2 سَرَاكُنَ 23 - أَتَّوْرَتْ دَ أَنَّبَاوَا

أَنْ سَابُنْتَا يَرْجٜىٰجٜىٰنِيَرْ يَهْوٜىٰهْ

¹ سَيْ سَرْكِے يَعُمَرْتَ دُكَنْ شُوغَبَنِّنْ يَهُودَ دَ نَ عُرُوشَلِيمَ سُتَارُ أَوُرِنْسَ؞

² سَرْكِے كُوَ يَهَوْرَ ذُوَا غِدَنْ يَهْوٜىٰهْ، تَرٜىٰدَ دُكَنْ مُتَنٜىٰنْ يَهُودَ دَ دُكَنْ مَذَوْنَنْ عُرُوشَلِيمَ؞ أَݣَويْ ڢِرِسْتُواْثِے دَ أَنَّبَاوَا دَ دُكَنْ مُتَنٜىٰ بَبَّ دَ ڧَرَمِ؞ سَيْ سَرْكِے يَكَرَنْتَ عَكُنّٜىٰنْسُ دُكَنْ كَلْمُواْمِنْ لِتَّڢِنْ يَرْجٜىٰجٜىٰنِيَ وَنْدَ عَكَ سَامُ أَ غِدَنْ يَهْوٜىٰهْ؞

³ سَرْكِے يَڟَيَ كُسَدَ غِنْشِڧِنْ غِدَنْ يَهْوٜىٰهْ، يَيِ يَرْجٜىٰجٜىٰنِيَ أَغَبَنْ يَهْوٜىٰهْ ثٜىٰوَ ذَيْ يِتَڢِيَ دَ يَهْوٜىٰهْ، يَكِيَايٜىٰ عُمَرْنَنْسَ دَ دُواْكُواْكِنْسَ دَ ڧَٰعِدُواْدِنْسَ دَ دُكَنْ ذُوثِيَارْسَ دَ دُكَنْ رَنْسَ؞ ذَيْ عَيْكَتَ دُكَنْ أَبِنْدَ عَكَ رُبُوتَ عَثِكِنْ وَنَّنْ لِتَّڢِنْ يَرْجٜىٰجٜىٰنِيَ؞ سَيْ دُكَنْ مُتَنٜىٰنْ سُكَ غُواْيِ بَايَنْسَ ثِكِنْ يِنْ وَنَّنْ يَرْجٜىٰجٜىٰنِيَ؞

ڠَرٜىٰ ڠَرٜىٰنْ يُواْسِيَا غَ سُجَّدَرْ يَهْوٜىٰهْ

⁴ سَعَنً يُواْسِيَا يَعُمَرْثِ هِلْكِيَ بَبَّنْ ڢِرِسْتِ، تَرٜىٰدَ ڢِرِسْتُواْثِنْ دَسُكٜىٰ تَيْمَكُوانْسَ دَ مَاسُ غَادِنْ ڧُواْڢَرْ غِدَنْ يَهْوٜىٰهْ، سُڢِتَرْدَ كُواْوَنٜىٰ أَبُ دَغَ غِدَنْ وَنْدَ يَكٜىٰ دُواْمِنْ سُجَّدَ غَ بَعَلْ دَ أَشٜىٰرَ دَ رَانَ دَ وَتَ دَ تَوْرَرِنْ سَمَ؞ يَڧُواْنَ كَايَنْ بَايَنْ بِرْنِنْ عُرُوشَلِيمَ كُسَدَ ݣُورِنْ كِدْرُوانْ، يَݣُوشِ تُواْكَرْسُ يَكَيْ بٜىٰتٜىٰلْ؞

⁵ يَسَوْكَرْ دَ دُكَنْ ڢِرِسْتُواْثِے نَوَطَنْسُ أَلُّواْلِ وَطَنْدَ سَرَاكُنَنْ يَهُودَ سُكَ نَطَ دُواْمِنْ سُمِيڧَ هَدَايُنْ ڧُواْنَاوَا أَوُرَارٜىٰنْ سُجَّدَ دَ بَسُ دَاثٜىٰبَ نَغَرُضُوً يَهُودَ دَ كٜىٰوَيٜىٰنْ عُرُوشَلِيمَ؞ ڢِرِسْتُواْثِنْ كُوَ سُكَ مِيڧَ هَدَايُنْ ڧُواْنَاوَا غَ بَعَلْ دَ رَانَ دَ وَتَ دَ تَوْرَرِ دَ دُكَنْ حَلِتَّرْ سَرَرِنْ سَمَ؞

