2 سَرَاكُنَ 17 - أَتَّوْرَتْ دَ أَنَّبَاوَا

سَرْكِے هُواْشٜىٰيَ نَ إِسْرَٰٓءِيلَ

﴿شٜىٰكَرَا 732‏-724 كَاڢِنْ حَيْڢُوَرْ عِيسَىٰ ﴾

¹ أَ شٜىٰكَرَا تَغُواْمَشَا بِيُ تَمُلْكٍ سَرْكِے أَهَظْ نَ يَهُودَ، هُواْشٜىٰيَ طَنْ عٜىٰلَ نَ إِسْرَٰٓءِيلَ يَڢَارَ مُلْكِ أَ سَمَرِيَ؞ يَيِ مُلْكِ شٜىٰكَرَا تَرَ؞

² يَعَيْكَتَ مُغُنْتَا أَعِدُوانْ يَهْوٜىٰهْ، عَمَّا بَكَمَرْ يَدَّ سَوْرَنْ سَرَاكُنَنْ إِسْرَٰٓءِيلَ وَطَنْدَ سُكَ رِغَاشِيبَ؞

³ سَرْكِے شَلْمَنٜىٰظٜىٰرْ نَ أَسُّرِيَ يَكَٰوُاْ وَ سَرْكِے هُواْشٜىٰيَ يَاڧِ يَكُوَ ثِ نَصَرَا؞ سَبُواْدَ حَكَ إِسْرَٰٓءِيلَ تَكُواْمَ ڧَرْڧَشِنْ مُلْكٍ أَسُّرِيَ، سُنَ بِيَنْ مُسُ هَرَاجِ؞

⁴ سَيْ سَرْكِے هُواْشٜىٰيَ يَيِ وَسَرْكِنْ أَسُّرِيَ تَاوَيٜىٰ؞ هُواْشٜىٰيَ يَعَيْكَ دَ مُتَنٜىٰ ذُوَا وُرِنْ سَرْكِے سُواْ نَ مَصَرْ يَتَيْمَكٜىٰشِ؞ هُواْشٜىٰيَ يَكُمَ دَيْنَ بَا شَلْمَنٜىٰظٜىٰرْ هَرَاجِنْ دَ يَكٜىٰبِيَنْسَ كُواْوَثٜىٰ شٜىٰكَرَا؞ سَبُواْدَ حَكَ سَرْكِے شَلْمَنٜىٰظٜىٰرْ يَكَامَ هُواْشٜىٰيَ يَسَا عَكُرْكُكُ؞ ﴿شٜىٰكَرَا 722‏-721 كَاڢِنْ حَيْڢُوَرْ عِيسَىٰ﴾

ڢَاطُوَرْ سَمَرِيَ

﴿شٜىٰكَرَا 722‏-721 كَاڢِنْ حَيْڢُوَرْ عِيسَىٰ ﴾

⁵ سَرْكِنْ أَسُّرِيَ كُوَ يَكَٰوُاْ يَاڧِ كُواْعِنَ عَڧَسَرْ إِسْرَٰٓءِيلَ؞ يَكٜىٰوَيٜىٰ سَمَرِيَ دُواْمِنْ يَاڧِ حَرْ شٜىٰكَرَا عُكُ؞

⁶ أَ شٜىٰكَرَا تَتَرَ تَمُلْكٍ سَرْكِے هُواْشٜىٰيَ نَ إِسْرَٰٓءِيلَ، سَرْكِنْ أَسُّرِيَ يَثِ سَمَرِيَ دَ يَاڧِ، يَݣُوشِ مُتَنٜىٰنْ إِسْرَٰٓءِيلَ ذُوَا ڧَسَرْ أَسُّرِيَ؞ يَذَوْنَرْ دَسُو عَبِرْنِنْ هَلَ وَنْدَ يَكٜىٰ عَبَاكِنْ كُواْغِنْ هَبُوارْ، وَتُواْ كُواْغِنْ غُواْظَنْ؞ يَكُمَ ذَوْنَرْ دَ وَطَنْسُ عَبِرَنٜىٰنْ مٜىٰدِيَ؞

دَلِلَنْ ڢَاطُوَرْ سَمَرِيَ

⁷ أَنْ ثِ سَمَرِيَ دَ يَاڧِ سَبُواْدَ مُتَنٜىٰنْ إِسْرَٰٓءِيلَ سُنْيِ ذُنُوبِ غَ يَهْوٜىٰهْ اللَّهْ نْسُ، وَنْدَ يَڢِتَرْ دَسُو دَغَ ڧَسَرْ مَصَرْ دَغَ حَنُّنْ ڢِرْعَوْنَ سَرْكِنْ مَصَرْ؞ مُتَنٜىٰنْ سُنْ كُمَيِ وَ وَطَنْسُ أَلُّواْلِ سُجَّدَ،

⁸ سُنَ تَڢِيَ ثِكِنْ أَلْعَادُنْ ڧَبِيلُنْ دَ يَهْوٜىٰهْ يَكُواْرَ دَغَ ڧَسَرْ دُواْمِنْ مُتَنٜىٰنْ إِسْرَٰٓءِيلَ سُذَوْنَ أَوُرِنْ، سُنَ كُمَ تَڢِيَ ثِكِنْ أَلْعَادُنْ دَ سَرَاكُنَنْ إِسْرَٰٓءِيلَ سُكَ غَبَاتَرْ؞

⁹ مُتَنٜىٰنْ إِسْرَٰٓءِيلَ سُكَ عَيْكَتَ وَطَنْسُ أَبُبُوَ عَٻُواْيٜىٰ وَطَنْدَ بَ دَيْدَيْبَ غَ يَهْوٜىٰهْ اللَّهْ نْسُ؞ سُكَ غِنَاوَا كَنْسُ وُرَارٜىٰنْ سُجَّدَ دَ بَسُ دَاثٜىٰبَ ثِكِنْ غَرُرُوَنْسُ دَغَ ڧَوْيُكَ حَرْ ذُوَا بِرَنٜىٰ مَاسُ كَتَنْ‌غَ؞

¹⁰ عَكُواْوَنٜىٰ كَنْ تُدُ دَ ڧَرْڧَشِنْ عِتَتُوَ مَاسُ بَادَ إِنُوَ سُكَ غِنَا دُووَڟُنْ سُجَّدَ دَ كُمَ غُمَكَنْ أَشٜىٰرَ؞

¹¹ سُكَ ڧُواْنَ تُرَارٜىٰ أَوُرَارٜىٰنْ سُجَّدَ دَ بَسُ دَاثٜىٰبَ كَمَرْ ڧَبِيلُنْ دَ يَهْوٜىٰهْ يَكُواْرَ دَغَ ڧَسَرْ دُواْمِنْ مُتَنٜىٰنْ إِسْرَٰٓءِيلَ سُذَوْنَ أَوُرِنْ؞ مُتَنٜىٰنْ إِسْرَٰٓءِيلَ سُنْ عَيْكَتَ مُوغَيٜىٰنْ أَبُبُوَنْ دَ سُكَسَا يَهْوٜىٰهْ يَيِ ڢُشِے،

¹² غَمَا سُنْ سَا كَيْ غَ يِنْ سُجَّدَ غَ غُمَكَنْ دَ يَهْوٜىٰهْ يَعُمَرْثٜىٰسُ كَدَ سُيِ مُسُ سُجَّدَ؞

