2 سَرَاكُنَ 10 - أَتَّوْرَتْ دَ أَنَّبَاوَا

أَنْ كَشٜىٰ مُتَنٜىٰنْ غِدَنْ أَهَبْ

¹ أَهَبْ يَنَدَ یَیَ مَظَا سَبَعِنْ وَطَنْدَ سُكٜىٰ ذَمَ أَ سَمَرِيَ؞ سَيْ يٜىٰهُو يَرُبُوتَ وَسِيڧَ يَعَيْكَ وَ دُكَنْ شُوغَبَنِّنْ بِرْنِنْ يٜىٰظِرٜىٰيٜىٰلْ دَ شُوغَبَنِّنْ كُواْوَثٜىٰ ذُرِيَ دَ كُمَ مَاسُ لُورَ دَ یَیَ مَظَا نَ أَهَبْ؞ يَثٜىٰ مُسُ،

² ‏«‏یَیَ مَظَا نَ مَيْغِدَنْكُ سُنَ أَ حَنُّنْكُ، كُنَ كُمَ دَ دَوَكِ دَ كٜىٰكُنَنْ دُواْكِنْ يَاڧِ دَ بِرْنِ مَيْ كَتَنْ‌غَ تَرٜىٰدَ كَايَنْ يَاڧِ؞ تُنْدَ حَكَ يَكٜىٰ، تُواْ دَظَرَرْ كُنْ كَرْٻِ وَنَّنْ وَسِيڧَ،

³ سَيْ كُذَاٻِ طَا مَڢِے ثَنْثَنْتَ دَغَ یَیَنْ سَرْكِے، كُنَطَشِ سَرْكِے أَمَدَدِنْ بَابَنْسَ؞ سَعَنً كُڢِتَ كُيِ يَاڧِ نَڟَرٜىٰ غِدَنْ سَرْكِنْكُ؞»‏

⁴ عَمَّا سَيْ ڟُواْرُواْ مَيْ يَوَ يَكَامَسُ، سُكَثٜىٰ ‏«‏عِدَنْ حَرْ سَرَاكُنَ بِيُ بَسُ عِيَ ڢُسْكَنْتَرْ يٜىٰهُو بَ، تُواْ، يَيَ ذَامُ عِيَ دَشِ؟»‏

⁵ سَبُواْدَ حَكَ سَيْ شُوغَبَنْ غِدَنْ سَرْكِے دَ ڠُومْنَنْ بِرْنِنْ دَ دَتَّاوَا دَ مَاسُ لُورَ دَ یَیَنْ سَرْكِے سُكَ تَارُ سُكَ عَيْكَ وَ يٜىٰهُو ثٜىٰوَ ‏«‏مُو بَايِنْكَ نٜىٰ؞ ذَامُ كُمَيِ دُكَنْ أَبِنْدَ كَثٜىٰ مُيِ؞ بَذَامُ نَطَ وَنِ سَرْكِے بَ؞ كَيِ دُكَنْ أَبِنْدَ يَيِ مَكَ دَيْدَيْ؞»‏

⁶ سَيْ يٜىٰهُو يَرُبُوتَ مُسُ وَسِيڧَ تَبِيُ يَثٜىٰ، ‏«‏عِدَنْ كُنَ غُواْيُوانْ بَايَنَ، كُنَ شِرِ كُيِ مِنِ بِيَيَّ، سَيْ كُثِثِّرٜىٰ كَوُنَنْ دُكَنْ یَیَنْ مَيْغِدَنْكُ، كُكَٰوُاْ مِنِسُ أَ يٜىٰظِرٜىٰيٜىٰلْ وَرْهَكَ غُواْبٜىٰ؞»‏ یَیَ مَذَنْ سَرْكِے غُدَا سَبَعِنْ كُوَ سُنَ أَ حَنُّنْ مَنْيَنْ مُتَنٜىٰنْ بِرْنِنْ أَنَ رٜىٰنُوانْسُ؞

