2 سَرَاكُنَ 13 - أَتَّوْرَتْ دَ أَنَّبَاوَاسَرْكِے يٜىٰهُواْوَهَظْ نَ إِسْرَٰٓءِيلَ ﴿شٜىٰكَرَا 814-798 كَاڢِنْ حَيْڢُوَرْ عِيسَىٰ ﴾ 1 عَثِكِنْ شٜىٰكَرَا تَعَشِرِنْ دَ عُكُ تَمُلْكٍ سَرْكِے يُواْوَشْ طَنْ أَهَظِيَ نَ يَهُودَ، يٜىٰهُواْوَهَظْ طَنْ يٜىٰهُو يَڢَارَ مُلْكٍ إِسْرَٰٓءِيلَ أَ سَمَرِيَ؞ يَيِ مُلْكِ شٜىٰكَرَا غُواْمَشَا بَݣَويْ؞ 2 عَمَّا يَعَيْكَتَ مُغُنْتَا أَعِدُوانْ يَهْوٜىٰهْ؞ يَيِ تَڢِيَ أَ حَنْيَرْ مُغُنْتَارْ دَ يٜىٰرُواْبُواْوَمْ طَنْ نٜىٰبَتْ يَسَا مُتَنٜىٰنْ إِسْرَٰٓءِيلَ سُكَبِے؞ بَيْ كُوَ جُويَا دَغَ بِنْتَبَ؞ 3 سَيْ يَهْوٜىٰهْ يَيِ ڢُشِے دَ إِسْرَٰٓءِيلَ، يَيِ تَبَادَسُو أَ حَنُّنْ سَرْكِے هَظَيٜىٰلْ نَڧَسَرْ سُورِيَ دَ كُمَ أَ حَنُّنْ طَنْسَ بٜىٰنْهَدَدْ؞ 4 سَيْ يٜىٰهُواْوَهَظْ يَيِ أَدُّعَ غَ يَهْوٜىٰهْ، يَكُوَ جِيشِ؞ غَمَا يَهْوٜىٰهْ يَاغَ دَنِّيَرْ دَ سَرْكِنْ سُورِيَ يَكٜىٰيِ وَ إِسْرَٰٓءِيلَاوَا؞ 5 سَيْ يَهْوٜىٰهْ يَبَا إِسْرَٰٓءِيلَ مَيْ ثٜىٰتُواْ، وَنْدَ يَڢِتَرْ دَسُو دَغَ حَنُّنْ مُتَنٜىٰنْ سُورِيَ؞ مُتَنٜىٰنْ إِسْرَٰٓءِيلَ كُوَ سُكَ سَامِ ذَمَنْ لَاڢِيَ كَمَرْ يَدَّ سُكَ سَابَا؞ 6 دُكْدَهَكَ مُتَنٜىٰنْ إِسْرَٰٓءِيلَ بَسُ جُويَا دَغَ بِنْ ذُنُبَنْ غِدَنْ يٜىٰرُواْبُواْوَمْ بَ، وَطَنْدَ يَسَا مُتَنٜىٰنْ إِسْرَٰٓءِيلَ سُكَبِے؞ عَمَّا سَيْ عَكَ بَرْ غُنْكِنَّنْ أَشٜىٰرَ أَ سَمَرِيَ؞ 7 بَا أَبِنْدَ عَكَ ضَغٜىٰ وَ يٜىٰهُواْوَهَظْ، سَيْدَيْ سُواْجُواْجِ مَاسُ هَوَنْ دَوَكِ غُدَا حَمْسِنْ دَ كٜىٰكُنَنْ دُواْكِنْ يَاڧِ غُواْمَ دَ سُواْجُواْجِنْ ڧَسَا دُبُو غُواْمَ؞ غَمَا سَرْكِنْ سُورِيَ يَهَلَّكَ سَوْرَنْ كَثَ كَثَ، سُكَ ذَمَ كَمَرْ دُوسَرْ دَ إِسْكَ تَكٜىٰ هُورَاوَ؞ 8 سَوْرَنْ أَيُّكَنْ يٜىٰهُواْوَهَظْ دَ دُكَنْ أَبِنْدَ يَيِ دَ إِيكُوانْ مُلْكِنْسَ سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞ 9 يٜىٰهُواْوَهَظْ يَكُواْمَ غَ كَاكَنِّنْسَ، عَكَ بِنّٜىٰشِ أَ سَمَرِيَ؞ سَعَنً طَنْسَ يٜىٰهُواْوَشْ يَغَاجٜىٰشِ يَذَمَ سَرْكِے؞ ﴿شٜىٰكَرَا 798-783 كَاڢِنْ حَيْڢُوَرْ عِيسَىٰ﴾ سَرْكِے يٜىٰهُواْوَشْ نَ إِسْرَٰٓءِيلَ ﴿شٜىٰكَرَا 798-783 كَاڢِنْ حَيْڢُوَرْ عِيسَىٰ ﴾ 10 عَثِكِنْ شٜىٰكَرَا تَتَلَتِنْ دَ بَݣَويْ تَمُلْكٍ سَرْكِے يُواْوَشْ نَ يَهُودَ، يٜىٰهُواْوَشْ طَنْ يٜىٰهُواْوَهَظْ يَڢَارَ مُلْكٍ إِسْرَٰٓءِيلَ أَ سَمَرِيَ؞ يٜىٰهُواْوَشْ يَيِ مُلْكِ شٜىٰكَرَا غُواْمَشَا شِدَ؞ 11 شِمَا يَعَيْكَتَ مُغُنْتَا أَعِدُوانْ يَهْوٜىٰهْ؞ بَيْ كُوَ جُويَا دَغَ ذُنُبَنْدَ يٜىٰرُواْبُواْوَمْ طَنْ نٜىٰبَتْ يَسَا مُتَنٜىٰنْ إِسْرَٰٓءِيلَ سُكَيِبَ؞ عَمَّا يَيِ تَڢِيَ أَ حَنْيَرْسُ؞ 12 سَوْرَنْ أَيُّكَنْ يٜىٰهُواْوَشْ دَ دُكَنْ أَبِنْدَ يَيِ دَ كُمَ إِيكُوانْ مُلْكِنْسَ يَدَّ يَيَاڧِ سَرْكِے أَمَظِيَ نَ يَهُودَ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞ 13 سَيْ يٜىٰهُواْوَشْ يَكُواْمَ غَ كَاكَنِّنْسَ، عَكَ بِنّٜىٰشِ أَ سَمَرِيَ عِنْدَ عَكٜىٰ بِنّٜىٰ سَوْرَنْ سَرَاكُنَنْ إِسْرَٰٓءِيلَ؞ سَعَنً طَنْسَ يٜىٰرُواْبُواْوَمْ نَبِيُ يَغَاجٜىٰشِ يَذَمَ سَرْكِے؞ مُتُوَرْ أَلْيَسَعَ 14 سَعَدَّ أَلْيَسَعَ يَكَمُ دَ رَشِنْ لَاڢِيَرْ دَ ذَيْ كَيْ غَ مُتُوَ، سَرْكِے يٜىٰهُواْوَشْ نَ إِسْرَٰٓءِيلَ يَغَنْغَرَ ذُوَا وُرِنْسَ، يَيِ كُوكَا أَغَبَنْسَ يَنَ ثٜىٰوَ «بَابَنَ! بَابَنَ! كَيْ مَيْ ڟَرٜىٰ إِسْرَٰٓءِيلَ ڢِيٜىٰدَ كٜىٰكُنَنْ دُواْكِنْتَ دَ سُواْجُواْجِنْتَ!» 15 أَلْيَسَعَ يَثٜىٰ مَسَ «طَوْكِ بَكَ دَ كِبِيَ؞» سَيْ يَيِ؞ 16 سَيْ أَلْيَسَعَ يَثٜىٰ وَسَرْكِنْ إِسْرَٰٓءِيلَ «جَا بَكَنْكَ دُوانْ كَيِ هَرْبِے؞» سَيْ يَجَا بَكَنْ؞ سَعَنً أَلْيَسَعَ يَسَا حَنُّنْسَ عَكَنْ حَنُّنْ سَرْكِے يٜىٰهُواْوَشْ؞ 17 أَلْيَسَعَ يَثٜىٰ مَسَ «بُوطٜىٰ تَغَرْ دَتَكٜىٰ ڢُسْكَنْتَرْ غَبَسْ؞» سَيْيَبُوطٜىٰ تَغَرْ؞ سَيْ أَلْيَسَعَ يَثٜىٰ «يِهَرْبِے!» يَكُوَ يِهَرْبِنْ؞ أَلْيَسَعَ يَثٜىٰ «وَنَّنْ ثٜىٰ كِبِيَرْ يَهْوٜىٰهْ تَنَصَرَا