¹³ كُلُّمْ يَهْوٜىٰهْ يَايِ تَغَرْغَطِے إِسْرَٰٓءِيلَ دَ يَهُودَ تَبَاكِنْ كُواْوَنٜىٰ أَنَّبِے دَ كُواْوَنٜىٰ مَيْ غَنِ ثٜىٰوَ ‏«‏كُجُويَا دَغَ مُوغَيٜىٰنْ هَنْيُواْيِنْكُ!‏ كُكِيَايٜىٰ عُمَرْنَيْنَ دَ ڧَٰعِدُواْدِنَ بِسَغَ كُواْيَرْوَاتَا، وَدَّ نَعُمَرْثِ كَاكَنِّنْكُ، وَدَّ كُمَ نَعَيْكَ مُكُ تَبَاكِنْ بَايِنَ أَنَّبَاوَا؞»‏

¹⁴ عَمَّا مُتَنٜىٰنْ إِسْرَٰٓءِيلَ سُكَڧِيجِ، سُكَيِ تَوْرِنْ كَيْ كَمَرْ كَاكَنِّنْسُ وَطَنْدَ سُكَڧِ يِنْ أَمِنْثِ غَ يَهْوٜىٰهْ اللَّهْ نْسُ؞

¹⁵ سُكَ ڧِ ڧَٰعِدُواْدِنْسَ دَ يَرْجٜىٰجٜىٰنِيَرْ دَ يَيِ دَ كَاكَنِّنْسُ دَ كُمَ غَرْغَطِنْسَ؞ سُكَبِے غُمَكَنْ بَنْظَ، سَيْ سُكَ ذَمَ بَنْظَ؞ سُكَ كُمَبِے أَلْعَادُنْ ڧَبِيلُنْ دَسُكٜىٰ كٜىٰوَيٜىٰ دَسُو، كُواْدَيَكٜىٰ يَهْوٜىٰهْ يَا عُمَرْثٜىٰسُ ثٜىٰوَ كَدَ سُكُواْيِ رَايُوَرْسُ؞

¹⁶ مُتَنٜىٰنْ إِسْرَٰٓءِيلَ كُمَ سُكَڧِ عُمَرْنَنْ يَهْوٜىٰهْ اللَّهْ نْسُ؞ سُكَيِ صِڢُّواْڢِنْ ظُبِے نَیَنْ بِجِمَيْ بِيُ دَ كُمَ غُنْكِنَّنْ أَشٜىٰرَ دُواْمِنْ كَنْسُ؞ مُتَنٜىٰنْ سُكَيِ سُجَّدَ غَ رَانَ دَ وَتَ دَ تَوْرَرِنْ سَمَ، سُكَ كُمَيِ وَ بَعَلْ سُجَّدَ؞

¹⁷ سُكَ مِيڧَ یَیَنْسُ مَظَا دَ مَاتَا هَدَايَ تَڧُواْنَاوَا غَ أَلُّواْلِ؞ سُكَيِ دُوبَا، سُكَيِ مَيْتَنْثِ؞ سُكَ بَادَ كَنْسُ غَ يِنْ أَبِنْدَ يَكٜىٰ مُغُنْتَا أَعِدَانُنْ يَهْوٜىٰهْ، وَنْدَ يَسَا شِ يَيِ ڢُشِے؞

¹⁸ سَبُواْدَ حَكَ يَهْوٜىٰهْ يَيِ ڢُشِے مَيْ ڟَنَنِ دَ إِسْرَٰٓءِيلَ، يَكَوَرْ دَسُو دَغَ ڢُسْكَرْسَ؞ بَابُ ذُرِيَرْ دَ عَكَ بَرِ سَيْ تَ يَهُودَ كَطَيْ؞

¹⁹ يَهُودَ عِتَمَا بَتَكِيَايٜىٰ عُمَرْنِنْ يَهْوٜىٰهْ اللَّهْ نْسُ بَ، عَمَّا سُنْيِ تَڢِيَ ثِكِنْ أَلْعَادُنْ دَ مُتَنٜىٰنْ يَنْكِنْ إِسْرَٰٓءِيلَ سُكَ كُواْيَ؞