⁷ سَعَدَّ وَسِيڧَرْ تَذُواْ حَنُّنْسُ، سَيْ سُكَ كَكَّامَ یَیَ مَذَنْ سَرْكِے غُدَا سَبَعِنْ سُكَ كَكَّشٜىٰ، سُكَ ثِثِّرٜىٰ كَوُنَنْسُ سُكَسَا عَݣُونْدُواْ سُكَ عَيْكَ وَ يٜىٰهُو أَ يٜىٰظِرٜىٰيٜىٰلْ؞

⁸ دَ طَنْ عَيْكَ يَذُواْ يَڢَطَا وَ يٜىٰهُو ثٜىٰوَ أَنْكَٰوُاْ كَوُنَنْ یَیَنْ سَرْكِے، سَيْيَثٜىٰ ‏«‏كُ أَجِيٜىٰسُ كَشِ بِيُ أَغَبَنْ ڧُواْڢَرْ بِرْنِ، عَبَرْسُ سَيْ غُواْبٜىٰ دَ سَڢٜىٰ؞»‏

⁹ وَشٜىٰغَرِ دَ سَڢٜىٰ سَيْ يَڢِتَ ذُوَا عِنْدَ جَمَعَ سُكَ تَارُ سُنَ كَلُّوانْ كَوُنَنْ، يَثٜىٰ مُسُ ‏«‏نِنٜىٰ نَايِ ڧُلّٜىٰ ڧُلّٜىٰ نَا كَشٜىٰ سَرْكِے، بَلَيْڢِنْكُ بَنٜىٰ؞ عَمَّا وَنٜىٰنٜىٰ يَكَشٜىٰ دُكَنْ وَطَنَّنْ؟

¹⁰ كُسَنِ ڢَا ثٜىٰوَ كَلْمَرْ دَ يَهْوٜىٰهْ يَيِ غَمٜىٰدَ غِدَنْ أَهَبْ لَلَّيْ نٜىٰ ذَاتَ ثِكَ؞ غَمَا يَهْوٜىٰهْ يَا عَيْكَتَ أَبِنْدَ يَڢَطَا تَبَاكِنْ بَاوَنْسَ إِلْيَاسُ ثٜىٰوَ حَكَ ذَيْ ڢَرُ؞»‏

¹¹ سَعَنً يٜىٰهُو يَكَكَّشٜىٰ دُكَنْ مُتَنٜىٰنْ غِدَنْ أَهَبْ أَ يٜىٰظِرٜىٰيٜىٰلْ تَرٜىٰدَ دُكَنْ دَتَّاوَنْ أَهَبْ دَ أَبُواْكَنْ تَڢِيَرْسَ دَ ڢِرِسْتُواْثِے؞ تَهَكَ عَكَ بَرْ أَهَبْ بَابُ كُواْ مُتُمْ غُدَا؞

أَنْ كَشٜىٰ مُتَنٜىٰنْ غِدَنْ أَهَظِيَ

¹² يٜىٰهُو يَكَامَ حَنْيَ ذُوَا سَمَرِيَ؞ يَنَ عَكَنْ حَنْيَ يَكَيْ وُرِنْ دَ عَكٜىٰثٜىٰ دَشِ ‏«‏ذَنْ‌غُوانْ مَكِيَايَ»‏،

¹³ سَيْ يَهَطُ دَ وَطَنْسُ دَغَ غِدَنْ سَرْكِے أَهَظِيَ نَ يَهُودَ؞ سَيْ يَتَمْبَيٜىٰسُ يَثٜىٰ ‏«‏كُو سُوَنٜىٰنٜىٰ؟»‏ سُكَ أَمْسَ ‏«‏مُو نَغِدَنْ أَهَظِيَ نٜىٰ؞ ذَامُتَڢِے غَيْسُوَرْ یَیَنْ غِدَنْ سَرْكِے دَ یَیَ مَظَا نَ سَرَوْنِيَ يٜىٰظٜىٰبٜىٰلْ؞»‏