⁶ يُواْسِيَا يَڢِتَرْدَ غُنْكِ أَشٜىٰرَ دَغَ غِدَنْ يَهْوٜىٰهْ ذُوَا بَايَنْ بِرْنِنْ عُرُوشَلِيمَ؞ يَكَيْ شِ أَ رَاڢِنْ كِدْرُوانْ، يَڧُواْنٜىٰشِ عَبَاكِنْ رَاڢِنْ، يَدَكَ شِ يَذَمَ غَارِ، سَيْ يَوَاڟَرْدَ غَارِنْ أَڢِيلِنْ كَبَرِنْ تَلَكَاوَا؞

⁷ يَرُرُّشٜىٰ طَكُنَنْ كَارُوَيْ مَظَا دَ مَاتَادَسُكٜىٰ أَ غِدَنْ يَهْوٜىٰهْ، وَتُواْ وُرِنْ دَ مَاتَا سُكٜىٰ سَاڧَ رِيغُنَنْ دَ عَكٜىٰسَا عَيِ وَغُنْكِ أَشٜىٰرَ سُجَّدَ؞

⁸ يَڢِتَرْدَ دُكَنْ ڢِرِسْتُواْثِنْ دَسُكٜىٰ أَغَرُضُوً يَهُودَ؞ سَعَنً يَڧَظَنْتَرْ دَ وُرَارٜىٰنْ سُجَّدَرْسُ، عِنْدَ ڢِرِسْتُواْثِنْ سُكٜىٰ مِيڧَ هَدَايُنْ ڧُواْنَاوَا؞ يَيِ حَكَ دَغَ غَرِنْ غٜىٰبَ عَ أَرٜىٰوَثِنْ يَهُودَ حَرْ ذُوَا بٜىٰيٜىٰرْشٜىٰبَ عَكُدَنْثِنْ يَهُودَ؞ يَهَلَّكَ وُرَارٜىٰنْ سُجَّدَ دَ بَسُ دَاثٜىٰبَ، وَطَنْدَ سُكٜىٰ أَ حَنُّنْ هَغُ عِدَنْ ذَاعَ شِغَ ڧُواْڢَرْ بِرْنِنْ، ڧُواْڢَرْ دَ يُواْشُوَ ڠُومْنَنْ بِرْنِنْ يَغِنَ؞

⁹ بَعَيَرْدَ وَڢِرِسْتُواْثِے نَوُرَارٜىٰنْ سُجَّدَ دَ بَسُ دَاثٜىٰبَ سُيِ حِدِمَ عَكَنْ بَغَدٜىٰنْ يَهْوٜىٰهْ أَ عُرُوشَلِيمَ بَ، عَمَّا سُنَ عِيَ ثِنْ غُرَاسَرْ مَرَرْ يِسْتِ تَرٜىٰدَ سَوْرَنْ ڢِرِسْتُواْثِے؞

¹⁰ سَرْكِے يُواْسِيَا يَڧَظَنْتَرْ دَ تُواْڢٜىٰتْ، وُرِنْ سُجَّدَ دَيَكٜىٰ أَ ݣُورِنْ هِنُّوامْ، يَدَّ بَاوَنْدَ ذَيْسَاكٜىٰ مِيڧَ طَنْسَ كُواْ یَرْسَ هَدَايَ تَڧُواْنَاوَا غَ غُنْكِنَّنْ مُواْلٜىٰكْ؞

¹¹ يَكَوَرْدَ غُمَكَنْ دَوَكِنْ دَ سَرَاكُنَنْ يَهُودَاوَا سُكَ كَڢَ عَڧُواْڢَرْ شِغَ غِدَنْ يَهْوٜىٰهْ دُواْمِنْ يِوَرَانَ سُجَّدَ؞ وَطَنَّنْ دَوَكِنْ سُنَ عَثِكِنْ ڢِيلِنْ غِدَنْ كُسَدَ طَاكِنْ نَتَنْ مٜىٰلٜىٰكْ، طَيَ دَغَ ثِكِنْ دَتَّاوَنْ سَرْكِے؞ سَرْكِے يَكُمَ ڧُواْنٜىٰ كٜىٰكُنَنْ دُواْكِ نَيِنْ سُجَّدَ غَ رَانَ؞