²⁰ سَبُواْدَ حَكَ يَهْوٜىٰهْ يَڧِ ذُرِيَرْ إِسْرَٰٓءِيلَ، يَسَاسُ ثِكِنْ وَهَلَ، يَكُمَ بَادَسُو أَ حَنُّنْ أَبُواْكَنْ غَابَنْسُ، حَرْ سَيْ دَ عَكَ كَوَرْ دَسُو دَغَ ڢُسْكَرْسَ؞

²¹ سَعَدَّ يَهْوٜىٰهْ يَرَبَ إِسْرَٰٓءِيلَ دَغَ غِدَنْ دَاوُدَ، سَيْ مُتَنٜىٰنْ إِسْرَٰٓءِيلَ سُكَ نَطَ يٜىٰرُواْبُواْوَمْ طَنْ نٜىٰبَتْ سَرْكِنْسُ؞ عَمَّا يٜىٰرُواْبُواْوَمْ يَتُورَ إِسْرَٰٓءِيلَ دَغَ بِنْ يَهْوٜىٰهْ، يَسَا سُكَ شِغَ عَيْكَتَ بَبَّنْ ذُنُوبِ؞

²² مُتَنٜىٰنْ إِسْرَٰٓءِيلَ كُوَ سُكَ ثِيغَبَدَ عَيْكَتَ دُكَنْ ذُنُبَنْدَ يٜىٰرُواْبُواْوَمْ يَيِ؞ بَسُ كُوَ جُويَا دَغَ بِنْسُبَ،

²³ حَرْ سَيْ دَ يَهْوٜىٰهْ يَكَوَرْ دَسُو دَغَ ڢُسْكَرْسَ كَمَرْ يَدَّ يَيِ مَغَنَ تَبَاكِنْ دُكَنْ بَايِنْسَ أَنَّبَاوَا؞ سَبُواْدَ حَكَنٜىٰ عَكَ ݣُوشِ مُتَنٜىٰنْ إِسْرَٰٓءِيلَ دَغَ ڧَسَرْسُ ذُوَا بَوْتَا عَڧَسَرْ أَسُّرِيَ، عِنْدَ سُكٜىٰ هَرْوَيَوْ؞

أَنْ ذَوْنَرْدَ مُتَنٜىٰنْ أَسُّرِيَ أَ سَمَرِيَ

²⁴ سَرْكِنْ أَسُّرِيَ يَݣُوشِ مُتَنٜىٰ دَغَ بِرَنٜىٰنْ بَابِيلَ دَ نَ كُتَ دَ أَوَّ دَ هَمَتْ دَ سٜىٰڢَرْوَيِمْ يَذَوْنَرْ دَسُو عَثِكِنْ غَرُرُوَ نَ سَمَرِيَ، أَوُرَارٜىٰنْدَ يَڢِتَرْدَ مُتَنٜىٰنْ إِسْرَٰٓءِيلَ؞ مُتَنٜىٰنَّنْ سُكَ كَرْٻِ ڧَسَرْ سُكَ ذَوْنَ عَبِرَنٜىٰنْتَ؞

²⁵ أَ ڢَرْكُوانْ ذَمَنْسُ أَوُرِنْ، بَسُيِ وَ يَهْوٜىٰهْ سُجَّدَ بَ، دُواْمِنْ حَكَ يَعَيْكَ دَ ذَاكُواْكِ ثِكِنْسُ، سُكَ كَكَّشٜىٰ وَطَنْسُنْسُ؞

²⁶ عَكَ كَيْوَ سَرْكِنْ أَسُّرِيَ لَابَرِ ثٜىٰوَ مُتَنٜىٰنْدَ يَذَوْنَرْ دَسُو عَبِرَنٜىٰنْ سَمَرِيَ بَسُ سَنْ دُواْكُواْكِنْ اللَّهْ‌نْ ڧَسَرْ بَ، سَبُواْدَ حَكَ اللَّهْ‌نْ ڧَسَرْ يَعَيْكُواْ مُسُ دَ ذَاكُواْكِ وَطَنْدَ سُكٜىٰ تَكَشٜىٰسُ؞

