2 سَرَاكُنَ 21 - أَتَّوْرَتْ دَ أَنَّبَاوَا

مُلْكٍ سَرْكِے مَنَسّٜىٰ

﴿شٜىٰكَرَا 687‏-642 كَاڢِنْ حَيْڢُوَرْ عِيسَىٰ ﴾

¹ مَنَسّٜىٰ يَنَدَ شٜىٰكَرَا غُواْمَشَا بِيُ سَعَدَّ يَڢَارَ مُلْكِ، يَيِ مُلْكِ شٜىٰكَرَا حَمْسِنْ دَ بِيَرْ أَ عُرُوشَلِيمَ؞ سُونَنْ مَامَرْسَ هٜىٰڢْظِبَ؞

² مَنَسّٜىٰ يَعَيْكَتَ مُغُنْتَا أَعِدُوانْ يَهْوٜىٰهْ يَنَ بِنْ هَلَيٜىٰ مَاسُ بَنْ ڨَمَ نَڧَبِيلُنْ دَ يَهْوٜىٰهْ يَكُواْرَ دَغَ ڧَسَرْ دُواْمِنْ مُتَنٜىٰنْ إِسْرَٰٓءِيلَ سُذَوْنَ أَوُرِنْ؞

³ سَرْكِے مَنَسّٜىٰ يَسَاكٜىٰ غِنَا وَطَنْسُ وُرَارٜىٰنْ سُجَّدَ دَ بَسُ دَاثٜىٰبَ، وَطَنْدَ بَابَنْسَ سَرْكِے هٜىٰزٜىٰكِيَ يَرُرُّشٜىٰ؞ يَكُمَ غِنَا بَغَدَيْ دُواْمِنْ غُنْكِنَّنْ بَعَلْ، يَكُمَيِ غُنْكِنْ أَشٜىٰرَ، كَمَرْ يَدَّ سَرْكِے أَهَبْ نَ إِسْرَٰٓءِيلَ يَيِ؞ يَكُمَيِ سُجَّدَ غَ رَانَ دَ وَتَ دَ تَوْرَرِنْ سَمَ يَنَ بَوْتَا مُسُ؞

⁴ مَنَسّٜىٰ يَكُمَ غِنَا بَغَدَنْ ڟَاڢِ عَثِكِنْ غِدَنْ يَهْوٜىٰهْ، وُرِنْ دَ يَهْوٜىٰهْ يَثٜىٰ ‏«‏أَ عُرُوشَلِيمَ نٜىٰ ذَنْ تَبَّتَرْ دَ سُونَنَ؞»‏

⁵ يَغِنَ بَغَدَيْ دُواْمِنْ سُجَّدَ غَ رَانَ دَ وَتَ دَ تَوْرَرِنْ سَمَ أَ ڢِيلَيٜىٰ بِيُ نَغِدَنْ يَهْوٜىٰهْ؞

⁶ مَنَسّٜىٰ يَمِيڧَ طَنْسَ هَدَايَ تَڧُواْنَاوَا؞ يَنَ دُوبَا، يَنَ دَبُواْ؞ يَنَ بِنْ مَاسُ حَطَكَيْ دَ رُوحُواْحِنْ مَتَتُّو؞ يَنَ كُمَيِنْ بُواْكَنْثِ؞ يَعَيْكَتَ مُغُنْتَا سُواْسَيْ أَعِدُوانْ يَهْوٜىٰهْ، وَنْدَ يَسَا يَهْوٜىٰهْ يَيِ ڢُشِے سُواْسَيْ؞

⁷ مَنَسّٜىٰ يَا يِغُنْكِ أَشٜىٰرَ سَيْ يَكَڢَ عَثِكِنْ غِدَنْ يَهْوٜىٰهْ، غِدَنْ دَ يَهْوٜىٰهْ يَثٜىٰ وَ دَاوُدَ دَ طَنْسَ سُلَيْمَٰنُ ‏«‏عَثِكِنْ عُرُوشَلِيمَ كُمَ عَثِكِنْ وَنَّنْ غِدَنْدَ نَذَاٻَا دَغَ ثِكِنْ دُكَنْ ذُرِيَرْ إِسْرَٰٓءِيلَ، ذَاعَ تَبَّتَرْ دَ سُونَنَ حَرْ أَبَدَا؞

