2 سَرَاكُنَ 25 - أَتَّوْرَتْ دَ أَنَّبَاوَا

¹ أَنَانً أَ شٜىٰكَرَا تَتَرَ تَمُلْكٍ سَرْكِے صَدِڧِيَ، أَ رَانَ تَغُواْمَ غَ وَتَنْ غُواْمَ، سَيْ سَرْكِے نٜىٰبُكَدْنٜىٰزَّرْ نَ بَابِيلَ يَذُواْ دَ دُكَنْ سُواْجُواْجِنْسَ دُواْمِنْ يَاڧِ دَ عُرُوشَلِيمَ؞ يَكٜىٰوَيٜىٰ بِرْنِنْ دُواْمِنْ يَاڧِ، يَكُمَ تَادَ أَبُبُوَنْ هَوْرَ كَتَنْ‌غَ دُواْمِنْ يَاڧِ؞

² عَكَ كٜىٰوَيٜىٰ بِرْنِنْ دَ يَاڧِ حَرْ ذُوَا شٜىٰكَرَا تَغُواْمَشَا طَيَ تَمُلْكٍ سَرْكِے صَدِڧِيَ؞

³ أَ رَانَ تَتَرَ غَ وَتَنْ حُطُ، لُواْكَثِنْ دَ يُنْوَ تَيِ ڟَنَنِ عَبِرْنِنْ، كُمَ بَابُ عَبِنْثِ دُواْمِنْ مُتَنٜىٰ سُثِ،

⁴ سَيْ عَكَ ڢَسَ وَنِ سَاشٜىٰ نَكَتَنْ‌غَرْ بِرْنِنْ؞ سَيْ دُكَنْ سُواْجُواْجِنْ سُكَ غُدُ دَ دَرٜىٰ تَوُرِنْ ڧُواْڢَرْ دَتَكٜىٰ ڟَكَانِنْ بَنْ‌غُواْ بِيُ، وَدَّ تَكٜىٰ كُسَدَ غُواْنَرْ سَرْكِے؞ سَعَدَّ سُواْجُواْجِنْ بَابِيلَ سُنَ كٜىٰوَيٜىٰ دَ بِرْنِنْ، سَرْكِے صَدِڧِيَ دَ سُواْجُواْجِنْسَ سُكَ غُدُ ذُوَا تَݣُورِنْ يُواْدَنْ؞

⁵ عَمَّا سُواْجُواْجِنْ بَابِيلَ سُكَبِے سَرْكِے صَدِڧِيَ سُكَ كَامَ شِ أَ ڢِيلَيٜىٰنْ يٜىٰرِكُواْ؞ سَيْ دُكَنْ سُواْجُواْجِنْسَ سُكَ وَڟٜىٰ سُكَ بَرْ شِ؞

⁶ سَعَنً سُواْجُواْجِنْ بَابِيلَ سُكَ كَامَ سَرْكِے صَدِڧِيَ سُكَ كَيْ وَ سَرْكِنْ بَابِيلَ أَغَرِنْ رِبْلَ؞ عَثَنْ سَرْكِنْ بَابِيلَ يَيَنْكٜىٰ مَسَ حُكُنْثِ؞

⁷ سُكَ كَشٜىٰ یَیَ مَظَا نَ صَدِڧِيَ أَعِدَنُونْسَ؞ سَيْ سُكَ ثِثِّرٜىٰ مَسَ إِدَانُو سُكَسَا مَسَ سَرْڧَ، سُكَ طَوْكٜىٰشِ ذُوَا بَابِيلَ؞

رُشٜىٰوَرْ غِدَنْ يَهْوٜىٰهْ

⁸ أَ رَانَ تَبَݣَويْ غَ وَتَنْ بِيَرْ، وَدَّ تَذَمَ شٜىٰكَرَا تَغُواْمَشَا تَرَ تَمُلْكٍ سَرْكِے نٜىٰبُكَدْنٜىٰزَّرْ نَ بَابِيلَ، نٜىٰبُظَرَدَنْ، شُوغَبَنْ یَنْ غَادِنْ سَرْكِنْ بَابِيلَ يَشِغَ عُرُوشَلِيمَ؞