²⁷ سَرْكِنْ أَسُّرِيَ يَبَاسُ عُمَرْنِ يَثٜىٰ ‏«‏كُعَيْكَ دَ وَنِ ڢِرِسْتِ أَوُرِنْ دَغَ ثِكِنْ مُتَنٜىٰنْ إِسْرَٰٓءِيلَ وَطَنْدَ كُكَ ݣُوشٜىٰ ذُوَا نَنْ أَسُّرِيَ؞ كُسَا يَكُواْمَ ذُوَا ثَنْ يَذَوْنَ دَ مُتَنٜىٰنْ يَكُواْيَ مُسُ دُواْكُواْكِنْ اللَّهْ نَڧَسَرْ؞»‏

²⁸ سَبُواْدَ حَكَ سَيْ طَيَ دَغَ ثِكِنْ ڢِرِسْتُواْثِنْ دَ عَكَ ݣُوشٜىٰ دَغَ سَمَرِيَ، يَكُواْمَ يَذَوْنَ عَثِكِنْ بٜىٰتٜىٰلْ؞ سَيْ يَكُواْيَ مُسُ يَدَّ ذَاسُيِ وَ يَهْوٜىٰهْ سُجَّدَ؞

²⁹ عَمَّا مُتَنٜىٰنَّنْ دَ عَكَ ذَوْنَرْ دَسُو دَغَ وُرَارٜىٰ دَبَمْ دَبَمْ سُكَ ثِيغَبَدَ ڧٜىٰرَ أَلُّواْلِنْسُ؞ سُكَسَا أَلُّواْلِنْ أَطَكُنَنْ ڟَاڢِ أَوُرَارٜىٰنْ سُجَّدَ، وَطَنْدَ مُتَنٜىٰنْ إِسْرَٰٓءِيلَ أَ سَمَرِيَ سُكَ غِنَا؞ كُواْوَثٜىٰ ڧَبِيلَ تَيِ حَكَ عَبِرْنِنْ دَ تَكٜىٰدَ ذَمَ؞

³⁰ مُتَنٜىٰنْ دَ سُكَ ڢِتُواْ دَغَ بَابِيلَ سُكَ ڧٜىٰرَ غُنْكِنْسُ سُكُّواتْ بٜىٰنُواتْ؞ مُتَنٜىٰنْ كُتَ سُكَ ڧٜىٰرَ غُنْكِنْسُ نٜىٰرْغَلْ؞ مُتَنٜىٰنْ هَمَتْ سُكَ ڧٜىٰرَ غُنْكِنْسُ أَشِمَ؞

³¹ مُتَنٜىٰنْ أَوَّ سُكَ ڧٜىٰرَ غُنْكِنْسُ نِبْهَظْ دَ تَرْتَكْ؞ مُتَنٜىٰنْ سٜىٰڢَرْوَيِمْ سُكَ مِيڧَ یَیَنْسُ هَدَايَ تَڧُواْنَاوَا غَ غُنْكِنْسُ أَدْرَمّٜىٰلٜىٰكْ دَ أَنَمّٜىٰلٜىٰكْ، غُمَكَنْ سٜىٰڢَرْوَيِمْ؞

³² وَطَنَّنْ مُتَنٜىٰنْ سُكَ كُمَيِ وَ يَهْوٜىٰهْ سُجَّدَ؞ عَمَّا سُكَ نَطَ مُتَنٜىٰ دَغَ ثِكِنْسُ بَرْكَتَيْ دُواْمِنْ سُذَمَ ڢِرِسْتُواْثِے نَطَكُنَنْ ڟَاڢِ أَوُرَارٜىٰنْ سُجَّدَ دَ بَسُ دَاثٜىٰبَ، دُواْمِنْ سُمِيڧَ مُسُ هَدَايُ أَوُرَارٜىٰنْ؞