¹² سَرَاكُنَنْ يَهُودَ سُنْ غِنَا بَغَدَيْ عَكَنْ رُڢِنْ غِدَنْ سَرْكِے أَهَظْ؞ أَݣَويْ كُمَ بَغَدَيْ أَ ڢِيلَيٜىٰ بِيُ نَثِكِنْ غِدَنْ يَهْوٜىٰهْ، وَطَنْدَ سَرْكِے مَنَسّٜىٰ يَغِنَ؞ دُكَنْ وَطَنَّنْ بَغَدَيْ سَرْكِے يُواْسِيَا يَتُورَسُ ڧَسَا يَڢَرْڢَشٜىٰسُ يَوَاڟَرْ دَسُو أَ ݣُورِنْ كِدْرُوانْ؞

¹³ يُواْسِيَا يَڧَظَنْتَرْ دَ وُرَارٜىٰنْ سُجَّدَ وَطَنْدَ سَرْكِے سُلَيْمَٰنُ يَغِغِّنَ أَوَجٜىٰنْ غَبَسْ غَ عُرُوشَلِيمَ ذُوَا وَجٜىٰنْ كُدُ غَ بَبَّنْ تُدُنْ هَلَّكَ؞ سُلَيْمَٰنُ يَغِنَ وَطَنَّنْ دُواْمِنْ عَشْتُواْرٜىٰتْ غُنْكِ مَيْ ڧَظَنْتَا نَمُتَنٜىٰنْ سِدُوانْ دَ كٜىٰمُواشْ غُنْكِ مَيْ ڧَظَنْتَا نَمُتَنٜىٰنْ مُواْوَبْ دَ مُواْلٜىٰكْ غُنْكِ مَيْ بَنْ ڧَظَنْتَا نَمُتَنٜىٰنْ أَمُّوانْ؞

¹⁴ يَڢَرْڢَشٜىٰ دُووَڟُنْ سُجَّدَرْسُ، يَسَسَّرٜىٰ غُمَكَنْ أَشٜىٰرَ، يَرُڢٜىٰ وُرِنْ دَ ڧَسُسُوَنْ مُتَنٜىٰ؞

¹⁵ سَرْكِے يُواْسِيَا يَكُمَ رُشٜىٰ بَغَدٜىٰ أَ بٜىٰتٜىٰلْ، وُرِنْ سُجَّدَ دَ بَيْدَاثٜىٰبَ وَنْدَ سَرْكِے يٜىٰرُواْبُواْوَمْ طَنْ نٜىٰبَتْ يَغِنَ؞ وَنَّنْ يٜىٰرُواْبُواْوَمْ نٜىٰ يَسَا مُتَنٜىٰنْ إِسْرَٰٓءِيلَ سُكَيِ ذُنُوبِ؞ سَرْكِے يُواْسِيَا يَرُشٜىٰ وَنَّنْ وُرِنْ سُجَّدَ دَ بَيْ دَاثٜىٰبَ تَرٜىٰدَ بَغَدٜىٰنْ، يَڢَرْڢَشٜىٰ دُووَڟُنْ، يَنِڧَسُ سُكَ ذَمَ غَارِ؞ يَكُمَ ڧُواْنٜىٰ غُنْكِ أَشٜىٰرَ؞

¹⁶ دَ سَرْكِے يُواْسِيَا يَجُويَ كَنْسَ، سَيْ يَغَ وَطَنْسُ كَبَرِ عَكَنْ تُدُنْ دَيَكٜىٰ ڟَيٜىٰ؞ سَيْ يَعَيْكَ عَكَ تُواْنَ ڧَسُسُوَنْ، عَكَ ڧُواْنٜىٰسُ عَكَنْ بَغَدٜىٰنْ؞ تَهَكَ عَكَ ڧَظَنْتَرْ دَ بَغَدٜىٰنْ؞ وَنَّنْ يَثِكَ مَغَنَرْ يَهْوٜىٰهْ وَدَّ مُتُمِنْ اللَّهْ يَيِ أَنَّبْثِ ثٜىٰوَ أَبُبُوَنَّنْ ذَاسُ ڢَرُ حَكَ؞