⁹ سَيْ يَسَا وُتَا أَ غِدَنْ يَهْوٜىٰهْ دَ غِدَنْ سَرْكِے دَ دُكَنْ غِدَاجٜىٰنْ مَنْيَنْ مُتَنٜىٰ نَ عُرُوشَلِيمَ؞

¹⁰ سَيْ دُكَنْ سُواْجُواْجِنْ بَابِيلَ وَطَنْدَ سُكٜىٰ تَرٜىٰدَ نٜىٰبُظَرَدَنْ سُكَ رُشٜىٰ كَتَنْ‌غَرْ دَتَكٜىٰوَيٜىٰ عُرُوشَلِيمَ؞

¹¹ سَيْ نٜىٰبُظَرَدَنْ شُوغَبَنْ یَنْ غَادِنْ سَرْكِے يَكَامَ سَوْرَنْ مُتَنٜىٰنْ دَ سُكَ رَغُ ثِكِنْ بِرْنِنْ عُرُوشَلِيمَ دَ سُواْجُواْجِ وَطَنْدَ سُكَ مِيڧَ كَنْسُ وُرِنْسَ دَ سَوْرَنْ مُتَنٜىٰنْ، دُكَنْسُ يَكَيْسُ بَوْتَا عَ بَابِيلَ؞

¹² عَمَّا يَبَرْ وَطَنْسُ مُتَنٜىٰ مَڢِے تَلَوْثِ عَڧَسَرْ دُواْمِنْ سُيِ عَيْكِنْ نُواْمَ سُكُمَ لُورَ دَ غُواْنَكِنْ إِنَبِے؞

¹³ سَيْ سُواْجُواْجِنْ بَابِيلَ سُكَ ڢَرْڢَسَ غِنْشِڧَنْ تَغُلَّ دَ أَمَلَنْكٜىٰنْ تَغُلَّ نَرِڧٜىٰ ضُوَ دَ ڧَتُوانْ ݣُونُوانْ تَغُلَّ وَنْدَ عَكٜىٰ كِرَنْسَ تٜىٰكُ وَطَنْدَ سُكٜىٰ أَ غِدَنْ يَهْوٜىٰهْ؞ سُواْجُواْجِنْ سُكَ ݣُوشِ دُكَنْ ڧَرْڢٜىٰنْ تَغُلَّرْ ذُوَا بَابِيلَ؞

¹⁴ سُكَ ݣُوشِ تُݣُونٜىٰنْ ڧَرْڢٜىٰ دَ شٜىٰبُرُواْرِ دَ أَبُبُوَنْ كَشٜىٰ ڢِتِلُ دَ تَاسُواْشِنْ رِڧٜىٰ تُرَارٜىٰ دَ دُكَنْ كَايَنْ تَغُلَّ وَطَنْدَ عَكٜىٰيِنْ أَمْڢَانِ دَسُو عَثِكِنْ غِدَنْ يَهْوٜىٰهْ؞

¹⁵ سُكَ كُمَ ݣُوشِ ݣُونُواْنِ نَݣُوشِ غَرْوَشِنْ وُتَادَ سَوْرَنْ ݣُونُواْنِ؞ دُكَنْ أَبِنْدَ يَكٜىٰ نَظِينَارِيَ دَ أَبِنْدَ يَكٜىٰ نَأَظُرْڢَا، نٜىٰبُظَرَدَنْ يَݣُوشٜىٰ يَتَڢِے دَسُو؞

¹⁶ تَغُلَّرْ غِنْشِڧَيْ بِيُنَّنْ دَ تَڧَتُوانْ ݣُونُوانْ دَ عَكٜىٰ كِرَنْسَ تٜىٰكُ دَ تَدُكَنْ أَمَلَنْكٜىٰنْ مَاسُ رِڧٜىٰ ضُوَ وَطَنْدَ سَرْكِے سُلَيْمَٰنُ يَيِ دُواْمِنْ غِدَنْ يَهْوٜىٰهْ، تَاڢِ غَبَنْ عَوْنَاوَا؞

