2 سَرَاكُنَ 19 - أَتَّوْرَتْ دَ أَنَّبَاوَا

سَرْكِے هٜىٰزٜىٰكِيَ يَنٜىٰمِ شَوَرَرْ أَنَّبِے عِشَايَ

¹ دَ سَرْكِے هٜىٰزٜىٰكِيَ يَجِ مَغَنَرْسُ، سَيْ يَيَيَّاغٜىٰ رِغَرْسَ، يَسَا رِيغُنَنْ نُونَ بَڧِنْ ثِكِ؞ سَيْ يَشِغَ غِدَنْ يَهْوٜىٰهْ؞

² يَعَيْكَ عٜىٰلِيَكِمْ شُوغَبَنْ غِدَنْ سَرْكِے دَ شٜىٰبْنَ مَرُبُوثِ، تَرٜىٰدَ مَنْيَنْ ڢِرِسْتُواْثِے، دُكَنْسُ سَنْيٜىٰ دَ رِيغُنَنْ نُونَ بَڧِنْ ثِكِ، ذُوَا وُرِنْ أَنَّبِے عِشَايَ طَنْ أَمُواظْ؞

³ سُكَثٜىٰ وَ عِشَايَ ‏«‏إِنْجِ هٜىٰزٜىٰكِيَ، ‏‹‏يَوْ رَانَرْ بَڧِنْ ثِكِ ثٜىٰ، رَانَرْ حُكُنْثِ دَ ڧَسْڧَنْثِ؞ مُنَ كَمَرْ یَیَنْ دَ سُكَذُواْ غَ حَيْڢُوَ عَمَّا بَابُ ڧَرْڢِنْ دَ ذَاعَ حَيْڢٜىٰسُ؞

⁴ مَيْ يِوُوَ يَهْوٜىٰهْ اللَّهْ نْكَ يَلُورَ دَ دُكَنْ مَغَنْ‌غَنُنْ غُواْرِنَّنْ نَوَكِيلِنْ أَسُّرِيَ، وَنْدَ شُوغَبَنْسَ سَرْكِنْ أَسُّرِيَ يَعَيْكَ يَيِ وَ اللَّهْ مَيْ رَيْ؞ مَيْ يِوُوَ يَهْوٜىٰهْ اللَّهْ نْكَ ذَيْ ڟَاوَتَا وَ مَغَنْ‌غَنُنَّنْ دَ يَجِ؞ كَيْ ڢَا، سَيْ كَتَادَ أَدُّعَرْكَ سَبُواْدَ ضَغُواْوَرْ جَمَعَرْكَ؞›‏ »‏

⁵ بَايَنْدَ عِشَايَ يَكَرْٻِ سَڧُوانْ سَرْكِے هٜىٰزٜىٰكِيَ دَغَ دَتَّاوَنْ سَرْكِے،

⁶ سَيْ يَبَادَ أَمْسَ يَثٜىٰ ‏«‏كُڢَطَا وَشُوغَبَنْكُ ثٜىٰوَ ‏‹‏إِنْجِنِ يَهْوٜىٰهْ، كَدَ كُجِڟُواْرُواْ سَبُواْدَ مَغَنْ‌غَنُنْ غُواْرِنَّنْ دَ كُكَجِ وَكِلَنْ سَرْكِنْ أَسُّرِيَ سُكَيِ عَكَيْنَ؞

⁷ غَاشِ، نِے دَكَيْنَ ذَنْسَا مَسَ وَنِ رُوحٌ دَ ذَيْسَا يَجِ وَتَ جِيتَ جِيتَرْ دَ ذَاتَسَا يَكُواْمَ ڧَسَرْسَ؞ عَثَنْ ذَنْسَا عَكَشٜىٰشِ دَ تَكُواْبِے؞›‏ »‏