¹⁴ يٜىٰهُو يَثٜىٰ وَمُتَنٜىٰنْسَ ‏«‏كُكَامَسُ دَ رَيْ!‏»‏ سُكَ كَكَّامَ دُكَنْسُ أَرْبَعِنْ دَ حُطُ، سُكَ كَكَّشٜىٰسُ أَوَنِ رَامِ كُسَدَ ذَنْ‌غُوانْ مَكِيَايَ، بَابُ طَيَنْ دَ سُكَ بَرِ دَ رَيْ؞

أَنْ كَكَّشٜىٰ سَوْرَنْ مُتَنٜىٰنْ غِدَنْ أَهَبْ

¹⁵ دَ يٜىٰهُو يَتَاشِ دَغَ وُرِنْ، سَيْ يَغَمُ دَ يٜىٰهُواْنَدَبْ طَنْ رٜىٰكَبْ يَنَ ذُوَا؞ يٜىٰهُو يَغَيْشٜىٰشِ يَثٜىٰ مَسَ ‏«‏كُواْ كَطَوْكٜىٰنِ أَ ذُوثِيَارْكَ يَدَّ نَطَوْكٜىٰكَ أَ ذُوثِيَاتَ؟»‏ يٜىٰهُواْنَدَبْ يَأَمْسَ يَثٜىٰ ‏«‏ڨُورَيْ كُوَ!‏»‏ يٜىٰهُو يَثٜىٰ ‏«‏عِدَنْ حَكَنٜىٰ، تُواْ كَمِيڧَ مِنِ حَنُّنْكَ؞»‏ يَمِيڧَوَ يٜىٰهُو حَنُّنْسَ؞ سَيْ يٜىٰهُو يَجَا شِ يَهَوْ كٜىٰكٜىٰنْ دُواْكِنْ يَاڧِنْسَ؞

¹⁶ سَيْ يٜىٰهُو يَثٜىٰ مَسَ ‏«‏ذُواْ تَرٜىٰدَنِ، كَغَ إِرِنْ ڨُوظُوانْ دَ نَكٜىٰ دَشِ غَ يَهْوٜىٰهْ؞»‏ سَيْ يٜىٰهُواْنَدَبْ يَتَڢِے تَرٜىٰ دَشِ عَثِكِنْ كٜىٰكٜىٰنْ دُواْكِنْسَ؞

¹⁷ دَ يٜىٰهُو يَ إِسُواْ سَمَرِيَ، يَكَكَّشٜىٰ دُكَنْ وَنْدَ يَرَغُ دَغَ غِدَنْ أَهَبْ، بِسَغَ كَلْمَرْ دَ يَهْوٜىٰهْ يَيِ تَبَاكِنْ أَنَّبِے إِلْيَاسُ؞

أَنْ كَشٜىٰ مَاسُ بَوْتَرْ بَعَلْ

¹⁸ سَيْ يٜىٰهُو يَتَارَ مُتَنٜىٰنْ سَمَرِيَ يَثٜىٰ مُسُ ‏«‏أَهَبْ يَيِ وَ بَعَلْ بَوْتَا كَطَنْ نٜىٰ كَوَيْ، عَمَّا يٜىٰهُو ذَيْ يِوَ بَعَلْ بَوْتَا ڢِيٜىٰدَ حَكَ؞

¹⁹ كُكِرَا مِنِ دُكَنْ أَنَّبَاوَنْ بَعَلْ دَ دُكَنْ مَاسُ يِمَسَ سُجَّدَ تَرٜىٰدَ ڢِرِسْتُواْثِنْسَ؞ كَدَ عَبَرْ كُواْ مُتُمْ طَيَ، غَمَا إِنَدَ بَبَّرْ هَدَايَرْدَ نَكٜىٰسُواْ إِنْيِ وَ بَعَلْ؞ دُكَنْ وَنْدَ بَايَ نَنْ ذَاعَ كَشٜىٰشِ؞»‏ عَمَّا يٜىٰهُو يَيِ وَيُواْ نٜىٰ دُواْمِنْ يَهَلَّكَ مَاسُ سُجَّدَ غَ بَعَلْ؞

²⁰ يٜىٰهُو يَعُمَرْتَ يَثٜىٰ ‏«‏عَكٜىٰٻٜىٰ رَانَرْ مُهِمِّنْ تَارُواْ دُواْمِنْ يِنْ سُجَّدَ غَ بَعَلْ؞»‏ عَكَ كُوَ كٜىٰٻٜىٰ أَنْكُمَيِ شٜىٰلَرْ رَانَرْ؞

²¹ يٜىٰهُو يَعَيْكَ دَ سَڧُواْ ذُوَا كُواْعِنَ عَڧَسَرْ إِسْرَٰٓءِيلَ يَغَيَّثِ دُكَنْ مَاسُ سُجَّدَ غَ بَعَلْ سُذُواْ؞ دُكَنْسُ سُكَذُواْ، بَاوَنْدَ يَڢَسَ ذُوَا، حَرْ سُكَ ثِكَ غِدَنْ بَعَلْ مَڧِلْ؞

²² يَثٜىٰ وَمَيْ لُورَ دَ رِيغُنَنْ يِنْ سُجَّدَ يَبَا كُواْوَنّٜىٰ مَيْيِ وَ بَعَلْ سُجَّدَ يَسَا؞ مُتُمِنْ كُوَ يَبَاسُ رِيغُنَنْ سُكَسَا؞

²³ سَيْ يٜىٰهُو يَشِغَ ثِكِنْ غِدَنْ بَعَلْ تَرٜىٰدَ يٜىٰهُواْنَدَبْ طَنْ رٜىٰكَبْ؞ سَعَنً يَثٜىٰ وَمَاسُيِ وَ بَعَلْ سُجَّدَ ‏«‏كُدُوبَ سُواْسَيْ أَڟَكَانِنْكُ، كُتَبَّتَرْ بَابُوَنْدَ يَكٜىٰ سُجَّدَ غَ يَهْوٜىٰهْ أَڟَكِيَرْكُ، سَيْدَيْ كُو كَطَيْ؞»‏

²⁴ سُكَ شِغَ ثِكِ دُواْمِنْ سُمِيڧَ هَدَايَ تَڧُواْنَاوَا غَ بَعَلْ؞ يٜىٰهُو يَا رِغَا يَا سَا مُتَنٜىٰ تَمَٰنِنْ أَوَجٜىٰ سُكٜىٰوَيٜىٰ وُرِنْ، يَبَاسُ عُمَرْنِ ثٜىٰوَ ‏«‏دُكْ وَنْدَ يَبَرْ وَنِنْدَ نَسَا أَ حَنُّنْكُ يَغُدُ، عَبَاكِنْ رَنْسَ نٜىٰ!‏»‏

²⁵ دَظَرَرْ يَغَمَ مِيڧَ هَدَايَ، سَيْيَڢِتَ يَثٜىٰ وَمَاسُ غَادِ دَ مَنْيَنْ سُواْجُواْجِ ‏«‏كُشِغَ مَظَا كُكَكَّشٜىٰسُ دُكَ؞ كَدَ كُيَرْدَ وَنِ يَكُٻُثٜىٰ!‏»‏ سُكَ كَشٜىٰسُ دَ تَكُواْبِے سُكَجٜىٰڢَرْ دَ جِكُنَنْسُ وَجٜىٰ؞ سَعَنً سُكَ شِغَ ثِكِ ثِكِنْ غِدَنْ بَعَلْ،

²⁶ سُكَ ڢِتَرْدَ دُوڟٜىٰنْ سُجَّدَرْ بَعَلْ وَجٜىٰ سُكَسَا مَسَ وُتَا؞

²⁷ سُكَ ڢَرْڢَسَ دُوڟٜىٰنْ سُجَّدَرْ بَعَلْ دَ كُمَ غِدَنْسَ، سُكَ مَيْدَشِ وُرِنْ بَايَنْ غِدَا؞ حَكَكُمَ يَكٜىٰ هَرْوَيَوْ؞ ﴿شٜىٰكَرَا 841‏-814 كَاڢِنْ حَيْڢُوَرْ عِيسَىٰ﴾

