2 سَرَاكُنَ 20 - أَتَّوْرَتْ دَ أَنَّبَاوَا

رَشِنْ لَاڢِيَرْ هٜىٰزٜىٰكِيَ دَ وَرْكٜىٰوَرْسَ؞

¹ عَݣُونَكِنْنَنْ هٜىٰزٜىٰكِيَ يَكَمُ دَ رَشِنْ لَاڢِيَ حَرْ يَكُسَ مُتُوَ؞ سَيْ أَنَّبِے عِشَايَ طَنْ أَمُواظْ يَذُواْ وُرِنْسَ، يَثٜىٰ مَسَ ‏«‏إِنْجِ يَهْوٜىٰهْ، ‏‹‏كَشِرْيَ غِدَنْكَ غَمَا بَذَاكَيِ رَيْبَ، ذَاكَ مُتُ؞›‏ »‏

² سَيْ هٜىٰزٜىٰكِيَ يَجُويَ ڢُسْكَرْسَ تَبَنْ‌غُواْ يَيِ أَدُّعَ غَ يَهْوٜىٰهْ يَنَ ثٜىٰوَ

³ ‏«‏يَا يَهْوٜىٰهْ، إِنَ ضُواْڧُوانْكَ، كَتُنَ يَدَّ نَيِ تَڢِيَ أَغَبَنْكَ ثِكِنْ أَمِنْثِ دَ دُكَنْ ذُوثِيَاتَ، نَكُمَ عَيْكَتَ أَبِنْدَ يَكٜىٰ دَيْدَيْ أَعِدُوانْكَ؞»‏ سَيْ هٜىٰزٜىٰكِيَ يَيِ كُوكَا مَيْ ذَاڢِ سُواْسَيْ؞

⁴ سَيْ عِشَايَ يَتَاشِ يَبَرْ سَرْكِے، عَمَّا كَاڢِنْ يَوُثٜىٰ ڟَكِيَرْ ڢِيلِنْ غِدَنْ سَرْكِے، سَيْ كَلْمَرْ يَهْوٜىٰهْ تَذُواْ وُرِنْسَ ثٜىٰوَ

⁵ ‏«‏كُواْمَ، كَثٜىٰ وَ هٜىٰزٜىٰكِيَ سَرْكِنْ مُتَنٜىٰنَ ثٜىٰوَ ‏‹‏إِنْجِ يَهْوٜىٰهْ اللَّهْ نَكَكَنْكَ دَاوُدَ، نَجِ أَدُّعَرْكَ، نَكُمَ غَ هَوَيٜىٰنْكَ؞ حَڧِيڧَ ذَنْ وَرْكَرْ دَكَيْ؞ أَ رَانَ تَ عُكُ ذَاكَ هَوْرَ كَيِ سُجَّدَ عَثِكِنْ غِدَنْ يَهْوٜىٰهْ؞

⁶ ذَنْ ڧَارَ شٜىٰكَرَا غُواْمَشَا بِيَرْ غَ رَايُوَرْكَ؞ ذَنْ كُٻُتَرْ دَكَيْ دَ بِرْنِنَّنْ دَغَ حَنُّنْ سَرْكِنْ أَسُّرِيَ؞ ذَنْ ڟَرٜىٰ بِرْنِنَّنْ سَبُواْدَ غِرْمَنْ سُونَنَ دَ كُمَ سَبُواْدَ بَاوَنَ دَاوُدَ؞›‏ »‏

⁷ عِشَايَ يَثٜىٰ ‏«‏عَكَٰوُاْ دُنْڧُلٜىٰنْ ٻَوْرٜىٰنْ دَ عَكَ دَكَ، أَ مَنّٜىٰ مَسَ أَ مَرُورُنْ دُواْمِنْ يَوَرْكٜىٰ؞»‏

⁸ سَرْكِے هٜىٰزٜىٰكِيَ يَيِ تَمْبَيَ يَثٜىٰ ‏«‏وَثٜىٰ عَلَمَ ثٜىٰ ذَاتَ تَبَّتَرْ مِنِ ثٜىٰوَ يَهْوٜىٰهْ ذَيْ وَرْكَرْ دَنِے، كُمَ أَ رَانَ تَ عُكُ ذَنْ هَوْرَ ذُوَا غِدَنْ يَهْوٜىٰهْ؟»‏

⁹ عِشَايَ يَأَمْسَ مَسَ يَثٜىٰ ‏«‏غَا عَلَمَرْ دَ يَهْوٜىٰهْ يَبَاكَ دُواْمِنْ يَتَبَّتَرْ مَكَ ذَيْثِكَ أَلْڧَوَرِنْسَ؞ تُواْ، سَيْ كَذَاٻَا، كُواْ ذَاكَڢِے سُوانْ إِنُوَ يَكُواْمَ دَ بَايَ ڧَڢَا غُواْمَ، كُواْ كُوَ يَيِ غَبَ دَ ڧَڢَا غُواْمَ؟»‏

¹⁰ هٜىٰزٜىٰكِيَ يَأَمْسَ يَثٜىٰ ‏«‏أَيْ، أَبُ مَيْ سَوْڧِ نٜىٰ إِنُوَ تَيِ غَبَ ڧَڢَا غُواْمَ، بَرِ تَيِ بَايَ ڧَڢَا غُواْمَ؞»‏

¹¹ سَيْ أَنَّبِے عِشَايَ يَيِ أَدُّعَ غَ يَهْوٜىٰهْ؞ يَهْوٜىٰهْ كُوَ يَسَا إِنُوَ تَكُواْمَ بَايَ ڧَڢَا غُواْمَ عَكَنْ مَڠُوجِنْ رَانَ وَنْدَ سَرْكِے أَهَظْ يَغِنَ؞