⁸ بَذَنْسَاكٜىٰ سَا أَڢِتَرْدَ جَمَعَرْ إِسْرَٰٓءِيلَ دَغَ ڧَسَرْدَ نَبَا كَاكَنِّنْسُبَ؞ وَنَّنْ ذَيْ كَسَنْثٜىٰ حَكَ كُوَ عِدَنْ سُكَ لُورَ سُكَبِے عُمَرْنَنْدَ نَبَاسُ دَ دُكَنْ كُواْيَرْوَرْ دَ بَاوَنَ مُوسَٰى يَعُمَرْثٜىٰسُ؞»‏

⁹ عَمَّا جَمَعَرْ إِسْرَٰٓءِيلَ بَسُجِبَ؞ مَنَسّٜىٰ يَسَاسُ سُكَ عَيْكَتَ مُغُنْتَا ڢِيٜىٰدَ أَلْعُمَّنْ دَ يَهْوٜىٰهْ يَكُواْرَ دَغَ ڧَسَرْ دُواْمِنْ مُتَنٜىٰنْ إِسْرَٰٓءِيلَ سُذَوْنَ أَوُرِنْ؞

¹⁰ يَهْوٜىٰهْ يَايِ مَغَنَ تَوُرِنْ بَايِنْسَ أَنَّبَاوَنْ يَثٜىٰ،

¹¹ ‏«‏سَرْكِے مَنَسّٜىٰ نَ يَهُودَ يَعَيْكَتَ وَطَنَّنْ أَبُبُوَ مَاسُ بَنْ ڨَمَ؞ يَعَيْكَتَ مُوغَيٜىٰ أَبُبُوَ ڢِيٜىٰدَ أَمُواْرِيَاوَا وَطَنْدَ سُكٜىٰ عَڧَسَرْ تُنْدَا كَاڢِنْ شِ؞ يَكُمَسَا مُتَنٜىٰنْ يَهُودَ سُكَيِ ذُنُوبِ تَوُرِنْ بِنْ غُمَكَنْسَ؞

¹² سَبُواْدَ حَكَ نِے يَهْوٜىٰهْ اللَّهْ نَ إِسْرَٰٓءِيلَ ذَنْ كَٰوُاْ وَتَ مَسِيڢَ عَكَنْ عُرُوشَلِيمَ دَ يَهُودَ إِرِنْ وَنْدَ دُكْ كُنّٜىٰنْدَ يَجِ ذَيْجِجِّغُ دُوانْ ڟُواْرُواْ؞

¹³ سَعَنً ذَنْ عَوْنَ إِسْرَٰٓءِيلَ دَ إِرِنْ إِغِيَرْ أَوُانْ هَلَّكَرْدَ نَيِ أَمْڢَانِ دَ عِتَ عَكَنْ سَمَرِيَ دَ كُمَ وَدَّ نَيِ أَمْڢَانِ دَ عِتَ عَكَنْ غِدَنْ أَهَبْ؞ ذَنْ لَشٜىٰ عُرُوشَلِيمَ كَمَرْ يَدَّ مُتُمْ يَكَنْ لَشٜىٰ ݣُونُواْ يَكِڢٜىٰشِ؞

¹⁴ ذَنْ كَوَرْدَ ضَغُواْوَرْ جَمَعَتَ وَطَنْدَ سُكٜىٰ غَادُواْنَ، ذَنْبَادَسُو أَ حَنُّنْ أَبُواْكَنْ غَابَنْسُ وَطَنْدَ ذَاسُ كَامَسُ سُكُمَ ڨُوثٜىٰ كَايَنْسُ عَيَاڧِ؞

¹⁵ حَكَ ذَيْ ڢَرُ، سَبُواْدَ مُتَنٜىٰنَ سُنْ عَيْكَتَ مُغُنْتَا أَعِدُواْنَ، سُكَسَا نَيِڢُشِے تُنْ رَانَرْ دَ كَاكَنِّنْسُ سُكَ ڢِتُواْ دَغَ مَصَرْ، حَرْ ذُوَا يَوْ؞»‏

