2 سَرَاكُنَ 24 - أَتَّوْرَتْ دَ أَنَّبَاوَا1 عَݣُونَكِنْ دَ يٜىٰهُواْيَكِمْ يَكٜىٰ مُلْكِ، سَرْكِے نٜىٰبُكَدْنٜىٰزَّرْ نَ بَابِيلَ يَكَٰوُاْ يَاڧِ عَكَنْ يَهُودَ؞ سَرْكِے يٜىٰهُواْيَكِمْ كُوَ يَيِ شٜىٰكَرَا عُكُ يَنَ بَوْتَاوَ سَرْكِنْ بَابِيلَ؞ سَعَنً يٜىٰهُواْيَكِمْ يَجُويَ يَيِ وَسَرْكِنْ بَابِيلَ تَاوَيٜىٰ؞ 2 يَهْوٜىٰهْ يَا عَيْكَ دَ ڧُنْغِيُواْيِ مَاسُ كَيْ مَسَ هَرِ نَمُتَنٜىٰنْ كَلْدِيَ، وَتُواْ بَابِيلَ دَ نَ سُورِيَ دَ نَ مُواْوَبْ دَ نَ أَمُّوانْ دُواْمِنْ سُهَلَّكَ ڧَسَرْ يَهُودَ، دُواْمِنْ عَثِكَ مَغَنَرْ دَ يَهْوٜىٰهْ يَڢَطَا تَبَاكِنْ بَايِنْسَ أَنَّبَاوَا؞ 3 بَاشَكَّ وَنَّنْ يَڢَرُ بِسَغَ عُمَرْنِنْ يَهْوٜىٰهْ نٜىٰ، دُواْمِنْ يَكَوَرْدَ مُتَنٜىٰنْ يَهُودَ دَغَ ڢُسْكَرْسَ، سَبُواْدَ ذُنُبَنْ سَرْكِے مَنَسّٜىٰ دَ دُكَنْ أَبُبُوَنْدَ يَعَيْكَتَ، 4 مُسَمَّنْ يَدَّ يَكَكَّشٜىٰ مَرَسَ لَيْڢِے دَيَوَ، يَثِكَ عُرُوشَلِيمَ دَ جِنِنْسُ؞ يَهْوٜىٰهْ كُوَ بَيْ سُواْ يَغَاڢَرْتَا مَسَ وَنَّنْبَ؞ 5 سَوْرَنْ أَيُّكَنْ يٜىٰهُواْيَكِمْ دَ دُكَنْ أَبِنْدَ يَيِ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞ 6 سَرْكِے يٜىٰهُواْيَكِمْ يَكُواْمَ غَ كَاكَنِّنْسَ، سَيْ طَنْسَ يٜىٰهُواْيَكِنْ يَغَاجٜىٰشِ يَذَمَ سَرْكِے؞ 7 سَرْكِنْ مَصَرْ بَيْ سَاكٜىٰ ڢِتَ دَغَ ڧَسَرْسَبَ، غَمَا سَرْكِنْ بَابِيلَ يَڨُوثٜىٰ دُكَنْ يَنْكِنْ ڧَسَرْسَ تُنْدَغَ ݣُورِنْ إِيَاكَرْ مَصَرْ ذُوَا كُواْغِنْ يُڢِرٜىٰتِسْ؞ ﴿شٜىٰكَرَا 598-597 كَاڢِنْ حَيْڢُوَرْ عِيسَىٰ﴾ سَرْكِے يٜىٰهُواْيَكِنْ نَ يَهُودَ ﴿ 2 تَارْ 36.9-10 ﴾ ﴿شٜىٰكَرَا 598-597 كَاڢِنْ حَيْڢُوَرْ عِيسَىٰ ﴾ 8 يٜىٰهُواْيَكِنْ يَنَدَ شٜىٰكَرَا غُواْمَشَا تَݣُوسْ دَ يَڢَارَ مُلْكِ، يَيِ مُلْكِ وَتَا عُكُ أَ عُرُوشَلِيمَ؞ سُونَنْ مَامَرْسَ نٜىٰهُشَتَ، یَرْ عٜىٰلْنَتَنْ مُتُمِنْ عُرُوشَلِيمَ؞ 9 يَعَيْكَتَ مُغُنْتَا أَعِدُوانْ يَهْوٜىٰهْ، كَمَرْ يَدَّ بَابَنْسَ يَيِ؞ 10 أَ لُواْكَثِنْسَ نٜىٰ سُواْجُواْجِنْ سَرْكِے نٜىٰبُكَدْنٜىٰزَّرْ نَ بَابِيلَ سُكَ هَوْرَ ذُوَا عُرُوشَلِيمَ؞ دَ سُكَذُواْ سَيْ سُكَ كٜىٰوَيٜىٰ بِرْنِنْ دُواْمِنْ يَاڧِ؞ 11 سَرْكِے نٜىٰبُكَدْنٜىٰزَّرْ نَ بَابِيلَ يَ إِسُواْ بِرْنِنْ لُواْكَثِنْ دَ سُواْجُواْجِنْسَ سُكَ كٜىٰوَيٜىٰ بِرْنِنْ دُواْمِنْ يَاڧِ؞ 12 سَيْ سَرْكِے يٜىٰهُواْيَكِنْ نَ يَهُودَ يَمِيڧَ كَنْسَ غَ سَرْكِنْ بَابِيلَ، تَرٜىٰدَ سَرَوْنِيَ مَامَرْسَ دَ مَاسُ حِدِمَ أَغِدَنْ سَرْكِے دَ مَنْيَنْ مُتَنٜىٰنْسَ دَ دَتَّاوَنْسَ؞ سَرْكِنْ بَابِيلَ يَكَامَ يٜىٰهُواْيَكِنْ عَثِكِنْ شٜىٰكَرَا تَتَݣُوسْ تَمُلْكِنْسَ؞ ݣُوشٜىٰوَا تَڢَرْكُواْ تَمُتَنٜىٰنْ يَهُودَ ذُوَا بَوْتَا 13 سَيْ سَرْكِے نٜىٰبُكَدْنٜىٰزَّرْ يَݣُوشِ دُكَنْ كَايَ مَاسُ دَرَجَ نَغِدَنْ يَهْوٜىٰهْ دَ كَايَنْ دَرَجَ نَغِدَنْ سَرْكِے؞ يَكُمَ ڢَرْڢَشٜىٰ كَايَنْ ظِينَارِيَرْ دَ سَرْكِے سُلَيْمَٰنُ نَ إِسْرَٰٓءِيلَ يَيِ يَسَا أَ غِدَنْ يَهْوٜىٰهْ؞ وَطَنَّنْ سُنْ ڢَرُ بِسَغَ مَغَنَرْ دَ يَهْوٜىٰهْ يِ؞ 14 سَرْكِنْ بَابِيلَ يَݣُوشِ مُتَنٜىٰنْ عُرُوشَلِيمَ دُكَ يَتَڢِے دَسُو؞ سُنْ حَطَ دَ مَنْيَنْ مُتَنٜىٰ دَ دُكَنْ مَنْيَنْ سُواْجُواْجِ دَ دُكَنْ مَاسُ سَنَعَرْ حَنُّ دَ مَاسُ عَيْكِنْ ڧٜىٰرَرْ ڧَرْڢٜىٰ؞ يَوَنْ مُتَنٜىٰنْ دُكَ سُنْ كَيْ دُبُو غُواْمَ؞ بَابُوَنْدَ عَكَ بَرِ عَڧَسَرْ، سَيْدَيْ مَڢِے تَلَوْثِ؞ 15 نٜىٰبُكَدْنٜىٰزَّرْ يَطَوْكِ يٜىٰهُواْيَكِنْ ذُوَا بَابِيلَ، تَرٜىٰدَ سَرَوْنِيَ مَامَرْسَ دَ مَاتَنْسَ دَ دَتَّاوَنْسَ دَ مَنْيَنْ مُتَنٜىٰنْ ڧَسَرْ؞ دُكَ يَݣُوشٜىٰسُ ذُوَا بَوْتَا عَ بَابِيلَ؞ 16 نٜىٰبُكَدْنٜىٰزَّرْ يَݣُوشِ دُكَنْ سُواْجُواْجِ مَڢِيَ عِيَ يَاڧِ ذُوَا بَابِيلَ، يَوَنْسُ دُبُو بَݣَويْ نٜىٰ؞ يَكُمَ ݣُوشِ مَاسُ سَنَعَرْ حَنُّ دَ مَاسُ عَيْكِنْ ڧٜىٰرَرْ ڧَرْڢٜىٰ دُبُو طَيَ، دُكَنْسُ لَاڢِيَيُّنْ مُتَنٜىٰنٜىٰ وَطَنْدَ سُكَ إِسَ يَاڧِ؞ 17 سَعَنً سَرْكِنْ بَابِيلَ يَمَيْدَ مَتَّنِيَ، طَنْعُوَنْ بَابَنْ يٜىٰهُواْيَكِنْ سَرْكِے أَمَدَدِنْسَ، يَكُمَ سَاكٜىٰ سُونَنْ مَتَّنِيَ ذُوَا صَدِڧِيَ؞ ﴿شٜىٰكَرَا 598-587 كَاڢِنْ حَيْڢُوَرْ عِيسَىٰ﴾ سَرْكِے صَدِڧِيَ نَ يَهُودَ ﴿ 2 تَارْ 36.11-12 ؛ إِرْمِ 52.1-3 ﴾ ﴿شٜىٰكَرَا 598-587 كَاڢِنْ حَيْڢُوَرْ عِيسَىٰ ﴾ 18 صَدِڧِيَ يَنَدَ شٜىٰكَرَا عَشِرِنْ دَ طَيَ دَ يَڢَارَ مُلْكِ؞ يَيِ مُلْكِ شٜىٰكَرَا غُواْمَشَا طَيَ أَ عُرُوشَلِيمَ؞ سُونَنْ مَامَرْسَ هَمُتَلْ یَرْ إِرْمِيَ مُتُمِنْ لِبْنَ؞ 19 يَعَيْكَتَ مُغُنْتَا أَعِدُوانْ يَهْوٜىٰهْ، كَمَرْ يَدَّ يٜىٰهُواْيَكِمْ يَيِ؞ 20 حَڧِيڧَ مُتَنٜىٰنْ عُرُوشَلِيمَ دَ نَ يَهُودَ سُنْ سَا يَهْوٜىٰهْ يَا يِڢُشِے سُواْسَيْ، حَرْ يَكَوَرْ دَسُو دَغَ ڢُسْكَرْسَ؞ ﴿شٜىٰكَرَا 587 كَاڢِنْ حَيْڢُوَرْ عِيسَىٰ﴾ سَعَنً صَدِڧِيَ يَيِ وَسَرْكِنْ بَابِيلَ تَاوَيٜىٰ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria