2 سَرَاكُنَ 3 - أَتَّوْرَتْ دَ أَنَّبَاوَا

ڢَارَوَرْ مُلْكٍ يٜىٰهُواْرَمْ عَ إِسْرَٰٓءِيلَ

﴿شٜىٰكَرَا 852‏-841 كَاڢِنْ حَيْڢُوَرْ عِيسَىٰ ﴾

¹ أَ شٜىٰكَرَا تَغُواْمَشَا تَݣُوسْ تَمُلْكٍ سَرْكِے يٜىٰهُواْشَڢَتْ نَ يَهُودَ، يٜىٰهُواْرَمْ طَنْ أَهَبْ يَذَمَ سَرْكِنْ إِسْرَٰٓءِيلَ أَ سَمَرِيَ؞ يٜىٰهُواْرَمْ يَيِ مُلْكِ شٜىٰكَرَا غُواْمَشَا بِيُ؞

² يَعَيْكَتَ مُغُنْتَا أَعِدُوانْ يَهْوٜىٰهْ، كُواْدَيَكٜىٰ بَيْ كَيْ مُغُنْتَارْ دَ بَابَنْسَ دَ مَامَرْسَ سُكَ عَيْكَتَ بَ؞ غَمَا يَكَوَرْدَ دُوڟٜىٰنْ سُجَّدَ نَغُنْكِ بَعَلْ وَنْدَ بَابَنْسَ يَيِ؞

³ عَمَّا دُكْدَهَكَ يَثِيغَبَدَ ذُنُوبِنْ يٜىٰرُواْبُواْوَمْ طَنْ نٜىٰبَتْ، وَنْدَ يَسَا إِسْرَٰٓءِيلَ سُكَيِ، بَيْ كُوَ دَيْنَبَ؞

يَهُودَ دَ إِسْرَٰٓءِيلَ سُنْ يَاڧِ مُواْوَبْ

⁴ سَرْكِے مٜىٰشَ نَ مُواْوَبْ كُوَ مَكِيَايِنْ تُمَكِ نٜىٰ؞ كُواْوَثٜىٰ شٜىٰكَرَا يَكَنْ بَا سَرْكِنْ إِسْرَٰٓءِيلَ هَرَاجِ نَیَنْ تُمَكِ دُبُو طَرِے دَ غَاشِ دَغَ رَغُنَ دُبُو طَرِے؞

⁵ عَمَّا سَعَدَّ سَرْكِے أَهَبْ نَ إِسْرَٰٓءِيلَ يَمُتُ، سَيْ سَرْكِنْ مُواْوَبْ يَيِ وَسَرْكِنْ إِسْرَٰٓءِيلَ تَاوَيٜىٰ؞

⁶ سَبُواْدَ حَكَ سَرْكِے يٜىٰهُواْرَمْ نَ إِسْرَٰٓءِيلَ يَڢِتَ دَغَ سَمَرِيَ يَتَتَّارَ سُواْجُواْجِنْ إِسْرَٰٓءِيلَ دُواْمِنْ يَاڧِ؞

⁷ يَعَيْكَ دَسَڧُواْ ذُوَا سَرْكِے يٜىٰهُواْشَڢَتْ نَ يَهُودَ يَثٜىٰ ‏«‏سَرْكِنْ مُواْوَبْ يَيِ مِنِ تَاوَيٜىٰ؞ كُواْ ذَاكَ تَڢِے دَنِے مُيَاڧِ مُواْوَبْ؟»‏ يٜىٰهُواْشَڢَتْ يَأَمْسَ يَثٜىٰ ‏«‏عِ، إِنَ شِرْيٜىٰ مُتَڢِے؞ أَيْ، سُواْجُواْجِنَ سُواْجُواْجِنْكَ نٜىٰ دَوَكِنَ كُمَ دَوَكِنْكَ نٜىٰ؞»‏

⁸ سَيْ يٜىٰهُواْشَڢَتْ يَيِ تَمْبَيَ يَثٜىٰ ‏«‏وَثٜىٰ حَنْيَ ثٜىٰ ذَامُبِے؟»‏ يٜىٰهُواْرَمْ يَثٜىٰ ‏«‏حَنْيَرْ دَ تَبِے تَدَاجِنْ عٜىٰدُوامْ؞»‏

⁹ سَرْكِنْ إِسْرَٰٓءِيلَ دَ سَرْكِنْ يَهُودَ دَ كُمَ سَرْكِنْ عٜىٰدُوامْ سُكَتَاشِ سُكَ تَڢِے؞ بَايَنْدَ سُكَيِ ݣُونَ بَݣَويْ سُنَ ذَاغَاوَ، سَيْ سُكَ كَيْ عِنْدَ بَابُ ضُوً شَا دُواْمِنْ سُواْجُواْجِ دَ دَبُّواْبِنْ دَسُكٜىٰ تَرٜىٰدَسُو؞

¹⁰ سَيْ سَرْكِنْ إِسْرَٰٓءِيلَ يَثٜىٰ ‏«‏كَيْتُوانْمُ!‏ يَهْوٜىٰهْ يَتَارَ مُو سَرَاكُنَ عُكُنَّنْ دُواْمِنْ يَبَادَمُو أَ حَنُّنْ سَرْكِنْ مُواْوَبْ!‏»‏

¹¹ سَعَنً يٜىٰهُواْشَڢَتْ يَثٜىٰ ‏«‏بَابُوَنِ أَنَّبِنْ يَهْوٜىٰهْ أَنَنْ وَنْدَ ذَيْ نٜىٰمَ مَنَ نُڢِنْ يَهْوٜىٰهْ؟»‏ طَيَ دَغَ ثِكِنْ دَتَّاوَنْ سَرْكِنْ إِسْرَٰٓءِيلَ يَثٜىٰ ‏«‏أَلْيَسَعَ طَنْ شَڢَتْ، وَنْدَ دَا يَيِ وَ إِلْيَاسُ حِدِمَ، يأَنَانً؞»‏

¹² يٜىٰهُواْشَڢَتْ يَثٜىٰ ‏«‏كَلْمَرْ يَهْوٜىٰهْ تَنَ تَرٜىٰ دَشِ؞»‏ دُواْمِنْ حَكَ سَرْكِنْ إِسْرَٰٓءِيلَ دَ سَرْكِنْ يَهُودَ دَ سَرْكِنْ عٜىٰدُوامْ سُكَ تَڢِے وُرِنْ أَلْيَسَعَ؞

¹³ أَلْيَسَعَ يَثٜىٰ وَسَرْكِنْ إِسْرَٰٓءِيلَ ‏«‏مٜىٰ يَهَطَنِ دَكَيْ؟ كَتَڢِے وُرِنْ إِرِنْ أَنَّبَاوَنْ بَابَنْكَ دَ أَنَّبَاوَنْ مَامَرْكَ؞»‏ عَمَّا سَرْكِے يٜىٰهُواْرَمْ يَثٜىٰ ‏«‏بَابُ؞ أَيْ، يَهْوٜىٰهْ نٜىٰ يَتَرَمُ سَرَاكُنَنَّنْ عُكُ دُواْمِنْ يَبَادَمُو أَ حَنُّنْ مُواْوَبْ؞»‏

¹⁴ أَلْيَسَعَ يَثٜىٰ مَسَ ‏«‏نَا ضَنْڟٜىٰ دَ يَهْوٜىٰهْ مَيْ ضُنْدُنَا كُمَ مَيْ رَيْ، وَنْدَ نَكٜىٰ بَوْتَا مَسَ دَبَا دُوانْ غِرْمَنْدَ نَكٜىٰ بَا سَرْكِے يٜىٰهُواْشَڢَتْ نَ يَهُودَ بَ دَكُواْ كَلُّوانْكَ مَا بَذَنْيِبَ؞

¹⁵ يَنْذُ كُكَٰوُاْ مِنِ وَنِ مَيْ كِطَ مُواْلُواْ؞»‏ سَعَدَّ عَكٜىٰ كِطِنْ مُواْلُوانْ، سَيْ إِيكُوانْ يَهْوٜىٰهْ يَسَوْكُواْوَ أَلْيَسَعَ؞

¹⁶ سَيْ يَثٜىٰ ‏«‏إِنْجِ يَهْوٜىٰهْ، ‏‹‏وَنَّنْ بُوسَشّٜىٰنْ ݣُورِ ذَيْثِكَ دَ تَڢْكُنَ؞›‏

¹⁷ كُواْدَيَكٜىٰ بَذَاكُ غَا إِسْكَ كُواْ ضُوً سَمَبَ، دُكْدَهَكَ وَنَّنْ ݣُورِ ذَيْثِكَ دَ ضُوَ، حَرْ كُو دَ شَانُنْكُ دَ سَوْرَنْ دَبُّواْبِنْكُ ذَاكُشَا؞

¹⁸ وَنَّنْ بَوَنِ أَبُ بَنٜىٰ أَوُرِنْ يَهْوٜىٰهْ، ذَيْ كُمَ بَادَ مُواْوَبْ أَ حَنُّنْكُ!‏

¹⁹ ذَاكُ ڨُوثٜىٰ كُواْوَنٜىٰ بِرْنِ مَيْ كَتَنْ‌غَ دَ كُواْوَنٜىٰ بِرْنِ مَيْݣَوْ؞ ذَاكُ يَنْكَ كُواْوَنٜىٰ إِتَاثٜىٰ مَيْ أَمْڢَانِ، ذَاكُ تُواْشٜىٰ كُواْوَثٜىٰ مَٻُٻُّغَرْ ضُوَنْسُ، كُمَ دَ دُوَڟُو ذَاكُ لَلَتَرْدَ غُواْنَكِنْسُ مَاسُ ݣَوْ؞»‏

²⁰ وَشٜىٰغَرِ دَيْدَيْ لُواْكَثِنْ دَ أَنْسَابَا مِيڧَ هَدَايَرْ سَاڢِيَ، ضُوَ يَٻُلُّواْ دَغَ وَجٜىٰنْ عٜىٰدُوامْ يَثِكَ كُواْعِنَ؞

²¹ لُواْكَثِنْ دَ مُتَنٜىٰنْ مُواْوَبْ سُكَجِ ثٜىٰوَ سَرَاكُنَ عُكُ سُنْ ڢِتُواْ دُواْمِنْ سُيَاڧٜىٰسُ، سَيْ دُكَنْ مَذَنْ دَ سُكَ إِسَ أَمْڢَانِ دَ كَايَنْ يَاڧِ دَغَ ڧَرَمِ حَرْ ذُوَا بَبَّ، عَكَ كِرَاسُ عَكَسَاسُ عَبَاكِنْ إِيَاكَرْ ڧَسَرْسُ؞

²² سَعَدَّ سُكَتَاشِ وَشٜىٰغَرِ رَانَ تَنَ حَصْكَكَاوَا عَكَنْ ضُوً، سَيْ سُكَغَ ضُوً يَيِ جَاوُرْ كَمَرْ جِنِ؞

²³ مُتَنٜىٰنْ مُواْوَبْ سُكَيِ إِيهُ سُكَثٜىٰ ‏«‏جِنِنٜىٰ!‏ بَابُ شَكَّ سَرَاكُنَنَّنْ سُنْ ڢَاطَوَ جُونَ دَ يَاڧِ سُكَ كَكَّشٜىٰ جُونَنْسُنٜىٰ!‏ يَا كُو مُتَنٜىٰنْ مُواْوَبْ، مُجٜىٰ مُݣُوشِ كَايَنْسُ عَيَاڧِ!‏»‏

²⁴ دَ سُكَ إِسُواْ سَنْسَنِنْ يَاڧِنْ إِسْرَٰٓءِيلَ، سَيْ إِسْرَٰٓءِيلَاوَا سُكَ ڢِتَ دَ غُدُ سُكَ ڢَاطَ مُسُ دَيَاڧِ؞ مُتَنٜىٰنْ مُواْوَبْ سُكَ جُويَا سُكَ غُدُ؞ سُواْجُواْجِنْ إِسْرَٰٓءِيلَ سُكَبِيسُ حَرْ ڧَسَرْ مُواْوَبْ سُنَ تَكَكَّشٜىٰسُ؞

²⁵ سُكَ لَلَتَرْدَ بِرَنٜىٰنْسُ؞ عَكُواْوَثٜىٰ غُواْنَ مَيْݣَوْ، كُواْوَ يَجٜىٰڢَ دُوڟٜىٰ عَثِكِ حَرْ سَيْ دَ أَنْرُڢٜىٰتَ دَ دُوَڟُو؞ عَكَ تُواْشٜىٰ كُواْوَثٜىٰ مَٻُٻُّغَرْ ضُوَ، عَكَ كُمَ يَنْكَ كُواْوَنٜىٰ إِتَاثٜىٰ مَيْ أَمْڢَانِ؞ عَڧَرْشٜىٰ بَبَّنْ بِرْنِنْسُ كِرْ هٜىٰرٜىٰسٜىٰتْ كَطَيْ يَرَغُ، عَمَّا سُواْجُواْجِ مَاسُ مَجَجَّوَ سُكَ كٜىٰوَيٜىٰشِ سُكَ ڢَاطَ مَسَ دَيَاڧِ؞

²⁶ لُواْكَثِنْ دَ سَرْكِنْ مُواْوَبْ يَلُورَ يَاڧِنْ يَنَ سُواْ يَثِ شِ، سَيْ يَطَوْكِ سُواْجُواْجِ طَرِے بَݣَويْ مَاسُ يَاڧِ دَ تَكُواْبِے دُواْمِنْ يَٻَلّٜىٰ تَغٜىٰڢٜىٰنْ سُواْجُواْجِنْ عٜىٰدُوامْ يَغُدُ، عَمَّا بَيْ عِيَبَ؞

²⁷ سَعَنً يَطَوْكِ طَنْ ڢَارِنْسَ وَنْدَ ذَيْ غَاجٜىٰشِ، يَمِيڧَ شِ هَدَايَ تَڧُواْنَاوَا عَكَنْ كَتَنْ‌غَرْ بِرْنِنْ؞ سَبُواْدَ حَكَ، بَبَّنْ ڢُشِے يَتَاشِ عَكَنْ إِسْرَٰٓءِيلَاوَا، سَيْ سُكَ جَنْيٜىٰ سُكَ بَرْ بِرْنِنْ سُكَ كُواْمَ ڧَسَرْسُ؞