¹⁷ سَيْ سَرْكِے يَثٜىٰ ‏«‏وَنٜىٰ كَبَرِنٜىٰ نَكٜىٰ غَنِ أَ سَمَنْ ثَنْ؟»‏ مُتَنٜىٰنْ غَرِنْ سُكَ أَمْسَ مَسَ سُكَثٜىٰ ‏«‏كَبَرِنْ مُتُمِنْ اللَّهْ وَنْدَ يَذُواْ دَغَ يَهُودَ يَيِ أَنَّبْثِنْ وَطَنَّنْ أَبُبُوَنْدَ كَيِ وَبَغَدٜىٰنْ بٜىٰتٜىٰلْ نٜىٰ؞»‏

¹⁸ سَيْ سَرْكِے يُواْسِيَا يَثٜىٰ ‏«‏كُبَرْشِ، كَدَ وَنِ يَتُواْنَ ڧَسُسُوَنْسَ؞ سَبُواْدَ حَكَ عَكَ بَرْ ڧَسُسُوَنْسَ تَرٜىٰدَ نَأَنَّبِنْدَ يَڢِتُواْ دَغَ سَمَرِيَ؞»‏

¹⁹ بَنْدَ حَكَمَا سَرْكِے يُواْسِيَا يَكَوَرْدَ دُكَنْ طَكُنَنْ ڟَاڢِ أَوُرَارٜىٰنْ سُجَّدَ دَ بَسُ دَاثٜىٰبَ وَطَنْدَ سُكٜىٰ عَبِرَنٜىٰنْ سَمَرِيَ، وَطَنْدَ سَرَاكُنَنْ إِسْرَٰٓءِيلَ سُكَ غِنَا؞ تَهَكَ سُكَسَا يَهْوٜىٰهْ يَيِ ڢُشِے؞ سَرْكِے يُواْسِيَا يَايِ وَطَكُنَنْ ڟَاڢِنَّنْ دَيْدَيْ يَدَّ يَيِ أَ بٜىٰتٜىٰلْ؞

²⁰ يَكَشٜىٰ دُكَنْ ڢِرِسْتُواْثِنْ دَسُكٜىٰيِنْ حِدِمَ أَوُرَارٜىٰنْ سُجَّدَ عَكَنْ تُدَّيْ؞ يَكُمَ ڧُواْنٜىٰ ڧَسُسُوَنْ مُتَنٜىٰ عَكَنْسُ؞ سَعَنً يَكُواْمَ عُرُوشَلِيمَ؞

يُواْسِيَا يَيِ بِكٍ ڧٜىٰتَرٜىٰوَ

²¹ سَرْكِے يُواْسِيَا يَعُمَرْثِ دُكَنْ مُتَنٜىٰ يَثٜىٰ ‏«‏كُكِيَايٜىٰ بِكٍ ڧٜىٰتَرٜىٰوَ غَ يَهْوٜىٰهْ اللَّهْ نْكُ، كَمَرْ يَدَّ يَكٜىٰ أَرُبُوثٜىٰ عَثِكِنْ وَنَّنْ لِتَّڢِنْ يَرْجٜىٰجٜىٰنِيَ؞»‏

²² بَعَتَٻَ يِنِرِنْ بِكٍ ڧٜىٰتَرٜىٰوَ حَكَبَ، تُنْ زَامَانِ كَاڢِنْ أَنْسَامِ سَرَاكُنَ، كُواْ عَݣُونَكِنْ سَرَاكُنَنْ إِسْرَٰٓءِيلَ كُواْ نَ يَهُودَ؞

²³ عَمَّا عَڧَرْشٜىٰ، ثِكِنْ شٜىٰكَرَا تَغُواْمَشَا تَݣُوسْ تَمُلْكٍ سَرْكِے يُواْسِيَا، سَيْغَاشِ أَنْكِيَايٜىٰ بِكٍ ڧٜىٰتَرٜىٰوَ غَ يَهْوٜىٰهْ أَ عُرُوشَلِيمَ؞

وَطَنْسُ ثَنْجٜىٰ ثَنْجٜىٰنْ دَ يُواْسِيَا يَيِ

²⁴ يُواْسِيَا يَكُمَ كَوَرْدَ مَاسُ حَطَكَيْ دَ رُوحُواْحِنْ مَتَتُّو دَ بُواْكَيٜىٰ دَ أَلُّواْلِنْ غِدَا دَ غُمَكَ دَ دُكَنْ أَبُبُوَ مَاسُ ڧَظَنْتَادَ عَكٜىٰغَنِ عَڧَسَرْ يَهُودَ دَ ثِكِنْ عُرُوشَلِيمَ؞ يَيِ حَكَنَنْ دُواْمِنْ يَثِكَ كُواْيَرْوَرْ مُوسَٰى وَدَّ عَكَ رُبُوتَ أَ نَطَطّٜىٰنْ لِتَّڢِنْ دَ هِلْكِيَ ڢِرِسْتِ يَسَامُ أَ غِدَنْ يَهْوٜىٰهْ؞

²⁵ بَعَتَٻَيِنْ سَرْكِے كَمَرْسَبَ، كُواْ كَاڢِنْ شِے كُواْ بَايَنْسَ، وَنْدَ يَجُويَ غَ يَهْوٜىٰهْ دَ دُكَنْ ذُوثِيَارْسَ دَ دُكَنْ رَنْسَ دَ دُكَنْ ڧَرْڢِنْسَ بِسَغَ دُكَنْ كُواْيَرْوَرْ مُوسَٰى؞

²⁶ عَمَّا دُكْدَهَكَ يَهْوٜىٰهْ بَيْ دَيْنَ يِنْ ڢُشِے مَيْ ڟَنَنِ عَكَنْ يَهُودَ بَ، سَبُواْدَ دُكَنْ أَبُبُوَ مَاسُ بَنْ هَوْشِ وَطَنْدَ مَنَسّٜىٰ يَعَيْكَتَ وَطَنْدَ سُكَسَا يَهْوٜىٰهْ يَيِ ڢُشِے؞

²⁷ سَيْ يَهْوٜىٰهْ يَثٜىٰ ‏«‏لَلَّيْ ذَنْ كَوَرْدَ يَهُودَ دَغَ غَبَنَ كَمَرْ يَدَّ نَكَوَرْدَ إِسْرَٰٓءِيلَ؞ ذَنْ كُمَ كَوَرْدَ ڢُسْكَتَ دَغَ بِرْنِنْ عُرُوشَلِيمَ وَنْدَ نَذَاٻَا دَ وَنَّنْ غِدَا عِنْدَ نَثٜىٰ، ‏‹‏سُونَنَ ذَيْ كَسَنْثٜىٰ أَوُرِنْ؞›‏ »‏

مُتُوَرْ سَرْكِے يُواْسِيَا

²⁸ سَوْرَنْ أَيُّكَنْ سَرْكِے يُواْسِيَا دَ دُكَنْ أَبِنْدَ يَيِ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞

²⁹ عَݣُونَكِنْ نٜىٰ ڢِرْعَوْنَ نٜىٰكُواْ سَرْكِنْ مَصَرْ يَتَڢِے كُواْغِنْ يُڢِرٜىٰتِسْ دُواْمِنْ يَتَيْمَكِ سَرْكِنْ أَسُّرِيَ يَاڧِ؞ سَرْكِے يُواْسِيَا يَڢِتُواْ دُواْمِنْ يَحَنَ ڢِرْعَوْنَ نٜىٰكُواْ وُثٜىٰوَ أَ مٜىٰغِدُّواْ، عَمَّا ڢِرْعَوْنَ نٜىٰكُواْ يَكَشٜىٰشِ أَوُرِنْ؞

³⁰ سَيْ مَنْيَنْ سُواْجُواْجِنْ سَرْكِے يُواْسِيَا سُكَ طَوْكِ غَاوَرْ عَكٜىٰكٜىٰنْ دُواْكِنْ يَاڧِ دَغَ مٜىٰغِدُّواْ ذُوَا عُرُوشَلِيمَ عِنْدَ سُكَ بِنّٜىٰشِ عَكَبَرِنْسَ؞ مُتَنٜىٰنْ يَهُودَ سُكَ ذَاٻِ طَنْ سَرْكِے يُواْسِيَا مَيْ سُونَ يٜىٰهُواْوَهَظْ، سُكَ نَطَشِ سَرْكِے أَمَڟَيِنْ بَابَنْسَ؞ ﴿شٜىٰكَرَا 609 كَاڢِنْ حَيْڢُوَرْ عِيسَىٰ﴾