¹⁷ كُواْوَنٜىٰ غِنْشِڧِ ڟَيِنْسَ يَيِ ڧَڢَا عَشِرِنْ دَ بَݣَويْ، كَنْسَ نَتَغُلَّ كُمَ يَيِ ڧَڢَا حُطُ دَ رَبِے؞ كُواْوَنٜىٰ كَنْ غِنْشِڧِنْ يَنَدَ أَدُوانْ ذَانِ ذَانِنْ رَاغَرْ سَرْڧَ دَ نَیَیَنْ رُمَّنْ؞

ݣُوشٜىٰوَا تَبِيُ تَمُتَنٜىٰنْ يَهُودَ ذُوَا بَوْتَا

¹⁸ نٜىٰبُظَرَدَنْ شُوغَبَنْ یَنْ غَادِنْ سَرْكِنْ بَابِيلَ يَطَوْكِ سٜىٰرَيَ بَبَّنْ ڢِرِسْتِ دَ زَڢَنِيَ مَيْ بِيٜىٰ دَشِ، تَرٜىٰدَ ڢِرِسْتُواْثِے عُكُنْ دَسُكٜىٰ غَادِنْ ڧُواْڢَرْ شِغَ غِدَنْ يَهْوٜىٰهْ؞

¹⁹ دَغَ مُتَنٜىٰنْ دَ حَرْ يَنْذُ سُنَ ثِكِنْ بِرْنِنْ، يَطَوْكِ وَنِ شُوغَبَنْ سُواْجُواْجِ دَ دَتَّاوَا بِيَرْ نَسَرْكِے؞ يَكُمَ طَوْكِ مَرُبُوثِ نَشُوغَبَنْ سُواْجُواْجِنْ ڧَسَرْ وَنْدَ يَكٜىٰ طَوْكَرْ مُتَنٜىٰ أَ عَيْكِنْ سُواْجَ، تَرٜىٰدَ وَطَنْسُ مُتَنٜىٰ سِتِّنْ دَ عَكَ سَامُ عَثِكِنْ بِرْنِنْ؞

²⁰ نٜىٰبُظَرَدَنْ يَݣُوشِ مُتَنٜىٰنَّنْ دُكَ يَكَٰوُاْوَ سَرْكِنْ بَابِيلَ أَغَرِنْ رِبْلَ؞

²¹ سَيْ سَرْكِنْ بَابِيلَ يَكَشٜىٰسُ أَنَنْ رِبْلَ ثِكِنْ يَنْكِنْ هَمَتْ؞ تَهَكَ عَكَ ݣُوشِ مُتَنٜىٰنْ يَهُودَ تِلَسْ دَغَ ڧَسَرْسُ ذُوَا بَوْتَا؞

غٜىٰدَلِيَ ڠُومْنَنْ يَهُودَ

²² سَرْكِے نٜىٰبُكَدْنٜىٰزَّرْ نَ بَابِيلَ يَسَا غٜىٰدَلِيَ طَنْ أَهِكَمْ جِيكَنْ شَڢَنْ يَذَمَ ڠُومْنَنْ مُتَنٜىٰنْ دَ سُكَ رَغُ عَڧَسَرْ يَهُودَ؞

²³ سَعَدَّ دُكَنْ سَوْرَنْ شُوغَبَنِّنْ سُواْجُواْجِنْ يَهُودَ دَ سُكَ غُدُ دَغَ سُواْجُواْجِنْ بَابِيلَ سُنْ جِ أَنْسَا غٜىٰدَلِيَ يَذَمَ ڠُومْنَ، سَيْ سُكَذُواْ وُرِنْسَ أَ مِظْڢَ؞ سُونٜىٰ إِسْمَٰعِيلُ طَنْ نٜىٰتَنِيَ دَ يُواْهَنَنْ طَنْ كَرٜىٰيَ دَ سٜىٰرَيَ طَنْ تَنْهُمٜىٰتْ مُتُمِنْ نٜىٰتُواْڢَ دَ يَعَظَنِيَ طَنْ مُتُمِنْ مَعَكَتْ دَ سَوْرَنْ سُواْجُواْجِنْسُ؞

