2 سَرَاكُنَ 14 - أَتَّوْرَتْ دَ أَنَّبَاوَا

سَرْكِے أَمَظِيَ نَ يَهُودَ

﴿شٜىٰكَرَا 796‏-781 كَاڢِنْ حَيْڢُوَرْ عِيسَىٰ ﴾

¹ أَ شٜىٰكَرَا تَبِيُ تَمُلْكٍ سَرْكِے يٜىٰهُواْوَشْ طَنْ يٜىٰهُواْوَهَظْ نَ إِسْرَٰٓءِيلَ، أَمَظِيَ طَنْ سَرْكِے يُواْوَشْ نَ يَهُودَ يَڢَارَ مُلْكِ؞

² يَڢَارَ مُلْكِ يَنَدَ شٜىٰكَرَا عَشِرِنْ دَ بِيَرْ، يَكُمَيِ شٜىٰكَرَا عَشِرِنْ دَ تَرَ يَنَ مُلْكِ أَ عُرُوشَلِيمَ؞ سُونَنْ مَامَرْسَ يٜىٰهُواْوَدِّنْ دَغَ عُرُوشَلِيمَ؞

³ يَعَيْكَتَ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ، عَمَّا دُكْدَهَكَ بَيْ كَيْ سَرْكِے دَاوُدَ كَكَنْ كَاكَنِّنْسَبَ؞ يَيِ دُكَنْ كُواْمٜىٰ كَمَرْ يَدَّ بَابَنْسَ يُواْوَشْ يَيِ؞

⁴ عَمَّا بَعَكَوَرْدَ وُرَارٜىٰنْ سُجَّدَ دَ بَسُ دَاثٜىٰبَ، مُتَنٜىٰ سُنْيِ تَظُوَ سُنَ مِيڧَ هَدَايُ دَ هَدَايُنْ ڧُواْنَ تُرَارٜىٰ أَوُرَارٜىٰنْ؞

⁵ دَ سَرْكِے أَمَظِيَ يَتَبَّتَرْ دَ ذَمَنْسَ سَرْكِے، سَيْ يَسَا عَكَ كَكَّشٜىٰ مُتَنٜىٰنْ دَ سُكَ كَشٜىٰ بَابَنْسَ؞

⁶ عَمَّا بَيْكَشٜىٰ یَیَنْ مُتَنٜىٰنْ نَنْبَ؞ يَيِ حَكَ بِسَغَ أَبِنْدَ عَكَ رُبُوتَ أَ كُواْيَرْوَرْ مُوسَٰى ثٜىٰوَ ‏«‏بَذَاعَكَشٜىٰ إِيَايٜىٰ سَبُواْدَ ذُنُوبِنْ یَیَنْسُبَ، كُواْ عَثٜىٰ عَكَشٜىٰ یَیَ سَبُواْدَ ذُنُوبِنْ إِيَايٜىٰنْسُبَ؞ دُكْ مُتُمِنْدَ يَيِ ذُنُوبِ شِينٜىٰ ذَيْ مُتُ؞»‏

⁷ أَمَظِيَ يَكَشٜىٰ مُتَنٜىٰنْ عٜىٰدُوامْ دُبُو غُواْمَ أَ ݣُورِنْ غِشِرِ؞ يَكُمَ ڨُوثٜىٰ غَرِنْ سٜىٰلَ دَ يَاڧِ، يَثَنْجَ مَسَ سُونَ ذُوَا يُواكْتٜىٰيٜىٰلْ؞ دَ وَنَّنْ سُونَنْ عَكٜىٰ كِرَنْسَ هَرْوَيَوْ؞

⁸ سَعَنً أَمَظِيَ يَعَيْكَ دَ یَنْ عَيْكَ ذُوَا وُرِنْ يٜىٰهُواْوَشْ طَنْ يٜىٰهُواْوَهَظْ، جِيكَنْ سَرْكِے يٜىٰهُو نَ إِسْرَٰٓءِيلَ، يَثٜىٰ ‏«‏كَڢِتُواْ مُڢُسْكَنْثِ جُونَ عِدُواْ دَ عِدُواْ؞»‏

⁹ عَمَّا سَرْكِے يٜىٰهُواْوَشْ نَ إِسْرَٰٓءِيلَ يَعَيْكَ مَسَ يَثٜىٰ ‏«‏وَنِ إِتَاثٜىٰنْ ڧَيَ أَ لٜىٰبَنُوانْ يَعَيْكَ وَوَنِ ڧَتُوانْ إِتَاثٜىٰنْ سٜىٰدَ أَ لٜىٰبَنُوانْ دَ ثٜىٰوَ ‏‹‏كَبَا طَانَ یَرْكَ يَأَوْرَ؞›‏ عَمَّا سَيْغَا وَنِ نَامَنْ دَاجِ يَذُواْ وُثٜىٰوَ سَيْ يَتَتَّاكٜىٰ ڧَيَرْ؞

¹⁰ لَلَّيْ كُوَ كَيِ نَصَرَا عَكَنْ عٜىٰدُوامْ، سَيْ كَڢَارَ طَغَ كَيْ؞ يَنْذُ سَيْ كَغُواْدٜىٰ دَ وَنَّنْ نَصَرَرْدَ كَيِ، كَذَوْنَ أَغِدَا؞ دُوانْمٜىٰ كَكٜىٰسُواْ كَتَادَ ضِكِثِ وَنْدَ ذَيْ كَٰوُاْ ڢَاطُوَ، كَيْ دَ ڧَسَرْ يَهُودَ؟»‏

¹¹ عَمَّا أَمَظِيَ يَڧِ؞ سَيْ سَرْكِے يٜىٰهُواْوَشْ نَ إِسْرَٰٓءِيلَ يَهَوْرَ دُواْمِنْ شِ دَ سَرْكِے أَمَظِيَ نَ يَهُودَ سُڢُسْكَنْثِ جُونَ أَ بٜىٰتْ شٜىٰمٜىٰشْ نَيَنْكِنْ يَهُودَ؞

¹² سُواْجُواْجِنْ إِسْرَٰٓءِيلَ سُنْثِ سُواْجُواْجِنْ يَهُودَ دَ يَاڧِ، سَيْ كُواْوَ يَغُدُ ذُوَا غِدَنْسَ؞

¹³ سَرْكِے يٜىٰهُواْوَشْ نَ إِسْرَٰٓءِيلَ يَكَامَ سَرْكِے أَمَظِيَ نَ يَهُودَ طَنْ يٜىٰهُواْوَشْ جِيكَنْ أَهَظِيَ أَ بٜىٰتْ شٜىٰمٜىٰشْ؞ سَيْ يٜىٰهُواْوَشْ يَذُواْ عُرُوشَلِيمَ يَڢَسَ غٜىٰڢٜىٰنْ كَتَنْ‌غَرْدَ يَكَيْ وَجٜىٰنْ ڧَڢَا طَرِے شِدَ، وَتُواْ دَغَ ڧُواْڢَرْ إِڢْرَيِمْ ذُوَا ڧُواْڢَرْ ݣُونَ؞

¹⁴ يَݣُوشِ دُكَنْ ظِينَارِيَ دَ أَظُرْڢَا دَ دُكَنْ كَايَنْ عَيْكِنْ دَسُكٜىٰ ثِكِنْ غِدَنْ يَهْوٜىٰهْ، تَرٜىٰدَ وَطَنْدَ سُكٜىٰ ثِكِنْ طَاكِنْ أَجِيَ أَغِدَنْ سَرْكِے؞ يَكُمَ كَامَ مُتَنٜىٰنْ دَ ذَيْ رِڧٜىٰ سَيْ أَنْڢَنْشٜىٰسُ، سَيْ يَكُواْمَ سَمَرِيَ؞

¹⁵ سَوْرَنْ أَيُّكَنْ يٜىٰهُواْوَشْ دَ أَبِنْدَ يَيِ دَ إِيكُوانْ مُلْكِنْسَ دَ كُمَ يَدَّ يَيِ يَاڧِ دَ سَرْكِے أَمَظِيَ نَ يَهُودَ سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞

¹⁶ يٜىٰهُواْوَشْ يَكُواْمَ غَ كَاكَنِّنْسَ، عَكَ بِنّٜىٰشِ أَ سَمَرِيَ عِنْدَ عَكَ بِنّٜىٰ سَوْرَنْ سَرَاكُنَنْ إِسْرَٰٓءِيلَ؞ سَعَنً طَنْسَ يٜىٰرُواْبُواْوَمْ نَبِيُ يَغَاجٜىٰشِ يَذَمَ سَرْكِے؞

¹⁷ سَرْكِے أَمَظِيَ طَنْ يُواْوَشْ نَ يَهُودَ يَيِ شٜىٰكَرَا غُواْمَشَا بِيَرْ بَايَنْ مُتُوَرْ سَرْكِے يٜىٰهُواْوَشْ طَنْ يٜىٰهُواْوَهَظْ نَ إِسْرَٰٓءِيلَ؞

¹⁸ سَوْرَنْ أَيُّكَنْ أَمَظِيَ سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞

¹⁹ عَكَيِ ڧُلّٜىٰ ڧُلّٜىٰ عَكَشٜىٰشِ أَ عُرُوشَلِيمَ، سَيْ يَغُدُ ذُوَا لَكِشْ؞ عَمَّا عَكَ عَيْكَ وَطَنْسُ ذُوَا لَكِشْ سُكَ كَشٜىٰشِ أَوُرِنْ؞

²⁰ عَكَدَاوُاْ دَ غَاوَرْسَ عَكَنْ دُواْكِ؞ عَكَ بِنّٜىٰشِ أَ عُرُوشَلِيمَ تَرٜىٰدَ كَاكَنِّنْسَ عَبِرْنِنْ دَاوُدَ؞