یَنْ عَيْكَ دَغَ بَابِيلَ

¹² أَوَنَّنْ لُواْكَثِ سَرْكِے مٜىٰرُواْدَكْ بَلَدَنْ طَنْ بَلَدَنْ نَ بَابِيلَ، يَعَيْكُواْ دَ وَكِلَيْ تَرٜىٰدَ وَسِيڧُ دَ ݣَوْتَا ذُوَاغَ سَرْكِے هٜىٰزٜىٰكِيَ، غَمَا يَاجِ لَابَرِنْ رَشِنْ لَاڢِيَرْسَ؞

¹³ هٜىٰزٜىٰكِيَ كُوَ يَمَرَبْثٜىٰسُ؞ يَنُونَ مُسُ دُكَنْ طَكُنَنْ أَجِيَرْ أَرْزِڧِنْ سَرْكِے دَ أَظُرْڢَرْسَ دَ ظِينَارِيَرْسَ دَ كَايَنْ يَجِنْسَ دَ مَنْ ڧَنْشِنْسَ دَ دُكَنْ كَايَنْ يَاڧِنْسَ، وَتُواْ دُكْ أَبِنْدَ يَكٜىٰ ثِكِنْ طَكُنَنْ أَجِيَرْسَ؞ بَابُوَنِ أَبِنْدَ يَكٜىٰ عَثِكِنْ غِدَنْسَ دَ كُواْ أَبِنْدَ يَكٜىٰ ڧَرْڧَشِنْ مُلْكِنْسَ دَ بَيْ نُونَ مُسُبَ؞

¹⁴ سَيْ أَنَّبِے عِشَايَ يَذُواْ وُرِنْ سَرْكِے هٜىٰزٜىٰكِيَ يَثٜىٰ مَسَ ‏«‏دَغَ إِنَا نٜىٰ مُتَنٜىٰنَّنْ سُكَ ڢِتُواْ؟ مٜىٰنٜىٰنٜىٰ كُمَ سُكَثٜىٰ مَكَ؟»‏ هٜىٰزٜىٰكِيَ يَأَمْسَ يَثٜىٰ ‏«‏سُنْ ڢِتُواْ دَغَ وَتَ ڧَسَا مَيْ نِيسَ، وَتُواْ دَغَ ڧَسَرْ بَابِيلَ؞»‏

¹⁵ عِشَايَ يَڧَارَ تَمْبَيَ يَثٜىٰ ‏«‏مٜىٰنٜىٰنٜىٰ سُكَ غَنِ أَغِدَنْكَ؟»‏ هٜىٰزٜىٰكِيَ يَأَمْسَ يَثٜىٰ ‏«‏سُنْ‌غَ كُواْمٜىٰ دَكُواْمٜىٰ عَثِكِنْ غِدَانَ؞ بَابُوَنِ أَبِنْدَ يَكٜىٰ ثِكِنْ طَكُنَنْ أَجِيَتَ وَنْدَ بَنْ نُونَ مُسُبَ؞»‏

¹⁶ عِشَايَ يَثٜىٰ مَسَ ‏«‏كَجِ مَغَنَرْ يَهْوٜىٰهْ؞

¹⁷ ‏‹‏لَلَّيْ ݣُونَكِے سُنَ ذُوَا عِنْدَ ذَاعَ ݣُوشِ دُكْ أَبِنْدَ يَكٜىٰ ثِكِنْ غِدَنْكَ دَ دُكَنْ أَبُبُوَنْ دَ كَاكَنِّنْكَ سُكَيِ أَجِيَ حَرْ ذُوَا يَوْ؞ ذَاعَݣُوشٜىٰسُ دُكَ ذُوَا بَابِيلَ؞ بَابُوَنِ أَبِنْدَ ذَاعَ بَرِ؞ نِے يَهْوٜىٰهْ نَا ڢَطَا؞

¹⁸ ذَاعَكُمَ ݣُوشِ وَطَنْسُ یَیَنْكَ مَظَا وَطَنْدَ كَحَيْڢَ عَتَڢِے دَسُو؞ أَغِدَنْ سَرْكِنْ بَابِيلَ ذَاعَ مَيْدَسُو بَابَانِّنْسَ؞›‏ »‏

¹⁹ سَعَنً هٜىٰزٜىٰكِيَ يَثٜىٰوَ أَنَّبِے عِشَايَ ‏«‏مَغَنَرْ يَهْوٜىٰهْ وَدَّ كَكَٰوُاْ مِنِ تَنَدَ ݣَوْ؞»‏ غَمَا يَنَ تُنَانِ ثٜىٰوَ ‏«‏أَيْ، بَانِدَ دَامُوَ، تُنْدَيَكٜىٰ ذَاعَيِ ذَمَنْ لَاڢِيَ دَ سَلَمَ عَݣُونَكِنَ!‏»‏

مُتُوَرْ هٜىٰزٜىٰكِيَ

²⁰ سَوْرَنْ أَيُّكَنْ دَ سَرْكِے هٜىٰزٜىٰكِيَ يَيِ دَ دُكَنْ إِيكُوانْ مُلْكِنْسَ دَ يَدَّ يَغِنَ تَڢْكِ دَ لَمْبَتُنْ دَيَكٜىٰ كَٰوُاْ ضُوَ ذُوَا ثِكِنْ بِرْنِ سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞

²¹ هٜىٰزٜىٰكِيَ يَكُواْمَ غَ كَاكَنِّنْسَ، سَيْ طَنْسَ مَنَسّٜىٰ يَغَاجٜىٰشِ يَذَمَ سَرْكِے؞