³³ سُكَيِ سُجَّدَ غَ يَهْوٜىٰهْ، عَمَّا سُكَ ثِيغَبَدَ يِنْ وَ غُمَكَنْسُ سُجَّدَ، بِسَغَ أَلْعَادُنْ ڧَبِيلُنْ دَسُو سُكَ ڢِتُواْ؞

³⁴ هَرْوَيَوْ سُنَ بِنْ أَلْعَادُنْسُ كَمَرْ يَدَّ سُكَ سَابَايِ؞ بَاسَ سُجَّدَ غَ يَهْوٜىٰهْ، بَاسَ كُمَ بِنْ ڧَٰعِدُواْدِ، كُواْ دُواْكُواْكِ، كُواْ كُواْيَرْوَرْ مُوسَٰى، كُواْ عُمَرْنَنْ دَ يَهْوٜىٰهْ يَعُمَرْثِ ذُرِيَرْ يَعْڧُوبَ، وَنْدَ اللَّهْ يَثَنْجَ مَسَ سُونَ ذُوَا إِسْرَٰٓءِيلَ؞

³⁵ يَهْوٜىٰهْ يَايِ يَرْجٜىٰجٜىٰنِيَ دَ ذُرِيَرْ يَعْڧُوبَ يَعُمَرْثٜىٰسُ يَثٜىٰ ‏«‏كَدَ كُيِ سُجَّدَ غَ وَطَنْسُ أَلُّواْلِ، كُواْ كُرُسُنَ مُسُ، كُواْ كُيِ مُسُ حِدِمَ، كُواْ كُوَ كُمِيڧَ مُسُ هَدَايَ؞

³⁶ عَمَّا يَهْوٜىٰهْ وَنْدَ يَڢِتَرْ دَكُو دَغَ ڧَسَرْ مَصَرْ دَ حَنُّ مَيْ إِيكُواْ دَ كُمَ أَيُّكَنْكَ نَبَنْ مَامَاكِ، شِ كَطَيْ ذَاكُيِ مَسَ سُجَّدَ؞ شِ كَطَيْ ذَاكُ رُسُنَ مَسَ، شِے كَطَيْ ذَاكُ مِيڧَ مَسَ هَدَايَ؞

³⁷ ذَاكُ دِنْ‌غَ تَبَّتَرْ كُنَ يِنْ بِيَيَّ دَ ڧَٰعِدُواْدِ دَ دُواْكُواْكِ دَ كُواْيَرْوَرْ مُوسَٰى دَ عُمَرْنَيْ وَطَنْدَ يَرُبُوتَ مُكُ؞ كَدَ كُيِ وَ وَطَنْسُ أَلُّواْلِ سُجَّدَ؞

³⁸ كَدَ كُمَنْتَادَ يَرْجٜىٰجٜىٰنِيَرْدَ نَيِ دَكُو؞ كَدَ كُيِ وَ وَطَنْسُ أَلُّواْلِ سُجَّدَ؞

³⁹ عَمَّا ذَاكُيِ سُجَّدَ غَ يَهْوٜىٰهْ اللَّهْ نْكُ؞ شِينٜىٰ ذَيْ كُٻُتَرْ دَكُو دَغَ حَنُّنْ أَبُواْكَنْ غَابَنْكُ؞»‏

⁴⁰ عَمَّا دُكْدَهَكَ سُكَڧِيجِ، سُكَ ثِيغَبَ دَبِنْ ڟُواْڢَڢِّنْ أَلْعَادُنْسُ؞

⁴¹ وَطَنَّنْ أَلْعُمَّنْ دَ عَكَ ذَوْنَرْ دَسُو عَڧَسَرْ سَمَرِيَ سُكَيِ سُجَّدَ غَ يَهْوٜىٰهْ، عَمَّا سُكَ كُمَ ثِيغَبَدَ يِنْ سُجَّدَ غَ غُمَكَنْسُ؞ هَرْوَيَوْ یَیَنْسُ دَ جِيكُواْكِنْسُ سُنْثِيغَبَدَ يِنْهَكَ كَمَرْ كَاكَنِّنْسُ؞