²¹ سَيْ مُتَنٜىٰنْ يَهُودَ سُكَ طَوْكِ طَنْسَ عُزِّيَ مَيْ شٜىٰكَرَا غُواْمَشَا شِدَ، سُكَ نَطَشِ سَرْكِے أَمَڟَيِنْ بَابَنْسَ أَمَظِيَ؞

²² سَرْكِے عُزِّيَ يَغِنَ غَرِنْ عٜىٰلَتْ، يَمَيْدَشِ ڧَرْڧَشِنْ مُلْكٍ ڧَسَرْ يَهُودَ بَايَنْ مُتُوَرْ بَابَنْسَ؞ ﴿شٜىٰكَرَا 783‏-743 كَاڢِنْ حَيْڢُوَرْ عِيسَىٰ﴾

سَرْكِے يٜىٰرُواْبُواْوَمْ نَبِيُ نَ إِسْرَٰٓءِيلَ

﴿شٜىٰكَرَا 783‏-743 كَاڢِنْ حَيْڢُوَرْ عِيسَىٰ ﴾

²³ أَ شٜىٰكَرَا تَغُواْمَشَا بِيَرْ تَمُلْكٍ سَرْكِے أَمَظِيَ طَنْ يُواْوَشْ نَ يَهُودَ، سَيْ سَرْكِے يٜىٰرُواْبُواْوَمْ نَبِيُ طَنْ يٜىٰهُواْوَشْ نَ إِسْرَٰٓءِيلَ يَڢَارَ مُلْكِ أَ سَمَرِيَ؞ يَيِ مُلْكِ شٜىٰكَرَا أَرْبَعِنْ دَ طَيَ؞

²⁴ يَعَيْكَتَ مُغُنْتَا أَعِدُوانْ يَهْوٜىٰهْ؞ بَيْ جُويَا دَغَ دُكَنْ ذُنُبَنْ يٜىٰرُواْبُواْوَمْ طَنْ نٜىٰبَتْ بَ، وَطَنْدَ يَسَا مُتَنٜىٰنْ إِسْرَٰٓءِيلَ سُكَيِ؞

²⁵ يٜىٰرُواْبُواْوَمْ يَمَيْدَ إِيَاكَرْ ڧَسَرْ إِسْرَٰٓءِيلَ كَمَرْ تَدَا، وَتُواْ دَغَ مَشِغِنْ يَنْكِنْ هَمَتْ حَرْ ذُوَا تٜىٰكُنْ غِشِرِ؞ وَنَّنْ يَڢَرُ بِسَغَ كَلْمَرْ دَ يَهْوٜىٰهْ اللَّهْ نَ إِسْرَٰٓءِيلَ وَدَّ يَيِ تَبَاكِنْ بَاوَنْسَ يُونُسَ طَنْ أَمِتَّيْ، وَنْدَ يَكٜىٰ أَنَّبِے نٜىٰ دَغَ غَتْ هٜىٰڢٜىٰرْ؞

²⁶ غَمَا يَهْوٜىٰهْ يَغَ يَدَّ وَهَلَرْ مُتَنٜىٰنْ إِسْرَٰٓءِيلَ تَيِ ڟَنَنِ، كُمَ بَايِ دَ وَطَنْدَ بَبَايِ بَنٜىٰ، دُكَنْسُ سُنَ وَهَلَ؞ بَابُ كُمَ وَنْدَ ذَيْ تَيْمَكٜىٰسُ؞

²⁷ سَبُواْدَ يَهْوٜىٰهْ بَيْيِ نُڢِ يَكَوَرْدَ سُونَنْ إِسْرَٰٓءِيلَ دَغَ ڧَرْڧَشِنْ سَمَبَ، سَيْ يَيِ أَمْڢَانِ دَ يٜىٰرُواْبُواْوَمْ نَبِيُ، طَنْ يُواْوَشْ دُواْمِنْ يَكُٻُتَرْ دَسُو؞

²⁸ سَوْرَنْ أَيُّكَنْ يٜىٰرُواْبُواْوَمْ نَبِيُ دَ دُكَنْ أَبِنْدَ يَيِ دَ إِيكُوانْ مُلْكِنْسَ، يَدَّ يَيِ يَاڧِ دَ يَدَّ يَمَيَرْوَ إِسْرَٰٓءِيلَ بِرْنِنْ دِمَشْڧُ دَ هَمَتْ وَطَنْدَ أَدَا سُنَ ڧَرْڧَشِنْ يَهُودَ، دُكَنْ وَطَنَّنْ سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞

²⁹ يٜىٰرُواْبُواْوَمْ يَكُواْمَ غَ كَاكَنِّنْسَ، وَتُواْ سَرَاكُنَنْ إِسْرَٰٓءِيلَ؞ سَعَنً زَكَرِيَّا طَنْسَ يَغَاجٜىٰشِ يَذَمَ سَرْكِے؞