²⁴ سَيْ غٜىٰدَلِيَ يَرَنْڟٜىٰ مُسُ دَ سَوْرَنْ سُواْجُواْجِنْسُ يَثٜىٰ ‏«‏كَدَ كُجِڟُواْرُوانْ دَتَّاوَنْ بَابِيلَ دَمُكٜىٰ دَسُو؞ كُذَوْنَ عَڧَسَرْ، كُيِ بِيَيَّ دَ سَرْكِنْ بَابِيلَ، ذَاكُ سَامِ ذَمَنْ لَاڢِيَ؞»‏

²⁵ عَمَّا أَوَتَ نَبَݣَويْ نَوَنَّنْ شٜىٰكَرَا، إِسْمَٰعِيلُ طَنْ نٜىٰتَنِيَ جِيكَنْ عٜىٰلِشَمَ، طَيَ دَغَ ثِكِنْ دَنْ‌غِنْ سَرْكِے تَرٜىٰدَ مُتَنٜىٰ غُواْمَ سُكَ كَشٜىٰ غٜىٰدَلِيَ؞ سُكَ كُمَ كَشٜىٰ مُتَنٜىٰنْ يَهُودَ دَ نَ بَابِيلَ دَسُكٜىٰ تَرٜىٰدَ غٜىٰدَلِيَ أَ مِظْڢَ؞

²⁶ سَيْ دُكَنْ مُتَنٜىٰنْ، بَبَّ دَ ڧَرَمِ، تَرٜىٰدَ شُوغَبَنِّنْ سُواْجُواْجِ سُكَتَاشِ سُكَ غُدُ ذُوَا ڧَسَرْ مَصَرْ، غَمَا سُنَ ڟُواْرُوانْ مُتَنٜىٰنْ بَابِيلَ؞

أَلْحٜىٰرِنْ اللَّهْ غَ ذُرِيَرْ سَرَاكُنَنْ يَهُودَ

²⁷ أَ شٜىٰكَرَا تَتَلَتِنْ دَ بَݣَويْ بَايَنْدَ عَكَ كَيْ سَرْكِے يٜىٰهُواْيَكِنْ بَوْتَا عَكَ كُمَسَا شِ عَكُرْكُكُ، سَيْ عٜىٰبِلْمٜىٰرُواْدَكْ يَذَمَ سَرْكِنْ بَابِيلَ؞ أَوَنَّنْ شٜىٰكَرَا أَ رَانَ تَعَشِرِنْ دَ بَݣَويْ غَ وَتَنْ غُواْمَشَا بِيُ، سَيْ سَرْكِے عٜىٰبِلْمٜىٰرُواْدَكْ يَجِ تَوْسَيِنْ يٜىٰهُواْيَكِنْ، يَڢِتَرْ دَشِ دَغَ كُرْكُكُ؞

²⁸ سَرْكِے عٜىٰبِلْمٜىٰرُواْدَكْ يَيِ وَ سَرْكِے يٜىٰهُواْيَكِنْ مَغَنَرْ أَلْحٜىٰرِ، يَكُمَ بَاشِ مَڟَيِ ڢِيٜىٰدَ سَوْرَنْ سَرَاكُنَنْ دَسُكٜىٰ أَ حَنُّنْسَ عَ بَابِيلَ؞

²⁹ عَكَ يَرْدَ وَسَرْكِے يٜىٰهُواْيَكِنْ يَتُوٻٜىٰ رِيغُنَنْسَ نَكُرْكُكُ؞ دَغَ لُواْكَثِنَّنْ، يَيِ تَثِنْ عَبِنْثِ تَرٜىٰدَ سَرْكِنْ بَابِيلَ دُكَنْ سَوْرَنْ ݣُونَكِنْ رَنْسَ؞

³⁰ سَرْكِے عٜىٰبِلْمٜىٰرُواْدَكْ يَسَا عَكَ تَنَدَوَ سَرْكِے يٜىٰهُواْيَكِنْ أَبِنْ بِيَنْ بُڧَاتَ نَيَوْ دَكُلُّمْ حَرْ دُكَنْ ݣُونَكِنْ رَنْسَ؞