سٜىٰنَّكٜىٰرِبْ يَسَاكٜىٰ ڟُواْرَتَرْدَ يَهُودَاوَا

⁸ دَ وَكِيلِنْ سَرْكِے يَكُواْمَ، سَيْ يَغَمُ دَ سَرْكِنْ أَسُّرِيَ يَنَ يَاڧِ دَ لِبْنَ، غَمَا وَكِيلِنْ يَجِ لَابَرِ ثٜىٰوَ سَرْكِنْ يَا رِغَا يَا بَرْ بِرْنِنْ لَكِشْ؞

⁹ أَنَانً سَيْ سَرْكِنْ أَسُّرِيَ يَسَامِ لَابَرِ ثٜىٰوَ سَرْكِے تِرْهَكَ نَ إِتِيُواْڢِيَ يَڢِتُواْ دَ سُواْجُواْجِنْسَ دُواْمِنْ سُيَاڧٜىٰشِ؞ سَيْ سَرْكِے يَعَيْكَ دَ یَنْ عَيْكَ ذُوَا وُرِنْ هٜىٰزٜىٰكِيَ ثٜىٰوَ

¹⁰ ‏«‏كُثٜىٰ وَ سَرْكِے هٜىٰزٜىٰكِيَ نَ يَهُودَ، ‏‹‏كَدَ كَيَرْدَ اللَّهْ نْكَ وَنْدَ كَكٜىٰ دُواْغَضَ عَكَيْ يَرُوطٜىٰكَ ثٜىٰوَ بَذَاعَ بَادَ عُرُوشَلِيمَ أَ حَنُّنْ سَرْكِنْ أَسُّرِيَ بَ؞

¹¹ أَيْ، كَاجِ يَدَّ سَرَاكُنَنْ أَسُّرِيَ سُكَيِ دَ دُكَنْ ڧَسَاشٜىٰ، يَدَّ سُكَ هَلَكَاسُ غَبَاطَيَ؞ كَيْ نٜىٰ كَنَ غَنِ ذَاكَ كُٻُتَ؟

¹² كَاكَنِّنَ سُكَ هَلَّكَ مُتَنٜىٰنْ غُواْظَنْ دَ نَ هَرَنْ دَ نَ رٜىٰظٜىٰڢْ دَ نَ عَيْدَنْ وَطَنْدَ سُكٜىٰ أَ تٜىٰلَسَّرْ؞ بَابُ كُواْ طَيَ دَغَ ثِكِنْ أَلُّواْلِنْسُ وَنْدَ يَ عِيَ كُٻُتَرْ دَسُو!‏

¹³ إِنَا نٜىٰ سَرْكِنْ هَمَتْ دَ سَرْكِنْ أَرْڢَدْ سُكٜىٰ عَيَوْ؟ إِنَا كُمَ سَرْكِنْ بِرْنِنْ سٜىٰڢَرْوَيِمْ دَ سَرْكِنْ هٜىٰنَ، كُواْ نَ إِوَّ؟›‏ »‏

أَدُّعَرْ هٜىٰزٜىٰكِيَ

¹⁴ سَرْكِے هٜىٰزٜىٰكِيَ يَكَرْٻِ وَسِيڧَرْ دَغَ حَنُّنْ یَنْ عَيْكَنْ، يَكَرَنْتَ؞ سَيْ يَهَوْرَ دَ عِتَ ثِكِنْ غِدَنْ يَهْوٜىٰهْ، يَشِمْڢِطَا وَسِيڧَرْ أَغَبَنْ يَهْوٜىٰهْ؞

¹⁵ سَيْ هٜىٰزٜىٰكِيَ يَيِ أَدُّعَ غَ يَهْوٜىٰهْ يَثٜىٰ، ‏«‏يَا يَهْوٜىٰهْ اللَّهْ نَ إِسْرَٰٓءِيلَ، سَرْكِنْ دَيَكٜىٰ ذَمَ عَبِسَنْ حَلِتُّو مَاسُ ڢِكَڢِكَيْ، كَيْ كَطَيْ نٜىٰ اللَّهْ نَدُكَنْ مُلْكُواْكِنْ دُونِيَا؞ كَيْ نٜىٰ كَايِ سَمَ دَ دُونِيَا؞