عَكَنْ سُورِيَ؞ غَمَا ذَاكَ يَاڧِ مُتَنٜىٰنْ سُورِيَ أَعَڢٜىٰكْ حَرْ سَيْكَا ثِنَصَرَا عَكَنْسُ غَبَاطَيَ؞» 18 أَلْيَسَعَ يَسَاكٜىٰ ثٜىٰمَسَ «طَوْكِ كِبِيُواْيِ؞» سَيْ سَرْكِے يَطَوْكَ؞ سَيْ أَلْيَسَعَ يَثٜىٰ «هَرْبِے ڧَسَا؞» سَرْكِے كُوَ يَهَرْبِے ڧَسَا سَوْ عُكُ، سَيْيَڟَيَ؞ 19 سَيْ مُتُمِنْ اللَّهْ يَيِ ڢُشِے دَشِ، يَثٜىٰمَسَ «أَيْ دَ كَا هَرْبِے ڧَسَرْ سَوْ بِيَرْ كُواْ شِدَ دَ ذَاكَيِ نَصَرَا عَكَنْ سُورِيَ حَرْ كَكَوَرْ دَسُو دُكَ! عَمَّا يَنْذُ ذَاكَيِ نَصَرَا عَكَنْ سُورِيَ سَوْ عُكُنٜىٰ كَوَيْ؞» 20 أَلْيَسَعَ كُوَ يَمُتُ عَكَ بِنّٜىٰشِ؞ ڧُنْغِيُواْيِنْ مُتَنٜىٰنْ مُواْوَبْ كُوَ سُكَنْ كَٰوُاْ هَرِ عَڧَسَرْ إِسْرَٰٓءِيلَ كُواْوَثٜىٰ شٜىٰكَرَا؞ 21 أَنَانً وَتَرَانَ سَعَدَّ عَكٜىٰ ڧُواْڧَرِنْ بِنّٜىٰ وَنِ مُتُمْ، سَيْ عَكَ غَ وَتَ ڧُنْغِيَرْ مَاسُ كَٰوُاْ هَرِ ذُوَا، نَنْ دَنَنْ سُكَجٜىٰڢَ مُتُمِنْ ثِكِنْ كَبَرِنْ أَلْيَسَعَ؞ عَمَّا دَظَرَرْ مُتُمِنْ يَتَٻَ ڧَسُسُوَنْ أَلْيَسَعَ، سَيْ يَتَاشِ ڟَيٜىٰ دَ ڧَڢَاڢُنْسَ؞ يَاڧِ ڟَكَانِنْ إِسْرَٰٓءِيلَ دَ سُورِيَ 22 سَرْكِے هَظَيٜىٰلْ نَ سُورِيَ يَدَنّٜىٰ إِسْرَٰٓءِيلَ دُكَنْ ݣُونَكِنْ مُلْكٍ سَرْكِے يٜىٰهُواْوَهَظْ؞ 23 عَمَّا يَهْوٜىٰهْ يَا نُونَ أَلْحٜىٰرِنْسَ دَ جِنْڧَنْسَ عَكَنْ مُتَنٜىٰنْ إِسْرَٰٓءِيلَ؞ يَجِ تَوْسَيِنْسُ سَبُواْدَ يَرْجٜىٰجٜىٰنِيَرْسَ دَ إِبْرَٰهِيمْ دَ إِسْحَٰڧَ دَ يَعْڧُوبَ؞ حَرْ ذُوَا يَوْ بَيْ بَرِ عَكَشٜىٰسُ دُكَ كُواْ عَكَوَرْ دَسُو دَغَ غَبَنْسَبَ؞ 24 بَايَنْدَ سَرْكِے هَظَيٜىٰلْ نَ سُورِيَ يَمُتُ سَيْ طَنْسَ بٜىٰنْهَدَدْ يَغَاجٜىٰشِ يَذَمَ سَرْكِے؞ 25 سَرْكِے يٜىٰهُواْوَشْ نَ إِسْرَٰٓءِيلَ يَثِ نَصَرَا عَكَنْ بٜىٰنْهَدَدْ طَنْ هَظَيٜىٰلْ حَرْ سَوْ عُكُ؞ يَسَاكٜىٰ ڨُوثٜىٰ دُكَنْ بِرَنٜىٰ وَطَنْدَ دَا بٜىٰنْهَدَدْ يَڨُوثٜىٰ دَغَ حَنُّنْ يٜىٰهُواْوَهَظْ بَابَنْ يٜىٰهُواْوَشْ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria