَ دَيَاڧِ

²⁴ أَنَانً بَايَنْ وَنَّنْ، سَرْكِے بٜىٰنْهَدَدْ نَ سُورِيَ يَتَتَّارَ سُواْجُواْجِنْسَ سُكَ هَوْرَ سُكَ كٜىٰوَيٜىٰ بِرْنِنْ سَمَرِيَ دُواْمِنْ يَاڧِ؞

²⁵ سَبُواْدَ دَطٜىٰوَرْ وَنَّنْ كٜىٰوَيٜىٰوَرْ بِرْنِنْ، سَيْ يُنْوَ تَٻَرْكٜىٰ عَبِرْنِنْ، حَرْ أَنَ سَيَرْ دَ كَنْ جَاكِ عَكَنْ أَظُرْڢَا تَمَٰنِنْ، كَاشِنْ ڟُنْڟُ كُمَ عَكَنْ أَظُرْڢَا بِيَرْ؞

²⁶ وَتَرَانَ سَعَدَّ سَرْكِنْ إِسْرَٰٓءِيلَ يَنَ تَڢِيَ عَكَنْ كَتَنْ‌غَرْ بِرْنِنْ، سَيْ وَتَ مَثٜىٰ تَيِ كُوكَا غَرٜىٰشِ تَثٜىٰ ‏«‏رَنْكَيَدَطٜىٰ!‏ كَتَيْمَكٜىٰنِ، سَرْكِے!‏»‏

²⁷ سَرْكِے يَأَمْسَ مَتَ يَثٜىٰ ‏«‏عِدَنْ يَهْوٜىٰهْ بَيْ تَيْمَكٜىٰكِبَ، مٜىٰ ذَنْعِيَيِ؟ إِنَدَ حَڟِ كُواْ ضُوً إِنَبِنْدَ ذَنْبَاكِ نٜىٰ؟»‏

²⁸ سَرْكِے يَڧَارَثٜىٰ مَتَ ‏«‏مٜىٰنٜىٰنٜىٰ دَامُوَرْكِ؟»‏ تَا أَمْسَ تَثٜىٰ ‏«‏مَثٜىٰنَّنْ نٜىٰ تَثٜىٰ مُثِ طَانَ يَوْ، سَعَنً وَشٜىٰغَرِ مُثِ نَاتَ؞

²⁹ حَكَ كُوَ مُكَ دَڢَ طَانَ مُكَثِ؞ عَمَّا وَشٜىٰغَرِ دَ نَثٜىٰمَتَ مُكَشٜىٰ نَاتَ مُثِ، سَيْ تَٻُواْيٜىٰشِ؞»‏

³⁰ دَ سَرْكِے يَجِ حَكَ سَيْ يَيَيَّاغٜىٰ رِيغُنَنْسَ؞ تُنْدَيَكٜىٰ سَرْكِے يَنَ تَڢِيَ عَكَنْ كَتَنْ‌غَرْ بِرْنِنْ، مُتَنٜىٰ سُكَ غَنْشِ سَنْيٜىٰ دَ رِيغُنَنْ نُونَ بَڧِنْ ثِكِ؞

³¹ سَرْكِے يَثٜىٰ ‏«‏بَرِ اللَّهْ يَطَوْكِ رَيْنَ حَرْ مَا ڢِيٜىٰدَ حَكَ، عِدَنْ بَنْ ثِرٜىٰكَنْ أَلْيَسَعَ طَنْ شَڢَتْ يَوْبَ!‏»‏

³² سَيْ سَرْكِے يَعَيْكِ وَنِ يَكَامَ أَلْيَسَعَ؞ أَلْيَسَعَ كُوَ يَنَ ظَوْنٜىٰ أَغِدَنْسَ تَرٜىٰدَ دَتَّاوَنْ إِسْرَٰٓءِيلَ؞ عَمَّا كَاڢِنْ طَنْ عَيْكَنْ يَ إِسُواْ، أَلْيَسَعَ يَثٜىٰ وَدَتَّاوَنْ ‏«‏كُنْ غَنِ كُواْ؟ وَنَّنْ مَيْ كِسَا يَعَيْكُواْ عَثِرٜىٰمِنِ كَيْ!‏ تُواْ، عِدَنْ طَنْ عَيْكَنْ يَ إِسُواْ، سَيْ كُرُڢٜىٰ ڧُواْڢَرْ كُكُلّٜىٰشِ أَوَجٜىٰ؞ بَ دَ جِمَاوَابَ، مَيْغِدَنْسَ ذَيْبِے بَايَنْسَ؞»‏

³³ تُنْ أَلْيَسَعَ بَيْ رُڢٜىٰ بَاكِبَ، سَيْ سَرْكِے يَ إِسُواْ يَثٜىٰ ‏«‏أَيْ، يَهْوٜىٰهْ نٜىٰ يَكَٰوُاْ مَنَ وَنَّنْ مَسِيڢَ؞ دُوانْمٜىٰ ذَنْسَا ذُوثِيَا غَ يَهْوٜىٰهْ كُمَ؟»‏