سَرْكِے يٜىٰهُواْوَهَظْ نَ يَهُودَ

﴿شٜىٰكَرَا 609 كَاڢِنْ حَيْڢُوَرْ عِيسَىٰ ﴾

³¹ يٜىٰهُواْوَهَظْ يَنَدَ شٜىٰكَرَا عَشِرِنْ دَ عُكُ دَ يَڢَارَ مُلْكِ؞ يَكُمَيِ مُلْكِ وَتَنِّ عُكُ أَ عُرُوشَلِيمَ؞ سُونَنْ مَامَرْسَ هَمُتَلْ، یَرْ إِرْمِيَ مُتُمِنْ لِبْنَ؞

³² سَرْكِے يٜىٰهُواْوَهَظْ يَعَيْكَتَ مُغُنْتَا أَعِدُوانْ يَهْوٜىٰهْ، كَمَرْ يَدَّ كَاكَنِّنْسَ سُكَيِ؞

³³ ڢِرْعَوْنَ نٜىٰكُواْ سَرْكِنْ مَصَرْ يَكَامَشِ يَكُلّٜىٰ أَغَرِنْ رِبْلَ عَڧَسَرْ هَمَتْ، دُواْمِنْ كَدَ يَيِ مُلْكِ أَ عُرُوشَلِيمَ؞ ڢِرْعَوْنَ نٜىٰكُواْ يَكُمَ سَا وَڧَسَرْ يَهُودَ هَرَاجِ نَكِلُواْ دُبُو عُكُ دَ طَرِے حُطُ نَأَظُرْڢَا دَ كِلُواْ تَلَاتِنْ دَ حُطُ نَظِينَارِيَ؞

³⁴ سَيْ ڢِرْعَوْنَ نٜىٰكُواْ سَرْكِنْ مَصَرْ يَمَيْدَ عٜىٰلِيَكِمْ طَنْ يُواْسِيَا سَرْكِے أَمَڟَيِنْ بَابَنْسَ؞ سَعَنً يَسَاكٜىٰ سُونَنْ عٜىٰلِيَكِمْ ذُوَا يٜىٰهُواْيَكِمْ؞ عَمَّا يَطَوْكِ يٜىٰهُواْوَهَظْ يَكَيْ مَصَرْ، يٜىٰهُواْوَهَظْ كُوَ يَمُتُ عَثَنْ؞ ﴿شٜىٰكَرَا 609‏-598 كَاڢِنْ حَيْڢُوَرْ عِيسَىٰ﴾

سَرْكِے يٜىٰهُواْيَكِمْ نَ يَهُودَ

﴿شٜىٰكَرَا 609‏-598 كَاڢِنْ حَيْڢُوَرْ عِيسَىٰ ﴾

³⁵ يٜىٰهُواْيَكِمْ يَبَا ڢِرْعَوْنَ أَظُرْڢَا دَ ظِينَارِيَ عَمَّا يَيَنْكَ وَمُتَنٜىٰ هَرَاجِ دُواْمِنْ يَسَامِ كُطِنْ دَ ڢِرْعَوْنَ يَعُمَرْتَ؞ يَتِلَسْتَ وَمُتَنٜىٰ بِسَغَ ڧَرْڢِنْسُ، سُبَادَ وَنَّنْ أَظُرْڢَا دَ ظِينَارِيَ دُواْمِنْ يَثِكَ عُمَرْنِنْ ڢِرْعَوْنَ نٜىٰكُواْ سَرْكِنْ مَصَرْ؞

³⁶ يٜىٰهُواْيَكِمْ يَنَدَ شٜىٰكَرَا عَشِرِنْ دَ بِيَرْدَ يَڢَارَ مُلْكِ؞ يَيِ مُلْكِ أَ عُرُوشَلِيمَ شٜىٰكَرَا غُواْمَشَا طَيَ؞ سُونَنْ مَامَرْسَ ظٜىٰبِدَ، یَرْ ڢٜىٰدَيَ مُتُمِنْ رُمَ؞

³⁷ يٜىٰهُواْيَكِمْ يَعَيْكَتَ مُغُنْتَا أَعِدُوانْ يَهْوٜىٰهْ، كَمَرْ يَدَّ كَاكَنِّنْسَ سُكَيِ؞