¹⁶ يَا يَهْوٜىٰهْ، كَكَسَ كُنّٜىٰ كَجِ، كَبُوطٜىٰ عِدَنُونْكَ كَغَنِ، كَسَوْرَرِ مَغَنْ‌غَنُنْ غُواْرِنْ دَ سَرْكِے سٜىٰنَّكٜىٰرِبْ يَكٜىٰيِ مَكَ، كَيْ اللَّهْ مَيْ رَيْ؞

¹⁷ أَغَسْكِيَ كَمْ، يَا يَهْوٜىٰهْ، سَرَاكُنَنْ أَسُّرِيَ سُنْ هَلَّكَرْ دَ أَلْعُمَّيْ دَ ڧَسَاشٜىٰ دَيَوَ؞

¹⁸ سُنْ كُمَ جٜىٰڢَرْ دَ أَلُّواْلِنْ أَلْعُمَّنْ عَثِكِنْ وُتَا سُكَ هَلَاكَسُ، غَمَا سُو غُمَكَنٜىٰ، صِڢُّواْڢِنٜىٰ كَوَيْ وَطَنْدَ یَنْ أَدَمْ سُكَيِ دَ حَنُّوَنْسُ دَغَ إِتَاثٜىٰ دَ دُوَڟُو؞

¹⁹ يَنْذُ يَا يَهْوٜىٰهْ اللَّهْ نْمُ، مُنَ ضُواْڧُوانْكَ، كَكُٻُتَرْ دَمُو دَغَ حَنُّنْ سَرْكِے سٜىٰنَّكٜىٰرِبْ دُواْمِنْ دُكَنْ مُلْكُواْكِنْ دُونِيَا سُسَنِ ثٜىٰوَ كَيْ كَطَيْ نٜىٰ اللَّهْ، يَا يَهْوٜىٰهْ؞»‏

سَڧُوانْ عِشَايَ غَمٜىٰدَ ڢَاطُوَرْ سَرْكِے سٜىٰنَّكٜىٰرِبْ

²⁰ عِشَايَ طَنْ أَمُواظْ يَعَيْكَ وَ هٜىٰزٜىٰكِيَ دَ سَڧُواْ يَثٜىٰ، ‏«‏إِنْجِ يَهْوٜىٰهْ اللَّهْ نَ إِسْرَٰٓءِيلَ، ‏‹‏نَجِ أَدُّعَرْكَ غَمٜىٰدَ سَرْكِے سٜىٰنَّكٜىٰرِبْ نَ أَسُّرِيَ؞›‏

²¹ غَا مَغَنَرْ دَ يَهْوٜىٰهْ يَيِ غَمٜىٰدَ سٜىٰنَّكٜىٰرِبْ؞ ‏‹‏بُدُرْوَ ذُوثِيَاتَ سِهِيُواْنَ تَنَ رٜىٰنَكَ، تَنَيِ مَكَ غُواْرِ؞ ذُوثِيَاتَ عُرُوشَلِيمَ تَنَ كَطَ كَنْتَ دَ دَارِيَا يَدَّ كَكٜىٰ غُدُ؞

²² وَنٜىٰنٜىٰ كَكٜىٰيِ مَسَ ذَاغِ دَ رٜىٰنِ؟ وَنٜىٰنٜىٰ كَكٜىٰ بُوطٜىٰ بَاكِنْكَ عَكَنْسَ؟ وَنٜىٰنٜىٰ كَكٜىٰ طَغَ مَسَ كَيْ؟ أَيْ دَنِے كَكٜىٰ غَابَا، نِے مَيْ ڟَرْكِے نَ إِسْرَٰٓءِيلَ!‏