¹⁶ مَنَسّٜىٰ كُوَ يَكَكَّشٜىٰ مَرَسَ لَيْڢِے دَيَوَ، حَرْ يَثِكَ عُرُوشَلِيمَ دَ جِنِنْسُ دَغَ وَنَّنْ غٜىٰڢٜىٰ ذُوَا وَنْثَنْ غٜىٰڢٜىٰ، بَنْدَ ذُنُوبِنْدَ يَسَا مُتَنٜىٰنْ يَهُودَ سُكَيِ، سُكَ عَيْكَتَ مُغُنْتَا أَعِدَانُنْ يَهْوٜىٰهْ؞

¹⁷ سَوْرَنْ أَيُّكَنْ مَنَسّٜىٰ دَ دُكَنْ أَبِنْدَ يَيِ دَ ذُنُوبِنْدَ يَعَيْكَتَ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞

¹⁸ مَنَسّٜىٰ يَكُواْمَ غَ كَاكَنِّنْسَ، عَكَ بِنّٜىٰشِ ثِكِنْ غُواْنَرْ غِدَنْسَ، أَغُواْنَرْ عُظَّ؞ سَيْ أَمُوانْ طَنْسَ يَغَاجٜىٰشِ يَذَمَ سَرْكِے؞ ﴿شٜىٰكَرَا 642‏-640 كَاڢِنْ حَيْڢُوَرْ عِيسَىٰ﴾

سَرْكِے أَمُوانْ نَ يَهُودَ

﴿شٜىٰكَرَا 642‏-640 كَاڢِنْ حَيْڢُوَرْ عِيسَىٰ ﴾

¹⁹ أَمُوانْ يَنَدَ شٜىٰكَرَا عَشِرِنْ دَ بِيُ دَ يَڢَارَ مُلْكِ، يَكُوَ يِمُلْكِ شٜىٰكَرَا بِيُ أَ عُرُوشَلِيمَ؞ سُونَنْ مَامَرْسَ مٜىٰشُلّٜىٰمٜىٰتْ، یَرْ هَرُظْ دَغَ يُواتْبَ؞

²⁰ يَعَيْكَتَ مُغُنْتَا أَعِدُوانْ يَهْوٜىٰهْ كَمَرْ يَدَّ بَابَنْسَ سَرْكِے مَنَسّٜىٰ يَيِ؞

²¹ يَيِ تَڢِيَ ثِكِنْ دُكَنْ حَنْيَرْ بَابَنْسَ؞ يَبَوْتَاوَ غُمَكَنْ دَ بَابَنْسَ يَبَوْتَا مُسُ، يَيِ مُسُ سُجَّدَ؞

²² يَرَبُ دَ يَهْوٜىٰهْ اللَّهْ نَكَاكَنِّنْسَ، بَيْيِ تَڢِيَ أَ حَنْيَرْ يَهْوٜىٰهْ بَ؞

²³ سَيْ دَتَّاوَنْ سَرْكِے أَمُوانْ سُكَ حَطَ بَاكِ سُكَ كَشٜىٰشِ عَثِكِنْ غِدَنْسَ؞

²⁴ عَمَّا مُتَنٜىٰنْ ڧَسَرْ سُكَ كَشٜىٰ دُكَنْ وَطَنْدَ سُكَ كَشٜىٰ سَرْكِے أَمُوانْ؞ سَيْ سُكَ مَيْدَ طَنْسَ يُواْسِيَا سَرْكِے أَمَيْمَكُوانْسَ؞

²⁵ سَوْرَنْ أَيُّكَنْ دَ أَمُوانْ يَيِ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞

²⁶ عَكَ بِنّٜىٰشِ عَكَبَرِنْسَ ثِكِنْ غُواْنَرْ عُظَّ؞ سَيْ يُواْسِيَا طَنْسَ يَغَاجٜىٰشِ يَذَمَ سَرْكِے؞