2 سَرَاكُنَ 2 - أَتَّوْرَتْ دَ أَنَّبَاوَا

أَنْ طَوْكِ إِلْيَاسُ ذُوَا سَمَ

¹ أَ لُواْكَثِنْ دَ يَهْوٜىٰهْ ذَيْ طَوْكِ إِلْيَاسُ ذُوَا سَمَ عَثِكِنْ إِسْكَرْ غُوغُوَ، إِلْيَاسُ دَ أَلْيَسَعَ سُنَ عَكَنْ حَنْيَ دَغَ غِلْغَلْ؞

² سَيْ إِلْيَاسُ يَثٜىٰ وَ أَلْيَسَعَ ‏«‏إِنَ ضُواْڧُوانْكَ كَدَكَتَ أَنَنْ، غَمَا يَهْوٜىٰهْ يَثٜىٰمِنِ إِنْتَڢِے بٜىٰتٜىٰلْ؞»‏ عَمَّا أَلْيَسَعَ يَأَمْسَ ‏«‏نَا ضَنْڟٜىٰ دَ سُونَنْ يَهْوٜىٰهْ مَيْ رَيْ دَ كُمَ رَنْكَ ثٜىٰوَ بَذَنْبَرْ كَبَ؞»‏ سُكَ كُوَ تَڢِے بٜىٰتٜىٰلْ تَرٜىٰ؞

³ سَيْ ڧُنْ‌غِيَرْ أَنَّبَاوَا دَغَ بٜىٰتٜىٰلْ سُكَذُواْ وُرِنْ أَلْيَسَعَ سُكَثٜىٰ ‏«‏كُواْ كَاسَنِ ثٜىٰوَ يَوْ نٜىٰ يَهْوٜىٰهْ ذَيْ طَوْكِ شُوغَبَنْكَ دَغَ غَرٜىٰكَ؟»‏ أَلْيَسَعَ يَأَمْسَ يَثٜىٰ ‏«‏عِ، نَا سَنِ؞ كُواْوَ يَيِ شِضُ؞»‏

⁴ سَيْ إِلْيَاسُ يَثٜىٰ وَ أَلْيَسَعَ ‏«‏إِنَ ضُواْڧُوانْكَ كَدَكَتَ أَنَنْ، غَمَا يَهْوٜىٰهْ يَثٜىٰ إِنْ تَڢِے يٜىٰرِكُواْ؞»‏ عَمَّا أَلْيَسَعَ يَثٜىٰ ‏«‏نَا ضَنْڟٜىٰ دَ سُونَنْ يَهْوٜىٰهْ مَيْ رَيْ دَ كُمَ رَنْكَ ثٜىٰوَ بَذَنْبَرْ كَبَ؞»‏ سَيْ سُكَ تَڢِے يٜىٰرِكُواْ؞

⁵ سَيْ وَتَ ڧُنْ‌غِيَرْ أَنَّبَاوَنْ دَسُكٜىٰ دَ ذَمَ أَ يٜىٰرِكُواْ سُكَ تَڢِے وُرِنْ أَلْيَسَعَ سُكَ تَمْبَيٜىٰشِ سُكَثٜىٰ ‏«‏كُواْ كَاسَنِ ثٜىٰوَ يَوْ نٜىٰ يَهْوٜىٰهْ ذَيْ طَوْكِ شُوغَبَنْكَ دَغَ غَرٜىٰكَ؟»‏ أَلْيَسَعَ يَأَمْسَ يَثٜىٰ ‏«‏عِ، نَا سَنِ؞ كُواْوَ يَيِ شِضُ؞»‏

⁶ سَيْ إِلْيَاسُ يَثٜىٰ مَسَ ‏«‏إِنَ ضُواْڧُوانْكَ كَدَكَتَ أَنَنْ، غَمَا يَهْوٜىٰهْ يَثٜىٰ إِنْ تَڢِے كُواْغِنْ يُواْدَنْ؞»‏ عَمَّا أَلْيَسَعَ يَأَمْسَ يَثٜىٰ ‏«‏نَا ضَنْڟٜىٰ دَ سُونَنْ يَهْوٜىٰهْ مَيْ رَيْ دَ كُمَ رَنْكَ ثٜىٰوَ بَذَنْبَرْ كَبَ؞»‏ سَيْ سُكَ تَڢِے تَرٜىٰ؞

⁷ مُتَنٜىٰ حَمْسِنْ دَغَ ڧُنْ‌غِيَرْ أَنَّبَاوَا سُكَبِيسُ ذُوَا وُرِنْ دَ إِلْيَاسُ دَ أَلْيَسَعَ سُكَ ڟَيَ عَبَاكِنْ كُواْغِنْ يُواْدَنْ؞ عَمَّا مُتَنٜىٰ حَمْسِنَّنْ سُكَ ڟَيَ دَ طَنْ نِيسَ دَغَ وُرِنْ دَ إِلْيَاسُ دَ أَلْيَسَعَ سُكٜىٰ؞