²³ تَیَنْ عَيْكَنْكَ كَيِ وَ عُبَنْ‌غِجِ غُواْرِ؞ كَثٜىٰ تَيَوَنْ كٜىٰكُنَنْ يَاڧِنْكَ، كَاهَوْ كَنْ تُدَّيْ مَڢِے ڟَيِ، حَرْ إِيَاكَرْ ڟَوُانْ تُدَّنْ لٜىٰبَنُوانْ؞ كَاݣُونْتَرْ دَ عِتَتُوَنْ سٜىٰدَ مَڢِے ڟَيِ، دَ عِتَتُوَنْ ڢِرْ مَڢِے ݣَوْ؞ كَاثٜىٰ كَاكَيْ إِيَاكَرْ تُدَّنْ لٜىٰبَنُوانْ، كَاشِغَ ثِكِ ثِكِنْ كُرْمِنْتَ؞

²⁴ كَنَ تَاڧَمَ دَ رِجِيُواْيِنْدَ كَتُواْنَ كَشَا ضُوَنْدَ بَنَڧَسَرْكَبَ؞ كَاتُواْشٜىٰ دُكَنْ رَاڢُڢُّكَنْ مَصَرْ دَ تَاكَاوَرْ تَڢِنْ ڧَڢَرْ سُواْجُواْجِنْكَ؞

²⁵ ‏«‏ ‏‹‏بَكَجِبَ؟ تُنْ تُنِ نَشِرْيَ حَكَ ذَيْ ڢَرُ؞ تُنْ ݣُونَكِنْ دَا نَشِرْيَ أَبِنْدَ نَكٜىٰ ثِكَاوَا يَنْذُ، وَتُواْ يَدَّ ذَاكَ مَيْدَ بِرَنٜىٰ مَاسُ كَتَنْ‌غَ كُڢَيْ،

²⁶ يَدَّ مَذَوْنَنْ بِرَنٜىٰنْ ذَاسُ رَسَ ڧَرْڢِے، ذَاسُجِڟُواْرُواْ سُضِكِثِے، سُذَمَ كَمَرْ ثِيَوَ أَدَاجِ، كَمَرْ ڧأَنَانً غَنْيَيٜىٰ، كَمَرْ ڟِرُواْ عَكَنْ رُڢِنْ طَاكِ، وَنْدَ إِسْكَ تَبُوشٜىٰ كَاڢِنْ يَيِ غِرْمَ؞

²⁷ نِے ڢَا إِنَ سَنٜىٰدَ ذَمَنْكَ، دَ ڢِتَرْكَ دَ شِغُواْوَرْكَ، دَ ذَاڢِنْ ڢُشِنْكَ عَكَيْنَ؞

²⁸ دَيَكٜىٰ كَيِ ڢُشِے مَيْ ذَاڢِ عَكَيْنَ، كُمَ لَابَرِنْ غِرْمَنْ كَنْكَ يَكَيْ كُنّٜىٰنَ، تُواْ، ذَنْسَا ڧُوغِيَتَ أَهَنْثِنْكَ إِنْسَا لِنْظَمِنَ عَبَاكِنْكَ؞ ذَنْ جُويَرْ دَكَيْ كَكُواْمَ تَهَنْيَرْدَ كَڢِتُواْ؞›‏ »‏

²⁹ سَيْ عِشَايَ يَثٜىٰ وَ هٜىٰزٜىٰكِيَ، ‏«‏غَا أَبِنْدَ ذَيْ ذَمَ مَكَ عَلَمَ؞ أَوَنَّنْ شٜىٰكَرَا ذَاكُثِ دَغَ أَبِنْدَ يَڟِيرَا دَ كَنْسَ؞ أَ شٜىٰكَرَا تَبِيُنْ كُمَ ذَاكُثِ أَبِنْدَ يَڟِيرَا دَغَ نَشٜىٰكَرَا تَڢَرْكُوانْ؞ عَمَّا أَ شٜىٰكَرَا تَ عُكُنْ، كُيِ نُواْمَ، كُيِ غِرْبِے، كُشُوكَ غُواْنَكِنْ إِنَبِے، كُثِ أَمْڢَانِنْسُ؞

³⁰ ضَغُواْوَرْ غِدَنْ يَهُودَ ذَاسُ يَلْوَتَ، ذَاسُ كَڢُ سُيَلْوَتَ كَمَرْ إِتَاثٜىٰنْ دَ سَيْوُاْيِنْسَ سُكَ سَوْكَ ثِكِنْ ڧَسَا، رَسَّنْسَ عَبِسَ كُمَ سُكَ بَادَ یَیَ؞

³¹ غَمَا دَغَ عُرُوشَلِيمَ ضَغُواْوَرْ جَمَعَ ذَاتَ ڢِتُواْ، دَغَ بَبَّنْ تُدُنْ سِهِيُواْنَ ذَاعَ سَامِ ڧُنْ‌غِيَرْ وَطَنْدَ سُكَ ڟِيرَا؞ كِيشِنْ ڧَوْنَرْ يَهْوٜىٰهْ مَيْ ضُنْدُنَا نٜىٰ ذَيْ يِوَنَّنْ؞»‏

³² ‏«‏سَبُواْدَ حَكَ، إِنْجِ يَهْوٜىٰهْ غَمٜىٰدَ سَرْكِنْ أَسُّرِيَ، ‏«‏ ‏‹‏بَذَيْ شِغَ بِرْنِنَّنْبَ، كُواْ يَهَرْبِے كِبِيَ عَثِكِنْتَ، كُواْ كُوَ يَذُواْ مَتَ دَ غَرْكُوَ، كُواْ يَتَارَ ڧَسَا دُواْمِنْ يَهَوْ تَكَتَنْ‌غَرْتَ؞

³³ حَنْيَرْدَ يَبِے يَذُواْ نَنْ، عِتَثٜىٰ ذَيْبِے يَكُواْمَ، كُمَ بَذَيْ شِغَ بِرْنِنَّنْ بَ؞ نِے يَهْوٜىٰهْ نَا ڢَطَا؞

³⁴ غَمَا ذَنْ ڟَرٜىٰ بِرْنِنَّنْ دُواْمِنْ إِنْ كُٻُتَرْ دَشِ، سَبُواْدَ غِرْمَنْ سُونَنَ دَ كُمَ سَبُواْدَ بَاوَنَ دَاوُدَ؞›‏ »‏

أَنْ حُكُنْتَ سَرْكِے سٜىٰنَّكٜىٰرِبْ

³⁵ أَ دَرٜىٰنَّنْ مَلاَىِٕكَنْ يَهْوٜىٰهْ يَتَڢِے وُرِنْ سَنْسَنِنْ يَاڧِنْ أَسُّرِيَ يَكَشٜىٰ مُتُمْ دُبُو طَرِے دَ دُبُو تَمَٰنِنْ دَ بِيَرْ؞ وَشٜىٰغَرِ دَ عَكَ تَاشِ، سَيْغَا غَوَوَّكِ كُواْعِنَ؞

³⁶ سَيْ سَرْكِے سٜىٰنَّكٜىٰرِبْ نَ أَسُّرِيَ يَتَاشِ يَكُواْمَ ڧَسَرْسَ؞ يَكُوَ ذَوْنَ عَبِرْنِنْ نِنٜىٰبَ؞

³⁷ وَتَرَانَ يَايِنْ دَيَكٜىٰ سُجَّدَ أَطَاكِنْ غُنْكِنْسَ نِسْرُواكْ، سَيْ یَیَنْسَ مَظَا أَدْرَمّٜىٰلٜىٰكْ دَ شَرٜىٰظٜىٰرْ سُكَ كَشٜىٰشِ دَ تَكُواْبِے، سُكَ غُدُ ذُوَا ڧَسَرْ أَرَرَاتْ؞ سَعَنً وَنِ طَنْسَ مَيْ سُونَ عٜىٰسَرْهَدُّوانْ يَغَاجٜىٰشِ يَذَمَ سَرْكِے؞