2 سَرَاكُنَ 15 - أَتَّوْرَتْ دَ أَنَّبَاوَاسَرْكِے عُزِّيَ نَ يَهُودَ ﴿ 2 تَارْ 26.1-23 ﴾ ﴿شٜىٰكَرَا 792-740 كَاڢِنْ حَيْڢُوَرْ عِيسَىٰ ﴾ 1 أَ شٜىٰكَرَا تَعَشِرِنْ دَ بَݣَويْ تَمُلْكٍ سَرْكِے يٜىٰرُواْبُواْوَمْ نَبِيُ نَ إِسْرَٰٓءِيلَ، سَرْكِے عُزِّيَ طَنْ أَمَظِيَ يَڢَارَ مُلْكِ أَ يَهُودَ؞ 2 يَنَ دَ شٜىٰكَرَا غُواْمَشَا شِدَ سَعَدَّ يَڢَارَ مُلْكِ، يَكُمَيِ شٜىٰكَرَا حَمْسِنْ دَ بِيُ يَنَ مُلْكِ أَ عُرُوشَلِيمَ؞ سُونَنْ مَامَرْسَ يٜىٰكُواْلِيَ دَغَ عُرُوشَلِيمَ؞ 3 عُزِّيَ يَعَيْكَتَ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ كَمَرْ يَدَّ بَابَنْسَ أَمَظِيَ يَيِ؞ 4 عَمَّا بَعَكَوَرْدَ وُرَارٜىٰنْ سُجَّدَ دَ بَسُ دَاثٜىٰبَ، مُتَنٜىٰ كُوَ سُنْيِ تَظُوَ سُنَ مِيڧَ هَدَايُ دَ هَدَايُنْ ڧُواْنَ تُرَارٜىٰ أَوُرَارٜىٰنْ؞ 5 يَهْوٜىٰهْ يَا بُغِ سَرْكِے عُزِّيَ دَ ثُوتَرْ ڢَتَرْ جِكِے، وَنْدَ يَكَسَنْثٜىٰ تَرٜىٰ دَشِ حَرْ مُتُوَرْسَ؞ تُنْ ڢَارَوَرْ ثِيوُانْ، يَوَارٜىٰ كَنْسَ يَذَوْنَ أَوَنِ غِدَا شِ كَطَيْ؞ سَيْ يُواْتَمْ طَنْسَ يَلُورَ دَ غِدَنْ سَرْكِے يَنَ شُوغَبَنْثِنْ مُتَنٜىٰنْ ڧَسَرْ؞ 6 سَوْرَنْ أَيُّكَنْ عُزِّيَ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞ 7 عُزِّيَ يَكُواْمَ غَ كَاكَنِّنْسَ، عَكَ بِنّٜىٰشِ تَرٜىٰدَسُو عَبِرْنِنْ دَاوُدَ؞ سَعَنً طَنْسَ يُواْتَمْ يَغَاجٜىٰشِ يَذَمَ سَرْكِے؞ ﴿شٜىٰكَرَا 743 كَاڢِنْ حَيْڢُوَرْ عِيسَىٰ﴾ سَرْكِے زَكَرِيَّا نَ إِسْرَٰٓءِيلَ ﴿شٜىٰكَرَا 743 كَاڢِنْ حَيْڢُوَرْ عِيسَىٰ ﴾ 8 عَثِكِنْ شٜىٰكَرَا تَتَلَتِنْ دَ تَݣُوسْ تَمُلْكٍ سَرْكِے عُزِّيَ نَ يَهُودَ، سَرْكِے زَكَرِيَّا طَنْ يٜىٰرُواْبُواْوَمْ نَبِيُ نَ إِسْرَٰٓءِيلَ يَڢَارَ مُلْكِ أَ سَمَرِيَ؞ يَيِ مُلْكِ وَتَا شِدَ؞ 9 يَعَيْكَتَ مُغُنْتَا أَعِدُوانْ يَهْوٜىٰهْ، كَمَرْ يَدَّ كَاكَنِّنْسَ سُكَيِ؞ بَيْ جُويَا دَغَ ذُنُبَنْ يٜىٰرُواْبُواْوَمْ طَنْ نٜىٰبَتْ بَ، وَطَنْدَ يَسَا إِسْرَٰٓءِيلَ سُكَيِ؞ 10 شَلُّمْ طَنْ يَبٜىٰشْ يَيِ ڧُلّٜىٰ ڧُلّٜىٰ سُكَ كَشٜىٰشِ أَغَبَنْ جَمَعَ؞ تَهَكَ شَلُّمْ يَهَوْ كُجٜىٰرَرْ مُلْكٍ زَكَرِيَّا؞ 11 سَوْرَنْ أَيُّكَنْ دَ زَكَرِيَّا يَيِ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞ 12 تَهَكَ مَغَنَرْ دَ يَهْوٜىٰهْ يَيِ وَ يٜىٰهُو تَا ثِكَ، مَيْ ثٜىٰوَ «ذُرِيَرْكَ ذَاسُيِ مُلْكٍ إِسْرَٰٓءِيلَ حَرْ ڟَارَا تَهُطُ؞» ﴿شٜىٰكَرَا 743 كَاڢِنْ حَيْڢُوَرْ عِيسَىٰ﴾ سَرْكِے شَلُّمْ نَ إِسْرَٰٓءِيلَ ﴿شٜىٰكَرَا 743 كَاڢِنْ حَيْڢُوَرْ عِيسَىٰ ﴾ 13 عَثِكِنْ شٜىٰكَرَا تَتَلَتِنْ دَ تَرَ تَمُلْكٍ سَرْكِے عُزِّيَ نَ يَهُودَ، سَرْكِے شَلُّمْ طَنْ يَبٜىٰشْ نَ إِسْرَٰٓءِيلَ يَڢَارَ مُلْكِ أَ سَمَرِيَ؞ يَيِ مُلْكِ وَتَ غُدَا؞ 14 سَيْ مٜىٰنَهٜىٰمْ طَنْ غَادِ يَهَوْرَ دَغَ تِرْظَ ذُوَا سَمَرِيَ، يَكَشٜىٰ سَرْكِے شَلُّمْ؞ تَهَكَ يَهَوْ كُجٜىٰرَرْ مُلْكٍ؞ 15 سَوْرَنْ أَيُّكَنْ دَ سَرْكِے شَلُّمْ يَيِ دَ ڧُلّٜىٰ ڧُلّٜىٰنْ دَ يَيِ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞ 16 أَ لُواْكَثِنْ دَ مٜىٰنَهٜىٰمْ يَكٜىٰ هَوْرُواْوَ دَغَ تِرْظَ، يَذُواْ يَهَلَّكَ غَرِنْ تِڢْسَ دَ مُتَنٜىٰنْ غَرِنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَشِ، غَمَا مُتَنٜىٰنْ غَرِنْ سُنْڧِے سُكَرْٻٜىٰشِ؞ حَرْ مَا مَاتَا مَاسُ جُونَ بِيُ يَڟَڟَّٰغٜىٰ ثِكِنْسُ؞ ﴿شٜىٰكَرَا 743-738 كَاڢِنْ حَيْڢُوَرْ عِيسَىٰ﴾ سَرْكِے مٜىٰنَهٜىٰمْ نَ إِسْرَٰٓءِيلَ ﴿شٜىٰكَرَا 743-738 كَاڢِنْ حَيْڢُوَرْ عِيسَىٰ ﴾ 17 أَ شٜىٰكَرَا تَتَلَتِنْ دَ تَرَ تَمُلْكٍ سَرْكِے عُزِّيَ نَ يَهُودَ، سَرْكِے مٜىٰنَهٜىٰمْ طَنْ غَادِ نَ إِسْرَٰٓءِيلَ يَڢَارَ مُلْكِ؞ يَيِ مُلْكِ شٜىٰكَرَا غُواْمَ أَ سَمَرِيَ؞ 18 مٜىٰنَهٜىٰمْ يَعَيْكَتَ مُغُنْتَا أَعِدُوانْ يَهْوٜىٰهْ؞ دُكَنْ ݣُونَكِنْسَ بَيْ جُويَا دَغَ ذُنُبَنْ يٜىٰرُواْبُواْوَمْ طَنْ نٜىٰبَتْ بَ، وَطَنْدَ يَسَا إِسْرَٰٓءِيلَ سُكَيِ؞ 19 سَرْكِے ڢُلْ نَ أَسُّرِيَ يَكَٰوُاْ يَاڧِ عَڧَسَرْ إِسْرَٰٓءِيلَ؞ سَيْ سَرْكِے مٜىٰنَهٜىٰمْ يَبَا ڢُلْ كِلُواْ دُبُو تَلَاتِنْ دَ حُطُ نَأَظُرْڢَا دُواْمِنْ دَيْ يَتَيْمَكٜىٰشِ يَدَّ مُلْكِنْسَ ذَيْ كَڢُ سُواْسَيْ؞ 20 سَرْكِے مٜىٰنَهٜىٰمْ يَسَامُواْ كُطِنْ دَغَ مَاسُ أَرْزِڧِ نَ إِسْرَٰٓءِيلَ تَوُرِنْ سَا كُواْوَنّٜىٰنْسُ يَبِيَ هَرَاجِنْ أَظُرْڢَا حَمْسِنْ؞ وَنَّنْ كُطِنْ يَبَا سَرْكِنْ أَسُّرِيَ؞ سَيْ سَرْكِنْ أَسُّرِيَ يَكُواْمَ، بَيْ كَٰوُاْ يَاڧِ كَنْ ڧَسَرْ إِسْرَٰٓءِيلَ بَ؞ 21 سَوْرَنْ أَيُّكَنْ سَرْكِے مٜىٰنَهٜىٰمْ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞ 22 مٜىٰنَهٜىٰمْ يَكُواْمَ غَ كَاكَنِّنْسَ؞ سَيْ ڢٜىٰكَهِيَ طَنْسَ يَغَاجٜىٰشِ يَذَمَ سَرْكِے؞ ﴿شٜىٰكَرَا 738-737 كَاڢِنْ حَيْڢُوَرْ عِيسَىٰ﴾ سَرْكِے ڢٜىٰكَهِيَ نَ إِسْرَٰٓءِيلَ ﴿شٜىٰكَرَا 738-737 كَاڢِنْ حَيْڢُوَرْ عِيسَىٰ ﴾ 23 أَ شٜىٰكَرَا تَهَمْسِنْ تَمُلْكٍ سَرْكِے عُزِّيَ نَ يَهُودَ، سَيْ ڢٜىٰكَهِيَ طَنْ مٜىٰنَهٜىٰمْ يَڢَارَ مُلْكٍ إِسْرَٰٓءِيلَ أَ سَمَرِيَ؞ يَيِ مُلْكِ شٜىٰكَرَا بِيُ؞ 24 يَعَيْكَتَ مُغُنْتَا أَعِدُوانْ يَهْوٜىٰهْ؞ بَيْ جُويَا دَغَ ذُنُبَنْ يٜىٰرُواْبُواْوَمْ طَنْ نٜىٰبَتْ بَ، وَطَنْدَ يَسَا إِسْرَٰٓءِيلَ سُكَيِ؞ 25 سَيْ شُوغَبَنْ سُواْجُواْجِنْسَ ڢٜىٰكَ طَنْ رٜىٰمَلِيَ، يَيِ ڧُلّٜىٰ ڧُلّٜىٰنْ كَشٜىٰشِ تَرٜىٰدَ مُتَنٜىٰ حَمْسِنْ دَغَ غِلٜىٰيَدْ؞ سُكَ كُوَ كَشٜىٰشِ أَوُرِے مَيْ كَتَنْغَ نَغِدَنْ سَرْكِے أَ سَمَرِيَ تَرٜىٰدَ أَرْغُوابْ دَ أَرِيٜىٰ؞ تَهَكَ ڢٜىٰكَ يَهَوْ كُجٜىٰرَرْ مُلْكٍ ڢٜىٰكَهِيَ؞ 26 سَوْرَنْ أَيُّكَنْ ڢٜىٰكَهِيَ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞ ﴿شٜىٰكَرَا 737-732 كَاڢِنْ حَيْڢُوَرْ عِيسَىٰ﴾ سَرْكِے ڢٜىٰكَ نَ إِسْرَٰٓءِيلَ ﴿شٜىٰكَرَا 737-732 كَاڢِنْ حَيْڢُوَرْ عِيسَىٰ ﴾ 27 أَ شٜىٰكَرَا تَهَمْسِنْ دَ بِيُ تَمُلْكٍ سَرْكِے عُزِّيَ نَ يَهُودَ، ڢٜىٰكَ طَنْ رٜىٰمَلِيَ يَڢَارَ مُلْكٍ إِسْرَٰٓءِيلَ أَ سَمَرِيَ؞ يَيِ مُلْكِ شٜىٰكَرَا عَشِرِنْ؞ 28 يَعَيْكَتَ مُغُنْتَا أَعِدُوانْ يَهْوٜىٰهْ؞ بَيْ جُويَا دَغَ ذُنُبَنْ يٜىٰرُواْبُواْوَمْ طَنْ نٜىٰبَتْ بَ، وَطَنْدَ يَسَا إِسْرَٰٓءِيلَ سُكَيِ؞ 29 أَ لُواْكَثِنْ مُلْكٍ سَرْكِے ڢٜىٰكَ نَ إِسْرَٰٓءِيلَ، سَرْكِے تِغْلَتْ ڢِلٜىٰسٜىٰرْ نَ أَسُّرِيَ يَذُواْ يَڨُوثٜىٰ غَرِنْ إِيُوانْ دَ أَبٜىٰلْ بٜىٰتْ مَعَكَ دَ يَنُواْوَ دَ كٜىٰدٜىٰشْ دَ حَزُوارْ دَ غِلٜىٰيَدْ دَ غَلِيلِ دَ دُكَنْ يَنْكِنْ ڧَسَرْ نَڢْتَلِ؞ يَكُمَ ݣُوشِ مُتَنٜىٰ ذُوَا بَوْتَا أَعَسُّرِيَ؞ 30 هُواْشٜىٰيَ طَنْ عٜىٰلَ يَيِ ڧُلّٜىٰ ڧُلّٜىٰ يَكَشٜىٰ سَرْكِے ڢٜىٰكَ طَنْ رٜىٰمَلِيَ؞ تَهَكَ يَهَوْ كُجٜىٰرَرْ مُلْكِنْسَ أَ شٜىٰكَرَا تَعَشِرِنْ تَمُلْكٍ سَرْكِے يُواْتَمْ طَنْ عُزِّيَ؞ 31 سَوْرَنْ أَيُّكَنْ ڢٜىٰكَ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞ ﴿شٜىٰكَرَا 740-736 كَاڢِنْ حَيْڢُوَرْ عِيسَىٰ﴾ سَرْكِے يُواْتَمْ نَ يَهُودَ ﴿ 2 تَارْ 27.1-9 ﴾ ﴿شٜىٰكَرَا 740-736 كَاڢِنْ حَيْڢُوَرْ عِيسَىٰ ﴾ 32 أَ شٜىٰكَرَا تَبِيُ تَمُلْكٍ سَرْكِے ڢٜىٰكَ طَنْ رٜىٰمَلِيَ نَ إِسْرَٰٓءِيلَ، يُواْتَمْ طَنْ عُزِّيَ يَڢَارَ مُلْكٍ يَهُودَ؞ 33 يَنَ دَ شٜىٰكَرَا عَشِرِنْ دَ بِيَرْ سَعَدَّ يَذَمَ سَرْكِے، يَكُمَيِ شٜىٰكَرَا غُواْمَشَا شِدَ يَنَ مُلْكِ أَ عُرُوشَلِيمَ؞ سُونَنْ مَامَرْسَ يٜىٰرُشَ، یَرْ ظَدُواكْ؞ 34 يَعَيْكَتَ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ، كَمَرْ يَدَّ بَابَنْسَ عُزِّيَ يَيِ؞ 35 عَمَّا دُكْدَهَكَ، بَعَكَوَرْدَ وُرَارٜىٰنْ سُجَّدَ دَ بَسُ دَاثٜىٰبَ، مُتَنٜىٰ سُنْيِ تَظُوَ سُنَ مِيڧَ هَدَايُ دَ هَدَايُنْ ڧُواْنَ تُرَارٜىٰ أَوُرَارٜىٰنْ؞ يُواْتَمْ يَكُمَ غِنَا ڧُواْڢَرْ غِدَنْ يَهْوٜىٰهْ وَدَّ تَكٜىٰ أَوُرِے مَڢِے ڟَيِ؞ 36 سَوْرَنْ أَيُّكَنْ يُواْتَمْ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞ 37 عَݣُونَكِنْ نٜىٰ يَهْوٜىٰهْ يَڢَارَ عَيْكَ دَ سَرْكِے رٜىٰظِنْ نَ سُورِيَ دَ سَرْكِے ڢٜىٰكَ طَنْ رٜىٰمَلِيَ نَ إِسْرَٰٓءِيلَ سُكَيْوَ يَهُودَ يَاڧِ؞ 38 يُواْتَمْ يَكُواْمَ غَ كَاكَنِّنْسَ، عَكَ بِنّٜىٰشِ تَرٜىٰدَسُو عَبِرْنِنْ كَكَنْسَ دَاوُدَ؞ سَيْ طَنْسَ أَهَظْ يَغَاجٜىٰشِ يَذَمَ سَرْكِے؞ |
Hausa Common Language Ajami Bible © The Bible Society of Nigeria, 2020
Bible Society of Nigeria