⁸ سَيْ إِلْيَاسُ يَثِرٜىٰ بَبَّرْ رِغَرْسَ يَنَنَّطٜىٰتَ يَبُغِ ضُوً كُواْغِنْ دَ عِتَ؞ سَيْ ضُوً يَرَبُ كَشِ بِيُ، سَيْ شِ دَ أَلْيَسَعَ سُكَ ڧٜىٰتَرٜىٰ كُواْغِنْ عَبُوسَشِّيَرْ ڧَسَا؞

⁹ بَايَنْدَ سُكَ ڧٜىٰتَرٜىٰ كُواْغِنْ، سَيْ إِلْيَاسُ يَثٜىٰ وَ أَلْيَسَعَ ‏«‏ڢَطَا مِنِ أَبِنْدَ كَكٜىٰسُواْ إِنْيِ مَكَ كَاڢِنْ أَطَوْكٜىٰنِ عَبَرْكَ؞»‏ أَلْيَسَعَ يَأَمْسَ يَثٜىٰ ‏«‏إِنَ ضُواْڧُوانْكَ بَرِ إِنْ غَاجِ كَشِ بِيُ نَ إِيكُوانْ رُوحُنْكَ؞»‏

¹⁰ إِلْيَاسُ يَثٜىٰ ‏«‏وَنَّنْ ضُواْڧُواْ يَنَدَ وُيَ، عَمَّا عِدَنْ كَا غَنِّ لُواْكَثِنْ دَ ذَاعَ طَوْكٜىٰنِ، ذَاكَ كَرْٻِ رُوحٌ؞ عِدَنْ كُوَ بَكَغَنِّ أَ لُواْكَثِنْ بَ، تُواْ بَذَيْ يِوُبَ؞»‏

¹¹ سَعَدَّ سُكٜىٰ تَڢِيَ سُنَ مَغَنَ، بَا لَابَرِ كٜىٰكٜىٰنْ دُواْكِ مَيْ وُتَادَ دَوَكِنْ وُتَا سُكَ رَبَسُ؞ إِلْيَاسُ يَهَوْ سَمَ ثِكِنْ إِسْكَ مَيْ غُوغُوَ؞

¹² أَلْيَسَعَ كُوَ يَغَنِ، سَيْ يَيِ تَ إِيهُ يَنَ ثٜىٰوَ ‏«‏بَابَنَ، بَابَنَ!‏ كَيْ مَيْ ڟَرٜىٰ إِسْرَٰٓءِيلَ ڢِيٜىٰدَ كٜىٰكُنَنْ دُواْكِنْتَ دَ سُواْجُواْجِنْتَ!‏»‏ دَ بَيْ ڧَارَ غَنِنْسَبَ، سَيْ أَلْيَسَعَ يَيَاغٜىٰ رِغَرْسَ كَشِ بِيُ؞

¹³ سَيْ يَطَوْكِ بَبَّرْ رِغَرْ إِلْيَاسُ وَدَّ تَڢَاطِ دَغَ جِكِنْسَ، يَكُواْمَ يَڟَيَ عَبَاكِنْ كُواْغِنْ يُواْدَنْ؞

¹⁴ سَيْ يَطَوْكِ بَبَّرْ رِغَرْ يَبُغِ ضُوً كُواْغِنْ يَنَ ثٜىٰوَ ‏«‏إِنَا يَهْوٜىٰهْ اللَّهْ نَ إِلْيَاسُ يَكٜىٰ؟»‏ سَيْ كُواْغِنْ يَرَبُ كَشِ بِيُ، أَلْيَسَعَ كُوَ يَوُثٜىٰ ڟَكَانِ، يَڧٜىٰتَرٜىٰ ذُوَا طَيَنْ غٜىٰڢٜىٰنْ كُواْغِنْ؞

¹⁵ دَ ڧُنْ‌غِيَرْ أَنَّبَاوَنَّنْ سُكَ غَنِ حَكَ سَيْ سُكَثٜىٰ ‏«‏إِيكُوانْ رُوحٌ إِلْيَاسُ يَنَ عَكَنْ أَلْيَسَعَ!‏»‏ سُكَ تَڢِے وُرِنْسَ سُكَ رُسُنَ سُنْ غَيْشٜىٰشِ؞