مُلْكٍ سَرْكِے يٜىٰهُو نَ إِسْرَٰٓءِيلَ

﴿شٜىٰكَرَا 841‏-814 كَاڢِنْ حَيْڢُوَرْ عِيسَىٰ ﴾

²⁸ تَهَكَنٜىٰ يٜىٰهُو يَكَوَرْدَ سُجَّدَرْ بَعَلْ دَغَ إِسْرَٰٓءِيلَ؞

²⁹ عَمَّا يٜىٰهُو بَيْ جُويَا دَغَ ذُنُبَنْ يٜىٰرُواْبُواْوَمْ طَنْ نٜىٰبَتْ بَ، وَنْدَ يٜىٰرُواْبُواْوَمْ يَسَا إِسْرَٰٓءِيلَاوَا سُكَ عَيْكَتَ، وَتُواْ تَوُرِنْ كَڢَ صِڢُّواْڢِنْ یَنْ بِجِمَيْ نَظِينَارِيَ وَطَنْدَ يَكَڢَ طَيَ أَ بٜىٰتٜىٰلْ، طَيَ كُمَ أَ دَنْ؞

³⁰ سَيْ يَهْوٜىٰهْ يَثٜىٰ وَ يٜىٰهُو ‏«‏تُنْدَيَكٜىٰ كَا عَيْكَتَ أَبِنْدَ يَكٜىٰ مَيْݣَوْ غَ عِدَنُونَ، كَكُمَيِ وَغِدَنْ أَهَبْ دُكَنْ أَبِنْدَ يَكٜىٰ أَ ذُوثِيَاتَ، إِنَ يِمَكَ أَلْڧَوَرِ ثٜىٰوَ ذُرِيَرْكَ ذَاسُيِ مُلْكٍ إِسْرَٰٓءِيلَ حَرْ ڟَارَا تَهُطُ؞»‏

³¹ عَمَّا يٜىٰهُو بَيْ كِيَايٜىٰ كُواْيَرْوَرْ يَهْوٜىٰهْ اللَّهْ نَ إِسْرَٰٓءِيلَ دَ دُكَنْ ذُوثِيَارْسَبَ؞ بَيْ دَيْنَ ذُنُوبِنْ يٜىٰرُواْبُواْوَمْ وَنْدَ يَسَا إِسْرَٰٓءِيلَاوَا سُكَ عَيْكَتَ بَ؞

³² عَݣُونَكِنْنَنْ، يَهْوٜىٰهْ يَا ڢَارَ ضَغٜىٰ ڢَاطِنْ يَنْكِنْ ڧَسَرْ إِسْرَٰٓءِيلَ؞ سَرْكِے هَظَيٜىٰلْ نَ سُورِيَ يَڨُوثٜىٰ يَنْكُنَنْ إِسْرَٰٓءِيلَ دَ يَاڧِ،

³³ دَغَ كُواْغِنْ يُواْدَنْ وَجٜىٰنْ غَبَسْ، حَرْ ذُوَا غَرِنْ أَرُواْوٜىٰرْ عَݣُورِنْ كُواْغِنْ أَرْنُوانْ، وَتُواْ دُكَنْ يَنْكِنْ غِلٜىٰيَدْ دَ بَشَنْ، عِنْدَ مُتَنٜىٰنْ ذُرِيَرْ غَدْ دَ نَ رَعُبَيْنُ دَ نَ مَنَسّٜىٰ سُكٜىٰ دَ ذَمَ؞

³⁴ سَوْرَنْ أَيُّكَنْ يٜىٰهُو دَ دُكَنْ أَبِنْدَ يَيِ دَ دُكَنْ إِيكُوانْ مُلْكِنْسَ سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞

³⁵ يٜىٰهُو يَكُواْمَ غَ كَاكَنِّنْسَ، عَكَ بِنّٜىٰشِ أَ سَمَرِيَ؞ يٜىٰهُواْوَهَظْ طَنْسَ يَغَاجٜىٰشِ يَذَمَ سَرْكِے؞

³⁶ يٜىٰهُو يَيِ مُلْكٍ إِسْرَٰٓءِيلَ أَ سَمَرِيَ شٜىٰكَرَا عَشِرِنْ دَ تَݣُوسْ؞