¹⁶ سُكَثٜىٰ مَسَ ‏«‏غَاشِ، أَݣَويْ مَظَا حَمْسِنْ مَاسُ ڧَرْڢِے عَثِكِنْ بَايِنْكَ؞ كَيَرْدَ مُسُ سُتَڢِے سُنٜىٰمِ شُوغَبَنْكَ؞ وَتَڧِيلَ رُوحٌ يَهْوٜىٰهْ يَطَوْكٜىٰشِ يَكَيْشِ كَنْ وَنِ بَبَّنْ تُدُ كُواْ ثِكِنْ وَنِ ݣُورِ؞»‏ عَمَّا أَلْيَسَعَ يَأَمْسَ يَثٜىٰ ‏«‏أَعَ، كَدَكُ عَيْكٜىٰسُ؞»‏

¹⁷ عَمَّا دَ سُكَيِ تَدَامُنْسَ حَرْ يَرَسَ يَدَّ ذَيْثٜىٰ ‏«‏أَعَ»‏، سَيْيَثٜىٰ ‏«‏تُواْ، سَيْكُ عَيْكٜىٰسُ؞»‏ سَيْ سُكَ عَيْكِ مُتَنٜىٰ حَمْسِنْ سُكَيِ تَنٜىٰمَنْسَ حَرْ ݣُونَ عُكُ، عَمَّا بَسُ سَامٜىٰشِيبَ؞

¹⁸ سُكَ كُواْمَ يٜىٰرِكُواْ، وُرِنْ دَ أَلْيَسَعَ يَطَنْ دَكَتَ؞ أَلْيَسَعَ يَثٜىٰ مُسُ ‏«‏أَيْ، نَاثٜىٰمُكُ كَدَ كُتَڢِے؞»‏

أَلْيَسَعَ يَڢَارَ يِنْ أَبُبُوَنْ بَنْ مَامَاكِ

¹⁹ مُتَنٜىٰنْ غَرِنْ يٜىٰرِكُواْ سُكَ تَڢِے وُرِنْ أَلْيَسَعَ سُكَثٜىٰ مَسَ ‏«‏مَيْغِرْمَ، كَنَ عِيَ غَنِ يَدَّ غَرِنْ يَنَ أَوُرِے مَيْݣَوْ؞ عَمَّا ضُوً غَرِنْ بَاݣَوْ، يَنَسَا ڧَسَرْ بَاتَ بَادَ أَمْڢَانِنْ غُواْنَ؞»‏

²⁰ أَلْيَسَعَ يَثٜىٰ ‏«‏عَكَٰوُاْ مِنِ سَابُوانْ ݣُونُواْ دَ غِشِرِ عَثِكِ؞»‏ عَكَ كُوَ كَٰوُاْ مَسَ؞

²¹ سَيْ يَتَڢِے وُرِنْ مَٻُٻُّغَرْ ضُوً يَجُويٜىٰ غِشِرِنْ عَثِكِ، سَيْيَثٜىٰ ‏«‏إِنْجِ يَهْوٜىٰهْ، ‏‹‏دَغَ يَوْ نَا ڟَبْتَثٜىٰ ضُوًنَنْ دُكَ؞ بَذَيْسَاكٜىٰ كَٰوُاْ مُتُوَ كُواْ ظُبَرْدَ ثِكِيبَ؞›‏ »‏

²² ضُوً كُوَ يَكَسَنْثٜىٰ مَيْݣَوْ تُنْدَغَ لُواْكَثِنْ حَرْ ذُوَا يَوْ بِسَغَ مَغَنَرْ دَ أَلْيَسَعَ يَيِ؞

²³ سَعَدَّ أَلْيَسَعَ يَبَرْ يٜىٰرِكُواْ ذَاشِ بٜىٰتٜىٰلْ، يَنَ عَكَنْ حَنْيَ سَيْ يَسَدُ دَ وَطَنْسُ يَارَا مَظَا وَطَنْدَ سُكَ ڢِتُواْ دَغَ وَنِ غَرِ؞ يَارَنْ سُكَ ڢَارَ مَسَ غُواْرِ سُنَ ثٜىٰوَ ‏«‏تَڢِے!‏ تَڢِے!‏ كَيْ مَيْ كَنْ عُنْ‌غُلُ!‏»‏

²⁴ أَلْيَسَعَ يَجُويَ يَكَلّٜىٰسُ سَيْ يَلَعَنْتَسُ دَ سُونَنْ يَهْوٜىٰهْ؞ سَيْ وَطَنْسُ بٜىٰيَرْ غُدَا بِيُ سُكَ ڢِتُواْ دَغَ كُرْمِ سُنْ يَيَّاغٜىٰ يَارَا أَرْبَعِنْ دَ بِيُ دَغَ ثِكِنْسُ؞

²⁵ دَغَ وُرِنْ أَلْيَسَعَ يَتَڢِے بَبَّنْ تُدُنْ كَرْمٜىٰلْ حَرْ يَكُواْمَ ذُوَا سَمَرِيَ؞